Saturday, September 18, 2010
9:11 PM
السلام عليكم ..
اليوم اول مره بحياتي اذا ماخنتني ذاكرتي كالعاده خخ اتفطر بمطعم ..
ودي اجرب الفطور برا برمضان بس حلاته طلعه عائليه ..
المهم بما ان احنا صيام فمابقى مطعم ماكان ودنا ناكل فيه فرايدي-اشاز- رايس-مطعم بيتا يديد اخر شي استقرينا ع كافيه بلان ..
المنيو ..
المقبلات ..
المملحه عجبتني :)
شوربة عدس شكله موذاك الزود بس طعمها زين والحلو انه فيها بطاط وحامضه بس ماحس مثل شوربة العدس التقليديه لاطعمها غير ..
ومعاها هالمقبلات ..
وخبز ..
فتة حمص و حمص باللحمه ..
تبوله وشبس لاختي عجبتها التبوله :)
مشاوي مشكله اول مره اشوف مشاوي بخبز :\
ويخيرونكم اذا تبون معاها بطاط ودجز او عيش او حمص ومخلل ..
والمشاوي والتبوله خذيناهم تيك اوي ..
وهذا ضيافه منهم قهوتهم القرسون حلف ولزم انه نجربها خخ ماكو مانحب بطنا متروس الا غصب طيب تجربونها خخ واشوه طلع طعمها حلو مثل الماي وريحه ماي ورد حبيته :)
الفاتوره ..
وبالعافيه علينا :)
مكانه : بالافنيوز برا صوب النافوره ..
ورايي باختصار : الاكل زين بس ماعندهم كبة لبن :(
س: شنو احلى مطعم لبناني جربتوه؟؟واهم شي فيه كبه بلبن ..
Labels:
اكل
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
51 comments:
** روحي المياس اللي في شيك و ادعيلي شوفي جربت اغلب المطاعم اللبنانية بس بصراحة ما ذقت نفس أكله
و بالعافية عليكم جم يوم بقالج :p
بالعاااافية
انا بسرعة امل من المطاعم اللبنانية
احلى مطعم لبناني جربته بلبنان :) مطعم الساحة
راح يفتحونه بالكويت قريب
a7eb akelhom wayed 7elooo :)
o bel3afia 3alekom ;*
جربي مطعم عبدالوهاب
عليكم بالعافية
انا اطلب في بلان طبق راس العصفور لذيذ
:)
ماحبه كافيه بلان :s
احلى شي #1 ميس الغانم بس هيلقي لوول
و #2 كرم لبنان بالافينيوز فوق كافيه بلان بس المو حلو فيه انه فيه شيشه
و بدبي في مطعم لبناني وايد حلو و لذيذ اهوا الحلاب
عندهم ريوق؟
خلص رمضان وولهنا على ريوق الدوام ;)
ماشاء الله بالعافيه
شكل الفته يغري جدا
توقعتج خلاص ماراح تطبين مطاعم رفيجتج تزوجت وخلتج :-)
الفال لج ان شاء الله
عسى ريلها طلع فيول نفس الي تحبه ههههه
بالعااافيييه عليييكم
اي مثل مااقاااالت ميمة ميااااس اكله حلووو وحبيت شورمتهم حيييل
فيلا فيروز أحلا مطعم لبناني بالكويت
عاد انا توني قاعده ويوعانه الله لا يوريج شلون اطالع الأكل لووول
بالعاافيه علييج
كافيه بلان كليت فيه مرة من زمان وكان في المارينا فوق .. أكله لا باس فيه
بالنسبة لأفضل المطاعم اللبنانية بالنسبة لي
1. فيلا فيروز اللس بالشعب البحري
2. أوتار في المارينا
ومطعم الطربوش في الشيراتون اذا ماني غلطانه
نسيت ..
تقبل الله طاعتج وعليكم بالعافية
يمي يمي
شهيتيني بالأكل
شكله لذييييذ
^^
بالعافيه عليكم =)
عليج بالعافيه حبيبتي
احب فيلا فيروز .. كبتهم بلبن حلوة انا اطلبها من غير عيش :>
بس هالحجي من زمان ان شاء الله تجربينها وتكون على ذوقج
عوافي
عليج بالف عافيه
في مطعم بالكوت حلو حيل بس كله زحمه يعني زين تلقين طاوله طق عصي على قولتهم لول
اسمه ميجانا
بس ماادري اذا عندهم كبه باللبن
اول شي بالعافيه :)
ثاني شي بما اني من عشاق الكبه بلبن والاكل اللبناني لاحظت شي انه نادر ما تلقين مطعم عنده كبه بلبن ! مادري شنو السر بالسالفه ؟
برج الحمام حلو :) و فيلا فيروز احلا
عليج بالعاااااافية
احلى اكل بناني كليتة بمطعم برج الحمام .. والبلد
^_^
السلام عليكم
اول مرة اسمع بهالمطعم .. بس انا قاعدة اقرا واشوف الصور وانا صايمة
يعني تعذبت :/
عليكم بالعافية يارب :*
وشكله حلو
شوقتيني.. عاد انا يوعانه الحين ..عليكم بالعافيه:) و
بالعافية إن شاءالله
شكل شوربة العدس يسد النفس الحمدلله ليش جذي؟
عن نفسي المطاعم اللي أحبها المياس وليلى من لبنان وقبل كان بالفحيحيل تنورين وجنه تسكر
عليج بالعافية
جربته من قبل اشغلهم حلو لقعدة حلوة
بس الكوستمار احيانا يكونون قليلين أدب بالذات حزة العصر والشيشة لازم أيي واحد معفن ينفخ الدخان الشيشة صوبج من باب التحرش حتى لو كانت أمج وياج تحسين محتره
وسيرفسهم بطيء
بس الاكل اللبناني الحلو موجود
بالبردوني و مطعم البلد
واحب شاعرية قصر النخيل ووادي العيون
وطبعا ميس الغانم ذا توب
بس الزحمة لازم يكونون يعرفون ويهج علشان يضبطونج
وأتوقع انج تعرفين كل المطاعم اللي ذكرتهم
*_^
وهني وعافية على قلبج
قوة
عليكم بالعافيه و تقبل الله طاعتكم
أفضل مطعم لبناني جربته الميجانا إلي في الكوت بس كل ما جرب واحد واقارن احس كفة الميجانا ترجح كل ما يصير خاطري بلبناني اتعنى لي الكوت علشانه مممم بس ما ادري إذا عندهم كبة لبن اشيك لج المره اليايه
مو زين اشوف جذي وانا صايمه :P
عليكم بالعافية
زهر الليمون عجيب
وعندج بعد فيلا فيروز ماعليه كلام
هلا ميمه ..
ان شاءالله اجربه ..
الله يعافيج يارب..
5 ايام من 6 شوال :)
ومرسي..
هلا هديل ..
الله يعافيج يارب..
انا احب انوع واللبناني مقبلاتهم تشوق :)
بس حلو ماعندهم :\
وان شاءالله يفتحونه ونجربه ..
مشكوره..
هلا سويره..
الله يعافيج يارب..
مشكوره..
هلا ستار ..
ان شاءالله..
والله يعافيج يارب..
اذا رحت له مره 2 اجربه ان شاءالله..
مشكوره..
هلا رورو..
اهو عادي مو وااو في الاحلى منه..
ماجربت ولا واحد من اللي قلتيه بس بجربهم ان شاءالله..
مشكوره..
هلا بوك ..
جنه مو متاكده ..
وحياج الله..
هلا اخوي بوفلان ..
الله يعافيك يارب..
وطعمها زوين :)
خخ الله يوفقها ويردها بالسلامه يارب..
الله يسلمك والفال لفلان :)
مايجوز الغيبه وانا اختك ؛)
وحياك الله ..
هلا عنايدهم..
الله يعافيج ..
ان شاءالله اجربه..
مشكوره..
هلا بوشا..
من اللي جربتهم صاجه ومثله صبح ومسا ب360..
ومشكوره..
هلا يونيك..
خخ شعور خايس..
الله يعافيج يارب..
مشكوره..
هلا انجو..
صاجه اهو مو وااو زوين..
وماجربت من اللي ذكرتيهم الا فيلا فيروز وبجرب الباجي ان شاءالله ..
والله يعافيج ومنا ومنكم صالح الاعمال يارب..
مشكوره :)
هلا دلوعه..
الله يعافيج يارب.
مشكوره..
هلا بنت الديره..
الله يعافيج يارب..
اي صاجه جربتها وزينه وعيشهم حلو بعد ومثل طعم اللي بصبح ومسا ب360..
مشكوره..
هلا ابتسامه..
الله يعافيج يارب..
مشكوره..
هلا امل ..
اي يمدحونه ويقولون اهو مثل فيلا فيروز وصبح ومسا كلهم نفس الشي بس اسامي غير..
والله يعافيج يارب..
عاد خاطري اروح الكوت بس بعيد :(
ومشكوره..
هلا اخوي بومشاري..
الله يعافيك يارب..
اي حتى انا مستغربه ليش الكل مايسويها :\
جربت فيلا فيروز يبيله اجرب برج الحمام..
وصبح ومسا ب360 عندهم كبه بلبن مثل طعم مالت فيلا فيروز ..
هالطعم جني ادلل عليها خخ..
ومشكور..
هلا فدك..
وايد يمدحون برج الحمام يبيله اجربه..
اما البلد جربت ريوقه ماجربت الاكل اللبناني البحت اللي فيه ..
والله يعافيج يارب..
مشكوره..
هلا برنسس..
عليكم السلام والرحمه ..
خخ انا تعذبت لايف كنت اشوفه وكنت صايمه ..
والله يعافيج يارب..
مشكوره.
هلا عسل..
الله يعافيج يارب..
مشكوره..
هلا حنان..
الله يعافيج يارب..
ي استغفر الله بس طعمها زين صج مو مثل الطعم المالوف للشوربه بس حموضتها زينه..
ليلى جربته باجي اجرب المياس ..
ومشكوره..
هلا خاتون..
الله يعافيج يارب..
انا قعدت داخل اصد وابرد وممنوع الشيشه فيه ..
واللي خدمنا كان وايد زين..
خخخ لا ماعرف الا البلد :\ وجربته ريوق ..
بس بجرب الباجي ان شاءالله..
الله يهنيج ويعافيج يارب..
مشكوره..
هلا والله الجودي..
الله يعافيج ومنا ومنكم صالح الاعمال يارب..
جربتي فيلا فيروز او صبح مسا يقولون اهما وميجانا نفس الشي؟؟
انا جربتهم كلهم الا الميجانا وفيهم تشابه خصوصا بالفته وكبة باللبن تقريبا نفسه بالضبط ..
ومشكوره..
هلا مدمد..
خخ كلش مو زين..
والله يعافيج يارب..
مشكوره..
هلا ريحانه..
جربت زهر الليمون ماعجبني وماعندهم كبه بلبن..
وفيلا فيروز صاجه زين ..
ومشكوره..
مساء الخير
إشلونج حبوبه
شوفي أنا جربت فيلا فيروز وما عجبني و كنت عازمه ناس ولا عجبهم و هالشي من زمان أذكر صديقتي امدحته لي ورحت كل إلي اذكرة إن التبولة كانت حااااااااامضة و باقي الأكل ما كان ذاك الزود و صباح ومسا إلي في 360 هو الفرع الثاني للميجانا و جربته أول ما فتح قلت بدال المشوار اختصر بس طلع أكله مو نفس المستوى واذكر كان في موضوع نفس الشي في مدونة بو فلان عن الميجانا
http://aboflan.com/2010/01/18/%d9%85%d8%b7%d8%b9%d9%85-%d9%85%d9%8a%d8%ac%d8%a7%d9%86%d8%a7-%d8%a7%d9%84%d9%84%d8%a8%d9%86%d8%a7%d9%86%d9%8a-mijana/
و إذا ما خاب ظني إن الثلاث مطاعم لشركة وحده لأن الإسبوع إلي فات كنت في الميجانا وبعض الي يشتغلون قمصانهم مكتوب عليها فيروز و بعضهم ميجانا ؟!!؟
و بالأول والأخير أكيد مسألة أذواق
:)
هلا الجودي..
مساء النور..
الحمدالله بخير دامج بخير..
الله يعطيج العافيه يارب..
مشكوره :*
اذا اهو احلى يعني وااو يبيله ان شاءالله..