Thursday, August 4, 2011
مساعه وانا اشتغل لفت انتباهي هالخبر بجريدة الانباء وتحديد بصفحة الفنون قسم ريموت كنترول ..




المتابع للحلقات الأولى لمسلسل «بوكريم في رقبته 7 حريم» لابد ان يخطر في باله أحداث فيلم مصري قديم اسمه «أنا وبناتي» من بطولة زكي رستم، فايزة احمد، زهرة العلا، آمال فريد، لأن المشاكل التي يتعرض لها «بوكريم» الفنان القدير سعد الفرج تعرض لها الفنان الراحل زكي رستم مع تغير بسيط في الأحداث.. للأسف «بوكريم» طلع فيلم عربي قديم.. يعني ماكو تأليف!


وسويت سيرج عن الفيلم  لقيت نبذه عنه هني ..

وطلع اهو الفيلم اللي يغنون فيه اغنية بيت العز ..

متى مافضيت بشوف اتاكد اذا صج القصة اقتباس او لا :\

9 comments:

Anonymous said...

وحتي حلقة امس مشهد الهام الفضالة وباسم عبدالامير كان قصة مسرحية قديمة لاسعاد يونس انها تشابه وحدة متوفية والريال ياخذها بيتهم عشان بنته لا تحس


يابختي سابقا

Anonymous said...

و حلقة اليوم اللي بالمستشفى تشبه مقطع صار بفلم حق ساندرا بوليك اللي وااحد يسوي حادث و تساعدة و لما تروح المستشفى و ايون اهله عبالهم اهيا حبيبته اللي مسولف لهم عنها و اهيا تسكت و تتوتر و تمشي معاهم بالموضوع ....

شاي الضحى said...

هبه حماده لوعت جبودنا نفس الافكار ماكو تغيير

ام البنات
اميمه
زوارة خميس

والحين بوكريم

كلهم لازم كوووودة بنات

ولازم كل وحده تقول قصتها

واذا تحجت وحده لازم كلهم يتكلمون وراها بالدور

وع

Hanan said...

السلام عليكم

والله مادري بس الحين القصص كلها مستهلكة وتشابه بعض!

تدرين أنا جذبتني صورة الممثل المصري تحت، عبالي طارق العلي! ههههه

Engineer A said...

قاعده احاول كثر ما اقدر اتصدد عن التلفزيون برمضان خصوصاً اني اصلاً ما اتابعه بالايام العادية .. بس ساعات مع اليمعه والقعده مع الاهل يحطونه وشفت لقطات من المسلسل ما قدرت اتابعه كله فما اقدر احكم .. ومع الاسف تاريخنا الغربي حافل بالاقتباسات وتبني الافكار بدل الابتكار والتأليف!

مبارك عليج الشهر :)

i-Found said...

العيب في انه ماكو تاليف وحتى الاخراج وايد فيه اشياء غلط نفس سالفة قصة شعر فاطمه الصفي وشجون واصلا سالفة انه فاطمه اتمثل دور ريال ماتمشي يعني تلزق وبس لكني افضله على وايد مسلسلات مثل الملكه اعتقد هدى حسين كلش موراكب عليها خاصة انها اكبرت والدور موراكب عليها

النوري said...

واي هبه حماده ماتيووز
بس برضه راح انشوووفه

Caesar said...

Interesting!

Bor8y said...

عادي ماستبعد بس تعبت المرا ماعندها افكار لوووووووووووول

خو اهيه ضاغطه الرياييل عدل محسستني ان مافي رياييل عدلين

مسلسلات فجر السعيد ايام التسعينات خصوصا مسلسل القدر المحتوم امي تقول هاذه كوبي من مسلسل مصري

علشان جذي يشوهون سمعت بناتنه وشبابنه ياريت لو يطلعون الواجهه الصحيحه عن اهل لكويت

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads