Thursday, January 14, 2010
السلام..
هالاسبوع بحلقة بنات وبس حطو فقره عن الاظافر واليوم كنت احوس بالمنتدى لقيت بنت مسويتهم كان ودي اجربه بسيطولون يتمون من اسبوع لي اسبوعين..
انا خاطري فيهم كيوم او يومين بس ..
المهم هذا اهما ..
اهما لزقات تحطينهم ع ظفرج وتخلينه تحت ليت مثلا ابجوره عساس يلزق وتقصين الزايد << اللزقات مو شي يديد بس توني ادري انه يبيله حراره عساس يثبت..

هذا بعض الوان اغلبهم الوان معدنيه ..

تكشخين اظافرج ومنظره مره وحده :p












وفي منقش بعد حبيت هالنقشه ..




صور تبين مشاهير مسوينها وهم ريانه وبيونسيه..




وهم مسوينهم ع شكل صور شخصيه جنه هذا اوباما انا ابي احط صورتي خخخ..

نسيت اقولكم انه من فرارتي بالنت عرفت انه اسعاره من 10 لي 15 يسونه لج بالصالون ..
وحده تبيعه كبكج كامل حسب اللي فهمته منها وب25 عاد مادري مع ابجوره ولا لا :p


وبس مرسي..

29 comments:

DoDoq8 said...

حلوووووين


غريبين

بس ياربي مايصير نحطهم هلنوع ماينشاال بسرعه

جربت ملوت سيفورا نفس الطقه يضلون تقريبا 14 يووم توهقت فيهم ماكنت ادري انه يطولون 5 ايام وشلتهم

بس بعد عناااااء شلتهم بالاستوون والتقشر

*Being One said...

حدهم حدهم يونسوون , بس المشكله شلون ينشالون يعني مو شي حق الوضوء يخلي طبقه :\ و طولون اكثر من اسبوع يعني كلش ما ينفعوون

رورو الشخبوطه said...

هلا دودو..

اي اذكر تجربته بي طلعوا حدهم مو عملين ..

ومشكوره ..

وحياج الله..

رورو الشخبوطه said...

هلا بينغ ..

اي ع حجي دودو العن من صبغ الاظافر بالشيل :\

و اي استغفرالله مانقدر نصلي فيهم ..

و حلاته بالكثير اسبوع ..

وحياج الله..

Crazy Girl in aGood Way said...

واااي وناااسه عجبني السلفر

اذا رجعت وكان عندي عذر شرعي بحطهم

بس ابي بالصالون .....

ابي صالون يسوي شنو اسمه ووين ؟؟؟ ... شنو ينطرني عند الاباجورة ههههههههههه


واذا شلتهم اروح الصالون يشيلونهم ؟؟


لانكم تقولون عباله شيلتهم لووول

Engineer A said...

حلوين بس كلش ما يصحلون وياي :(

ما اقدر اطول بالصبغ الا بفترات معينة ..

يعطيج العافية :)

شاي الضحى said...

ما حبيتهم كلش ما افكر اني اجربهم

هذا ما ينفع الا حق الي بالنفاس لانهم يطولون ههههههههههههه احنا حدنه صبغ 4 او 5 ايام بالكثير


شكرا

BookMark said...

اتونس أشكالهم

شفت أظافر تركيب من سنتر بوينت، هم نفس الطريقة أشكال وألوان

بس تصدقين أتعييز أسوي شي حق أظافري!
حتى بالمناسبات أتعييز أحط وأمسح الفير حق الصلاة D;

Made n Q8 said...

حلوين بس شلون معقوله ماكو طريقه اسهل بالشيل..يمكن نلقى بالصالون عندهم شي يشيله بسرعه

Hanan said...

الله السلفر حده خطير :p
بس دام عبالة شيلتهم هونت :(
يعطيج العافية

رورو الشخبوطه said...

هلا كيرزي..

ان شاءالله..

اكثر من صالون بس اللي اعرفه ليلى هارموني ..

والله مادري شلون يشيلونه بس من حجي البنات عباله ..

وحياج الله..

رورو الشخبوطه said...

هلا انجو..

كلنا جذي :(

والله يعافيج يارب..

وحياج الله..

رورو الشخبوطه said...

هلا جايونه ..

اي انتي احس تحبين الاحمر والوردي اكثر ..

خخخ حتى اللي بالنفاس ماينفع لها الا اذا بتسوي استقبال بديسكو خخخ..

العفو ولو ..

حياج الله..

رورو الشخبوطه said...

هلا بوك ..

اي التركيب ماعرف له جنه ملبسه اظافري كعب خخخ..

وصاجه اذيه الصبغ حتى لو عادي والاسلامي مختفي ..

وحياج الله..

رورو الشخبوطه said...

هلا مدمد..

والله مادري بس المفروض فيه شي :\

وحياج الله..

رورو الشخبوطه said...

هلا حنونه..

مازال البحث جاري عن طريقة لازالتهم خخ..

والله يعافيج يارب..

وحياج الله..

الوتيــــــــــن said...

رورو

عيوني زاعت @@

وين احصلهم؟

جنات said...

اشكالهم غريبه ... بس انا بعيده عن هالسوالف
صديقتي تموووت بكذا
اضافر غريبة والوان صارخه


دمتي رورو بخير

رورو الشخبوطه said...

هلا الوتين..

بكويتيات متحجين عنهم في وحده تقول فيبالافنيوز وال2 مسويتهم بصالون اعتقد ليلى هارموني ..

وهم وحده تبيعهم بالمول ..

وحياج الله..

رورو الشخبوطه said...

هلا جنات ..

اي مو الكل يتقبله..

حياج الله ..

ومشكوره..

mazyona said...

حلوييييييييييييييين وايد
وفكرتهم غريبة
تسلمين على المعلومه

Anonymous said...

salon me time

بالافينيوز يم spa time

13 kd

:)

وسهالات شيلتهم مثل الستيكر
مرة بالشهر استانس فيهم 5 ايام
:q

ماميتا said...
This comment has been removed by the author.
ماميتا said...

انا كلاسيكيه وما احب الشغلات الغريبه
بس تصدقين الوانهم تشوق :)

اقصوصه said...

انا احب الاظافر وايد

ودوم اظافري طويله

مع ان هالشي يسببلي انتقادات احيانا

لانهم يقولون لي ان هالشي ما يتناسب

مع شخصيتي الجديه هههههههه

بس انا رغم ان كل اللي يشوف اظافري

يعتقد انها تركيب، الا اني ما سبق

لي ان ركبت اظافر ولا مره بحياتي قبل

اظافري طبيعيه، فمب محتايه اني اركب

تسلمين ع الصور الحلوه :)

رورو الشخبوطه said...

هلا مزيونه..

الله يسلمج يارب ..

وحياج الله..

رورو الشخبوطه said...

هلا غير معروف..

اي صح وتوني مجيكه عليهم بالفيس بوك..

وصج شيلتهم سهله عيل يبيله ع مااحطهم الا مخلصه موضتهم خخخ..

وحياج الله..

رورو الشخبوطه said...

هلا ماميتا ..

اي صح مو الكل يتقبلها والونها تشوق :)

وحياج الله..

رورو الشخبوطه said...

هلا اقصوصه ..

مثلي ..

بالعكس الاظافر انوثه :)

حتى انا مثلج خصوصا لما اصبغهم وهذول مو تركيب هذول لزقات مثل الستيكرز للاظافر بدال الصبغ ..

والله يسلمج يارب..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads