Friday, September 17, 2010
السلام عليكم ..

هالسنه سنة تحقيق الامنيات والتجارب والمجازفات ..

شغله بلشت فيه لما كان عمري 15 قبل 7 سنين وشي هالسنه سويتها الحمدالله ..

واغلب الشغلات ع صعيد النفسي والجمالي ..

ويارب تحقق امنياتي ع صعيد الاجتماعي و الديني وبكل المجالات :)

وايد اشياء كنت بجربهم هالايام حصلتهم وجربتهم ..

منها هالشغله ..



اي هالمفراكة كنت اشوفها وبجربها احس شي ومفيده ..

لما رحت دبي خذيتها من السوق الصيني كاسرتها بعد خخخخ صح هالسنه صايره اكاسر بعد اول استحي ..

جنه ب25 درهم عقب المكاسر واهي موجوده بالكويت بس اغلى بشوي ارخص شي شفتها ب4 وشريتها من هناك لانه ابي اشتري اي شي المهم مارد فاضيه خخخ..

مالكم بالطويله << شعقب خخخخ ..




هذي الصوره رقمتها لكم عساس يصير اسهل واوضح بالشرح ..

هالاله فيها 5 روس وكل راس له فايده معينه :

1- هالراس انا اسميه مفراكة الدلع للجل شور واحسها ماتنظف عدل :\ عن العموم اللي مثل هالنوع اتكلم لانه هذي ماجربتها ..

2-للتنظيف (جربتها )..
3- مادري انحولت او نثولت وخليت هذي للبديكير وفركت فيها قاعة ريلي خخخ وقلت لاختي تونس ناعمه طلعت خامه مو صخره او شي صلب عقب قريت انها لشي 2 :\ بس عقب ماخربتها تنتفت خخخخ..
4- للبديكير كنت بجربها بس مالي خلق وعقب ماجربت رقم 3 احس ماستفدت شي ريولي صارت اخشن مادري ليش :\
5-للمساج ..(جربتها)

رايي :

عقب ماجربت الاغلب خخخ اول مره جربتها بالراسين رقم 2 , 5 وكانت تجربه فاشله بجداره :

1- تون امم يعني تطلع جس مزعج جنه قطو ذار او ياهل موذي :\
2- الاهم من بعيد تشتغل اوكي من استخدمها توقف ماتتحرك الليفه بس الحس موجود يعني تشتغل بس من بعيد:\
3- الاخيس 2 يوم اختربت خخخخخخخخخخخخخخخ مادري ليش يمكن دشها ماي بس مو معقوله يخربها الماي او الباتري بوطقه او بالاحرى اهي بكبرها بوطقة خخ..
4- مادري وين احطها بالحمام وانتوا بكرامه كنت ماخذتها مع القوطي البلاستك مالها :\ يعني صعبة التخزين..

بس فيها مزايا تستحق الذكر:

1-استخداماتها متعدده نظر لتوفر رووس عده معاها ..
2- سهلة وعملية بتغير الرووس ..
3- رخيصه ..
4- اقدر استخدمها اوالافضل استخدامه  بشكل يدوي اقصد بدون لا اشغلها ,بما انها عصاة اسهل بالتفريك ..

*ملاحظة الصور منقولة من قوقل ..

32 comments:

Unknown said...

يعجبني موقفج انتج تبين تسوي اشياء ببالج حتى لو صغيرة ما شاء الله عليج انا خاطري خاطري اتعلم الرماية ادعيلي اقدر اسوي هالخطوةة

هديــل said...

بالعااااافية عليج
وان شاء الله دوم كل شي تبينه يتحقق وكل شي فيه خير لج يصيرلج

=)

Unique Girl said...

كله جذيه اتحمس واخرتها تقولين مو زينه لوول

بس شكلها تشوق صراحه

وبالعاافيه وان شاء الله تستانسين فيها

ويعطييج العااافيه _^

daloo3a said...

ياي تعيبني هالسوالف وااااااااايد
من زمااان مارحت دبي
ان شاء الله هالويكند
هع

مهرة سالم said...

السلام عليكم...
بالعاااافيه عليج حبوبه
والله يحقق كل أمنياتج يارب
.........
على قولتج بوطقه
هالصيني حظ
جد مرات ناخذ أشياء وتكد سنين ومرات من نوصل البيت خربانه
..
دمتِ بخير

كوكتيل said...

مساء الخير :)

أولا كل عام وإنت بخير

ثانيا عليك بالعافية يارب وأخير يارورو حصلتيها :)

وإن شاء الله تحققين كل أمانيك :)

Anonymous said...

الله يحقق أمانيج وكل اللي تبينه إن شاءالله :*
كلش كلش مو دعاية للمنتج خخخ أنا استعملت الليفة اللي فيها عصاية ولونها زجاجي من بوتس ولما يكون فيها ماي ما أحطها بالحمام تكرمين كله برا عشان تحوشها الشمس وآخرتها تفتت من الحر! حدها ردية

خاتون said...

عليج بالعافية
وعسى الله يعطيج اللي
تتمنينه وأكثر
يا اخي مدونتج تذكرني بالأنوثة وتدليع النفس اللي نسيتهم من ثالثة ثنوي يوم دخلت علمي
لوووووووووووووول


موفقة ومبدعة ديمن *_^

may said...

ماشاء الله
عليج بالعافية

:)

DoDoq8 said...

صارلي فتره ودي اشتري هاذي

وشكلها الي عندج يونس

lil.D said...

شكرا ع الريفيو :)

ذهب صافي said...

الله يحقق كل اللي في بالج يا رب
وشي حلو التجربه حتي لو فاشله
الله يوفقج يا رب
وبالنسبه للسبن سبا احس شغل الصيني دائما ابو طقه
خصوصا اللي يجوون في ارض المعارض
بس حلو التجربه

نـ(المطيري)ـازكـ said...

عليــج بالعااااااااافية

بس جنة منتدى كويتيات طايح سعرها

فقلت دام سعرها طايح مامنها فايدة..

^_^

ChuBBy-Doll said...

Kint sharya nafs-haa ham mn hnaak o mashtaghlaaaat .. 3ad mamidani aredha lohom aslan 7atah flos etaxi akthar mn si3irhaaa .. :(((

AM.SA.CHANNEL said...

الصراحة من كلامج أول شي كنت بشتريها و شهيتيينييي أسيييير دراجون الصراحة يبالي أحووطه شوي من زمــــــــــان ما سرتله

بس آخر شي يوم قريت إنه إخترب قلت لا ما تنفع بدور وحجه نفسه في دراجوون أهم شي المساااج يبالي و الله

Made n Q8 said...

علييج بالعافية

وان شاء الله تتحق امنياتج يارب

رورو الشخبوطه said...

هلا اميره ..

اهو الشي مهما كان صغير بالنسبه لي ياثر علي :)

ان شاءالله يارب تقدرين تسوين هالخطوه وكل شي بالج :)

حياج الله..

رورو الشخبوطه said...

هلا هديل..

الله يعافيج..

واجمعين يارب..

مشكوره..

رورو الشخبوطه said...

هلا يونيك ..

خخ اوفر عليكم :)

اي شكلها حلو بس استخدامها مو ذاك الزود ..

الله يعافيج يارب..

مشكوره..

رورو الشخبوطه said...

هلا دلوعه..

مثلي..

ان شاءالله وتروحين بالسلامه وتستمتعين :)

حياج الله..

رورو الشخبوطه said...

هلا نهار..

وعليكم السلام ..

الله يعافيج واجمعين يارب..

مشكوره

.........
صاجه من واقع تجربه

..
حياج الله..

رورو الشخبوطه said...

هلا كوكتيل..


وإنت بخير

الله يعافيج يارب من زمان محصلتها بس توني شريتها وجربتها ..

اجمعين يارب..

مشكوره..

رورو الشخبوطه said...

هلا حنان ..


اجمعين يارب..
مشكوره :*

اي جنه طيحت حظها خخخ ..

وي توقعت مالت بوتس زينه مالت بودي شوب زينه مجربتها قبل ..

وحياج الله..

رورو الشخبوطه said...

هلا خاتون..

الله يعافيج ..

اجمعين يارب ..

خخخ من تتخرجين ببتفرغين لهالشغلات ..

اجمعين يارب..

مشكوره سويتي :*

رورو الشخبوطه said...

هلا مي..

الله يعافيج يارب..

مشكوره..

رورو الشخبوطه said...

هلا دودو..

ماانصحج فيها اهي حلوه كشكل وتحسين مفيده بس كاستخدام مو شي..

وحياج الله..

رورو الشخبوطه said...

هلا ليل..

العفو ولو..

حياج الله..

رورو الشخبوطه said...

هلا ذهب..

اجمعين يارب..

اي صاجه ع اقل ماحطيتها بخاطري ..
اجمعين يارب جزاج الله خير ..

لا للامانه في شغلات حلوه ..

وجوده ..

ومشكوره..

رورو الشخبوطه said...

هلا فدك..

الله يعافيج يارب..

انا شفتها بكويتيات اغلى من برا غير التوصيل :\

وحياج الله..

رورو الشخبوطه said...

هلا دول..

وي حتى انتي :\

عيل البلا فيها مو مني اشوه :)

وصاجه سعرالتاكسي للسوق الصيني وايد لانه بعيد :\

وحياج الله..

رورو الشخبوطه said...

هلا شانيل ..

اي يونس هالسوق ..

اي لا تاخذينها ماتسوى انا قبل حطيت جهاز مساج يونس وهناك المحلات تشوق للمساج :)

وحياج الله..

رورو الشخبوطه said...

هلا مدمد..

الله يعافيج..

واجمعين يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads