Sunday, March 21, 2010
السلام عليكم ..
ياحلات الدلع اخيييييييييييييييه بسوي سبا منزلي خخخ انا من رحت سبا تايم وانا ابي اطبق اللي شفته قلت لاختي الكبيره تعالي اسويلج فيشل ماتبي تقول الجو هناك غير قلت لها امشي نسوي مساج تقول صج فاضيه :\
الحين في 3 مستلمتهم الا وحده منهم تروح معاي :)
ولا بتهور وروح بروحي :p
*وناسه
قبل جم يوم قريت انه المسمار لحم يروح اذا نقعتي ريولج بماي حار وملح لمدة 3 ايام كل يوم ساعه قلت بيه انا وين اتم ساعه بدون لاتحرك ماكو الا وانا نايمه :\ وماكو طشت سدوحي والحل ال2 بالطريج للدوام بس لويه ع ماوصل الدوام الا انا متسبحه فيه خخخ لا وحلات شكلي اول ماوصل اكت الماي جدام باب الدوام وارد الطشت ..
س:ماتعرفون حل له غير الكوي ؟

فاصل اعلاني ..
هذا البوست برعاية مو مبين اسم الكريم خخ ..


واخيرا وصلنا لبوست اليوم :)
شكنت بقول :\
اي في ناس خبيره بشره وناس خبيرة مكياج او شعر انا خبيرة قاعة ريل خخخ..
هالتجربه اهي ال3 ..
وهذي ال2:


وهذي تجربتنا اليوم ..
عباره عن منتجين من بوتس اهما سنفره وكريم .. سمعت عنهم من المنتدى مادحينهم وانه كانوا مسوين عليهم عرض بكورنر بو نص فخذيتهم قلت شوراي اجرب ..
الخطوة الاول :

السنفره واسمها :Boots Gorgeous Feet Seriously Smooth Foot Scrub
تقدرون تستخدمونها بشكل يومي او اسبوعي ..
انا استخدمتها بشكل يومي ليما لفظت انفاسها الاخيره ..
حبيت فيها:
1- ملمسها ناعم حبيبات السنفره نفسها مو كبار فتصير خشنه تعور ..
2- ريحته حلوه ..
3- مدة صلاحيته تقريبا سنتين ..


الخطوة ال2..

الكريم واسمه Gorgeous Feet cracked heel repair

الحلو فيه :
1- انه مو دبغ ..
2- نتايجه تبين من جم مره مثل ماهو مكتوب عليه تبين من 3 ايام ..
3- مثل السنفره بخصوص مدة الصلاحيه ..
اما استخدامه طلع مرتين باليوم (الصبح \بالليل)توني اقرا خخخ انا كنت استخدمه بس مره كل يوم بالليل وكان زين..

وهم مرات استخدم معاهم نفس الصخره السودا امتطوره بدور شكلها وبحطها لكم قريب ان شاءالله ..


خلص البوست :)


30 comments:

q8-lawyer said...

واااااو ياحلو سباتايم
أول مره لمارحتله حسيت إن هذي متعتي ووناستي مو السوق والشوبنق والتمشي والمطاعم والكافيهات


وأشوه لمارحت كنت شبعانه نوم ولانمت واهيه تسويلي المساج


أول مره أروحله كان بعيد الأم قبل سنتين كانت هديه لأمي وانا رحت معاها صج صج صج ونااااااااسه

ياسلام على الريلاكس:)

mazyona said...

حلو إذا ماراحوا معاج
عزميني أنا بي
أحب السبا
مشكورة

Made n Q8 said...

ناااايس

مسمار لحم في كريم بالصيدليه يقولون يشيله بس والله ولا مره جربته!

والكريمات ودي اجربهم ودي امر بعد الدوام بوتس ..هذا اذا مداني :s

وشرايج في جل سالي هانسن الي تحطينه دقيقه وحده؟

انا جربته حلو امس حطيت منه :)

وفي كريم اللافندر هم بعد ماركه سالي هانسن زين

ويعطييج العافية

ميمة السبيت said...

** تعالي سويلي انا امووووووت على المساج بس محد معطيني ويه و كلش موفاضية الروووح

تعالي اخذي اجر فيني :)

New Bride said...

waaaay spa , al7een adg a7jz shwagteene

Zabo0o6a said...

جربي تنقعين ريلج بماي حار وخل ابيض
يروح مسمار اللحم بس ربع ساعة بس مو اكثر كل يوم وترك ريلي كان فيه راح الحمدلله ماله اثر ;)

bent el deera said...

شوقتيني على سبا تاااايم


مشكوره على البوست

بس صراحه ماعرف جواب حق سؤالج :(

عبـدالله said...

موضوع حلو ^_^

شاي الضحى said...

موضوع مريح هههههه

هالأيام مادري شسالفتي كله متكسره ونايمه

وبوستج ينوم اكثر ههههههههه

احلى شي الدعايه لووول

اخذيني معاج السبا بس اخاف ما اطلع منه :q

david santos said...

Really great posting! Beautiful! Very cool! HAVE A NICE DAY

مـي said...

سبا تايم أنا زبونة دايمة عندهم
مايقل عن شهرين بالكثير لازم اروح لهم .. صج ريلاكس..

أما مسمار اللحم

في لزقات بالصيدلية حق المسمار ، وايد زينة ، بس تاخذ لها وقت ، 4-5 أيام ، يمكن أكثر إذا كبير حيل ، ويمكن أقل إذا صغير..

بس خوش شي ..

وماتشوفين شر..

:)

ebtsamh said...

يبيله سبا ..

والعناية حلوة :)

BeNT JaBeR said...

اخييييه وربي يبيله عقب الكررف والامتحانات,,


نايس توبك

رورو الشخبوطه said...

هلا لوير..

اي قمة الدلع والاسترخاء..

اشوه الحمدالله عشان تستمتعين بكل لحظه فيه..

اخييه يبيله :)

وحياج الله..

رورو الشخبوطه said...

هلا مزيونه..

انتي عاد صج يبيلج عقب السفره مبدائيا اغلبهم بيروحون وحده تبي كل شي الا المساج وال2 ماتبي الا المساج وال3 تبي تنظيف بشره :)

والعفو ولو..

حياج الله..

رورو الشخبوطه said...

هلا مدمد..


ان شاءالله ماتحتجينه ان شاءالله بشوف هالكريم ..

بيمديج ان شاءالله ..

الازرق ؟؟ اذا اي حاطته باول تجربه واهو نايس والحين شريت سنفرته ..

البنفسجي ؟؟ عندي منه ماسك وكريم بس ماجربته وايد و لااستمريت فيهم عساس احكم بس باللسته التجارب :)

الله يعافيج يارب..

حياج الله..

رورو الشخبوطه said...

هلا ميمه..

اخاف استاثم فيج خخ..

جنه في للبيت يون بس مو متاكده :\

وحياج الله..

بس ضروري تخصصين وقت تدليلن نفسج فيه ع الاقل مره بالاسبوع ..

رورو الشخبوطه said...

هلا نيو ..

وين حجزتي :)

ابي اماكن سنعه غير سبا تايم ..

وحياج الله..

رورو الشخبوطه said...

هلا زبوطه..

ان شاءالله بجربها وناسه شكلها سهله
وان شاءالله تضبط..

وزين ماشاءالله ..

مشكوووره..

وحياج الله..

رورو الشخبوطه said...

هلا بنوته..

جنه ابي اخذ منهم فلوس خخ سويت لهم دعايه من غير قصد :)

العفو ولو..

حياج الله..

وي عادي بعد عمري كافي مرورج :)

رورو الشخبوطه said...

هلا اخوي عبدالله ..

شكرا :)

وحياك الله..

رورو الشخبوطه said...

هلا جايونه ..

خخخخ..

يمكن لانه باخر فتره كنتي محتاسه ولوية مشاوير مارتحتي عقب السفره ..

خخخ نوم العوافي ..

اي تونس :)

عادي نامي واشيلج بكفوف الراحه واسوق سيارتج بدالج :p

واذا قصدج من الدلع ماتطلعين لا تخافين بيقضبون الباب بكل ذرابه خخ..

وحياج الله..

رورو الشخبوطه said...

هلا اخوي ديفيد ..

ثانكس من ذوقك..

واجمعين يارب..

حياك الله..

رورو الشخبوطه said...

هلا مي ..

حلو ماشاءالله زين تسوين ,مايخالف تقولين لنا شنو جربتي عندهم ورايج فيه؟؟

جربت نوع بس مو من الصيدليه وكان عادي بجرب ملوت الصيدليه اذا مانفع الماي والخل ..

الشر ماييج يارب ومشكوره..

وحياج الله..

رورو الشخبوطه said...

هلا ابتسام..

اي والله اي والله ..

انا ببلاش وانتوا تدفعون :p

صح خصوصا اذا كانت نتايجها حلوه ..

حياج الله..

رورو الشخبوطه said...

هلا بنوته ..

اي يبيله احسس يخفف التوتر والضغط..

موفقه يارب..

ومرسي :)

وحياج الرحمن ..

رنداالجنوبية said...

رورو انتي رائعه وتتحفينا بالمفيد

الله يعطيك العافيه وعساك ع القوة

كوني بسعادهـ

رورو الشخبوطه said...

هلا راند..

بعد عمري مرسي ومثلج وشرواج ..

الله يعافيج ويقويج يارب..

واجمعين :)

حياج الله..

خاتون said...

من وين خذيتي المنتج ؟
و عليج بألف عافية النعومة اللي أنتي فيها أحساس حلو مو توني بادية اهتم بما اتلفه الدهر و لا أخفيك سرا النفسية صارت عال العال يظهر انج أثرتي علي ببوستاتج *_^
شكرا جزيلاً ^_^

رورو الشخبوطه said...

هلا خاتون..

من بوتس ..

الله يعافيج يارب وصاجه الاهتمام بالنفس حلو وخصوصا لما تشوفين نتايج لهالشي تحسين انجاز :)

ان شاءالله اكون افدتج فيهم :)

العفو ولو حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads