Thursday, April 29, 2010
السلام عليكم ..
لانه مسماري الحمدالله راح حبيت اكافاء نفسي فخترت اروح لـ..
طبعا اللي شدني له هالاعلان بجريدة الوطن اتصلت عليهم اتاكد اذا اهما بس يبيعون ؟ وطلع اي وقالت لي عن كزمودوم انه يسوي هالبرامج وعطتني رقمه ..


هالحجي كان الاربعا اللي فات يعني تقريبا قبل اسبوع حجزت هالخميس (يعني اليوم)لي والاختي بديكير ومنيكر ..

كنت ابي الليمون لايدي و ريولي مارين سبا..

لما رحت علة قلبي الاستقبال دعله ماتفتهم تقولي انتي حاجزه ساعه وهالحجي يبيله ساعتين !! (اول عيب او بالاحرى الاكبر)

وساعه يالله فهمت شبي وطلع البرنامج بس تبيض (الليمون للايد ومايشمل الاظافر) وهم للريول نفس القصه فحجزت الموند (الوز) لايدي ويشمل تعديل اظافري (10د.ك), اما ريولي فاخترت التبيض(12د.ك) وزدت فلوس للبديكير (ب6د.ك)..

اما اختي فخذت بس تبيض للايد (ب10د.ك)وقالت تبي تسوي اظافره زيادة الدعله الاستقبال مارضت تقولي مافي موظفه فاضيه ولا في وقت!!

ع طاري الوقت اختي لها نص ساعه وانا ساعه بس يابت اللي سوت لاختي وبلشت بريولي عقب راحت وكملت عليها ال2..

المهم هذا مكاني ..




وهذا مكان اختي (المكان صغير بس مكان ومكان اختي والباجي رفوف للاغراض)..


بس العامله تقول الشهر الياي بيسون نييل بار ..




بالنسبه لايد نقعنها بهالاقلاص ..

عقب سنفره وبعدها ماسك واخر شي تغسل ايدج وتحط لج ماسك (وبحالة بتسوين اظافرج عقب التنقيع اعتقد يبلشون فيها)..

الاخضر الشغلات اللي استخدموها لاختي والبيج لي (لايدي)..

عجبني شكل الزنوبه :)


وهذي النتيجه :p



سعره كنت حسبالي رخيص ع ابو شامل الاظافر من عنايه وصبغ طلع لا !!! يعني سعره مثل الباجي بس الباجي دلع اكثر.. يعني حتى مع الزياده ماصبغوهم لي :\
اي عقب التدهن سولي مساج لايدي والريولي ..
(ميزة)والحق يقال العاملة اللي سوت لي حبيتها حليوه اسمها جيني حتى تساعد اختي بالتصوير تقول لها صوري هالسوالف قصدها عن الكريمات وترتبهم :)
(ميزة 2)والنتيجه الحمدالله زينه :)
واي ضحكتني جيني قلت لها قصي اظافري مابيهم صايرين يتكسرون قالت لا حرام وقصرتهم ماقصتهم حيل خخ..
ونسيت اقول مالت الاستقبال متصله علي امس تذكرني بالموعد تقولي مدام ليلى !! لا انا ولا اختي اسمنا ليلى :\ ماقولكم عله ..

21 comments:

شاي الضحى said...

لووول رورو انتي كل مره تجربين مكان

ما وريتينه النتيجه الاصليه


عليج بالعافيه :)

عاد انا ناويه اروح كل مره اقول بروح ويصير شي وانسى


ابي سبا حق ايدي وريولي وبسوي فرينش منيكير

وين تنصحيني؟!

daloo3a said...

نعيما ^^

لازم بتتعدلين تبييين الشيبه هع

P:

رورو الشخبوطه said...

هلا جايونه..

اي احب هالسوالف :) والحين ادور مكان يديد خخخ..

لانها عاديه ماتبين بالصور تضبيط وترطيب..

والله يعافيج يارب..

قصدج مساج ماعمري جربت مساج متخصص بس لما اطلب شي يكون من ضمن الخدمات مساج امس لانه متوتره احاتي شغلات 2 ماستمعت بالمساج وايد ..

الفرنش جربته ببلز نيل سبا وعجبني رفيجتي هم سوت ماحبته ع ايده وايد وهم انا ماحبيته عليها لانه اظافرها تعبانه كانت توها شايله المنيكس مدمد جربت وماحبته انا شفت صورة ايدها وزين..

بس الزبده انا عن نفسي حبيته ..

وبس :)

واي بعد شفت بنات مركبين اظافر من لاند مارك شكلهم جنهم فرنش وحلوين ماشاءالله لما قصهم بيون طبيعين ماجنهم تركيب ..

وحياج الله..

و

رورو الشخبوطه said...

خخخ اهلين دلع لع..

الحين اسوي ميك اوفر خخ..

ابي ايننه ..

ومرسي..

حياج الله..

شاي الضحى said...

انتي شايفه اظافري صغار ودي اسوي الفرينش بس انطرهم يطولون شوي

ومادري وين اسويه

المساج مو مهم بس اهم شي يكون شكل اظافري سنع

Hopeless Sight said...

نعيما رورو:)
جيكي أول بوست ببلوقي خاص لج :)

رورو الشخبوطه said...

ولجم باج جايونه

اي صح وزين تسوين احلى ع الطوال وفي حل اسرع مثل ماقلت لج قبل التركيب او ماتحبين؟؟

انا سويته مرتين مره بصالون وكان لوعه ومره ببلز نيل سبا وحبيته ..

اي صاجه هذا اللي بيبين..

وحياج الله..

رورو الشخبوطه said...

هلا حنون ..

مرسي..

توني رحت شفته عجيييييييب مشكوره :)

رنداالجنوبية said...

السلام عليكم ورحمة الله وبركاته

اولا : الحمدلله على سلامتك وشفاءك من المسمار

وبالعافيه عليك يارب وبالتوفيق لك اختي الغاليه

Made n Q8 said...

لوول عاد اول شي صدقت .. بعدين لما دققت بين ان صوره خخ

عاد وايد اشوف اعلاناتهم بالممتاز بس ولا مره جربتهم!

رورو الشخبوطه said...

هلا راندا..

وعليكم السلام والرحمه..


الله يسلمج ..

والله يعافيج واجمعين يارب..

مشكوره..

رورو الشخبوطه said...

هلا مدمد..

خخخ ..

عاد اعلاناتهم تشوق وكله يحطون هدايا وعروض بس ماعمري فكرة اروح لهم..

بس هالاعلان شدني وطلع خرطي :\

وحياج الله..

Q8 TeaCHeR said...

استانـس على التقارير اللي تحطيــنها :)


تفيدنـا صراحــة وناخـذ فكـرة قبل لا نروح

شكرا رورو :)

رورو الشخبوطه said...

هلا كويت تيجر :)

ثانكس ..

وانا احب هالسوالف خخ..

العفو ولو..

حياج الله..

Her said...

na3eeman :)ma shefna el nateeja?!:p

خاتون said...

انا كلش اغرد بعيدا عن سرب تدليع النفس و الذرابة كريم فازلين و إلا ماركة من محلات التجميل ىالفرنسية اللي بالجمعيات و مش حالك سويت مرة و لوعت جبد الصالونة و قلت بس عن خاطري بجرب السبا اللي قلتي عنه في بوست سابق و يمكن يعجبني شي من الياين اللي تروحينهم و بجرب لمن يصير عندي وقت *_^ يا حلوج تحسسيني اني رجعت ايام اول و سوالف باربي
شكرا على البوستات الناعمة يمكن اتذكر النعومة هههههههه

رورو الشخبوطه said...

هلا هير..

الله ينعم عليج :)

النتيجه عاديه قصرت اظافري ونعومه ماتبين بالصور..

ومشكوره..

رورو الشخبوطه said...

هلا خاتون..

لانج لاهيه بالدراسه..

ان شاءالله..

خخخ الله بصير باربي..

العفو ولو من تتخرجين بتتفرغين لنفسج ان شاءالله..

ومشكوره..

Crazy Girl in aGood Way said...

عجبني فيج مكافاة نفسج


عليج بالعافيه

شكرا

رورو الشخبوطه said...

هلا كيزي...

تستاهل نفسي ادلعها :)

والله يعافيج يارب..

والعفو ولو..

حياج الله..

tooota29 said...

انا جربت كوزمودوم وكلش ماعجبني
معاملتهم تلوع الجبد
لانه اللي سوتلي حنانه وبس تبيني اشتري مستحضرات ومنفسه بويهي
ما افكر لو شنو اروح هناك مره ثانيه
طريقتهم حيل تجاريه بس يبون يقصون على الزباين وخلاص

يعطيج العافيه شخبوطة
هذي اول مشاركه لي مع اني دايما ادش على البلوق
صراحه مواضيعج تينن وانتي بعد تهبلين :)

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

Followers

Blog Archive

انستغرام المدونة (roroalk)

follow me

My Blog List

Ads