Friday, July 29, 2011
اليوم هو عيد ميلاد مدمد ومن لماااهدتني بيوم ميلادي وانا افكر شيب لها كل مره اقول شي لي هالشهر قررت اخذ لها صابون اهو غرامها و بكج بيوتي من صالون جي سي لانها ودها تجربه ..

 خخ جيكو ع الكرت العملاق وسيله :@ اللي ضحكني اني شاريته من زمان بس  مابطلته ل قبل لا اوديلها الهدية باقل من نص ساعه وانصدمت انه مطبوع في حجي من داخل ورسمة خخ كتبت اسمي و دخلته بالظرف و كتبت على الظرف:\

 والظرف لصغير قفت فاوتشر ..

انا كنت قايله لهم ابيه ع برد بس كان قصدي جذي نفس الصور اللي تحت :\
الفكرة:
الهدية فكرتي  انا  من الى وطبعا باستثناء القفت فاوتشر , من جذي مو بيرفكت مو مثل اللي توقعت وابي (اقصد الهدية بكبرها)..

موقف خايس :\
اما الصابون صار موقف بالصالون من سبته وسفلت فيهم :\ انا كنت طالبه 4 كور يعني كل قلاص كره وعلمتهم شلون يعبونه وحتى النايلون انا يايبته 2 يوم لما ييت بدفع قلت 12 صح قالت لا 24 :\ شنووووووووووووووووووو @@صرخت عليهم اقولها منو قالج ابي 2 :\ واساسا مو مبين انه 2 (لو ادري انه 2 ماخليته يتغلف بهالطريقه جان كل كره بروح بيكون احلى ) قلت مايكفي وانا امس يقول حق انتي , قلت اللي قلتيه ان بحط زياده عشانج قلت لج لا مو لي لرفيجتي ماله داعي تتكرمين علي :\جان تقطها براس العامله ال2 !!
كنت بخليهم يعيدونه من اول  عناد فيهم ليش يتفلسفون بس ماكان في وقت مواعده البنيه واهي ملتزمه بشغل مهم عقبي :\

السالفه مو فلوس سالفة مبدا ليش مايقولون لي !! احد قايل لهم اني بنك مركزي مثلا :\

 
اهما العاملات زينين بس هالايام الظاهر من الضغط والزحمه داخوا :\

صابونه:
اما صابونة الكب كيك مثلها بالضبط اهي يابت لي خخ بنفس الوقت اللي عطيتها الهدية عطتني جيس متروس كريمات وصابون لما بطلت ولا هالحلوه مرتزه رديت لها اضحك اقولها مثل للي يبت لج اياها خخ..
صدمة:
واليوم انصدمت اني كنت ناويه ازيد الهدية كب كيك ع برد ولقيت مكانين يسون قلت بجربهم واللي يوز لي ايب لها منه وطبعا نسيت :\ لانه هالاسبوع حده لووووووووووووويه..

احس اني كاتبه مقال مو موضوع خخخ:\

وكل عام ومدمد بخير يارب :*

10 comments:

maha said...

وكل عام ومدمد بخير

~أم حرّوبي~ said...

هههههههه والله لويه
كل عام مد مد بخير

Anonymous said...

واايد عجبتني الطريقه .. ابي حق عيد ميلاد اختي ابليز قولولي شلون جذي ؟ انتي شاريه الاغراض و لا من الصالون ؟

ツ ŜŋòŔểҰ ツ said...

كل عام ومدمد بخير ينعاد عليها

وحلوه الهديه تسلمي
ويارب يخليكم لبعض

رورو الشخبوطه said...

مها..

وانتي بخير..

شكرا..

رورو الشخبوطه said...

ام حروبي..

ماقلت عن العلب ولا القلاصات ولا التوصيل صج تعبت بس اشوه حبتها..

وانتي بخير..

شكرا..

رورو الشخبوطه said...

غير معرف..

اي انا مسوية كلشي وشاريه الاغراض الصالون بس عبوهم وانا علمتهم الطريقه..

خل اقولج من وين لاغراض اذا حابه تشترينهم اسهلج لاني تعبت يالله حصلتهم..

القلاصات فريت فوق ال10 اماكن وماحصلتهم الا بسنتر بوينت الري..

السله من طيور الجنه ..

والصابون من الصالون وكنت مغلفته بنايلون انظف :)

وسلامتج :)

رورو الشخبوطه said...

ŜŋòŔểҰ


وانتي بخير ..

وامين يارب الله يسلمج ..

مشكوره..

نزهاويه said...

تستاهل
كل عام و اهيا بخير

رورو الشخبوطه said...

نزهاويه..

وانتي بخير..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads