Tuesday, September 7, 2010
السلام عليكم ..

قبل فتره جايونه نزلت بوست عن هالمنتج وانا غرامي الككاو قلت اجربه ..



اللي مايعرف هو هوت جوكلت ..

بشكل قطع تنحط مع الحليب او اي شي انتوا تحبونه حتى لو تتهورن وتحطونه مع الروب بتصيرون كول << الله يزيد النعمه ..

*تجربتي:

قبل فتره نزلت بوست عن تجربتي لهوت جوكلت ماركس اند سبنسر (لمشاهدة الموضوع اضغط على الكلمة :)  المهم وكنت استفسر عن نوع حليب زين للهوت جوكلت بحيث مايطغي طعم الحليب ..

فجم وحده من البنات قالت مو لازم حليب وقالت لي اجربه بماي خالي..

فهالمره طبقت هالشي ..

بس ماضبط :( حطيت 2 وال3 كليتها خخ قلت حرام مايسوى ماراح اشربه لانه الككاو نفسه طعمه مو حلو :(

باختصار ماحبيته حتى اختي جربته وماياز لها اقولها في مروره تقول لا شي 2 لانا تحب الككاو المر :\

بس كشكل وايد حلو كتقديم والخ ..

*وين تحصلونه ؟

بالكويت مادري وين بالضبط بس اتوقع موجود ..

خذيته من دبي مول محل الحلاو Candylicious

ب29 درهم اذا ماخب ظني وحصلت بالسوق الحره مطار دبي ب20 درهم هذا اذا ماخاب نظري :)

26 comments:

Anonymous said...

بالعافية إن شاءالله
أنا قريت بإحدى المدونات عنه بعد و محد مدحه!
جربي تاكلينه ككاكاو عادي... يمكن أحلى؟

Katkoota xD said...

ويي عاد شكله يونس

اللي يشوفه جذي فكرته حلوه

و شكله طعمه حلو بعد

حساافه عاد تشوقت

ماعليه خيرها بغيرها

اذا لقيتي شي احلى خبرينا

مهرة سالم said...

السلام عليكم..
بالعافيه عليج..
...
بتخبرج سو سويتي فيني
كل ما دخلت محل فيه مناكير أظافر وسوالف الأظافر ستيكرات وأسيتون وهالخرابيط
أقول الله يذكرها بالخير لو رورو موجوده
ماتم شي بالمحل
خلاص إرتبطت صورتج بالمناكير عندي
هههههههه
...
الله يحفظج يارب
وتقبل الله منا ومنكم صالح الأعمال
..
في أمان الله

Anonymous said...

شكله يونس..

يبيله والله

اذا ماتبين طعم الحليب يطغى جربي طريقتي يمكن تمشي معاج:

حطي ثلثين حليب حار و ثلث ماي حار.. اول شي حطي الماي الحار مع الكاكاو و الشكر وحوسيه عدل وبعدين ضيفي عليه الحليب الحار

وانا شخصيا احط حليب خالي الدسم لانه اخف =)

وعليج بالعاافية

Engineer A said...

أنا ما أحب الدارك تشوكليت .. بس جربت كاكاو غراوي كان حلو وخفيف ومرورته حلوه

عيدج مبارك :)

daloo3a said...

يمي يمي لذييييييييييذ


مباركن عيدج ^^

Made n Q8 said...

علييج بالعافية

هذا الي يبتيلي منه
:)


انا من الشفاحه كليته جنه كاكاو عادي

Anonymous said...

بالعافية يارب

may said...

جربيه مع حليب خالي الدسم
خصوصا كي دي دي
خفيف حده

الوتيــــــــــن said...

مستحيل اشرب ككاو بدون حليب .. بس بحاول اجرب هالمره ولو طلع مو حلو بقطها براس عيال اختي ^_^

مادري شوشو .. .انتي ام الاخبار الحلوه لي بطل عندنا علمينا

عيدج مبارك :*

hasona said...

كل عام وأنتم من عواده
وكل سنة وانتم بخير
وأسعدكم الله في عيد الفطر

Amwaj said...

مو حلو !!
عاد شكله لذيذ

عليج بالعافية :)

خاتون said...

السلام عليكم
عليج بألف و ستين مليون عافية
تهقين يعني نبيعها و نصير كووووول هههههه
بس غذا تبين احسن حليب فأنصحج بحليب كيدي كاو
^_*

رورو الشخبوطه said...

هلا حنون..

الله يعافيج يارب..

اي اخوي امس يقولي جربه وماعجبه :\

جربت من جذي قلت اهو مو حلو ..

اتوقع مع الحليب بيصير اهون ..

ومشكوره..

رورو الشخبوطه said...

هلا كتكوته..

اي صاجه ..

تعالي اذوقج يمكن يعجبج :)

ان شاءالله..

ومشكوره..

رورو الشخبوطه said...

هلا نهار..

وعليكم السلام والرحمه ..

الله يعافيج يارب..

...
خخخ الله وين خل امرهم خخخ..

جيكتي ع اظافر اللي بالصوره حلوين ماشاءالله :)
...
اجمعين يارب

جزاج الله خير..

فحفظ الله..

رورو الشخبوطه said...

هلا غير معرف..



وناسه شكلها خوش طريقه ان شاءالله بجربها ..

اي احلى هم بجربه :)

الله يعافيج يارب..

شكرا..

رورو الشخبوطه said...

هلا انجو..

اهو دراك ؟؟ اللي انا حاطته مو مكتوب انه دارك ..

من وين؟؟

وايامج سعيده يارب..

شكرا..

رورو الشخبوطه said...

هلا دلوعه..

بدز لج مع سمو وحده :)

مشكوره سويتي..

ايامج سعيده يارب..

رورو الشخبوطه said...

هلا مدمد..

اي توقعت حلو خمطت لي ولج :\

والله يعافيج يارب..

مشكوره..

رورو الشخبوطه said...

هلا اخوي قلم..

الله يعافيك يارب..

ومشكور..

رورو الشخبوطه said...

هلا مي..

ان شاءالله..

ومشكوره..

رورو الشخبوطه said...

هلا الوتين..

اهو موجود وحده تبيعه بالنت جان تذكرينها اللي تبيع شامبو الفلفل موجوده بالمنتدى..

وصاجه الككاو مع حليب الذ وخخ وعليه..

وايامج سعيده..

مشكوره..

رورو الشخبوطه said...

هلا حسونه..

وانتي بخير..

اجمعين يارب..

شكرا..

رورو الشخبوطه said...

هلا امواج ..

اي شكله يشوق واحلى من طعمه :\

الله يعافيج يارب..

شكرا..

رورو الشخبوطه said...

هلا خاتون..

وعليكم السلام والرحمه ..

الله يعافيج يارب..

خخ لا اخاف استاثم فيكم ..

ان شاءالله بجربه ..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads