Monday, February 17, 2014
 
اول ماعرفتها ماكان متوفر بالكويت ويطلبونه من النت وبنهاية السنه العام دريت انه بمركز السلطان ورحت خذيت لي واحد ..
 
 
 
فكرته :
 
هو من شاركة فازلين لكن بدون تدبق وثقل فرق عن الفازلين الاصلي هذا سبري وخفيف ..
 
متوفر 3 انواع :
 
  (الاصفر ) Total Moisture
  (الادعم \ البني) Cocoa Radiant
  (الاخضر ) Aloe Fresh
 
تجربتي  + رايي..
 
خذيت الاصفر وجربته كذا مره 3 او 4 ماحبيته مااحس اني متدهنه ! بشرتي ترد ناشفه عقب ساعه او ساعتين ! جني راشه عليها ماي مو مرطب او جني مو مستخدمه شي ..
 
باختصار مااحس يفيد للي بشرتهم جافه او بالشتا (يبيله البرد ترطيب اقوى لانه ينشف البشره )وهم ماينفع بالصيف عقب السبوح ع طول  ..
 
لو ماعطيته اميمتي الله يطول بعمرها جان استخدمته بس مو عقب السبوح مثل ماقلت فوق لا عقب يوم من السباحه لانه اكون مستخدمه بعد السباحه مرطب قوي يتم مفعوله يوم او 2 ولثبيت وزيادته استخدم سبريه فازلين..
 
واللي عجبني فيه ريحته  بس ..
 
سعره :
 
ب3 وشي ..
Sunday, February 16, 2014
قبل فتره يابته زميلتي بالدوام وزعته علينا ..
 
 
 
هني بالجار ^^^
 
وهني شكله بالايد ..
 
انا خذيت وحده كليتها ماشاءالله تذوب بالحلج وشكله نتفه يشوق جان اقولها عادي اخذ 2 ولو مو الفشله جان حطيت الجار بحظني خخخ ..
 
وهذا مو بس رايي يت زميله 2 واستلمت الجار ماشاءالله تقول مااقدر اوقف خخ  قلت لها كلنا جذي ...
 
وعلى فكره اهو ميكس اكثر من نكهه لا تقولون شنو لاني مو ذاكره ..
 
 
ولقيت اكاونتها بالانستغرام اسمها ميني اند نايس ..
 
@miniandnice بس الحين سوته برايفت ..
 
اللي مستغربه منه كاتبه بالبايو الجار ب6 والاثنين ب12 ؟
 
للطلب :
عن طريق الواتساب وقبل يومين :
90964512
Saturday, February 15, 2014
بما انه خلص عيد ميلادي اقدر اكتب عن الهدايا ع راحتي خخخ ..
 
في شغله احبها بالهدايا اذا بدز نقصه لاحد او صوغه او هدية عيد ميلاد او زواج غير انه تكون شغله يحبها الشخص انه تكون معده او مصنوعه خصيصا له ..
 
بس ماقط صارلي هالشي خخ الا بالكيك ..
 
المهم من الشغلات اللي هبيت فيه العام وتحمل هذه الميزه او الصفه ..
 
اهي كوكيزة نستله ..
 
جربته اكثر من مره ..
 
(1)
اول مره بشهر 5 العام هديه لرفيجتي عروس + فلوس  << وكان بفرع صليبخات ..
 
(2)
 
وماحطيتها بالانستغرام عشان ماحرق الفكره ع نفسي ولانه عجبتني وبسويها لعيد ميلاد رفيجتي << وهالمره مارحت كنا برمضان واتصلت عليهم وقلت لهم ابي نفس اللي حاطينها باكاونتك بالانستغرام 2 يوم اتصلوا ياكدون الطلب وصلوها لي بيتنا ..
 
(3)
المره ال3 اختي عجبتها الفكره فسوتها لعيد ميلادها وعيد ميلاد رفيجتها << وهذا فرع الافنيو ..
 
(4)
المره الرابعه هم اختي سوتها لرفيجتها بس هالمره يابولها ايها مو زود كلمتهم جان ايبون لها وحده اكبر واحلى ..

والكوكيز تكون شغله من مجموعة شغلات اقدمها كهديه و بالنسبه  لكوكيز اللي مكتوب عليها عيدكم مبارك مو طلبي صورتها بالكافيه دشوا اكاونتهم بتشوفون اشكال ورسومات واحجام مختلفه ..
 
نستله خدمتهم حلوه خصوصا اللي بالافنيو و كوكيزهم لذيذ ..
 
الاسعار :
 
الكوكيز اعتقد 8 وتوصيل للجهرا رخيص بنص جنه ولما وصلوه لدوامي كان بلاش ..
 
فروع نستله :
 
مارينا:25732046
ذا فلج:23909021
سما صليبخات:22219138
الافنيوز:22200669
 الليوان:65548380
منيوز:22250101
الفتوى:22941000 ext.19988 ا
لأشغال:25306000
 
الانستغرام : @nestlecafekw
 
 
 
تحديث :
هالبوست كان مجدول يعني مكتوب قبل عيد ميلادي قبل 11 - 2 ..

المهم بعيد ميلادي اختي سوت لي الكوكيز خخ ..

 
بعد عمري كنسلت موعد طبيب الاسنان وتعنت نستله وتمت ساعتين تنطره وعلها مافهم ولا في الوان عنده << فرع صليبخات ..

شكرا الجعده :*
Friday, February 14, 2014
 
انا هالتجربه اذكر كان عاجبني المطعم بس شنو تفاصيل التجربه ماذكر حتى ماصورت خليت رفيجتي تصور ...
 
طلبنا كان عباره عن نوعين بيغل ..
 
 
1- كلاسيك كلوب
دجاج،بيف بيكون،طماطم،خس تشايف كريم،بصل،مايونييز وبيغل السمسم ..
عدد السعرات الحراريه : 620 كلوري ..
سعرها :  
2.100 د.ك
 
2- بيف برغر
بيف برغر مع البصل ،جبنه الشيدر،خس ، الكاتشب ، على بيغل السمسم المحمص ..
عدد السعرات الحراريه : 700 كلوري ..
سعرها :  
2.400د.ك
 
المعلومات غاشتها من موقع طلبات بحط لكم اللينك باخر البوست ان شاءالله ..
 
واخترنا هالبطاط ..
مااعرف شسمها ..
 
رايي :
 
اللي اذكره البيغل ال2 زينين بس انا عجبني نوع ماذكر شنو ورفيجتي حبت النوع ال2 << كان شيرينغ ..
سالت رفيجتي تقول حبت الكلوب اكثر اذا جذي عيل انا عجبتني البرغر بس اهي تقول حبينا الكلوب اكثر المهم كانوا زينين ..<< دخت خخ هذي نتيجة تكود البوستات
 
والبطاطه عاديه ..
 
مكانه :
 
بغراند افنيو -فوق ..
 
رابط موقع طلبات  LINK
 
وناسه طلع يوصل بطلب بالدوام ان شاءالله ..
Thursday, February 13, 2014
هالتجربه هم معتقه خخ  صار لها تقريبا 6 اشهر اللي اذكره جربته باول 9 ..
 
كنت امر بفتره بالدوام اسمها للاستقرار  فحبيت ادلع عمري عساس انسى همومي الوظيفيه ..
 
فحجزت لعقب الدوام ع فكره اهو اخر سبا جربته واخترته بناء على مدح صديقتي الانستقراميه صوفي ..
 
 
وصلت ..
 
وهذي الصور عند السبا من داخل ..
 
وهذي لقطات من السبا ( الرسبشن- مكان البديكير والمنيكير والخ )
 
وفي مجموعه كبيره من اصباغ الاظافر مثل زويا و OPI .وشانيل .... الخ ..
 
وشغلهم مو بس اظافر لا عندهم واكس (شمع ) وعناية بالشعر اذا ماخاب ظني وعندهم خدم منازل بس مايون الربع الخالي قصدي الجهرا :\
 
المهم هذي الضيافه اخترت جاي اخضر ومعاه عطوني ككاو لذيذه ماشاءالله ذابت من حراراة الجاي عجبتني جان اقولهم ابي 2 يابتلي عقب تسالني تبين بعد قلت لا بتصير مصاخه بس يبي الصينيه بحظني خخخ اتغشمر اتغشمر ..
 
وهذي العده اللي استخدموها لي ( سنفره وماسك وهذا فاضي خخ مادري المهم وعده الخاص معقمه ومغلفه ومخدة الحاره احبها ع الجتوف ..
 
وعلى فكره ماخترت نوع الخدمه اهما شافوني واختارولي قالت لي ريولج اخترنا لها نسيت شسمه بس للنعومه لانها تحتاج اما ايدج فالعادي لانها ماتحتاج شي ..
 
ويابولي مبرد اللي يلمع الاظافر وكنت خايفه انا يخرب اظافري يضعفهم ويخليهم يتكسرون بسرعه بس اشوه ماخربهم  واللمعه تمت ماشاءالله فتره طويله يمكن اكثر من اسبوع ..
 
وهذي النتيجة ..
الاسعار :
 
الريول علاج الجفاف ب8 د.ك ..
 
والايد ب5 د.ك ..
 
رايي :
 
الستاف : عجييييييييييييييييييييييييييييييييييييييييييييييييييييييب ماشاءالله اول مره اروح سبا استانس واضحك جذي وايد داروني وحافوني حوف وونسوني ..
 
ع سبيل المثال موقف الككاو الللي قلته فوق ..
 
ريولي مثل ماتعرفون فيها مسمار لحم اخاف لما يجسونه واتم متشنجه اللي كانت تسويلي اظافر ايدي تحاول تلهيني تسولف معاي وتدلكني ..
 
ضحكتني تقولي اظافرج حلوه ماراح اقصه بس هالمره المره اليايه لا قلت اقصهم واييج تسوي روحها تبجي << امبيه تينن ماشاءالله ..
 
واللي تسوي ريولي مدحت براتمي خخخ ..
 
ولما بطلع يقولوني حبيناج كل تعالي لنا << والله انا الللي حبيتكم ..
 
وحسبولي رسمة الظفر ببلاش لانه بس ظفر ..
 
النتيجة : وايد حلوه وخصوصا الريل ماشاءالله نعومه ..
 
الاسعار :هم وايد زينه (ارخص سبا جربته وحبيته )
 
عنوانه :
 
مدينة الكويت - مجمع الغوالي جبال مجمع الراية ..
 
ت : 22441585
 
الانستغرام : @lilyandd
 
T
Wednesday, February 12, 2014
من زمان مانزلت بوست جهراوي ..
 
هالمحل بطل بالجهرا من جم شهر ..
 
 واهو محل مخصص بالككاو ..
 
شكله من داخل ..
 
من المنتجات اللي يوفرها علب ككاو وصواني ككاو تنفع كهدايا ..
وخاصة الصورتين ع اليسار حبيته وديته لرفيجتين نقصه ..
 
ومن المنتجات ال2 شغلات تنباع بالكيلو او الحبه ..
 
مثل الماكرون واعتقد الحبه ب350 فلس << مو متاكده ..
 
روكي رود ينباع بالكيلو ..
ربع كيلو بدينارين ..
نص كيلو ب4 د.ك ..
كيلو ب8 ..
 
جربته اكثر من مره وكان زين مو وااو بس ماكو بديل :\
 
 
كرات الكريسبي او الكرون فليكس مادري شسمه اتقد نفس سعر روكي رود وطعمه عادي ذكروني اذا ماخانت ذاكرتي من زمان مجربته بحلو كرات المارس ..
 
وقطع الفراوله المغموسه بالككاو وجنه الوحده بربع مو ذاكره وكان طعمه عادي وبارد لانه بالثلاجه :\
 
عنوان المحل :
 
الجهرا مجمع اوتاد فوق ..
ت : 24566646
 
ويقال انه له فرع اخر بالفنطاس ..
 
 
Tuesday, February 11, 2014
 
نسيت هالبوست في بداية السنه ولها المناسبه دزولي هالنقصه ..
 
بس عادي اليوم هم يصادف بداية سنه يديده بعمري :)
 
 
النقصه عباره عن ستاند متروس كيك بوب ب3 نكهات ككاو و رد فلفت و فانيليا وعلى اشكال خاصه بداية السنه الشيره ورجل الثلج وسانتا كلوز (بابا نويل ) ..
 
وايد حبيت النقصه  اكرمكم الله وكل عام وانتوا بخير ..
 
والاهم اميمتي حبته وتمت تاكل منه جم يوم عليها بالعافيه ..
 
t
 
 
 
الانستغرام :  @Bakerista
 
 
 
Whatsapp
65155099
 
 
 
Monday, February 10, 2014
رفيجتي يابت لي هالكحل نقصه عقب ماسالتها عنه << قمت ماسال عن شي فشله خخ ..
 
عاد الهديه مثل الدين ولازم تنرد واشوه رديتها لها :)
 
 
 
هالكحل يصير صدفي اعتقد جذي يسمون لونه مو مات لا احبه لداخل العين بدال الابيض المات او البيج احس يحلي العين ..
 
واللي احبه اكثر منه من ايزدورا قلت لكم عنه هني postheadericon IsaDora Twist-up Metallic Eye Pen  << طبي وزين للي مايحبون مكياج الهنود ..
 
الاسعار :
 
قولدن ليدي ب1 بدينار ..
 
اما ايزدورا بحدود السته د.ك ..
 

Sunday, February 9, 2014
laura cake
 
شفت كيكة ام غزغز بالانستغرام وعجبتني دشيت اكاونت التاجره وعجبني شغلها ..
 
فطلبت لعيد ميلاد رفيجتي عشان نحتفل فيها بالدوام ..
 
اهي تحب الورد وتحب حرفها فالكيكه يت رايت ع اللي ابي << الحمدالله ..
 
 

اهي مجموعة كب كيك وتكون ب3 نكهات رد فلفت وككاو وفانيليا  ومزينه بالورد الطبيعي ..
 
 

سعرهم :

جنه مع توصيل طلع لي 22 دك مو متاكده بس هالمحاري ..

رايي :

حبيت دقتهم بالمواعيد ماشاءالله كنت ابي ساعه 9 وصل بالوقت ..

الشغل مرتب ونظيف ..

الطعم جربت الرد فلفت كانت عاديه بس البنات مدحو وفي ناس سالت عنه بعد ..
 
ماقصرتوا ع الخدمة الممتازه والشغل المرتب ماشاءالله موفقين يارب ..

وعليها بالف عافيه صديقتي وتستاهل اكثر بعد عمري لولو :*

 
اكاونتها بالانستغرا م :
  • @lauracake_q8‏


  •  

  •  
  • T: 99051381

  •  wts up: 90041616

  • نستقبل الطلبات من 10ص حتى 10م


  • Saturday, February 8, 2014
     
    رفيجتي يابت لي نقصه من لندن ومن الشغلات اللي فيها هالماسكرا ..
     
    ع كثر ماقريت مدح  لها ماشريت ويت لي هديه اتوقع اهي نفس اللي بالكويت لانه اللي اعرفه مايبيلين كل مجموعة دول لها اصدار معين من المنتجات لاحظت هالشي بماليزيا وتايلند يعني شرق اسيا كريماتهم وحمرهم غير عنا ..
     
    المهم
     
     
     
    مادري جم سعرها بس مااعتقد اكثر من 5 د.ك ..
     
    باختصار ماحبيتها تلزق لرموش وتكتل :(
     
    ومشكوره صقيقتي ماقصرتي ع صوغة :*

     
    قبل هم جم اسبوع جربناه كنا رايحين كبيكو ..
     
    كالعاده لانه مكان يديد ..
     
     
     
    طلبنا كان طبقين ..
     
    رفيجتي الصمونه ..
     
    وانا البيضه اسم طبقي ..
     
    ام . تي ساينت بوتشيد << اسمه غلج :\
     
    المهم مكتوب بالمنيو انهىتغمر البيضتان اللذيذتان تحت طبقات من شرائح لحم البقر المحمر (روست بيف) وقطع الخبز المحمص وفوقها صلصة ليلى خاصه . << حسيت اقرا ترجمة قوقل ههه بس هذا منقول نصا من منيوهم ..
     
    رايي :
     
    طبقي غريب علي في حموضه ككل زين مو وااو وكان ناقصه خبز ..
     
    وهالمطعم من المطاعم اللي الخبز فيها بفلوس << شنو هالحركة موجوده من زمان !! انا توني الاحظها ..
     
    الخدمة وايد زينه ماشاءالله..
     
    وحبيت طريقة تقديم الجاي يابت لنا صندوق فيه انواع الجاي وخلتنا نختار النوع اللي نبيه ( موجوده صورته فوق ) والجاي يكون بغوري مو كوب ..
     
    مكانه :
     
    كويت سيتي - برج كبيكو - تحت ..
     
     الانستغرام : @mrswhitesplace

    ت : 22244088

    وموجودين بطلبات بعد ..

    ومواعيد العمل :

    من ساعه 7 ص لي 4 العصر ..

     
    Friday, February 7, 2014
     
    هذي التجربه تعتبر فريش ..
     
    الاسبوع اللي فات جربت المطعم الشرق اسبوي اعتقد ياباني اليديد لانه هالفتره حابه اكلهم وحابه الفلافل خخ شكو المهم ..
     
    طلبنا كان ..
     
     
    روبيان فكرته مثل ديناميت شرمب ..
     
    سلطة كرسبي جكن او كرنشي شي جذي اسمه اهي من البست سلر عندهم ..
     
    وبرغر ..
     
    وعصير ليمون << لرفيجتي ..
     
    وانا ماي .,,
     
    وهذي الفاتوره فيها الاسعار :
     
    بس مادري ليش مو واضحه اتوقع لي ضغطتوا عليها تعدل لا:\
     
     
    رايي :
     
    الخدمه :من اول مادشينا ومجابلينا  اللي توصل واللي تشرح وعقب تحيتهم الصراخ عطونا الفوطه حاره بس في وايد شغلات ناقصه ماحطوا لنا كلينكس ع طاوله :\ ماعندهم كاتشب ..
     
    اما الاكل : ككل زين ..
     
    مكانه :
     
    بغراند افنيو ..
    Thursday, February 6, 2014
    قبل جم اسبوع جربناه لانه يديد فقط ..
     
    احب اجرب ..
     
     
    ديكوره يشوق جنه كافيه باوروبا << انطباعي حسب اللي شفته بالصور ماقط رحت لاوربا..
     
    طبقي اللي بالصوره تحت ع اليمين ..
     
     
    عباره عن 3 طبقات الاولى توست وال2 تيركي وال3 بيض بالجبن جنه << ترا اهو صمونه بس شكله لا خخ  ، ومعاه بطاط ع جنب ..
     
    وحجمها كبير ماشاءالله وطعمها لذيذ حبيتها قلت بقلدهم بسوي مثلها بالبيت ان شاءالله ..
     
    وبالنسبه البنات اذكر اللي طبقها فوق علقت انه متروس دهن وصج يبين وايد فيه دهن ..
     
    بالنسبه للاسعار :
     
    ماصورت الفاتوره بس التوتل 14 وشي (ل3 اطباق + ماي كبير )..
    وجنه طبقي ب4 د ك مو ذاكره  والله ..
     
    واللي ماحبيته الخبز بفلوس جريب 3 دك بس اشوه مايحتاج طبقي خبز ..
     
    مكانه :
     
    بغراند افنيو يم ستاربكس ..
    Wednesday, February 5, 2014
     
    بشهر 12 العام شريت هالصبغ ..
     
     
    فكرته باختصار :
     
    صبغ عادي ممزوج بحيبات لماعه ( قلتر) بمختلف الاحجام ..
     
    سعره :
    تقريبا دينار ..
     
    وخذيته من الهمود بالتوسعه بخيمة مول بالجهرا ..
     
    رايي :
     
    اهو مو ستايلي بس خذيته لانه بجرب شي يديد ولانه ذكرني  بصبغ  illamasqua
     
     
    بس طبعا فرق السعر بس الفكره وحده وتقريبا متوفر بنفس الوان انا حصلت 3 بس بالنت في الوان اكثر من فلورمار ..
     
    ويحتاج طبقتين اذا ماخب ظني و ولما وخرته يتعب لانه فيه قلتر ..
     

    About Me

    My Photo
    رورو الشخبوطه
    الكويت, قسم الاعلام:), Kuwait
    بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
    View my complete profile

    ايميل المدونة :)

    دايركت انستغرام 😁

    Followers

    Blog Archive

    انستغرام المدونة (roroalk)

    follow me

    My Blog List

    Ads