Thursday, September 9, 2010

السلام عليكم..










وكل عام وانتو بخير ..



وتقبل الله طاعتكم يارب..


ابلش بالاهداءات لكل المدونين والمدونات سواء اللي اتابعهم او يتابعوني ..




صار دور الذكريات..


حتى العيادي صارت ماضي ويح قلبي اهي اهي بس باخذ بالمستقبل ان شاءالله..





التطقيم او التطخيم ع قولت مامي وبابي انا واختي اللي اصغر مني بسنتين كل نلبس مثل بعض بالعيد ويت فتره حتى اختي الصغيره تلبس مثلنا اشكره امي مالها خلق تدور :)






اخييه دوارفع العيد وخاصه ملوت جمعية الفيحا :)



الحنه من بالليل نحطها ونغسلها الصبح وايدنا تعورنا اح بس وناسه احس شي مهم وخاصه بالعيد ..
(اضافة : في بنات استغربوا انه اتحنى بالعيد يقولون ع ايامج قصدهم طفولتي الناس تطورت :\ خخ وخبرهم بالحنه بالثمنينات قبل لا انولد عاد عللت الموزوع انه امهاتهم مو كويتيات والاهم اهم مو عايله تقليديه تراثيه مثلنا)





صلاة العيد اهي موجوده بس مو كل مره اروح لها اذكر اول لازم نروح وكان المصلى بالبراحه اللي ورا بيتنا وكنا نمد لهم وايرات من كهربتنا وعقب غيروا مكانه رحنا للمنطقه اللي يمنا وكان زحمه وفي نمل كبار اصلي متصروعه :)

وكافي حس اذان صلاة العيد غير وجوده يحسسني بالعيد..
انا لي المتوسطه تقريبا وقعدت 5 سنين مارحت صلاة العيد لما رحت لها كنت فاقده الذاكره امبيه استغفرالله بدعت فيها ..


ومره 2 رحت لها وانا اعرف وحزت ركوعي توني مجندسه ماوعيت الا هاللي داعمتني خطر لا تطيرني استغفرالله ضحكت ..

ومره وحده دعمت يارتنا جان تركض وراها بتطقها وخلت الصلاة خخ..

وهم لما كنت اصغيره كنت لابسه تنوره وحده قعدت عليها واي زين مابجيت :(


وايد مواقف غيرها بس ماطول عليكم..




وي خلص البوست :)


اول وتالي حلات العيد بيمعة الاهل وهالسنه ماحس في عيد لاني فقدت حبية قلبي ديده الله يرحمها يارب توفت بنص رمضان فيني بجوه :( <<<هالحجي العام


كنت عادي ماروح لاحد الا اهي اميمتي :(



اخيييه.




كالعاده دوركم الحين مو تبجون انا ببجي بروحي ..
شنو اهم شي له ذكرى حلوه عندكم بالعيد ؟وشنو طقوسم بالعيد..؟

**هالبوست منزلته العام عدته مره 2 لانه احبه :) وطبعا عدلته ..

60 comments:

Abdulwahab Alhajji said...

ههه خوش قصص و ذكريات , والله يرحمها و يغمد روحها الجنة إن شاء الله , أنا بالعيد اليوم الاول اهوا العيد الفعلي بس هههه , اول شي نقعد و نروح الصلاة كلنا و بعدين نرد بيت يارتنا كل الفريج يتريق عندهم و اللي ما ايي يقعدون يحشون فيه لوووووول , و بعدين نروح بيت عماتي و أعمامي ويا أبوي , و الغدا كلنا نتيمع في بيت خالتي (كنا السنة اللي طافت في بيت يدتي الله يرحمها بس نفس قصتج) و بعدين نقعد نسولف لي الساعة 7 تقريباً و بعدين اللي بينام عالقنفة و اللي بيروح يسير و كل هالأشياء عاد (انا من اللي ينامون عالقنفة لوووول) و اليوم الثاني و الثالث كله طلعات مع عيال خالتي لأن أكون خلصت من الزوارات , و هذا عيدي :) عيدج مبارك و كل عام و انتي بألف خير :)

هديــل said...

اي كنا ما نطقم احنا بس لازم قبل العيد بيوم نحط حنه وننام فيها واختي الكبيرة تحط نقش مع ان ماكو فرق بيني وبينها بس يعني اهيا الكبيرة لوول وتقعدنا امي مبجر عشان نغسل الحنة وتكون حارقتنا وامي مسوية لنا ريوق نتريق بعدين نكشخ ولما يرد ابوي من صلاة العيد نصف له دور من الكبير لما الصغير < لازم وامي تصورنا فيديو واحنا نحب ابوي ونعايده ويعطينا العيدية :)

الحين لا عادي اقعد الصبح اروح الصلاة ارجع اتريق بعدين البس واروح لا حنة ولا بطيخ مع ان ودي مرات احط لوول

كل عام وانتي بخير وعيدج مبارك =)

مـي said...

تقبل الله طاعتك وكل عام وانتي بخير

خاتون said...

السلام عليكم ورحمة الله وبركاته
عيدج مبارك وأيامج سعيدة
وتقبل الله طاعتكم
وعسى الله يرحم يدج وأجدادي
ويغفر لهم أجمعين
أحلى طقوس العيد بيض بلاليط في بيت يدتي وركضتنا بالفريج ومشاعر الفرحة واللمة اللي على قلب
عيد سعيد ^_^

panadool said...

عيدكم مبارك
وتقبل الله طاعتكم

سمو الأميرهـ ..ツ said...

كل عااام وانتي بصحة وسلااامه حبيبتي


وينعااد عليج كل عام وكل حوول يارب

====
ربي يرحمها ويغفر لها وموتى المسلمين أجمعين
------

بيتنا هالسنه ما كان حلو
وايدين مسافرين ، لا حسينا برمضان وشكلنا ما بنحس فالعيد بعد
عايلتنا وايد كبيرة ما شاء الله
واتعودت ع الربشة والزحمة والإزعاج يوم العيد
بس هالعيد
أغلب عايلتنا مسافرين
اللي يكمل دراسته
واللي يدرس
واللي مهمة
:"(

========

كل عاام وانتي بخييير ماما رورو

;)

~أم حرّوبي~ said...

عموووووووووووو عيدج مبارك وعساج من العايدين السالمين واااااااااي وناسه يالسه اطق طق بالكيبورد بايدي المحنايه احلى شي ^^

وبصراحة العيد بدون صلاة العيد موشي ما تحسين عاد اخلى شي التكبير احس عيوني تدمع :’)


عسااااج من عواااده ^^

Katkoota xD said...

يا حلو ذكريات العيد

احنا نقعد الساعه ٨ او ٩ نتجهز

و ننزل يكونون خوالي يايين

نقعد كلنا االي يتريق حليب و درابيل و كيك و جذي

و بعدين نطلع كلنا نتغدى برا و من تخلص بيت يدي اهل امي

كل اعمامي و عماتي و كلنا هنااك

و اليوم الثاني نفس الكلام بس عند اهل ابوي

كل عام و انتي بخير

عيدج مبارك

و تقبل الله طاعتج

نمووول said...

عيدج مبارك
وتقبل الله طاعتج
الوالدة بعد تقول طخم الله يحفظ لج
والدج والدتج على احبابج

كل عام وانتي بخير

BookMark said...

عيدج مبارك
أحلى ذكرى الحنة على انها كانت ذكرى أليمة ;p

واذا كشخنا حطينا لفافات بروسنا ولا قصدير
ونمنا متضايقين من الحوسة الي براسنا

maram said...

عيدكم مبارك
وتقبل الله طاعتكم

كل عام و انتم بخير

AM.SA.CHANNEL said...

والله بوستج حلو الصراحة شكلي بصرق فكرتج هههههه أحس تتعرفين على أعياد الدول الثانية

بس تصدقين أحس يوم كنا صغار صدق صدق نحس بالعيد طبعا الحواطة في الفريج و تيميع العيدية أحلى شي

أما الحين عيدنا

الله يسلمج نحنا عنا لازم أنش من الصبح يعني على 6 أو قبل عشان أتلبس و أكشخ و لازم أكون مرتزه في الصالة على الأقل قبل الساعة 8 ههههه لأنه نحنا خوالي و عمومتي إيوونا بعد الصلاة على طول و ماشاء الله بالدور يدخلون من غير عيال خالي و ياراتنا يعني لوويااا عيدنا ما أقدر أيلس على الكرسي لين 2 و بمجرد ما إني أفضى أتصل بربعي أعيدهم بالعيد
و أذكر العام كنا حدنا تعباانين و نحنا كل سنة تعيد ويانا بنت خالي فأذكر كنا متمددين في الصالة يتا حرمة على الساعة 3 الظهر و تظرب هرن في الحوي قلنا ما بنتحرك لأنه صدق مب حلوة هالوقت الزيارة في العيد و كلنا نبا نرقد و روحت بعدين

طبعا العصر لازم 5 أكون مزهبه و يالسه في الصالة أو الخيمة هههههه يمكن أي حد يدخل علينا بنات خالو أو حد من يرانا أو عرب
أو ساعات نشرد من البيت نسير عند قوم يدوو نسلم عليه اللي هي أم أبوي
و الفليل إيوونا بنات خالتي هذا من أهم الطقووس عنا و لازم نطلب من الكافتيريا أو ماكدونالدز ههههههه

اليوم الثاني الصبح قوم أميه يسيروون يسلمون و أنا أرقد شويه هههههه بذلت طاقة أول يوم
إيونا قبل الظهر عمي و مرته و عيالهم و يقعدون عنا لين بعد صلاة الظهر بعدين نروح نقيل بيت قوم يدو اللي هي أم أميه لين فليل و هذا أحلى يوووم عندي
اليوم الثالث قزز هههههههه شرده من البيت
بس شكله هاليوم الثالث السنة بيتغير
لأنه يدوه أم أبويه قالت تبا ثالث يوم العيد نقيل عندها بهلك بتعدل 3 أيام هههههههه

صح إنه تعب لكن حلــــــو و وناسه وااايد

باجر الجمعة أعتقد الطقووس بتختلف شوي ههههههه

Unique Girl said...

الله يرحمها ويغمد روحها الينه

وشكراً شكراً على الإهداء <<واثقه انه لها الأخت لوول

بس والله في وايد ذكريات بالعيد

وانا احس مافي عندنا طقوس بالعيد

الى ان نروح نسير على الكل خوالي يدتي وجذيه

وبعدها باليل سينما او شي جذيه يعني بس المهم نستانس

قلم ومسّاحة said...

كل عام وانتي بخر وفطر سعيد عليج، والله يرحم يدتج يارب، بالنسبة حق طقوسي بالعيد ما أسوي شي يذكر، عدا التجمعات حزة الغدا في بيت أهل أمي وأهل أبوي وهالسنة ما راح نروح مكان لأن أمي مريضة وأغلب أهالينا راح يسافرون..

Basees said...

عيدكم مبارك
وكل عام وأنتم بخير وصحة وصلامة

Engineer A said...

احنا اهم الطقوس عندنا كانت الحنة بليل بس عاد انا من جيل الثمانينات :))

الحين وين ماقامو يحنون ايدهم مثل قبل وكل شي تغير :(


عيدج مبارك وعساج من العايدين والفايزين

Hanan said...

هههه عجبتني سالفة التطقيم
والله تبين الصج! العيد عندي نفس باجي أيام السنة بس تعب على الفاضي! مالي خلق أقعد الصبح عشان أعايد ... احنا الصبح أبوي يقعدنا علشان نزور أهله ونتغدا عندهم أما بالليل فيكون مخصص لأهل أمي واليوم الثاني طلعات

أما العيدية هههههه قبل لما كنت طالبة كانوا كلهم يعطوني أما الحين دشيت الجامعة فيقولون ماكو عيدية لأن عندج إعانة خخ بس مو كلهم ما يعطوني لا حرام، يدتي ويدي وبعض عماتي يعطوني لأن بنظرهم أنا ليلحين ياهل خخ عمري 5

الجودي said...

كل عام و إنت بخير و تقبل الله طاعتج
ومن العايدين الفايزين إن شاء الله
الحنه أهم الطقوس لووول و الصبح الايد تعور لوول

و بخور أمي وايد أحب ريحته الصبح أحسه غير بخور العيد غير عن باجي الأيام

Anonymous said...

الله يرحم يدتج و يغمد روحها الجنة..

أنا بالعيد اقعد من الصبح و اجابل التلفزيون من قناة لي قناة اشوف اجواء العيد و لي صار الليل نمت و خلص العيد :)

عيدج مبارك و عساج من العايدين و الفايزين.

Made n Q8 said...

تقبل الله طاعتج وكل عام وانتي بخير

وصح حلات العيد باليمعه

الله يرحمها يارب

انا الي اطفرني بالعيد الحنة يييييع ريحتها تغث بس لازم امي تحطها لي

وكانت تلبسني ذهب ماكنت احب البسهم بس غصب

وتعالي عاد شوفي اللبس لازم منتفش وهالخام الي فيه ورود مايتغير

nour said...

عيدكم مبارك

عين بغزي said...

عيدكم مبارك وكل عام وانت بخير و تقبل الله طاعتك بإذن الله

ayamee said...

رورو

ولهت عليييييييييييييييج وااااااايد
أنا fionaaa
صار عندي بلوق يديد ;p
والله لج وحشه

عساج بخير
وتقبل الله طاعتج
وكل عام وأنتي بخير
وعيدج مبارك
أنتي لاحظتي
أنه الحجي فوقه فوقه لوول مو ملحقه
;*

ayamee said...

رورو

ولهت عليييييييييييييييج وااااااايد
أنا fionaaa
صار عندي بلوق يديد ;p
والله لج وحشه

عساج بخير
وتقبل الله طاعتج
وكل عام وأنتي بخير
وعيدج مبارك
أنتي لاحظتي
أنه الحجي فوقه فوقه لوول مو ملحقه
;*

ayamee said...

رورو

ولهت عليييييييييييييييج وااااااايد
أنا fionaaa
صار عندي بلوق يديد ;p
والله لج وحشه

عساج بخير
وتقبل الله طاعتج
وكل عام وأنتي بخير
وعيدج مبارك
أنتي لاحظتي
أنه الحجي فوقه فوقه لوول مو ملحقه
;*

أبوفلان said...

من العايدين والفايزين ان شاء الله

وكل عام وانتي بخير

Amwaj said...

عيدج مبارك وكل عام وإنتي بخير :)
وعسى الله يتقبل منا ومنكم صالح الأعمال

أما طقوس العيد
فأهمها القعدة من الصبح عشان سنة على ما نلبس آنا واختي وعلى قولة أخوي لو عرايس ما تاخذون كل هالوقت عشان تجهزون !!

ميمة السبيت said...

** عيدج مبارك و كل عام وانتي بخير

بس ذكريات صلاة العيد عجيبة اقول لو قاعدة في بينكم احسن لووول

lil.D said...

كل عام وانتي بخير وعساج من العايدين والسالمين يا خيتو
حبيت موضوعج خص اني احاول اقول للي حولي الجديم يتجدد :)
وان شالله اتكون دياركم عامره بالاوقات الحلوه ^ـ^
تقبل الله طاعاتكم

reemas said...

ايامج سعيده
و تقبل الله منا و منكم صالح الاعمال

كل عام و انتي بخير

رورو الشخبوطه said...

هلا اخوي وهابي..

امين يارب جزاك الله خير..

خخ وناسه خوش طقوس ماشاءالله ماتبوني :)

الله يرحمها يارب..

ايامك سعيده..

وانت بخير وصحة وسلامه يارب..

وتقبل الله طاعتك..

مشكور..

رورو الشخبوطه said...

هلا هديل..

شكلكم عايله كول ماشاءالله وامج صغيره :)

انا بعد متشوقه بس ابي ع راسي :)


وانتي بخير وايامج سعيده وتقبل الله طاعتج يارب..

مشكوره..

رورو الشخبوطه said...

هلا مي..

منا ومنكم يارب صالح الاعمال..

وانتي بخير..

شكرا :)

رورو الشخبوطه said...

هلا خاتون

وعليكم السلام ورحمة الله وبركاته..

منا ومنكم صالح الاعمال يارب..


امين ..

ان شاءالله دوم :)

مشكوره..

رورو الشخبوطه said...

هلا اخوي بندول ..

منا ومنك يارب صالح الاعمال ..

وايامك سعيده..

مشكور..

رورو الشخبوطه said...

هلا سمو ..

وانتي بصحة وسلااامه


اجمعين يارب..
====
امين يارب..

------

الله يردهم بالسلامه وتعوضون هالجمعات ع خير ان شاءالله..
========

وانتي بخير..

مشكوره..
;)

رورو الشخبوطه said...

هلا ام حروبي..

ايامج سعيده واجمعين يارب..

وناسه بالعافيه ..

اي سبحان الله اهم شي بالعيد اهي ..

مشكوره :)

رورو الشخبوطه said...

هلا كتكوته..

دوم هالجمعه يارب..

وانتي بخير..

وايامج سعيده..

ومنا ومنكم صالح الاعمال يارب..

مشكوره..

رورو الشخبوطه said...

هلا اخوي نمول..


ايامك سعيده..

ومنا ومنكم صالح الاعمال يارب..

اي خخ الله يسلمك يارب..

وانت بخير..

مشكور..

رورو الشخبوطه said...

هلا بوك..

ايامج سعيده..

اي اح خخخ..

جربتها بحفلة تخرجي من الثانويه نمت ويهي ع المخده زين مامت خخخ..

واخر شي ماعجبني شعري ..

ومشكوره..

رورو الشخبوطه said...

هلا مرام..

ايامج سعيده..

منا ومنكم صالح الاعمال يارب..

وانتي بخير..

مشكوره..

رورو الشخبوطه said...

هلا شانيل..

مشكوره من ذوقج وحلالج خخ هذا من اهداف اللي خلتني اعيده اني ابي تعرف طقوس الدول ال2 بالعيد:)


العيد واحنا صغار غير صج فرحه وكنا ننطره نطره..

وناسه ماشاءالله عيدكم متروس احداث الله لايحركم هاليمعه الحلوه يارب ودوم ان شاءالله ..

مشكوره سويتي :)

رورو الشخبوطه said...

هلا يونيك..

امين يارب ..
جزاج الله خير..

والعفو ولو خخ اي لج اكيد..


اي هذي تعتبر طقوس ودوم مستانسين يارب..

وحياج الله..

رورو الشخبوطه said...

هلا اخوي قلم..

وانت بخير يارب..

امين ..

سلامتها ماتشوف شر حاولوا تسون شي بالبيت عساس نفسيتها ..

ومشكور..

رورو الشخبوطه said...

هلا اخوي بصيص..

وانت بخير وصحه وسلامه..

وايامك سعيده يارب..

مشكور..

رورو الشخبوطه said...

هلا انجو..

خخ انا التسعينات :)

انتوا حنوا بناتكم اذا الله كتب وصار عندي بنات بحنيهم ان شاءالله..

ايامج سعيده..

مشكوره..

رورو الشخبوطه said...

هلا حنان..

خخ..
بس وناسه غير لما تكون فيه يمعه .

خخ بعدج صغيره ع انه يوقفون العيديه عنج ..

وبس الاغلب من يدشون الجامعه تقل خخخ..

تمهيد للدوام ..

وحياج الله..

رورو الشخبوطه said...

هلا الجودي..

وانتي بخير ومنا ومنكم صالح الاعمال يارب..

ان شاءالله..

اي خخخ بس شي حلو ..

اهو صبح العيد غير..

وحياج الله..

رورو الشخبوطه said...

هلا غير معروف..

امين يارب..

جزاج الله خير..

مثلي :(

ايامج سعيده واجمعين يارب..

مشكوره..

رورو الشخبوطه said...

هلا مدمد..

منا ومنكم صالح الاعمال وانتي بخير..

اليمعه السنعه مو الملاقه خخخ..

امين يارب..

ين مو بس احنا خخخ..

بس وناسه حلو..

اي خخ كان مو خوش ستايل ماعندج صور فيه خخخ..

ومشكوره..

رورو الشخبوطه said...

هلا نور..

ايامج سعيده..

شكرا..

رورو الشخبوطه said...

هلا اخوي عين..

وايامك سعيده وانت بخير ومنا ومنكم صالح الاعمال يارب..

مشكور..

رورو الشخبوطه said...

هلا فيونه..



انا اكثر عاش من شافج :)

بخير دامج بخير..

منا ومنكم صالح الاعمال يارب..

وانتي بخير..

ايامج سعيده..

خخ عادي عادي لويه العيد :)

وحياج الله..

رورو الشخبوطه said...

هلا اخوي بوفلان ..

ان شاءالله..

وانت بخير يارب..

مشكور..

رورو الشخبوطه said...

هلا امواج..

ايامج سعيده وانتي بخير..

امين يارب..

خخ ان شاءالله يجهزكم عرايس :)

ومشكوره..

رورو الشخبوطه said...

هلا ميميه..

ايامج سعيده وانتي بخير يارب ..

خخخ اهو العيد بدون صلاة بايخ :\


خخ بس ماقمت اروح وايد :(


مشكوره..

رورو الشخبوطه said...

هلا ليل..

وانتي بخير واجمعين يارب.

مرسي ماكو احلى من العتيج ..

اجمعين يارب..

منا ومنكم صالح الاعمال يارب..

مشكوره..

رورو الشخبوطه said...

هلا اخوي ريماس..

مشكور..

و انت بخير..

Crazy Girl in aGood Way said...

عيدج مبارك وتقبل الله طاعتج

:)

رورو الشخبوطه said...

هلا كريزي ..

ايامج سعيده ..

ومنا ومنج صالح الاعمال يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads