Thursday, July 7, 2011
قبل جم يوم شفت موضوع عن اثيوبيا وكان في صور عن اكلهم يبت خدامتنا اختبر معلوماتها خخ و اججت مشاعرها ..

من الصور كان في هالصوره ..


امس رديت ولا الخدم وراي بصينيه بدون لا قولهم يبوا لي لغدا طليت فيها ولا هالطبق الاثيوبي :)



القاعده هالخبزه بس ماحبيتها فيها مروره ..

وفي نوعين حميسه :
- حميسه الدياي وبيضه مفيوحة يعني الام وبنتها خخ..
-وحميسة بطاط وجزر و فلفل ..

حبيت الحمسات..

واسم هالطبق DORO ويسونه بالمناسبات مثل رمضان او العزايم ..

شكرا للوفد الاثيوبي :*

11 comments:

daloo3a said...

السلاام عليكم ورحمة الله وبركاته

ههههههه

بالعافيه عليييج =)

i-Found said...

عليج بالعافيه بس ويع الخدم الاثيوبات ايبون اليهد انا مادري شيلي قردني ويبت هالعله اللي عندي

star said...

عليج بالعافية رورو

بس الله يزيد النعمة شكل الطبق كلش ما يشهي شكلج أكلتي مجاملة لهم
:)

رورو الشخبوطه said...

وعليكم السلام والرحمه دلوعه..

الله يعافيج يارب

مشكوره..

رورو الشخبوطه said...

اي فوند..

الله يعافيج يارب

مشكوره..

احنا اللي عندنا زينين بس لا يعصبون :\

رورو الشخبوطه said...

ستار..

الله يعافيج يارب

مشكوره..

انا مااجامل كلش خخ..

وقلت رايي بالبوست ماحبيت الخبز والحميسه زينه وبالصج شكله ارحم..

وحمسة الدياي ماكليت الصلصة ماحب الطماط :\

maha said...

غريب شكله بس علامه كله معصووود ههههه
بس هين انا اوري اللي عندنا ماتسوي شي



عليج بالعافيه رورو

رورو الشخبوطه said...

مها..

شنو يعني معصود؟؟

خخ احنا يجتهدون ذوقوني اكثر من طبق :)

والله يعافيج يارب..

مشكوره..

maha said...

معصود


يعني مهرووس

هههههه

Hanan said...

عليج بالعافية
والله يعطيهما العافية

زين قلتي لي اسم الطبق لأن صج دش مزاجي خخخخ

Walking_towards_you said...

بحثت عن الطبق Doro Wat
ومن مكوناته الرد واين (النبيذ الأحمر) تأكدي من الخدم :)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads