Monday, September 27, 2010
السلام عليكم ..

قبل اشهر كتبت لكم عن الكوكيز اللي جربته واحبه (هني)...

وهالمره بقولكم عن عشقي الفوندو ..

الموضوع بيكون خلاصة تجاربي الفوندية :)

(1)
جوكلت بار..


اهو اول فوندو جربته بحياتي هالحجي تقريبا بنص 2007 وحبيته ..

ميزته :

1-انه اكثر من نوع ككاو(دارك ,عادي بالحليب , الابيض "الحليب") ..
2-انه التغميسات ماعرف شسمهم بالضبط متنوعين وتقدرين تضفين اللي تبينه احنا ضفنا خدود البنات ..

عيبه:
اخر مره جربته الشهر اللي فات طعم صلصات وخصوصا الكاكاو بالحليب مخترب طاغي عليه طعم الحليب او ضايفين عليه حليب محلى مادري المهم انه طعمه مخترب :(


سعره :
تقريبا ب6 او 6 الا 100 شي جذي ..
التغميسات الاضافيه الصحن بنص ..

اماكن توافره :

بكل افرع جوكلت بار (البدع , المارينا ,الافنيوز << هذيل اللي اعرفهم مادري اذا في غيرهم او لا)

(2)

باسكن روبنز ..

اهو غرامي كتبت عنه اكثر من مره قبل هذا اول بوست عنه (هني)..

مميزاته :
- حجمه راهي ..
-سعره رخيص..
-تغميسات متنوعه (واشكال وانواع برد ,فواكهة "كيوي -فراولة موز والخ" وكيك نوعين فانيليا وبراوني) اهو الكيك ساعات يكون يابس بس لانه بارد نطروه شوي بيفج ويكون حلو ..

عيبه :
اممم انه مو متوفرع بكل افرعهم ..

اماكن توافره:

اللي اعرفه بالمارينا مول وبلولو هايبر الري ..

سعره :
الحجم العادي اللي مثل الصوره ب4 ..
والكبير ب6 ..


(3)

هاجن داز ..


مادري مو مميز بشي يعني مثل مال باسكن كفكره لكن باسكن ارخص والذ ..

سعره :

جنه ب7 او 6 ماثبت ع السعرلانه كنت طالبته مع براوني وماي طلع ب11 جنه :\

اماكن توافره:
اتوقع باغلب افرع الكافيه وعن تفسي جربته بالافنيو ..

(4)

كاكاو كافيه ..

 الحلو فيه :

-انه في انواع واحجام ..
-التغميسات بناء ع اختياركم جربت كيك الفانيلا وحبيته وهم الكوكيز لذيذ ..


اسم النوع اللي اخترنا ..
 الانواع المتوفره والتغميسات ,,


سعره مثل ماهو موضح بالصوره : ب6

متوفر :
ب360 ..

واي اشتهيته خخخخ ..

وين بعد في فوندو؟؟ غير اللي بمطعم فوندو؟؟

وشنو احلى فوندو جربتوه ؟؟



44 comments:

Engineer A said...

عليج بالعافية

غرامي الفوندو ،، وأحلى نوع جربته اللي أنا أسويه :)))

أبوفلان said...

ماشاء الله خووش تقرير

أشكرج الصراحه على المقارنه الجميله

وبالعافيه

Sami said...

ما ذقته مال الباسكن روبنز ..شكله عجبني :)

رنداالجنوبيه said...

عليك بالعافية حبيبتي

ولهت على تدويناتك الحلوة اللذيذه

الله يعطيك العافية:)

ناعمة الهمس said...

و انا نفس غرامج
مممممممممممممممم

شو طيب و كتير مهضوم
هذا طبعا من تاثير الفوندو

Unique Girl said...

وااااي عاد توني متغديه ومشتهيه ككاو :(

يننن شكلهم كلهم يشوقووون

عليج بالعافيه ويعطيج العافيييه _^

AM.SA.CHANNEL said...

أول شي عليج بالعافية

و ثاني شي أنا قررت إني ما أتابع أشيائاتج سوالف كااكاااو و أكل هههههههههههه تشهييينييي وااايد

و على فكرة جوكلت بار مالكم ترا وااااااااااااايد أحلى عن مالنا طبعا ما جربت مالكم إن شاء الله بجربه شهر 12 باي عرس ربيعتي هههههه
و لازم أجرب كذا مطعم من اللي حاطتنهم
والمهم بس كل اللي جررب اللي في دبي يقوول غــــــير
و أنا عندي فوندو هاجن داز أحلى من جوكلت بار

أميرة عربية said...

شخبوطة شوقتييييييييييييييييني بروح كاكاو الي ب 360 الحين :)

Amwaj said...

آنا ما جربت ولا نوع
والحمدلله إني ما اشتهيت ولا شي من اللي بالصور لأن السكر عندي مرتفع من غير هالأكل

عليج بالعافية حبيبتي :)

عبدالله said...

يوعتينا الله يغربل العدو

مفروض مع كل تقرير تطرشين حقنا عينات تجريبية

Amal Kh said...

يعطيج العافيه ع البوست
انا عن نفسي جربته مره وحده بهاقن داز وبس وكان حلو ( بسوق شرق )
وجربت فوندو بس ما كان ككاو كان جبن وما حبيته

BookMark said...

بالعافية :)


مادري اذا في غيرهم وما كنت أعرف غير الي بجوكلت بار وكاكاو كافيه

وأحلى فوندو ذقته تسويه بنت عمي ;p

Anonymous said...

Bel3afya
A7la fundo ely nsawee felbait
Mal basken Allah yzeed eln3ma elfawaka dayman gadeema o thayba o elcake yabes
7awalna akthar men mara njarba ngool ymeken yt3adal make fayda
Rfejt 7 ash,ha e'96erab b2m3a2ha mena o gademat shakwa in marina entabhay mena
Ethan wayed t7bena 6lby bdoon fruits ;) good luck

نـ(المطيري)ـازكـ said...

يــمي .. انا احب مال جوكلت بار ..

بس مشكلتة وااااايد زحمة ..

عليج بالعاااااافية

ذهب صافي said...

امووووت على الفوندو و ما جربت غير شوكلت بارر
وحبيته والصراحه اروح اتعنى على شانه احلى نوع
تغميس الشوكليت ومعاه المارشميلو امممم لذيذ
اللي عندها طريقة الفوندو
يا ريت يعلمني شلون طريقته ؟؟؟
انا سويت مره بالبيت وكان حلو بس
ابي نفس طريقة شوكليت بار

وبالعافيه يا قلبي

ROro Mania said...

يم يم يبيله

انا بس جربت مال جوكلت بار

و جربت بالبحرين مال كافيه مايا حلو

maram said...

عليج بالعافية حبيبتي

بوست عجيب و لذيذ هههههه

مشكووووره

خاتون said...

السلام عليكم
عليج بألف وستين مليون عافية
أنا مو من عشاق هالسوالف بس كل اللي اعرفهم يعشقون هالاشياء فاشاركهم على الخفيف وانا اتعلم منج الافضل فما عندي اضافة عليج
*_^

رورو الشخبوطه said...

هلا انجو..

الله يعافيج يارب..

شلون تسوينه خل نستفيد :)

ومشكوره..

رورو الشخبوطه said...

هلا اخوي بوفلان ..

العفو ولو ..

والله يعافيك يارب..

مشكور..

رورو الشخبوطه said...

هلا اخوي سامي..

مال باسكن حلو ..

لانه منوع ..

ان شاءالله تجربه ويعجبك ..

حياك الله..

رورو الشخبوطه said...

هلا رندا..

عاش من شافج :)

الله يعافيج يارب..

وانا بعد ولهت عليج وع بوستات وتعليقاتج :)

يعافيج ..

مشكوره..

رورو الشخبوطه said...

هلا ناعمه..

وين احلى مكان جربتيه تقبريني خخ توني ماكله فوندو :)

ومرسي..

رورو الشخبوطه said...

هلا يونيك..

شهوة العافيه يارب..

اي يشوقون :)

والله يعافيج يارب..

مشكوره..

رورو الشخبوطه said...

هلا شانيل ..

الله يعافيج يارب..

شهوة العافيه يارب..


ان شاءالله تجربينه ويعجبج :)

حياج الله :)

انا عكسج :)

ومرسي..

رورو الشخبوطه said...

هلا اميره..

رحتيله؟؟

ان شاءالله اعجبج؟؟

وبالعافيه ..

رورو الشخبوطه said...

هلا امواج..

الله يشفيج يارب..

ويعافيج..

مشكوره..

رورو الشخبوطه said...

هلا اخوي عبدالله..

ادز لكم كامل مو عينات بس مايصير :)

لي مريتكم الدوحه ايبه مع كرتون رهش :)

وحياك الله..

رورو الشخبوطه said...

هلا امل..

شوقتيني اجرب الفوندو كموالح :)

والله يعافيج يارب..

مشكوره..

رورو الشخبوطه said...

هلا بوك ..

الله يعافيج يارب..

يبيله نجرب مال بنت عمج :)

خخ..

وحياج الله..

رورو الشخبوطه said...

هلا غير معرف..

الله يعافيج يارب..

وي انا جربته اكثر من مره وكان زين ومال المارينا عندي احسن من لولو هايبر موخرا الكيك يابس لانه بارد بس من يفج يصير زين ..

وهم رفيجاتي جربوه وعجبهم :\

مرسي ع التنبيه ..

اي انا اساسا ماكل الفواكهة وايد اختي اللي تحبهم..

ومشكوره سويتي..

رورو الشخبوطه said...

هلا نازك..

توني راده منهم العصر وكان مو زحمه هذا مال الافنيوز ولما اروح له لظهر هم زين وساعات فاضي بعد :)

الله يعافيج يارب..

شكرا..

رورو الشخبوطه said...

هلا ذهب..

اي والله جن زين يعلمونا الطريقه :)

والله يعافيج يارب..

مشكوره..

رورو الشخبوطه said...

هلا رورو..

يبيله البحرين :)

ومشكوره..

رورو الشخبوطه said...

هلا مرام..

الله يعافيج يارب..

خخ مرسي..

والعفو ولو..

حياج الله..

رورو الشخبوطه said...

هلا خاتون..

وعليكم السلام والرحمه..

الله يعافيج يارب..

مشكوره..

Hanan whatever said...

عليج بالعافية
أنا ما أحب الفوندو وايد حدي جم لقمة وأقوم
بس يعطيج العافية على التقرير :)

رورو الشخبوطه said...

هلا حنان..

الله يعافيج يارب..

اي اهو بسرعه تشبعين منه :)

ويعافيج ..

مشكوره..

koko said...

مال باسكن عجييب (y)
تسلـمييين على هالبوست المفيد

رورو الشخبوطه said...

هلا كوكو..

الله يسلمج يارب..

مشكوره..

Made n Q8 said...

ماجربت مال جوكليت بار

بس حبيت مال باسكن روبن

يسلمووو

Anonymous said...

بالعااافيه جربي فوندو الصالحيه حده عجيب لا يطوفج :)

رورو الشخبوطه said...

هلا مدمد..

الله يسلمج يارب..

حياج الله..

رورو الشخبوطه said...

هلا غير معرف..

يعافيج يارب..

ان شاءالله اجربه..

شكرا..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads