Sunday, September 12, 2010
السلام عليكم ..

اخر يوم برمضان رحت السوق توقعته زحمه ودزني وادزك بس اشوه طلع فاضي واحسن من الايام العادي طبعا هالحجي الصبح :)

وكنا رايحين الري كنت ابي سنفره ملونه تشوق شفتها بالنت ومدمد قالت موجوده بكشك هناك بس ماحصلتها :(

وفي هناك محل اغراض مثل سوالف سايت بيوتي بار قلت حلو اشوف الاغراض بالنظر واشمهم واجرب التستر واشتريهم من السايت خخخخ..

رحت المحل وشفت اللي ابيه وهم ما طلعت فاضيه ..

اكثر شي عجبني فيه الجيس راقي والبقع اللي فيه والكتابه مو طباعه عاديه لا مخمل ..

*مشترياتي*
خخ وصلنا لي المحاسب بدون لا اخمط شي بس واختي تحاسب , اختي ال2 نادتني مجربين لها عطر للشعر اهو اللي بالصوره وعجبتني ريحته واهو يعطي نعومه ولمعه وريحة ..

اللي تحب الحلاو بيعجبها :)

وفي منه عطر جسم ..

سعره ب4 وشي << حصلته ببوتس ارخص بس اشوه فرق دينار مو وايد خخخ..

(2)
مااحب القلتر واللمعه الهلوقيه بس بنفس الوقت احب القلو واني الق بشكل ناعم وذرب ..

هذا خذيته لانه كان ب19ونص وصار بخمسه :) خخ ولما جربته اشوه طلع زين اهو فايدته يرطب ولمعه وريحه ..

الريحه والترطيب عاديين مو وااو بس اللمعه اشوه بسيطه مو قويه مثل شكله واهو باللعبه ..

*مشتريات اختي *
اصباغ اظافر من زويا << هالهوس عائلي خخخخ ..
كانوا ب4 وشي صاروا ب3 ..
وكحل ومسكرة بوبا ..

*واللي ماعجبني بالمحل :

-ماكو تستر لا للصبغ ولا لسنفرات وغيره بس نشم :\
-بعض شغلاته اغلى من الباجي انا كنت ابي منتجات كيك تقولي برا 25 عندنا ب12 وشي وتقنعنين حاولت اكثر من مره اخر شي قلت لها تبين الصج محصلتهم بالنت ارخص :\

بس حسافه لما كنت بطلبهم من بيوتي بار ولا مخلصين :(

واحلا شي لما رديت ولا بيوتي بار مسوين عرض خصم 20% وصبغ اظافر زويا هديه اذا شاريه فوق ال5 طبعا ماخليت بخاطري وطلبت والعرض يخلص اليوم الساعه 12 بالليل :)

بيوتي بار:

28 comments:

هديــل said...

بالعااااافية يارب

يشوقون

بس ليش مافيه تستر ؟

يعطيج العافية :)

Katkoota xD said...

بالعافية يارب

عاد انا غرامي صبغ الاظافر بعد

و زويا عندهم الواان تونس حييل

و على طاري المحل لييش مافيه تستر غريبه يعني

و صج مرات تحصلين اشياء بالنت ارخص

و غريبه و مميزه بنفس الوقت

يعطيج العافية

Unique Girl said...

بالعااافيه ان شاء الله يعطيج خيرهم انشاء الله

يقولون عطر الشعر مو زين يطلع شيب !!

وأما عن صبغ الأضافر الوردي لووونه عجيييييييييب أنا أبي واحد جذييه من زماان

شكلي بروح ادوره

مشكوووره على البوست الحل ويعطيج العافيه

Amwaj said...

الجيس الأحمر عندي مثله بالضبط
كان فيه عطر مع لوشنه يابهم لي أبوي بعيد ميلادي
وللحين محتفظة بالجيس لأن صج حلو وذرب

وعليج بالعافية يارب :)

Anonymous said...

حلووة الكيسه كثير

انا شريت منهم شغله اخر مره ماكانو مغيرين الاكياس عندنا بالسعودية ممممممم يمكن لسه ماوصلت ؟؟

تتهنين بأغراضك ياعسل

مهرة سالم said...

السلام عليكم..
بالعافيه الأغراض
تصدقين من كثر ما ترمسين عن صبغ الأظافر
صبغت أظافري وكل مره لون غير
مع إني معروووفه إني أكره صبغ الأظافر من يوم أنا صغيره
والضحك إني مب عارفه أمسك شي بإيدي وأنا صابغه أظافري وأهلي يضحكون علي
كله منج الله يسامحج
...
في حفظ الله

Anonymous said...

بالعافية إن شاءالله
هالمحل قريب يم اللولو صح؟ اللي يكون داخل مجمع وفيه ملابس؟ جني عرفته
لأن رحت له بنص رمضان ومسوين عروض وأغلب العروض على بضاعة طايحة بجبودهم، بالذات العطور.

Abdulwahab Alhajji said...

خوش أشياء ؛ بالعافية عليج يا رب ؛ حلوة ألوان الصبغ ههه

Engineer A said...

عليج بالعافية ..

شكلهم يشوق :)

Made n Q8 said...

علييج بالعافية

هذا المحل الي يكون بسرداب؟

~أم حرّوبي~ said...

عليج بالعافيه :)
ضحكتيني يوم قلتيها بالنت ارخص خخخخخ افحمتيها ^^

lil.D said...

تتهنين انتي واختج باللي شريتوه
حبيت الالوان اللي اشترتها اختج ^ـ^

Amal Kh said...

نايس
بس حبيت اسالج من وين خذيتيه ؟؟
وين بالري اهو مجمع ولا شنو ؟
ومشكوره

رورو الشخبوطه said...

هلا هديل..

الله يعافيج يارب..

اللي فهمت منها ان الناس تلعب فيه :\

مشكوره..

رورو الشخبوطه said...

هلا كتكوته..

الله يعافيج يارب..

اي عجيبن :)

اي قلت لها تقول الناس يلعبون فيه :\

اي وايد ..

الله يعافيج..

مشكوره..

رورو الشخبوطه said...

هلا يونيك..

الله يعافيج يارب..

وي صج عيل خل اجربه بشعر اختي خخخخ..

لا اتوقع بس بالمناسبات مايضر..

ان شاءالله..

شوفي عندهم او بكليرز او بيوتي بار ..


العفو ولو..

حياج الله..

رورو الشخبوطه said...

هلا امواج..

بالعافيه عليج..

والله يعافيج يارب..

مشكوره..

رورو الشخبوطه said...

هلا ميس..

مشكوره..

اتوقع مو نفس المحل بس الاسم نفسه :\

وحياج الله..

رورو الشخبوطه said...

هلا نهار..

وعليكم السلام والرحمه..

الله يعافيج يارب..

خخخ لانه مو متعوده متشوقه احط صبغ اظافر بس انطر اعدل اظافري صايرين لوعه..

ومالج شغل فيهم ترا حلو وكول :)

وبتتعودين واخاف باجر تنافسيني خخخ..

مشكوره..

رورو الشخبوطه said...

هلا حنان..

الله يعافيج يارب..

اي اهو بسطرة لولو هايبر بس قريب من ماكس..

اي العطور ماشفتها لاني ماستهلك بس قالي عنهم ..

وحياج الله...

رورو الشخبوطه said...

هلا اخوي وهابي ..

الله يعافيك يارب..

اي تونس ..

مشكور..

رورو الشخبوطه said...

هلا انجو ..

الله يعافيج يارب..

مشكوره..

رورو الشخبوطه said...

هلا مدمد ..

الله يعافيج يارب..

لا اتوقع فرعه ال2 ..

وحياج الله..

رورو الشخبوطه said...

هلا ام حروبي..

اي كلت قلبي من كثر ماحنت مرتين ترد ع هالسالفه جان اقطها بويها خخخ..

ولله يعافيج يارب..

مشكوره..

رورو الشخبوطه said...

هلا ليل..

مشكوره ..

رورو الشخبوطه said...

هلا امل..

اهو بسطرة لولو هايبر اخر شي صوب لمحاميد وماكس ..

والعفو ولو..

حياج الله..

خاتون said...

السلام عليكم
عليج بالف وستين عافية
عجبني العطر
بس سمعت أنه عطور الشعر تشيبه
فأخاف والجأ للعطور الطبيعية
أنت تشوفين انه فعلا يشيب وإلا لا؟؟؟

رورو الشخبوطه said...

هلا خاتون..

وعليكم السلام والرحمه ...

يعافيج يارب..

مثل شنو العطور الطبيعيه؟؟

انا احس هذا خفيف ومامنه مضره ان شاءالله لانه ماراح نستخدمه الا باوقات معينه ..

واعده مثل السبري وهالسوالف..

وان شاءالله مايضر ..

بس ترا اول مره استخدم وماعندي خبره بهالسوالف :\

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads