Monday, May 9, 2011
من زمان كنت ناويه انزل عنهم ..

لاني حب والعاده طلبهم كريوق بالدوام ..

هالبوست مقارنه بينهم

(ا)
كاريبو

شكلها من داخل ..
 محتوياتها :
تركي-طماط-خس-جبن ..

سعرها :

قبل اذكر كانت 1.450 اخر مره جيكت ع الفاتوره لما صورتها كانت ب1.250د.ك

رايي:

وايد احبها لذيذه ..

(2)

ستاربكس..


من داخل مبين قاعده اتهاوش معاها :\
محتوياتها :

تركي+جبن للي يتمغط +مشروم..

سعرها :
950 فلس

رايي :

اذا ماسواها لي اكستر هوووت ماتنوكل حلاتها حاااره والجبن يتمغط اذا بارده مايذوب ويتمغط وماتنوكل :\ وثقيله ودسمه يعني نادر اخلصها كلها:\

اي احلى اللي من كاريبو او ستاربكس ؟؟

كاريبو طبعا اخف والذ وانطع والكروسان نفسها احلى ..

ماتعرفون عدد الكلوري (السعرات الحراريه اللي فيهم شكثر )؟؟

9 comments:

AM.SA.CHANNEL said...

ما أعرف ليش ما أحب الكروسان يكون محشاي بهالسوالف

حلاته يا خالي أو كاكاو أ جبن أو زعتر
الحين خلوه شرات الساندويش

و بالعاااااااااااااافية عليج

خاتون said...

السلام عليكم...

أهم شي الكالوري الناس تحسب قبل هههههههههه
بس لا تعرفين احسن لأنه الكروسان بروحة بلوة كل مكوناته طحين وزبدة وسكر وعليج الحساب
ههههه

عليج بالعافية
وكريبو ما عليه فوق عجيب
*_^

شاي الضحى said...

بالعافيه

انا ما احب الي فيها تيركي تصير ثقيله

جربت الجبن من كاريبو وما اعجبتني الجبن طعمه مو حلو

واحب الي من ستاربكس بس عيبها ثقيييييييييييله

Landeni.com said...

موجود الكالوريز بالغرطاس .. او تقدرين تسألينهم

بس ما اعتقد اقل من 300 سعرة حرارية

رورو الشخبوطه said...

شانيل..

انا كنت حبه مع جبن واذ مفي قزره بزعتر بس لم جربت لتركي حبيتها..

الله يعافيج يارب..

مشكوره..

رورو الشخبوطه said...

خاتون..

وعليكم السلام والرحمه ..

مايهمني اساس بس بعرف من باب المقارنه ..

يعافيج يارب..

مرسي..

رورو الشخبوطه said...

جايونه..

يعافيج يارب..

الجبن اللي بكاريبو اختربت كانت واايد الذ ..

وصح ثقيل بس مالت ستاربكس اثقل ..

ومرسي..

رورو الشخبوطه said...

لندني..

مااعتقد موجود ع القرطاس وبسالهم ان شاءلله ..

مشكور..

نزهاويه said...

دورت بسايت كاريبو و سايت ستاربكس
ماكو اثر حق شي اسمه كرواسون لووول


كاريبو
http://www.cariboucoffee.com/page/1/menu-nutrition.jsp

ستاربكس
http://www.starbucks.com/menu/catalog/nutrition?food=all#view_control=nutrition

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads