Sunday, May 29, 2011
الاسبوع اللي فات دزولي ايميل يعزموني فيها اجرب شغلهم..

وحددت لهم الوقت اللي يناسبني وحجزولي فيه :)

واليوم رحت له..


وصلنا ..

الرسبشن :

لقطات من الصالون ..


وكانوا مسوين لي بكج بيوتي ..
(حمام تفريك ملكي+ماسك تعطير شعر + بديكير ومنيكير +استشوار)
اول شي بديت فيه..

ماسك تعطير الشعر ..
وسوت لي مساج لراسي وجتفي وظهري ..

عقب رحت اخترت صابون<<<< هذا اكثر شي شيشني اروح الصالون :)

اهو صابون طبيعي شغل ايد صاحبات الصالون ماشاءالله..

يشوق جنه برد ..
 وفي منه انواع وايد :

اهما :
-عشبة الليمون
-الطيب- البخور
-البحر
-تفاح اخضر
-اناناس مع زنجبيل ..

ونظامهم كل اسبوع يغيرون الانواع واللي عليه طلب يعيدونه..

و تختارونهم اما للبديكير والمنيكير او الحمام التفريك ..

انا اخترت صابون عشبة الليمون ..

و2 شي بالبكج سولي اياه اهو حمام تفريك ملكي ..

دخلوني غرفة بخار فركوني بصابون الذهب واعتقد تميت فيه 5 دقايق وعقب ماسك كركم للتوحيد لون الجسم تميت فيه 10 دقايق واخر شي الصابون وبعدين طلعت وطيبوني بطيب طبيعي ..

واتجهت للجزء ل3 من البكج ..

بديكير ومنيكير :)

واختارولي لنوع الفاخر اللي عندهم واهو بالذهب ..
 وضيفوني خيروني بين جم نوع جاي وقهوة ..
اخترت جاي اخضر ..

وقعدت اتصفح مجلات عن الاظافر ..

جان اقولهم بجرب تصبغكم خخ ..

قلت ولا يهمج سوولها فرنش ..

كانت بتختار لي لونين اخر موضة بس قلت اخترت خخ..

وناسه لقيت الصبغ اللي كنت بجربه من زويا..


اساميهم ..

النتيجة :

واخر شي بالبكج سولي استشوار لشعري ..

رايي :

كالعاده تعرفون لازم اقوله بكل صراحة ..

الحمااااااااااااااااام الملكي عيز اقول عجيب ماشاءالله  نعومة وتفتيح  من ريلي لي ويهي واكيد يبيله استمرار بتكون النتيجة اللي ابيها واللي سوت لي اسمها فطوم حبيتها حليوه ..

الاظافر زينين والتريتمنت عجيب حطولي شغلات عمري ماشفتها باي سبا متخصص مثل فيتامين للاظافر - معقم الاظافر ووخروا مسماري اللحم احسن من اخر جم سبا  ..

المعامله خخ للزباين حسن منه تخيلوا اذا انا اتشرط ويسون لي اللي ابيه فلزبوه شوف عيني دلعهم اكثر ..

ومثل ماقلت قبل اللي يميزهم انه منتجات طبيعيه هاند ميد وصناعه كويتيه :)

وعلى فكرة اسعارهم حيل مناسبه البديكير ولمنيكير الذهب ب10 بس :) الباجي ماعندي فكره عنهم ..


العنوان :

الجابريه ق1ب -ش3 بناية 146 الدور الاول جبال الاصنصير..


ت : 25350205





شكرا على الدعوه وايد حبيت التجربه:*

واسمتعت بتطفيرج بنوكة ولقرقه على راسج  وناطره تجربتج:)

18 comments:

lil.D said...

Very nice! I love it and I would love to try such thing :D Woah

نون النساء said...

شزقتينا عالملكي

والصبغ

:)


يبيلهم زيارة

Gold Medal Ribbon said...

7adaaaaa eshaweeeeeeeeeeg kafi fe shay chena bared wallah sa3bal thakrteni bil bared!! LOOL 3alaich bil3afyaa 7abeebtii;**

Unknown said...

kteeer 7loo o summery 7bait elalwan :)

شاي الضحى said...

نعييييما

الصابون شكله يشوق

عليج بالعافيه

نمووول said...

وليش ما دزولي انا دعوة بعد ؟
ناس وناس ؟!
عليج بالعافية عجبني ديكور الصالون :)

رورو الشخبوطه said...

ليلي..

ان شاءالله لي زرتينا تجربينه ويعجبج ..

انا اخطط ع صالوناتكم خخ..

وحياج الله..

رورو الشخبوطه said...

نون..

ان شاءالله تجربينه ويعجبج..

وابي رايج فيه :)

وحياج الله..

رورو الشخبوطه said...

قولد..

صابونه يشوق جنه برد عاد غرامج خخخ

والله يعافيج يارب..

مشكوره :*

رورو الشخبوطه said...

اهلين ميلان..

خخ مزاجج لبناني ..

عيونج الحلوه..

مرسي :)

رورو الشخبوطه said...

جايونه..

الله ينعم بحالج..

اي حده قلت لهم اكثر شي خلاني اتشوق اجربكم اهو:)

والله يعافيج يارب..

مشكوره

رورو الشخبوطه said...

اخوي نمول..

اهلين من زمان عنك..

اذا تبي يدوزن للمدام بشرط تنزل تجربتها ببلوقك :p

والله يعافيك يارب..

مشكور

نزهاويه said...

عليج بالعافيه

رورو الشخبوطه said...

نزهاويه ..

الله يعافيج يارب..

مشكوره..

bent el deera said...

رحت لهم بعد مدحج وصج عجيب
مشكوووره :>

Anonymous said...

قووووه حبوووبه يعطييج العافيه ؛*

يعنيي لوو اقوولج جم تعطيينه من 10 ؟ جم اييب ؟

رورو الشخبوطه said...

بنت الديره..

الحمدالله انه اعجبج ..

والعفو ولو :)

رورو الشخبوطه said...

اهلي غير معرف..

الله يعافيج يارب..

الملكي 9 من 10 ..

والاظافر 8 من 10 ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads