شخبوطة كويتيه: معرض العطور مستمر حتي ٢٣ /10

Sunday, October 21, 2012

معرض العطور مستمر حتي ٢٣ /10

9:49 PM

اليوم الصبح رحت معرض العطور ..

واهو بصالات ٥،٦،٧

وكانت رايحتله مخصوص لايزادورا ولقيته بتناغرا..

جربت وايد شغلات ومكيجتني روز الفلبينيه ..

حطت لي كلشي شدو و رسمت حواجبي وكحل واضاءه وكريم اساس نوعين عادي وكريم البي بي وبودر وحمايه واكثر من ماسكرا وحمره وقلوس وكونسيلر ..

وشريت اللي عجبني منهم ، هذي حصيلتي :

اللي مغطاتها (٢)حمر ماسكرا ملونه خذيت الزرقا كنت ابي خضرا بس مافي :(

سعرها :6د

واللي عقبها ماسكرا سودا اسمها (big bold) وسعرها:6.500د

واللي يمها هم ماسكرا سودا اسمها precision رقمها 10 سعرها 8.500

والبي بي كريم سعره 7.750 واخترت درجة التان اغمج شي ❤

وبلاشر وبودر برونز ❤ سعره 7 ..

طلع حسابي ب٤١،٧٥٠

وعطوني هالهدية

الهديه مو زود كانوا بيعطوني ماسكرا ملونه للشعر قلت ماابيها شكو اخذها وما استخدمها حرام بس مو ناقصني تكود قالولي عيل صبغ اظافر جان يبون لي الكرك والمغناطيس هم ماابيهم مليت منهم قدم ..

اخر شي لانه ماكو غير هالشغلتين هدايا اخترت صبغ كرك بس قلتر يعني تغير ..

والحديده السودا هم هذي من روز المصريه نقشه يديده (مغناطيس) للصبغ..

واللي حبيتها روز المصريه حليوه وكريمه ، الفلبينه شويه نفيسه ..

ماكو عروض ولا خصومات:/

وعقب رحت مكياج المنصور استغربت من اسعار الفرش ع ٦ والخ قلت شدعوه فرشه وحده بالمنصور بهالسعر :/

فدورت مكياجي ..

واللي يشتغلون فيه دايخين :/ ساعه يالله طلعولي الفرشه شغلهم دثره عشان يطلعون شغله يلطعوني ساعه:/

سعر الفرشه :٤،٥٠٠

حبيت انه لها مغطه عشان ماتوصخ ..

وبالنسبه للعطور :

بس مرينا جنيد خذينا عطر رفيجة اختي الكبيره تبيه ومرينا برادا..

بطلعتنا شفنا محل ثلجي جان يقولي تفضلي هديه خذيتها ومشيت اسمعه يناديني يقولي شمي هذا :/ (حسيت اني مو خوش وحده :(

Labels: beauty, makeup, اظافر, الكويت, مشتريات, معرض, هدية

معرض العطور مستمر حتي ٢٣ /10

0 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads