Saturday, August 6, 2011
اليوم بقولكم على احسن مطعم جربته ببانكوك ..

تقريبا جربناه اكثر من 5 مرات ..

 اهو مطعم لبناني ...

جزء من القعدة اللي فيه وتحسونه بسيط مو فخم ..
 المنيو ..
 اول مره رحت له صورت هالمجموعة من الاكلات ..
(1)
حمص باللحمة..

غراااااااااااااااااامي واحلى كبة باللبن ذقتها بحياتي عندهم لازم اطلبها لما اروح ومره مارحت مرت عمي يابتها لي خخ واذيت بنت عمي فيها , ولي الحين كلما شافوني قالولي تبين كبه بالبن ؟

فتة حمص..

فتوش..
 اعتقد مرق بامية ..
 ماعرف اسمه بس جنه شيش طاووق مادري تكة دياي..

اعتقد برياني دياي ..

عيش بالشعيريه هالطبق يكون مع الكبة باللبن ..
 (2)
ومره رحنا تعشينا فيه..
وطلبنا :
سمبوسة خضار ..
 سبرنغ رول بالجبن ..
معكرونية ..

وطبعا كبة باللبن ..

كفتة لحم مو مبينه تحت الحميسة .. << هم طعمها كان زين ..

جنه اسمه ريش ذكرني بالباباي لحمه حلو :)
 بيتزاا خضار..
 (3)

وفي مرتين او 3 ماصورتهم وحده منهم كنت عزيمة من يار(جار) عمي ..

وهذي الوداعية ..

صورت الاطباق اللي جربتها او حبيتها بس..
بيتزا لحم ..

سلطة روسية وقبلها بيوم كانوا طالبينها وماكنت مقتنعه بس لما جربتها حبيته وطلبتها 2 يوم بعد :)
 شاكرية شي جذي بس مو ذاك الزود بس دياي وروب :\

اليوم اللي قبل الوداعية قلت ابي سلطة الطحينية وقالولي ترا عادي طحينيه بس :\ بس اذا تبين انحطها فوق سلطة عاديه قلت اوكي..

وطلع طعمها زين وحبها ولد عمي وخطبنها له خخ لا اقصد طلبها بالوداعية :)

وجم مره بطلب المولوخية بس ولا مره حصلتها :(

عنوانه + ارقام التلفون..

يوصلون لي الفندق ..

بالنسبة  لاسعاره :

وايد مناسبة واتوقع اغلى شي دفعوه 2800 بات ..

8 comments:

i-Found said...

عليكم بالعافيه خيتووو

ツ ŜŋòŔểҰ ツ said...

بالعافيه خيتو
بصراحه شكلو يمي يمي

متابعه لك

رورو الشخبوطه said...

فوند..

الله يعافيج يارب..

مشكوره..

رورو الشخبوطه said...

ŜŋòŔểҰ

الله يعافيج يارب..

مشكوره

حياج الله

hadeelq8 said...

الله

اكثر شي شدني الفتة وكبة اللبن

شكلهم لذييييذ

مع اني ما احب المطاعم اللبنانية بس شدني

بالعافية :)

رورو الشخبوطه said...

هديل..

عكسي غرمي اللبناني..

الكبه حلوه ما الفته عاديه..

الله يعافيج يارب..

مشكوره

خاتون said...

السلام عليكم...
عليكم بالعافية ...هني
وايي تشهين الواحد يروح يسافر
بس قبل جم يوم بغبة الحريم ذمووو بانكوك لين قالوا بس ويقولون جوها يغت
أنت شرايج

ثانكس عالصور اللي تطيح السعابيل
خخخخ
^_*

رورو الشخبوطه said...

خاتون..

وعليكم السلام..
والله يعافيج يارب..

جوها عادي رطوبه شوي بس احسن منا وساعات يطق مطر ومرات غيم وشمسهم مو حاميه مثلنا..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads