Tuesday, September 14, 2010
السلام عليكم ..

اليوم بكلمك عن العياده اللي اروح لها من فتره اهي للجلديه وفي قسم للاسنان بس اللي رحت له الجلديه بس ..


جربت عندهم شغلتين :

1- الليزر 4 مرات << ويبيلي بعد لانه شعري خفيف بس مسويته زيادة الخير خيرين :\

2- تنظيف بشره ..

وكنت بسوي مساج بس اليوم اللي كنت حاجزته في عندي الساعه 3 بديكير ومنيكر واهو 5 والساعه 7 طبيب الاسنان ..

فكنسلته اهو لانه بالبديكير والمنيكير سولي مساج بس مافادني لانه كنت حدي متوتره احاتي طبيب الاسنان و ع ماخلصت ماكان في وقت اروح بعد ..
بالنسبه الاسعاره :
زينه الى معقوله في شغلات ارخص من اللي برا في شغلات لا ..

وبالنسبه لي عندي لهم خصم 20% من بطاقة بطاقتي فحللته خخخ ..

الستاف :

وايد حليوين يونسون ..

رايي :

الليزر امم مو وايد عاجبتني النتيجة وخاطري اجرب مكان 2 هالشهر بس مادري وين اروح مادحين لي بوشهري ..

اما تنظيف البشره بس اللي استفدت منه نعومه وترطيب لمدة تقريبا يومين , قارنته بسبا تايم فرق بينهم سبا جوه حلو تغير عن المعتاد ومريح فرق علي ويهي و مع جم شوته وكمشه خخ مساج ارتاح جسمي كله يعني باختصار دلع وريلاكس ..
وكاسعار سبا تايم كان 23 اما ال2 ب25 ماكو فرق بس مع بطاقتي صار تقريبا 20 لانه فيها خصم 20%..

22 comments:

Unique Girl said...

شكلها تونس العياده واسعاره مبين معقوله

اذا احد سألني بمدحلهم اياها

تسلميين ويعطيج ألف ألف ألف عافيه _^

أميرة عربية said...

المهم راحتج بوشهري زينه و عيسى بشور بالسالمية هم حلوة و صديقاتي اشوفهم الغالب يرحون مستشفى الراشد

M.A.M said...

7ag laser ana jarabt katha mukan..oo ete'6a7li ena 7ayat clinic a7san shay:)

Amwaj said...

عاد آنا حده يبيلي مساج لأني جسمي كله يعورني

يعطيج العافية :)

Made n Q8 said...

هذي العياده الي مره قلتيلي عنها ولا غير؟

وشلون الليزر عندهم ؟ودي اسوي بس انا بسوي بروحي ,عادري يصير؟

ويعطيج العافية

swera said...

ana mjarbatha, wayed 7leween o sho'3elhom 3adel! yabeelech tan6ereen ba3d 3 or 4 sessions 3la matbayen enetayej :)

Sweet Revenge said...

اسعر المساج حلوة وين فيه هالعيادة ؟

Anonymous said...

كير تو قين خوش عيادة

خاتون said...

عليج بالعافية
طفارتي المساج ما
أحب أحد يجيسني نوعي يتنرفز
بس عادي عنجي امسج هههه
بس أحس انج لاعبة بنفسج ترى الليزر مو سهل خطر اهم شي استشيري طبيب

موفقه *_^

Hanan said...

أسعارهم حلوة للمساج
وين مكانهم؟ وجم سعر الليزر ودي أسوي ليزر.
يعطيج العافية

رورو الشخبوطه said...

هلا يونيك..

المساج رخيص اما الباجي بين عادي الى معقول..

خخ مايصير تمدحينه بدون لاتجربينها ..

الله يسلمج ويعافيج يارب..

مشكوره..

رورو الشخبوطه said...

هلا اميره..

اي اهم شي النتيجه ..

انتي جربتيهم ؟؟

ومشكوره..

رورو الشخبوطه said...

mam هلا ..

صج بسوي سيرج عنه ..

وان شاءالله اجربه..

بس جنه يقولون غالي :\

ومشكوره..

رورو الشخبوطه said...

هلا امواج..

مي تو من اشهر احن خخخ..

الله يعافيج يارب..

مشكوره..

رورو الشخبوطه said...

هلا مدمد..

ماذكر والله اذا قلت لج عنها او لا ..

بس عموما ماجربت عيادة غيرها ..

خخ مادري شقولج انا ويهي فاهما سوالي ..

الشغله ال2 مادري ولا بس جنه اهما يسون لج بعد..

الله يعافيج يارب..

شكرا..

رورو الشخبوطه said...

هلا سويره..

صاجه رفيجتي تمدحهم بس ابس اغير لانه اخر مره ماحبيت النتيجه وايد..

انا جربته 4 مرات ومليت :\

ودي بشي اقرب لبيتنا بعد..

ومشكوره..

رورو الشخبوطه said...

هلا سويت..

كالعاده نسيت احط العنوان :\

موجوده جبال حياة رويال ..

يمهم لاري مال التجميل..

ومرسي..

رورو الشخبوطه said...

هلا غير معرف..

وين صايره؟؟

ومشكوره ..

رورو الشخبوطه said...

هلا خاتون..

انا اغار بس يبيلي ريلاكس ماكو الا تروحين واهي تقولج وانتي تطبقين ع نفسج خخخخ..

لا وي شدعوه ترا قبل لااسويه ادش ع دكتور وتعلم السستر شنو يناسبني..

خخ ومابي اخرب مو ناقصني :\

وودي اتهور اسوي اماكن 2 بس خرعوني :\

واجمعين يارب..

مشكوره..

رورو الشخبوطه said...

هلا حنان..

اهما كل يحطون اعلانهم بالجريده جنه ..

ماعرف اسعار ليزر كل مكان ..

بس الشوارب ب15 وكل جلسه يقل بس ماينزل عن 10..

الاباط ب25 جنه بس ماجربته..

و الويه جنه ب25 :\ وينزل يصير 20 ..

ومكانهم الله يسلمج بالشارع اللي جبال رويال حياة ويم لاري للتجميل ..

والله يعافيج يارب..

مشكوره..

ذهب صافي said...
This comment has been removed by the author.
قطرة وفا said...

شوفي اذا تريدين تخففين شعر جسمج و تقللين نموه ...

استخدمي بعد متشيلين الشعر سواء بالموس أو الحلاوة أو أي شي

حطي زيت زيتون و ملح و فركي المنطقة و غلفيها بجيس و تركيها لمدة 3 ساعات


تحسين نعوووومة بشكلل و بعد شعرج يخف و يقل بطريقة ملحوووظة و مناطق بعد ميطلع بيها شعر


اني شعري كثييف كلش و جربتها كذا مرة على فترات متباعدة بس فرق من السما للقع الحمد لله ... و الحلو اسوي ايديني و رجولي بالموس ومع هذا فرق جبيييييييييير


:)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads