Thursday, August 25, 2011
من زمان مو رايحة سبا ولهت عليهم جدا جدا..

ونوره كانت منزله بوست عنه ببلوقها هني شوقتني اجربه ..

 اول ماشفت قلت واو ..

حبيت الرد كاربت ..

هوليود ستارز وكاتبين عليها اذ ماخب ظني تهنئة لصاحبة السبا ..

ونخوش ..

عجيييييييييييييييييييييييبه ماشاءالله اطول مني خخ تقريبا بشبر يعني ااتوقع طولها 180 سم تقريبا ..

وفي ااكثر من قعدة ..

وانا قعدت هني..


وعندهم تشكيلة اصباغ اظافر كالعادة النصيب الاسد لزويا وهم في opi و شانيل و essie وdolce & gabbana و CND‏ وفي واحد اعرف شكله بس ماثبت على ماركته ..
 المنيو ..
 واخترت هالنوع ..
 وفيه :
 + تريتمنت لجفاف قاعة الريل (بدينار) ..
وهذي الضيافه ..

حبيت الكوكيز وحتى كنت بسألهم من وين بروح اخمط منه خخخ..

وفركوني وسنفروني وضبطوا اظافري وعقب يابوا هالجهاز ..


وطلعوا منه هذا لايدي ومثله نوع 2 للريل ..
 ولبسوني فوقه هذا..
 وهوا عباره عن ماسك حار وطري يشوق :)

واخترت هاللون من شانيل لانه ابي لون فاتح وخاطري اجرب هاللون كتغير عن الاحمر والفوشي..

النتيجة ..

ولما حاسبت عطوني كابون اذا استخدمته كله لي جلسة فري ..
رايي:

وايد حبيت المكان والخدمة والكوكيز والستاف وايد حليوين وخدوميين وبطلعتي كنت بزلق وحده شهقت وال2 يت امسحت ريولي عشان امشي ع راحتي  :)

واكثر شي حبيته كنتيجة ترتيمنت قاعة الريل ..

عنوانه:

كويت سيتي (الداون تاون) -ش فهد السالم -برج النصار يم فندق الشيرتون - بالسرداب ..

ت : 22258100 - 22258101

18 comments:

swera said...

awalt ams kan 3ndy mw3ed weyahom bs ta5art wesebba eza7ma o dagaw 3lay galoli bsakron, glt aro7 yom thani!

7addi metshawga 3aleh! 3alech bel3afia :*

~أم حرّوبي~ said...

ما شالله مبين المكان شكله راقي ونظيف

وحلو اللون :)

M said...

اللون حلو

عليج بالعافيه

Made n Q8 said...

عجبني اللون واايد غريب

علييج بالعافية

حسيتي صج تفتيح؟

النوري said...

3alich eb alf 3afya love :********

maha said...

يااحلو هالسوالف الدلع والوناسه والاسترخاء

عليج بالعافيه

وعفيه رورو

علمينا عن احسن واحد شفتيه بتجاربج كلها من ناحيه السعر والخدمه
الصراحه ودي اسوي لامي موعد بعد العيد

hadeelq8 said...

ما شاء الله يشوق المكان

والنتيجة حلوة

بالعافية :)

purpleyah said...

وااااو المكان روعه انا بنتي متابعه لصالونات الكويت وكل شوي اتيني عندهم هالصالون وهالصالون نبا نسير الكويت شكلنا ان سرنا بنقزرها فالصالونات والسباز بس هالمكان صدق يستاهل

رورو الشخبوطه said...

سويره..

خيره ان شاءالله..

وناطره تجربتج فيه :)

الله يعافيج يارب..

مشكوره :*

رورو الشخبوطه said...

ام حروبي..

شكرا :*

رورو الشخبوطه said...

م

الله يعافيج يارب ..

شكرا

رورو الشخبوطه said...

مدمد..

غريب علي وانتي لاحظتج تحبين البنفسجي

والله يعافيج يارب..

اي بس شي بسيط ..

رورو الشخبوطه said...

النوري..

الله يعافيج يارب..

مشكوره :*

رورو الشخبوطه said...

مها.ز

اي والله ..

الله يعافيج يارب..

امم هالبوست ..

فيه خلاصة تجاربي..

http://trendygirl87.blogspot.com/2011/05/blog-post_26.html

رورو الشخبوطه said...

هديل..

الله يعافيج يارب..

مشكوره..

رورو الشخبوطه said...

بربل..

حبيت بنتج الله يحفظها ويخليها لج يارب..

عندج غيرها.؟؟

اذا اي خليها تيي عندي تبناها خخ

وحياكم الله..

purpleyah said...

هلا شخبوطه ٫٫٫٫ لا هي البنت الوحيده وسط اولاد بس لو اقولها بتروحلج الكويت تتبنينها تحب الكويت :)

رورو الشخبوطه said...

اهلين..

الله يبلغج فيها يارب..

لا وي اسحب كلمتي مدام الوحيده خلاص يبيلي وحده يديده خخخ ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads