Thursday, March 11, 2010
السلام عليكم ..
اليوم وان احوس بالمنتديات انصدمت من هالخبر اهو ع قولة زميلتي صدوق جوذب ماعرف !!

رولا : الكويتيات يدخلن التجنيد الإلزامي

اكددت النائبة رولا دشتي انها ستطالب بأن تخدم المرأة الكويتية في الجيش اذا طبق قانون التجنيد الالزامي على الكويتين.وقالت دشتي لجريدة الشاهد .. يجب ان ننذر ارواحنا فداء للكويت رجالا ونساءا لذا سوف ادعو الى مشاركة المرأة في الخدمة الالزامية اسوة للدول الاخرى ..واضافت المرأة الكويتية لديها القدرة على حمل السلاح من اجل الدفاع عن الكويت والذود عن اراضيها والدليل انها حملت السلاح ابان الغزو ..ولا اعتقد ان يوجه هذا الطلب بمعارضة من قبل اي مواطن ..

مالقيت الخبر بالجريدة لانه الرابط مابطل عندي ..

بس هذا احد المنتديات اللي حاط عنه..

http://www.alommah.org/forum/threads/28883-%D9%85%D9%86-%D9%8A%D8%AE%D8%B1%D8%B3-%D9%87%D8%B0%D9%87-%D8%A7%D9%84%D9%86%D8%A7%D8%A6%D8%A8%D8%A9-%D8%9F?p=386373


بيه جنه بنتهزا اشوف لما قالوا بيعطون الحريم ربات البيوت فلوس كلهم رفضوا الحين بيودونا التجنيد !!

احنا دوام وغصب نداوم :\
هالدور نروح التجنيد انزين انا ماصدقت اشوف مفعول كريماتي علي الحين بيروح تعبي هباء منثور !!

اروح التجنيد شرط يعطوني 5 دبلات معاشي واجازه سنه مع راتب طبعا اجازة بلوشي بدون فلوس ماراح اروح التجنيد و بدل بشره ..

و ماقول الا هزلت ..!!

وهذي علامها تحابي وتوقف بصف الرياييل ضدنا !!

ماقول الا سليحط اذا احنا بيجندونا مؤزرة للصبيان جنه خلاص ذبحتهم المساواة و مميزاتهم عطونا اياه :\


واقول لها اذا الخبر صحيح ياعيبي شوم ولك تضربي منك الها بالمجلس شو مالكون فايده بدنايكون عون صرت فرعون :\
وياريت يتطبق عليها مع الزمها الحجي الكويتي البحت :p
شور ايكون ؟؟

41 comments:

شاي الضحى said...

تدرين منو اكثر واحد بيستانس على الخبر؟!

المباركيه

ههههههههه كل شي عنده حله بالتجنيد

علقت على الموضوع قبل شوي :q

بسكت اهني :q

panadool said...

مجرد اقتراح

وماصار شيئ للحين كله كلام وبس

أبوفلان said...

ههههههههههههه

عاد تخيلي البنات مداومين بتريننقات والبريهه ( كبوس الراس مال الجيش ) شوارفسكي ههههههه والمعارض يسوون كله لبس التجنيد الجديد لحق ماتلحق

ايييه الخت على باله قاعده بايران كل شيو حاطينلنا مجنداتهم بالتلفزيونات ...

سبحان الله المفروض يتأكدون من قوة قواها العقلية قبل لاتقترح هالإقتراح

ربنا يريحنا من الشر وأهله

juvebizkit said...

يالله شددو حيلكم
P:


لا يبا الله لا يقولها

q8-lawyer said...

هههههههههههههه
حلوه>>تضربي منك إلها :)

يااااااسلام مابقى إلا التجنيد

والله يهدي الناس إلي عطوها صوت شلون عطوها وهيه حجيها مكسر ماتعرف كلمتين بالكويتي!!!!

لمار said...

مرحبا حبيبتي والله اني انشغلت عن مدونتك كم يوم ولكنك على بالي .اما بخصوص المدونة ما افكر بس انا احب اقراء مدونتك(:ومشكورة حبيبتي على هالشعورويالله عقبال مانشوفك بالجيش.

كوكتيل said...

رورو الله يعطيك العافية قلعدة أقرأ وأضحك :)

عاد كله ولا البشرة إحنا من غير شيء مو ملحقين هالمرة جيش وتذبح

وين بنلحق على عمليات التجميل


أقول مايبونا نخم الشوارع بعد

أنا أقول لو تسكت أبركلها الغالية سكتت دهرا ونطقت كفرا

اجتماعي said...

مقزرة عمرها براا ..
وماتعرف تتكلم كويتي ..

والحين ياية تقول المرأة الكويتية قادرة ..

قدري بروحج ..
لا تبلشين بنات العوايل : d

ebtsamh said...

لا بالله هزلت ..

وجيشنا بيصير مضحكة ..

لا تقارن الغزو بأيام الحين ..

ترى وقت الصجية صج مالنا الا ديرتنا

بس خل تفكر منو بيرضى اخته ولا بنته

ولا زوجته تخدم بالعسكرية ..

لا تنحجز وتسوي بوش اب .. لا بالله اقول

لبنت دشتي تلايطي

sweetya said...

ي والله هزلت مو ناقص الا رولا تقترح هالقرار اهيا بالاول خل تتحجى عدل بدال لا تتحجى مكسر جنها مو كويتيه

ماقول الا الله المستعان بس

ba6alah said...

ee mo e6alboon bel mosawat? lazem edeshon el tajneed

mazyona said...

هههههههههههههه
من صجهم صج هزلت لقيتي عاد الكويتيات والتجنيد
راح ينقلب شاي ضحى وحش بفلان وعلان
تسلمين

Engineer A said...

الحمدلله عمري مو بعمر التجنيد :)

رنداالجنوبية said...

هههههههه الله يفككم من التجنيد وبلاويه

الله يعطيك العافيه يالغالية

صمت البوح said...

لا تعليق لووووووووول

ما اقول غير يالله بالستر..جيه وين الرياييل ساروا !!

بنات عرب وقبايل يدخل التجنيد صدق هزلت!!

رورو الشخبوطه said...

هلا جايونه ..

خخخ المباركيه اتوقع قصده عن الصبيان مو احنا ..

تنحت يالله استوعبت وين علقتي :)

خخ ..

وحياج الله خيتوو..

رورو الشخبوطه said...

هلا اخوي بندول ..

واتمنى انه تكون اشاعه ..

او يظل مجرد اقتراح ..

هذا كلامه فلازم تثمنه مو توهقنا قلت اقتراحات ..

وحياك الله..

رورو الشخبوطه said...

هلا اخوي بوافلان ..

ماشاءالله خوش ستايل لا لك باع بمجال الازياء بعتمده بحفلة تخرج من التجنيد << اهما يسون حفله !!

بعد اخاف البسه كل يوم تطيح الفصوص عاد ازعل واطلع من التجنيد خخ..

الظاهر جذي مابي اخوره اخاف يقولون طائفيه بعد :\

بيه اهي تعتبره انجاز خخ..

امين يارب..

حياك الله اخوي..

رورو الشخبوطه said...

هلا juvebizkit ...


لا مانريد اول يودون الصبيان تالي يصير خير ..

خخ ماتضبط اساسا..

وشكرا ع المرور..

رورو الشخبوطه said...

هلا لوير..

من زمان عنج عاش من شافج..

قلت اجتهد واكلمها بلهجتها خخخ..

اي حلو كل مشاكلنا و مالقوا الا انه ناقصنا انضباط فماكو احسن من التجنيد لهالشي :\

امين وان شاءالله مايعطونها مره 2 توقعت بتكون اسكت طلعت اي شي الحين لو تقرا الموضوع تصكها العبره خخخ..

وحياج الله..

رورو الشخبوطه said...

هلا والله لمار..

مرسي ..

العفو ولوو..

وي حرام عليج علامج قمتي تدعيني علي خخ انا ضد التجنيد هالمره جيش مره وحده حللات زولي خخخخ..

وحياج الله اخيتي..

رورو الشخبوطه said...

هلا كوكتيل..

يعافيج يارب..

لا وي مو حرب تجنيد خخخ..

امبيه تهقين نحتاج لهالشي عقب التجنيد :p

مير نخم الشوارع ارحم ع الاقل نساهم بنظافة الكويت والبيئه :)

بالزبط هيدا المطلوب..

حياج الله ..

رورو الشخبوطه said...

هلا اخوي اجتماعي..

اي والله ..

عاد طلع للتجنيد عمر شكله معديته وتتفلسف..

وحياك الله اخوي..

رورو الشخبوطه said...

هلا ابتسام..

واخاف بس الصبيان ايام الازمه نفعهم التجنيد اغلبهم قبوا واللي يحب الكويت بيدافع عنها مايهم راح ولا مارح التجنيد..

ومحد يرضها ع اهله الا جان يبون الفكه من حنتنا هذا شي 2 خخخ..

وحياج الله ..

رورو الشخبوطه said...

هلا سويتيه..

بتتعلم بالتجنيد احنا تجنيد بدني واهي لغوي خخخ..

وحياج الله..

رورو الشخبوطه said...

هلا اخوي بطالي..

اي مساواة !!

انتوا مادشيتوا التجنيد ..

لما تدشون انتوا تالي يصير خير وماعتقد تبونا معاكم بالتجنيد :p

وحياك الله..

رورو الشخبوطه said...

هلا مزيونه..

اذا جذي جنه بيصير وناسه خخخخ..

والله يسلمج يارب..

حياج الله..

رورو الشخبوطه said...

هلا انجو..

مادري جم عمرج سويت سيرج علو قلبي مو مبين التجنيد لي جم بس جنه لي49 وماعتقد عمرج اكثر منه خخخ..

وحياج الله..

رورو الشخبوطه said...

هلا رندا..

اجمعين يارب..

اخاف تحوشكم عدوه خخخ..

والله يعافيج ..

وحياج الله..

رورو الشخبوطه said...

هلا صموته..

الرياييل يروحون واحنا نازرهم جنه مقطعنا الحب ومايقدرون ع فراقنا..

احم احم اهي مو بنت عرب خخخخ..

فمو الظاهر مو حاسه فينا :)

حياج الله..

عنّاي العيون said...

هههههههههههاي

والله موضوعك تحفة..

بصراحة انا مدري وش تحس بة رولا طشتي..!!

اظن المساواة ذابحتها حيل..

إذا شفتوا بنات وحريم النواب ..والنواب انفسهم متجندين..
يصير خير وقتها ..

مشكلة انفصال المسؤولين عن الشعب..
مدري على أي اساس يفكرون ويتخذون هالقرارات العجيبة

ماقول الا الله يحفظ الكويت واهلها

اطيب تحية

BeNT JaBeR said...

صباح الخير شخبووطه

عاد البارحه اسولف مع خواتي عن هالخبر جان تقول اختي خل نفضى حق عيالنا بالاول وبعدين نفضى للتجنيد ههههههههههههههههههههههههههههه

عاد ما قالت لنا الاخت رولا راح يحلقون شعورنا عالصفر والا كل وحده تختار لها قصه تلوق على فيسها ؟


ما اقول الا العقل نعمه يا ناس

خلصت القضايا بالديره

عين بغزي said...

ااووويييههاااا ألي مابدو يتجند اويها
بتضربه الحما اويها بدنا نحمي قوى 14 أذار اويها ونكشف حقيقه مذبحة الحريري اويها ونعمر لبنان اويها

:)

خاتون said...

وااااااااااااي واااااااااااااااااااااي وااااااااااااااااااااااي
هدوني عليها لحد يمسكني
حسبي الله و نعم الوكيل عليج يا رولا دشتي و ين ما رحتي عساج قولي آمين ما تتوفقين لا أنتي و لا اللي بيوقف معاج بهالقانون
علبالها كل الحريم عطاليات بطاليات ما في وحده حامل ما في وحده عندها بزور منو بيربيهم لا يكون ميري وجينا
يا حساااافة عليج ياكويت بنضيع إذا هالأشكال بيتحكمون بمصيرنا المجتمع قوامه الاسرة و المرأة هي الاسرة بحد ذاتها المرأة المفروض كثر ما يقدرون يسهلون عليها علشان تربي و تنتج اجيال مو يكردونها
لا بالله كدينا خير بعد باجر يقعدون الريايل ببيوتهم
ممكن أصرخ بهددددوء بعد أذنج شخبوطة
آآآآآآآآآآآآآآآآآآآآآآآآآآآآآآآآآآ
آآآآآآآآآآآآآآآآآآآآآآآآآآآآآآآآآآ
بردون
زين قلتي لنا أنا من زمان ما احبها اللحين أكرها هاللي ما تعرف تحجي كلمتين على بعض كل 3 حروف تطلعهم مع بعض و كله ترجف مثل الياهل الجذاب و مكرم الياهل عنها
آسفة شوي زودتها لكن عذريني من حر ما في قلبي
شخبوطة شرايج نتجمع جبال بيتها و نحرقها نفس فلم هومر سيمبسون
are U In
؟

رورو الشخبوطه said...

هلا اخوي عناي..

تحس انه تسوي عمل وطني !!

اي مساواة اهم الرياييل مايروحون التجنيد !!

من الفراغه اهم مو منفصلين عنا اهم بيشغلونا بالتوافه عساس يشتتون ومانتبه انه ماكو خطط للاساسيات :\

امين يارب..

مشكور..

وحياك الله..

رورو الشخبوطه said...

هلا والله بنوته..

مساءالخير ..

اي خخخ الامومه بحد ذاتها تجنيد ..

بيه نسيت هالنقطة :\

اي والله و الكلمه الحلوه صدقه ..

بالضبط باجي بس يجندونا :\

وحياج الله..

رورو الشخبوطه said...

اهلين خيو عين ..

ااووويها شكلها رولا بدها تتسطر خخخخ...

وحياك الله اخوي..

رورو الشخبوطه said...

هلا خاتون ..

هدي هدي ماتسوى تتلفين اعصابج عليها ..

لا استغفرالله الله يهديها وتولي محد بيطبفه شنو الدنيا سايبه ..

ليش ميري السي سيد بيقعد بالبيت والمره بتروح التجنيد بداله :\

اي والله ..

اخذي راحتج ..

خخ لا واذا احد عارضها تبجبج خخخ..

دونت وري اخذي راحتج

لا ويح قلبي بعدين نضيع شياينا ونصير مع نصره بنفس السجن ..

هدي وصلي ع النبي..

وحياج الله..

Made n Q8 said...

ويييه هذي ماعندها سالفه

اصلا محد معبرها بالمجلس

رورو الشخبوطه said...

هلا مدمد..

مسكينه مايعبرونها ويسفلون فيها خخخ..

مالومهم بيله نهد عليها عايشه الرشيد:p

وحياج الله..

36uofa said...

@@
ويييي ماكو شغلل

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads