Saturday, April 30, 2011

وايد احب التركواز كصبغ اظافر او اكسسوار وباي شي حلو..

مساعه سويت سيرج بالنت وذكرت خاتم YSL انه تركواز فقلت اكيد مقلدينه..

وصح لقيت ببلوق http://vanjastace.com/


في فرق ..

بس انا احب سوالف التقليد مو اللي ملوت هنود لا سوالف زار و h&m والخ محلات هالطقة ..

منقول من (here)
Friday, April 29, 2011
واخيرا جربته شفته ببلوق دودو قبل جم شهر ..

وقبل جم يوم شريته ..


متوفر بحجمين ..
-لتر..
-500 مل ..

مااعرف اسعارهم شكثر بالجمعيه بس بتوصيل لاول الكبير بدينارين و الصغير بدينار..

رايي :
انا مااحب البرد بس هالنوع حبيته سواء من كي دي دي ولا باسكن ..

باختصار يمي يمي :)

مصدر الصوره سايت توصيل ..
كنت احب المولتن الحين صرت مدمنته اشتري كمية واجابلها جم يوم ..

ووااايد مدحوا لي هذا فقلت بجربه اتصلت رفيجتي عليهم علبو توصيل بلدوام بس ماضبط ..

فمريته مع ميمتي عقب لاني ماادل مكانه مابقى حد ماسالته عنه :\


لون العلبه يشوق :)

اخترت نص درزن ..

(رد فلفت -كندر-نوتيلا -مالتيزر-سنيكرز- العاديه )
الاسعار :

الحبه = دينار
نص درزن (6 حبات)=5 د.ك
الدرون (12 حبة) = 10 د.ك

وفي رسوم توصيل على حسب المنطقة تبلش جنه بدينار ..

رايي:

حبيت انه في انواع وايد , وانه عندهم محل , وانه عادي نطلب بالحبه مو لازم درزن ..

عنوانه:

جمعية النزهة - عند باب الخروج ..
ت :67667721

Thursday, April 28, 2011

قبل جم يوم شفت اعلان خصوماتهم ..

واتصلت استفسر عنه قالوا لي موجود بفرع السالميه ..


وامس رحت له مع رفيجتي..

انصدمنا انه طاوله وحده بس  وشغلات بسيطه فرش وجم صبغ اظافر وجم شور جل ومنتجات 2 :\

جزئين منها ..

ولما كنا نحاسب قلت لهم توقعت انه التنزيلات بتكون على كراسي واغراض الصالون قالت اي موجودين بالسرداب نزلنا نشوفهم يشووووووووووقون ..

بس لما سالنا قالوا الخصم للصالونات او مبلغ 1000 وفوق :(
Wednesday, April 27, 2011
 اليوم رفيجتي ودتني هالمحل ..


اهو محل من دورين ..

في اغلب الشغلات بس مجموعات محدده ومقاسات شويه ..

مثل الجواتي تكرمون متوفره اغلبها مقاس 1 بس ..

وشغلهم كل ستوكات ..


حبيت جيسهم ..

وماشريت الا شغله 1 هذي اهي..

بس خذيت 2 منهاا وحده لي وال2 لاخيتي طبعا..

واهي عباره عن 3 فوط جنهم جيس ينفعون للمنيكير اذا بحط على ايدي ماسك الفها بنايلون والبس فوقها هالفوطة مثل السبا :) وهم ينفع للتفرك مع السنفره وفي قطعه صغيره لسنفرة الويه وتنظيفه ..


عنوانه :

بالسالميه جبال مجمع الثريا..

وموجود بعد بالامارات - البحرين- اليمن- لبنان..

سايته (هني)
Smile you just paid less



Tuesday, April 26, 2011
قبل فتره تقريبا اشهر نزل لانفان كولكشن لـ H&M

وانا احوس بسايت صيني لقيت جم قطعه من الكولكشن مقلدينها ..

(1)


التقليد ..

زوووم ..
 وانصدمت انه مخلص :\

(2)

تيشيرت ..

واهي احلى شي بالمجموعة ..

لانفان ..
 التقليد ..

زوووم
طبعا في فرق خاصة الطول ..

المصدر..(هني)

ياحليلهم الصينين تخصصهم تقليد :\
 اليوم عيد ميلاد رفيجتي..

احتفلنا فيها تونا بشي بسيط ..


كل عام وانتي بخير يارب..

والعمر كله :*
Monday, April 25, 2011
امس رحت مع رفيجتي هالمحل ..
واهو متخصص بالبسبوسه ..


حزتها شحن  كامرتي مخلص فخليتها تصور بدالي وماقصرت :)

المحل عنونو جم لقطة منه ..


وذقت نوعين  من الميني بسبوسة:

اللي بالكاكاو..

بالزعفران << رفيجتي تحبها ..

وطلبنا منه درزن ونص ..

ونص درزن مولتن ..


ماثبت على الاسعار بس التوتل 10 د.ك ..

رايي:

البسبوسه : خفيفه ومو حاليه ..

المولتن : الحلو فيه انه الكاكاو اكثر من الكيك وغريب من ناحية العينه (العجينه) جنها المخصصة للبسبوسة مو المولتن المعتاد..

عنوانهم :

الشعب البحري - ق8 -ش ابن الخطيب -بناية العزيزية ..

ت :55881180

FB:LINK

السايت (هني)



من زمان قريت عنها بالنت ودشت خاطري ابي اجربها ..

دورتها مالقيتها بس عقب مدمد يابت لي اياه مو وحده 2 ..

هالبنت كل تحرجني بكرمها ..



المهم اللي قريته انه تفتح باسبوع ..

بس اللي شفته بعد استعمال اكثر من اسبوع انه تصفيه بسيطه وتنور << استخدمتها لايدي يعني مو ذاك التفتيح خو انا ابيها توخر جلاحة الشمس مو تغير لوني الصجي ..
واهم شي ماتجفف لايد مثل صابونه استخدمته قبلها ايدي قبت حساسيه منها :(

وفي منها لوشن اذا لقيت بجربه مع الصابونه ال2 ان شاءالله ..

حصلتها مدمد بسرداب الشايع - المباركيه ..

شكرا مدمد :*

Sunday, April 24, 2011
قبل فتره جايونه نزلت بوست عنه ..

وحبيت فكرة اني اسوي السلطة على كيفي لاني وااااااااااااااااااايد عسره بالاكل ماكل بصل ولا خضره بقدونس وجرجير وبروكلي وخواتهم ولابديان ولا ثوم ولازهره  والخ الخ !!

اللي اكله ويستخدم بالسلطة خيار وطماط وخس وبطاط وذرة وجزر جنه بس !

وحلاته منيوهم طويل طولي خخخ..

طلبت فتوش والصلصات بروحه ..

:(

سيزر اختيار رفيجتي ..



اسعاره :

فتوشي 1.750 د.ك (بس اسمه سو طلبك خخ خوش ترجمه)
سيزر1.950 د.ك


رايي :

ماعجبني فتوشي ناقصه دبس رمان احس وسماق يعني اللي بيطلب لازم يعطيها لمقادير مضبوطة !! وعيبها مقطع بحجم كبير وايد ..
ماكليت الا شويه ورزيت ويهي عند رفيجتي خخ سيزرها لذيذه حبيتها والدياي حلو ويتقطع بسرعه ..
على فكرة طلبها جاهز مو مثلي ..
ورفيجتي ال3 طلبت سلطة الجرجير جان تقول الحجيه شتبون فيها عطينها المقادير وضبطت اشوه ..
بس حبيته اكله نظيف وتقديمه للاكل حلو وناوين نجربه مره 2 يمكن باجر من كثر ماحبيناه :) والاكل راهي وسعره مناسب ..


عنوانه :

بنيد القار -خط فحيحيل ..

55335304

55339304

55338304

FB :LINK

وموجود بموقع طلبات (هني)
Saturday, April 23, 2011
قبل جم يوم شفت اعلانهم بجريدة الوطن ..


واليوم اتصلت طلبته ..

واخترت نوعين (بالتوفي - شوكولا)
طلع حجمه عنونو(صغير)يالله على هبة المني خخ بس طوالي  ..

والتوفي ماكان مسكر عدل فنكت :(

رايي:

اكثر شي حبيت فيه غرشته :)

مادري مو ذاك الزود التوفي الذ والطبقه اللي تحت ماحبيتها واللي فوق ماشفتها سايحه مع اللي بالنص لانه وصلتني حاره :(

ووايد حالي ايب الحارج ..


Friday, April 22, 2011
من زمان سامعه عنه واليوم وانا ااحوس بامازون لقيته ..

وفي منه اكثر من ماركة بس هذا اوضح واحد لقيته ..

اسمه :

Black Light Reactive Neon Nail Polish
اهو صبغ يشب بالظلمه ..




متوفر ب3 الوان ..

برتقالي ..


اخضر ..

ومسك الختام الوردي ..
يونس لحركات العبط و وبالحزه اللي يتسطلون ويطفون فيها الكهربا وللدقات وتخريع اليهال خخخ..

مثل ماقلت موجود بامازون (هني)

تهقون متوفر بالكويت ؟

وفي منه مكياج بس للحفلات التكريه وللبنات المهبل خخخ..
صار لي يومين مو قادره ادش الفيس بوك :(

لا بلاب توبي ولا بتلفوني اهي اهي..

مادري شفيه فجاءه تنح اسجل دخول مايقبلني ومساعه حاولت طلعت لي هالصفحه !!

اضغط على الصوره تبين اوضح ..

شسوي :(


Thursday, April 21, 2011
بعيد ميلادي كوكتيل يبتلي هالهديه ..


اهي فيشل بس لاني مجربته  (هني وهني)وكانت عاجبتني النتيجة بس اختي حبطتني انه مافرقت عليها :\ وهم جربت مكان 2 شفت نتيجة احسن ولانه بعد مااحب اكرر تجاربي فقلت بغير من فيشل لي سنفرة للجسم ..

كلمتهم ورضوا اشوه ..

بيني وبينكم كنت متعقده من اللي شفته خخ من بعض الاماكن قلت عسى مايسون لي مساج فناقر ..


رحت له اليوم ..

وكان في نوعين سنفره اخترت :

سنفرة ملح الزنجبيل واللايم للنضارة والاشراق  ..

مدتها ساعه ..

اول شي سنفرت قاعة ريلي وعقب انسدحت وغطتني وماتكشف ال الجزء اللي بتفركه اول شي تفركة بليفه جنها مشط وعقب بالسنفره ولما خلصت من جسمي سوت لي مثل الميني فيشل لويهي وعقب غسلت جسمي وطلعت  دهنتني بلوشن ولما خلصت عطوني جاي وتفاح اخضر وكمادات حاره على جتفي وظهري..

وهي المفروض كل 3 اسابيع تكررينها..

رايي:

احب معاملتهم واللي سوت لي وايد حليوه , وشغلهم زين بس احس هالجلسه ناقصها بخار  ..

واحب مكانهم كجو + انه بالافينيو :)

شكرا كوكتيل :*
Wednesday, April 20, 2011
قبل فتره رحت سيفورا ابي كريم اساسا وبودرة و بيس ..

خذيتهم مع حمايه وفرشة و حمره وقلوس ومحدد و ماسك وزبدة كاكاو ... الخ :\

ومن حصيلتي كان هالصبغ ..

شكله على الاظافر :
سعره :

بالكويت 3 بالنت ب5 دولار بالكويتي =1.380 :\ يعني يبعون دبل السعر :s

رايي :

بالنسبه لي اهو احلى صبغ اظافر سلفر جربته , بس عيبه حجمه نتفه جنه عينه :\ وان شاءالله احصل صبغ ذهبي سنع جربت اللي بسيفورا ماعجبني خفيف :\
صارلي جم يوم ابي مولتن جربت 4 اماكن واخيرا اليوم ضبط ..

استغربت انه لي الحين مابطلوا محلهم :\

بس الطلب وصل بسرعه وحار :)


هللقطة الخنفشاريه توني اشوفها :\

مالتي :)
اهو عباره عن درزن ..

سعره:

 ب 10 ..

والتوصيل ببلاش :)

رايي ..

زين خاطري اجربه من زمان ورفيجاتي حبوه , وحبيت انه حار بس اهو ثقيل وحده كافي ..

رقمهم ..

99906890

FB : Link


Tuesday, April 19, 2011
اليوم يالي برودكاست عن هالسمعات الوانهم تشوق ..

واحب الشغلات العبيطة خخخ..


بس شكلها للبولد :(

عموما ..

سعرها :

ب3 ..

وللطلب ..
66108710

Monday, April 18, 2011
قبل فتره طويله شريت مجموعة من منتجات كلينك واستخدمتهم على فترات متقطعه ..

بس اول فتره استمرت تقريبا شهر ..

من مجموعة Redness Solutions ..

خذيت ..

(1)

الغسول..





اسمه :Clinique Redness Solutions Soothing Cleanser

كان زين مو وااو وقوامة كريمي..

(2)

تونر - تونيك ..



اسمه :   Mild Clarifying Lotion

ماحبيته حار على البشره احس يحرق ويهي :\

(3)
 كريم الحماية ..


اسمه : Redness Solutions Daily Protective Base Spf 15

-نسبه حمايته شويه بس مش بطااله ..
-قوامة صعب ينفرد على البشره مع انه استخدمه عقب مرطب بس مو من المجموعة بعد شوي بكلمكم عنه ان شاءالله..
 -فيه لون اخضر لانه معروف الاخضر يغطي ويخفي البقع الحمره ولون الاحمر بالبشره , وكل مااحطه يقولون لي ويهج حلو :)

(4)

كريم الليل ..

اسمه :Clinique Redness Solutions Daily Relief Cream

عادي جدا موذاك الزود :\ وهم كنت استخدمه عقب المرطب ..

خطوات الاستخدام :

كانت (غسول-تونر-مرطب -لصبح كريم حماية \ بالليل كريم الليل)..

منتجات 2 ..

(1)

الكريم المرطب ..

مو متاكده من الصوره بس اذكر شكله كان جذي ..

اهو حلو مثل الجل كنت احطه واحس بانتعاش  بااااارد يونس , بس بسرعه تمتصه البشره لدرجة لما بحط حمايه يبيلي عضلات عشان اتدهن فيها لانه مثل ماقلت لكم عنها فوق قوامه الكريمي غثيث :\

اختي جربته معاي وحبته واهو اول شي خلصناه :)

وخذت منه مره 2 بس الظاهر مغيرينه او احنا مخربطين لانه مو مثل العلبه في وايد جنه المهم ما ناسبها :\..

(2)

كريم العين ..

اسمه :All About Eyes

ترطيبه حلو بس مااحس فرقت علي هالاتي :\

(3)

سنفره..


7day scrub cream

هذي ماشريتها عطوني اياها هدية ..

زوينه خفيفه بس لانه بشري حساسه مايصير استخدمها الا مره بالاسبوع ..

الاسعار ..

اذكر التوتل شي و70 تقريبا 76 ..

يعني اسعارها مناسبه ..

رايي ككل :
-اكثر شي حبيته بهالماركة الهدايا عطوني حمره وبلاشر وشدو وماسكرا حريت اختي جان يعطونها وحده بعد خخ وسنفره وفرشه وجنطة مكياج هذا اللي اذكره :)

وهم عطوني تنظيف بشره بس مارحت لهم عادي روح الحين عقب سنتين ولا يشوتوني :\ خخخ..(ميزه 1)

-عموما زينه المنتجات بس شويه عباله  لانه وايد خطوات بس اول شهر كنت اقعد مبجر عشان استخدمهم :)

- مدة صلاحيته طويلة سنتين كلهم ماعدا كريم العين جنه (ميزة 2)

اللي ضحكني كنت بشتري كريم للمسام شريت كل هذول لما قلت ابيه قالوا مخلص خخ ولي الحين ماشريته :\ جربتوه يسوى ؟؟

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads