Friday, September 24, 2010
السلام عليكم ..

امس كنت بجولة كوكية بربوع منطقتي الحبيبه :) واكتشفت وايد شغلات حلوه فيها والاهم انه اختي اللي كنت تبي تشتري اغراض اخر شي انا اللي شريت واهي لا خخ..

ومرينا ماكس هالمحل احبه وايد والقى عنده سوالف حلوه باسعاره حلوه بس مو كل مره مرات اطلع خمه المحل ومرات اطلع ايد جدام وايد ورا ..

امهم لما كنت احاسب عطوني هالبرشور لبرنامج شكرا ..


وفكرته باختصار:
 تجميع نقاط وكل ربع سنه يكافئونك ع حسب عدد نقاطك اللي تعتمد ع قيمة مشترياتك , واهو قبل اسمه نادي الامتياز تبع سنتر بوينت ..

والحلو فيه :
-فكرته (أن برنامج "شكراً" هو طريقتنا للتعبير عن شكرنا لعملائنا الأوفياء) << منقول من المؤتمر الصحفي المنشور بجريدة السياسه على لسان الرئيس الإقليمي لمجموعة لاندمارك في الكويت سايبال باسو ..(1)

-انه كسب النقاط مستمر وديم حتى بفترة الخصومات والعروض ..

-تنوع الجهات المشاركة بالبرنامج , واتوقع نه شامل 7 دول حاليا حسب ماهو مذكور بالخبر بدايته بتكون في الكويت وعمان وقطر وعقبها اعتقد باجي الدول الخليج اضافة انه قريبا سوف يطرح هلبرنامج للمره الاولى بالاردن .. (2)

*الجهات المشاركة*

هي طبعا التابعه لمجموعة لاند مارك ..

 بشكل اوضح :

"ماكس" و"شوإكسبريس" و"نيولوك" و"كيرت غايغر" و"كاسا هافانا" و"سنتربوينت كافيه" و"جنغل فود كورت", إضافة إلى العلامات المشمولة سابقاً وهي "سنتربوينت" و"جونيورز" و"شومارت" و"سبلاش" و"لاف ستايل" و"هوم سنتر" و"بابريكا" و"بوسيني". (3)

وناسه اغلب المحلات المذكوره احبها :)
 
ولما كنت املي الاستماره ضحكت ع اجابات هالسؤال قلت لاختي باختار اني شيخه بس طبعا ماتهورت بالمستقبل احتمال اصير شيخه سهالات ماراح اسوي انقلاب لاتخافون خخ بس اخذ شيخ واصير شيخه :) الصبيان مايصيرون شيوخ مايصر احنا البنات سهالات خخ..
 

وهذي بطاقتي هي تكون ورقية مؤقتا لي ما ايمع 250 نقطة ..

ونظام تجميع النقاط يكون ع هالاساس :

أن البرنامج يتيح للعملاء الحصول على ما يصل إلى 12.5 نقطة مقابل كل دينار كويتي ينفقونه. (4)
ومن ورا لازم توقعون عشان ماحد يبوق بطاقتكم او يزورها :)

وسايت البرنامج بس بعده قيد الانشاء (هني)

الارقام (1,2.3.4) اهي معلومات نقلتها بشكل حرفي او بتصرف من خبر بجريدة السياسه (المصدر)




32 comments:

Unique Girl said...

حلووووه الفكره فرررش لوول

عليج بالعافيه وان شاء الله تجمعين النقاط مثل ماتبين _^

مووووفقه يارب

daloo3a said...

والله فكره حلوه ^^

=)

هديــل said...

نايس :>

خدمات البحث العلمي said...

فكرتهم حلوه

اما اللقب خخخخ اول مره اشوف يحطون الشيخ والشيخه

قلب طفله said...

تو يوم الخميس قالت لي عنها رفيجتي
عليج بالعافيه رورو :)

star said...

ان شاء الله تيمعيين النقاط

زادت كروت المحلات صارت اكثر من كروت البنك في بوكي

;)

نـ(المطيري)ـازكـ said...

هم انا احب ماكس سعارهم حلوة لا ومرات يسون تنزيلات هههههه

عليج بالعافية .. اممممم اول مرة اسمع بهالبطاقة .. واغلب المحلات اللي ذاكرتهم احبهم ..

فـ(المطيري)ـدكـ

^_^

Engineer A said...

أحسن شي يسونه ..

في الغرب أغلب المحلات عندها مثل هالنوع من البرامج والبطاقات اللي تجمعين منها نقاط على مشتواتج ويكافؤنج بسوالف حلوة وخصومات أروع..

وترى تعتبر طريقة تسويقية بعد تشجع العملاء على أنهم يشترون أكثر من هالمحلات رغبة في المزايا الحلوة والخصومات والسوالف المجانية اللي ممكن يحصلون عليها ..

خوش فكرة وعليج بالعافية :)

may said...

اي
انا طرشوه لي البيت
وايد حلو

انا عندي كرتهم من زمان
واحصل بين فترة وفترة كوبونات للشراء عندهم
تختلف قيمتها حسب مشترياتي

ياليت كل المحلات يسوون جذي

وناسة

Amwaj said...

والله فكرته وايد حلوة
وبالنسبة لي وايد أحب ماكس وسنتربوينت

عاد إن شاء الله تيمعين نقاط وايد

خاتون said...

خوش حركة وايد حلوة وتشجع
إنزين سؤال شقاقي وحده جوهري
ما يصير أختار خيارين مثلا
د.+الشيخةو حط عند غيرها خاتون
لوووووووووووووووول

اتوقع راح يعرفون اني خوش كوستمر خخخخخ

Anonymous said...

صراحة فكرة البرنامج حلوة والمحلات اللي ذكرتيها وايد أحبها بالذات بابريكا.
يعطيج العافية رورو :*

malak said...

والله حلووو

ناعمة الهمس said...

والله حلوة البادرة هذي
فايدة للكل

ع فكرة اختي شخبوطة

انا غيرت عنون البلوق
انت عندج القديم و ملغي

هذا الجديد
http://na3em8alhms.blogspot.com/

وحياج الله

Amal Kh said...

انا شفته اليوم في واحد من المحلات بس نسيت اسمه
مشكوره ع البوست
يعطيج الف عافيه

رورو الشخبوطه said...

هلا يونيك..

الله يعافيج يارب..

ان شاءالله..

واجمعين يارب..

مشكوره..

رورو الشخبوطه said...

هلا دلوعه..

اي ..

بس انا من اخذ بطاقه محل بعد ماشتري منه خخخ..

حياج الله..

رورو الشخبوطه said...

هلا هديل..

جدا..

ثانكس :)

رورو الشخبوطه said...

هلا مبدعه ..

اي خخخ يرضون جميع الطبقات :)

ومرسي..

رورو الشخبوطه said...

هلا طفله..

اي اتوقع توها يديده..

لانه قبل اسبوع رحت ماكس وماكانوا حاطين اعلاناته يوم ..

والله يعافيج يارب..

ومرسي..

رورو الشخبوطه said...

هلا ستار..

ان شاءالله..

خخ صاجه اكثر شي بالبوك الكروت :\

ومشكوره..

رورو الشخبوطه said...

هلا فدك..

بس لتنزيلات نادر ماتلقين شي حلو ..

لانه رخيص فبسرعه اغراضه تخلص ماشاءالله..

الله يعافيج يارب..

اي الظهر يديده لانه توه يعلنون عنها ..

وحياج الله..

رورو الشخبوطه said...

هلا انجو..

صجه اهو مو بس جذي الغرب يتميز بالتواصل مع الجمهور بالنت بعد ..

غير العروض المغريه والهدايا الثمينه ..

احنا عندنا نفس المحلات بس لاتنزيلا ولاهم يحزنون قصدي ماك ولوكستيان ولاش ..
والله يعافيج يارب..

مشكوره..

رورو الشخبوطه said...

هلا مي..

انا اول مره اشترك معاهم ..

اي والله جان زين الاغلب يسون جذي ع الاقل محلات الشايع خخخ..

وبالعافيه عليج..

رورو الشخبوطه said...

هلا امواج..

ي حلوين واسعارهم احلى وجوده واغراض متنوعه..

ان شاءالله..

عاد اليوم رحت ماكس وماعجبني شي :\

خخ..

وحياج الله..

رورو الشخبوطه said...

هلا خاتون..

اي يصير ليش لا ..

بس زيدي عليها رورو :)


اف كورس :)

وحياج الله..

رورو الشخبوطه said...

هلا حنان..

اي حلوين ومتنوعين..

الله يعافيج يارب..

مرسي..

رورو الشخبوطه said...

هلا ملاك..

الاحلى مرورج :)

حياج الله..

رورو الشخبوطه said...

هلا ناعمه..

مشكوره ع التوضيح بضيفه ان شاءالله ..

والله يحيج..

رورو الشخبوطه said...

هلا امل..

انا شفته بعد اليوم بماكس بس فرع غير للي سويته عندهم..

الظاهر توها مبلش..

والعفو ولو..

الله يعافيج يارب..

مرسي..

Made n Q8 said...

عاد توني رايحه سنتر بوينت ماعطوني

لما اروح بسال عنها

عليج بالعافية

رورو الشخبوطه said...

هلا مدمد..

انا عطوني اياها بماكس واختي عندها القديمه مالتهم لم راحت ماكس قالوا جدديها بس بالتلفون ..

والله يعافيج يارب..

شكرا..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads