Saturday, September 18, 2010
السلام عليكم ..

اليوم اول مره بحياتي اذا ماخنتني ذاكرتي كالعاده خخ اتفطر بمطعم ..

ودي اجرب الفطور برا برمضان بس حلاته طلعه عائليه ..

المهم بما ان احنا صيام فمابقى مطعم ماكان ودنا ناكل فيه فرايدي-اشاز- رايس-مطعم بيتا يديد اخر شي استقرينا ع كافيه بلان ..

المنيو ..

المقبلات ..
المملحه عجبتني :)
شوربة عدس شكله موذاك الزود بس طعمها زين والحلو انه فيها بطاط وحامضه بس ماحس مثل شوربة العدس التقليديه لاطعمها غير ..
ومعاها هالمقبلات ..
وخبز ..
فتة حمص و حمص باللحمه ..
تبوله وشبس لاختي عجبتها التبوله :)
مشاوي مشكله اول مره اشوف مشاوي بخبز :\

ويخيرونكم اذا تبون معاها بطاط ودجز او عيش او حمص ومخلل ..
والمشاوي والتبوله خذيناهم تيك اوي ..
وهذا ضيافه منهم قهوتهم القرسون حلف ولزم انه نجربها خخ ماكو مانحب بطنا متروس الا غصب طيب تجربونها خخ واشوه طلع طعمها حلو مثل الماي وريحه ماي ورد حبيته :)
الفاتوره ..
وبالعافيه علينا :)

مكانه : بالافنيوز برا صوب النافوره ..

ورايي باختصار : الاكل زين بس ماعندهم كبة لبن :(

س: شنو احلى مطعم لبناني جربتوه؟؟واهم شي فيه كبه بلبن ..

51 comments:

ميمة السبيت said...

** روحي المياس اللي في شيك و ادعيلي شوفي جربت اغلب المطاعم اللبنانية بس بصراحة ما ذقت نفس أكله

و بالعافية عليكم جم يوم بقالج :p

هديــل said...

بالعاااافية

انا بسرعة امل من المطاعم اللبنانية


احلى مطعم لبناني جربته بلبنان :) مطعم الساحة

راح يفتحونه بالكويت قريب

swera said...

a7eb akelhom wayed 7elooo :)

o bel3afia 3alekom ;*

star said...

جربي مطعم عبدالوهاب

عليكم بالعافية

انا اطلب في بلان طبق راس العصفور لذيذ


:)

ROro Mania said...

ماحبه كافيه بلان :s

احلى شي #1 ميس الغانم بس هيلقي لوول

و #2 كرم لبنان بالافينيوز فوق كافيه بلان بس المو حلو فيه انه فيه شيشه

و بدبي في مطعم لبناني وايد حلو و لذيذ اهوا الحلاب

BookMark said...

عندهم ريوق؟
خلص رمضان وولهنا على ريوق الدوام ;)

أبوفلان said...

ماشاء الله بالعافيه

شكل الفته يغري جدا

توقعتج خلاص ماراح تطبين مطاعم رفيجتج تزوجت وخلتج :-)

الفال لج ان شاء الله

عسى ريلها طلع فيول نفس الي تحبه ههههه

Anonymous said...

بالعااافيييه عليييكم

اي مثل مااقاااالت ميمة ميااااس اكله حلووو وحبيت شورمتهم حيييل

Anonymous said...

فيلا فيروز أحلا مطعم لبناني بالكويت

Unique Girl said...

عاد انا توني قاعده ويوعانه الله لا يوريج شلون اطالع الأكل لووول

بالعاافيه علييج

Engineer A said...

كافيه بلان كليت فيه مرة من زمان وكان في المارينا فوق .. أكله لا باس فيه

بالنسبة لأفضل المطاعم اللبنانية بالنسبة لي

1. فيلا فيروز اللس بالشعب البحري

2. أوتار في المارينا

ومطعم الطربوش في الشيراتون اذا ماني غلطانه

Engineer A said...

نسيت ..

تقبل الله طاعتج وعليكم بالعافية

daloo3a said...

يمي يمي
شهيتيني بالأكل
شكله لذييييذ
^^

بالعافيه عليكم =)

bent el deera said...

عليج بالعافيه حبيبتي

احب فيلا فيروز .. كبتهم بلبن حلوة انا اطلبها من غير عيش :>

بس هالحجي من زمان ان شاء الله تجربينها وتكون على ذوقج

ebtsamh said...

عوافي

Amal Kh said...

عليج بالف عافيه
في مطعم بالكوت حلو حيل بس كله زحمه يعني زين تلقين طاوله طق عصي على قولتهم لول
اسمه ميجانا
بس ماادري اذا عندهم كبه باللبن

Bo_MesHaRi said...

اول شي بالعافيه :)

ثاني شي بما اني من عشاق الكبه بلبن والاكل اللبناني لاحظت شي انه نادر ما تلقين مطعم عنده كبه بلبن ! مادري شنو السر بالسالفه ؟

برج الحمام حلو :) و فيلا فيروز احلا

نـ(المطيري)ـازكـ said...

عليج بالعاااااافية

احلى اكل بناني كليتة بمطعم برج الحمام .. والبلد

^_^

princess adadi said...

السلام عليكم

اول مرة اسمع بهالمطعم .. بس انا قاعدة اقرا واشوف الصور وانا صايمة
يعني تعذبت :/

عليكم بالعافية يارب :*
وشكله حلو

مريم الملا said...

شوقتيني.. عاد انا يوعانه الحين ..عليكم بالعافيه:) و

Anonymous said...

بالعافية إن شاءالله
شكل شوربة العدس يسد النفس الحمدلله ليش جذي؟
عن نفسي المطاعم اللي أحبها المياس وليلى من لبنان وقبل كان بالفحيحيل تنورين وجنه تسكر

خاتون said...

عليج بالعافية
جربته من قبل اشغلهم حلو لقعدة حلوة
بس الكوستمار احيانا يكونون قليلين أدب بالذات حزة العصر والشيشة لازم أيي واحد معفن ينفخ الدخان الشيشة صوبج من باب التحرش حتى لو كانت أمج وياج تحسين محتره
وسيرفسهم بطيء

بس الاكل اللبناني الحلو موجود
بالبردوني و مطعم البلد
واحب شاعرية قصر النخيل ووادي العيون
وطبعا ميس الغانم ذا توب
بس الزحمة لازم يكونون يعرفون ويهج علشان يضبطونج
وأتوقع انج تعرفين كل المطاعم اللي ذكرتهم
*_^
وهني وعافية على قلبج

الجودي said...

قوة

عليكم بالعافيه و تقبل الله طاعتكم

أفضل مطعم لبناني جربته الميجانا إلي في الكوت بس كل ما جرب واحد واقارن احس كفة الميجانا ترجح كل ما يصير خاطري بلبناني اتعنى لي الكوت علشانه مممم بس ما ادري إذا عندهم كبة لبن اشيك لج المره اليايه

Made n Q8 said...

مو زين اشوف جذي وانا صايمه :P

عليكم بالعافية

ri7ana said...

زهر الليمون عجيب
وعندج بعد فيلا فيروز ماعليه كلام

رورو الشخبوطه said...

هلا ميمه ..

ان شاءالله اجربه ..

الله يعافيج يارب..

5 ايام من 6 شوال :)

ومرسي..

رورو الشخبوطه said...

هلا هديل ..

الله يعافيج يارب..

انا احب انوع واللبناني مقبلاتهم تشوق :)

بس حلو ماعندهم :\

وان شاءالله يفتحونه ونجربه ..

مشكوره..

رورو الشخبوطه said...

هلا سويره..

الله يعافيج يارب..

مشكوره..

رورو الشخبوطه said...

هلا ستار ..

ان شاءالله..

والله يعافيج يارب..

اذا رحت له مره 2 اجربه ان شاءالله..

مشكوره..

رورو الشخبوطه said...

هلا رورو..

اهو عادي مو وااو في الاحلى منه..

ماجربت ولا واحد من اللي قلتيه بس بجربهم ان شاءالله..

مشكوره..

رورو الشخبوطه said...

هلا بوك ..

جنه مو متاكده ..

وحياج الله..

رورو الشخبوطه said...

هلا اخوي بوفلان ..

الله يعافيك يارب..

وطعمها زوين :)

خخ الله يوفقها ويردها بالسلامه يارب..

الله يسلمك والفال لفلان :)

مايجوز الغيبه وانا اختك ؛)

وحياك الله ..

رورو الشخبوطه said...

هلا عنايدهم..

الله يعافيج ..

ان شاءالله اجربه..

مشكوره..

رورو الشخبوطه said...

هلا بوشا..

من اللي جربتهم صاجه ومثله صبح ومسا ب360..

ومشكوره..

رورو الشخبوطه said...

هلا يونيك..

خخ شعور خايس..

الله يعافيج يارب..

مشكوره..

رورو الشخبوطه said...

هلا انجو..

صاجه اهو مو وااو زوين..

وماجربت من اللي ذكرتيهم الا فيلا فيروز وبجرب الباجي ان شاءالله ..

والله يعافيج ومنا ومنكم صالح الاعمال يارب..

مشكوره :)

رورو الشخبوطه said...

هلا دلوعه..

الله يعافيج يارب.


مشكوره..

رورو الشخبوطه said...

هلا بنت الديره..

الله يعافيج يارب..

اي صاجه جربتها وزينه وعيشهم حلو بعد ومثل طعم اللي بصبح ومسا ب360..

مشكوره..

رورو الشخبوطه said...

هلا ابتسامه..

الله يعافيج يارب..

مشكوره..

رورو الشخبوطه said...

هلا امل ..

اي يمدحونه ويقولون اهو مثل فيلا فيروز وصبح ومسا كلهم نفس الشي بس اسامي غير..

والله يعافيج يارب..

عاد خاطري اروح الكوت بس بعيد :(

ومشكوره..

رورو الشخبوطه said...

هلا اخوي بومشاري..

الله يعافيك يارب..

اي حتى انا مستغربه ليش الكل مايسويها :\

جربت فيلا فيروز يبيله اجرب برج الحمام..

وصبح ومسا ب360 عندهم كبه بلبن مثل طعم مالت فيلا فيروز ..

هالطعم جني ادلل عليها خخ..

ومشكور..

رورو الشخبوطه said...

هلا فدك..

وايد يمدحون برج الحمام يبيله اجربه..

اما البلد جربت ريوقه ماجربت الاكل اللبناني البحت اللي فيه ..

والله يعافيج يارب..

مشكوره..

رورو الشخبوطه said...

هلا برنسس..

عليكم السلام والرحمه ..

خخ انا تعذبت لايف كنت اشوفه وكنت صايمه ..

والله يعافيج يارب..

مشكوره.

رورو الشخبوطه said...

هلا عسل..

الله يعافيج يارب..

مشكوره..

رورو الشخبوطه said...

هلا حنان..

الله يعافيج يارب..

ي استغفر الله بس طعمها زين صج مو مثل الطعم المالوف للشوربه بس حموضتها زينه..

ليلى جربته باجي اجرب المياس ..

ومشكوره..

رورو الشخبوطه said...

هلا خاتون..

الله يعافيج يارب..

انا قعدت داخل اصد وابرد وممنوع الشيشه فيه ..
واللي خدمنا كان وايد زين..

خخخ لا ماعرف الا البلد :\ وجربته ريوق ..
بس بجرب الباجي ان شاءالله..

الله يهنيج ويعافيج يارب..

مشكوره..

رورو الشخبوطه said...

هلا والله الجودي..

الله يعافيج ومنا ومنكم صالح الاعمال يارب..

جربتي فيلا فيروز او صبح مسا يقولون اهما وميجانا نفس الشي؟؟

انا جربتهم كلهم الا الميجانا وفيهم تشابه خصوصا بالفته وكبة باللبن تقريبا نفسه بالضبط ..

ومشكوره..

رورو الشخبوطه said...

هلا مدمد..

خخ كلش مو زين..

والله يعافيج يارب..

مشكوره..

رورو الشخبوطه said...

هلا ريحانه..

جربت زهر الليمون ماعجبني وماعندهم كبه بلبن..

وفيلا فيروز صاجه زين ..

ومشكوره..

الجودي said...

مساء الخير

إشلونج حبوبه

شوفي أنا جربت فيلا فيروز وما عجبني و كنت عازمه ناس ولا عجبهم و هالشي من زمان أذكر صديقتي امدحته لي ورحت كل إلي اذكرة إن التبولة كانت حااااااااامضة و باقي الأكل ما كان ذاك الزود و صباح ومسا إلي في 360 هو الفرع الثاني للميجانا و جربته أول ما فتح قلت بدال المشوار اختصر بس طلع أكله مو نفس المستوى واذكر كان في موضوع نفس الشي في مدونة بو فلان عن الميجانا

http://aboflan.com/2010/01/18/%d9%85%d8%b7%d8%b9%d9%85-%d9%85%d9%8a%d8%ac%d8%a7%d9%86%d8%a7-%d8%a7%d9%84%d9%84%d8%a8%d9%86%d8%a7%d9%86%d9%8a-mijana/

و إذا ما خاب ظني إن الثلاث مطاعم لشركة وحده لأن الإسبوع إلي فات كنت في الميجانا وبعض الي يشتغلون قمصانهم مكتوب عليها فيروز و بعضهم ميجانا ؟!!؟

و بالأول والأخير أكيد مسألة أذواق

:)

رورو الشخبوطه said...

هلا الجودي..

مساء النور..

الحمدالله بخير دامج بخير..

الله يعطيج العافيه يارب..

مشكوره :*

اذا اهو احلى يعني وااو يبيله ان شاءالله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads