Saturday, January 29, 2011
السلام عليكم ..

من زمان ماعابلت بقاعة ريلي ..

هالشهر جربت هالكريم قبل لا سوي البديكير تقريبا ب10 ايام او اكثر وعقب ماسويت باسبوعين رديت له تقريبا يومين بس ..


خل اقولكم شنو فايدته حسب ماهو مذكور عليه ..

ترميم الكعب ..

ترطيب .علاج. تلطيف ..

مرهم ممتاز للعناية بالقدم << يمدحون نفسهم :p

ترميم:
مثبت اكلينيكيا..
لراحة من الام الكعوب المتضررة و المتشققة ..

ينعم ويطري ويحمي الجلد في 5 خطوات << مو ذاكرينهم !!
تظهر النتائج خلال 3 ايام << هذا الشي اللي خلاني اشتريه ..

مع القوة العلاجية لـ 7 اعشاب ..

اما من ورا العلبه مكتوب :

للوقاية من جفاف الجلد و تشققات كعب القدم والايدي والشقوق والتقرحات والتقرنات ..

ارشادات الاستعمال :
تغسل القدم بماء فاتر ثم تجفف وتدهن بالمرهم . ويترك ليجف لمدة 15 دقيقة .يستخدم 2-3 مرات يوميا .الاستعمال المتكرر يقي من ظهور التشقاقات مره ثانية ..

رايي :

-اممم عيبه انه دبق بس اهما ذاكرين هالشي :\ بس اخف طبعا من الفازلين .
-استخدامه مكثف يعني مرتين و 3 باليوم بالنسبه لي وايد انا ستخدمته مره باليوم ونادر ستخدمه مرتين وساعات استخدم قبل سنفرة سالي هانسن بس مو وايد يمكن مرتين و 3 ..
فالنتيجة كانت زوينه بس حسيتها بالاثار للي تصير على القدم من سبت الجوتي او الصندل وانتوا بكرامة بنسبة 40 % بس مع البديكير
خفوا تقريبا رحوا يعني مره بديكير احسن واريح من تلطخ فتره << طبعا هالنتيجة كانت لاثار يديده بس كانت كبيره :\
-وبالنسبه للتشققات الكعب عاديه النتيجة مو مثل صواريخهم بالدعاية :\

الزبدة ماحبيته :\

سعره وين متوفر ؟؟

اللي بتجربه تحصله بجيان ولولو هايبر ب800 فلس ..

ارخص من الحوي لانه خذيته منه بدينار ونص..

15 comments:

شاي الضحى said...

عاد كنت ناويه اجربه ونسيته

انا لما يبت كازا سبا حطت لي شي بريلي عجييييب صارت نااااعمه مثل ريول البيبي ههههه

ومن عقب السبا قمت كل يوم الصبح ادهن ريلي بكريم بودي شوب الوردي مال الريل مع فازلين والبس دلاغ لي العصر عجيييب ليلحين ريلي ناعمه

maha said...

ههههه علبالي يتمدحينه كنت بشتربه لامي وابوي

لاني جربتلهم من رووك

بس ماحطيت لامي اللا مره وحده بس يبيله استعماال
يمدحونه جربيه رورو

خاتون said...

السلام عليكم...

يدتي قالتلي لا شيء يغنينا نحن معشر النساء عن الفازلين صدقيني هو الحل لكل انواع الجفاف
أهم شي ترطيب الريل الليلي ودلاغ ناعم
كلش كلش حطي بيبانثين كريم أسرع
*_^

cheese 7cake said...

انا احس هالكريمات اللي حق قاعة الريل ما منها فايده ما ينفع الا البديكير على قولتج ..

مشكوره على البوست حبي

طموحة مملوحة said...
This comment has been removed by the author.
طموحة مملوحة said...

جربت مرة كريم من جريدة الاعلانات واول مرة اجرب منهم شي موخربان او بوطقة كان عجيب من قلب حق هالمنطقة صج صج بدون ما تسوين شي حطي الكريم ومعاه غطاء تلبسينه واليوم الثاني تلقين ريلج نظيفة ومافيها تشققات كلش بس للاسف مو موجود الحين :(

المهم هالمنطقة حساسة حييل عندي فتلقيني شتاء وصيف لابسة دلاغ لاني يوميا انظفها وهم احس لي لبست شحاطة وانتي بكرامة تعتفس :(

ونصيحة اخيرة

لكل وحدة تعلمي شلون تسوين البديكير والمنكير لنفسج ما انصح تسوونه بصالون عن نفسي انا اسوي لنفسي مرة بمرة صرت خبيرة بس احس انظف اني اسوي لنفسي بصراحة

Made n Q8 said...

عااد هالايام اتعييز ادهن ريولي صايره ناشفه حيييل

يمدحون الجيلوسليد :P

Bint ilKuwait said...

Widiii ajarbaa bes ana il Vaseline o yallah astakhdima! 3ala 7asab ilkhilg:P

رورو الشخبوطه said...

هلا جايونه ..

حلو ماشاءالله بس ماثبتي ع اسمه ..

اي هالطريقه حلوه جربتها برمضان بس فزلين وجيلويسيد وجربت جليوسيد بروحه هم زين ونتيجة تبين بسرعه ماشاءالله..

ومرسي..

رورو الشخبوطه said...

هلا مها..

خخ لا في وايد شغلات احسن منه جربي لهم الجيلوسيد او الفازلين او خلطيهم مع بعض ..

ان شاءالله بس خل خلص من اللي عندي :)

ومرسي..

رورو الشخبوطه said...

هلا خاتون ..

وعليكم لسلام ولرحمه ..

انا يدتي الله يرحمها يارب تسميه وازنيت خخ..

وعندي جيلوسيد احسن من الفازلين :\

ومرسي..

رورو الشخبوطه said...

هلا شيز..

يفيدون بس البديكير فيدته اسرع واقوى

والعفو ولو ..

حياج الله..

رورو الشخبوطه said...

هلا طموحه ..

حسافه عاد شوقتيني اجربه:\

اي بسرعه تخترب ..

مو بس يلي تعلم يبله خلق بعد ن ناويه اشتري ادواتي الخاصة ..

ومشكوره..

رورو الشخبوطه said...

هلا مدمد..

اي حلو جربته ..

ومرسي..

رورو الشخبوطه said...

هلا بنوته..

الفازلين مو عملي وايد دبق :\

الكريمات ال 2 ارحم..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads