Sunday, September 26, 2010

السلام عليكم ..

امس اتصلت احجز موعد عشان اسوي اظافري بس طلع عطلتهم الاحد قلت لاختي قبل لااسكر منهم التلفون جان تقول الحجيه لا اذا تبين نبطل عشانج وكنت احاتي هالشي قلت معقوله واخاف المديره ماتدري :\

ورحت اليوم واشوه موجوده وبعلم البق بوس مالهم :)

بس شنو وناسه لما يكون الصالون لج انتي بس خصوصي خخخ..



هذي صورت الصالون ماخذتها من الفيس بوك ..

وهذا منيوهم مال البديكير والمنيكير وفي بعد عندهم شغلات 2 مساج وتركيب اظافر وازالة شعر والخ ..

انا خترت سبا منيكير وبديكير ..
وهذا اللون اللي اخترته ..



وهذا اسمه ورقمه ..

مادري شفيها ايدي اهي اهي بس لاتدققون اللون عجبني ولمعة حلوه ماشاءالله اول مره اجرب هالماركه ..

واخر شي حطيت استيكرز ع اظافري .. اهني ايدي احلى مو ؟؟

وخذيت لي شحاطة لانه جوتي مسكر وانتوا بكرامه بس بفلوس مو فري :\

اسعارهم :

المنيكير : 8 د.ك ..
البديكير :10د.ك..
الستيكرز الظفرين بنص ..
والشحاطه دينار ..

رايي :
-اسعارهم زينه .
-الخدمة زينه وعجبني انه فتحو مخصوصا لنا :)
-النتيجة عجبتني سواء صبغ او قص او تريتمنت والشغل من ظفرج لي ركبج هذا بالنسبه للريل والايد لي الكوع في اماكن 2 بس لي الكف والريل يكتفون بالقدم بس :\
-وحبيت اللي سوت لي اسمها ريكا :)

وحاليا عندهم عرض للمنيكير والبديكير العادي بس من 9 صار 5 دنانير ..بس حسافه اللي سويته ماكان شامله العرض اهي اهي خخ..

عنوانهم :
السالميه , ق 9 , شارع بغداد ,عمارة 703
تحديدا :



رقمهم :

25755024

وصفحتهم بالفيس بوك :هني


وياحلات الدلع

ومرسي اخيتي ع تصوير اغلب اللقطات :)

24 comments:

Unique Girl said...

يا حلات تطويل الأضافر ويا شين المدرسه لووول الي تحرمنا منهم

حلوووه وايد ما شاء الله

يعطييج العاافيه ^_

Anonymous said...

يا انتي يا دلع... ماشاء الله خوووش شي

تحبين البدي كير

جربي صالون جي اف لازرتيك... هم حلوين.. بس مو سبا

يابختي..انا

خاتون said...

عليج بالعافية
شكله حلو وهادي
وتو يبي يثبت نفسه بالسوق
^_^

Shaikha said...

شوقتيني

نـ(المطيري)ـازكـ said...

ما شاء الله ..

حبيت اللمعه ..واللون حلووو ..

عليج بالعااااااافية .. ^_^

Engineer A said...

عليج بالعافية

اللون يهبل ماشاءالله

ذهب صافي said...

ما شاء الله احلى شي الواحد يدلع
الصراحه خوش شي و اسعاره معقوله
الله يهنيج
انا عن نفسي احب صالون الشرقيه
احب البديكير و المنيكير
اروح مخصوص علشانهم
و اسعارهم حلوه

Anonymous said...

بالعافية إن شاءالله
اللون يهبل ماشاءالله بس لاحظتج ما تغيرين هاللون كللش خخخ

Fishah said...

اي والله يا حلات الدلع

مشكوره :)

قلب طفله said...

ما شاء الله حلو :)
عليج بالعافيه و يبيله نجرب ^_*

malak said...

واي يونس يبيله نروح يوم


مشكوره حبيبتي :)

رورو الشخبوطه said...

هلا يونيك..

خخ اي اول كنت اعاني كله مخالفه منهم خخخ..

الله يعافيج يارب..

مشكوره..

رورو الشخبوطه said...

هلا يابختي ..

علامج متنكره :\

اي احب هالسوالف وين صاير؟؟

ومشكوره..

رورو الشخبوطه said...

هلا خاتون ..

الله يعافيج يارب..

اهو من زمان موجود من سنه :)

ومرسي..

رورو الشخبوطه said...

هلا شيخه ..

انا متشوقه بعد :)

وحياج لله..

رورو الشخبوطه said...

هلا نازك ..

الله يعافيج يارب..

مشكوره..

رورو الشخبوطه said...

هلا انجو..

الله يعافيج يارب..

مشكوره..

رورو الشخبوطه said...

هلا ذهب ..

الله يسلمج..

رفيجتي تمدحه ..

بس انا افضل السبا ع الصالونت بهالسوالف ..

ومشكوره..

رورو الشخبوطه said...

هلا حنان..

قصدج الفوشي وبالسبا؟؟

اذا اي لانه غرامي بس الدرجات وماركات غير..

اما اذا مو سبا لا احط كل الوان :)

والله يعافيج يارب..

مشكوره..

رورو الشخبوطه said...

هلا فيشه..

العفو ولو..

حياج الله..

رورو الشخبوطه said...

هلا طفله..

الله يعافيج يارب..

ان شاءالله تجربينه ويعجبج :)

وحياج لله..

رورو الشخبوطه said...

هلا ملاك..

ان شاءالله..

والعفو ولو..

حياج الله..

Made n Q8 said...

واايد حلوة لمعه الصبغ مشالله

والسليبر شدعوه عليهم بدينار غالي
نيل ستيشن يعطونج اياه ابلاش

يعطييج العافية

رورو الشخبوطه said...

هلا مدمد..

اي حبيت ماركة الصبغ شكلي كل بحطها خخ..

اي انا توقت شحاطه عاديه مو هذي :\

و الله يعافيج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads