شخبوطة كويتيه: shizens (eye charm)

Tuesday, November 27, 2012

shizens (eye charm)

11:48 PM

هالماسكرا كانت شغله من الاغراض اللي كنت ميمعتهم بالبيوتي لست لسفرة ماليزيا ..

ومن الشغلات القليله اللي خذيتها من اللسته ..

وخذيتها بناء على مدح مدونة ليزي ديزي (بوستهم عنها هني)

واهي ماسكرا الفايبر ..

يعني قوامها مو سائل مثل الماسكرات العاديه لا تكون نفس الشعيرات هذي الصوره تبين شكلهم ..

وهذي فرشتها (الصوره منقوله من مدونة ليزي ديزي )

اما طريقتها :

تحطين طبقه من ماسكرتج العاديه عقب تحطين اهي (ماسكرا الفايبر) ..

رايي:

جربتها اكثر من مره للاسف ماعجبتني لانها انها تتناثر ع ويه و تدش بالعين ونتيجتها عاديه جدا جدا انا لما شفت اللي حاطتها العارضه على عين وحده وال2 مخليتها طبيعيه كان في فرق كبير واختلاف بينهم (هالحجي عقب ماشريتها ) قلت لها شلون تستخدمينها قالت حطيتها 10 مرات الله ان شاءالله مااحطها هالكثر الدوام يخلص والزحمه تخلص وانا لي الحين امشط رموشي فيها خخ ..

افكر اسويلها ريسيكل واخليها صبغ اظافر مخملي (فلفت ) 99% تفشل الفكره :)

سعرها :

اعتقد 128 رنجت ..

مورخيصه بعد :\

ملاحظه : باجي الصور من google

Labels: beauty, makeup, wish list, سفر, شرق اسيا, ماليزيا-malaysia, مشتريات

6 comments:

GHADEER_BLOG said...: عاد مره قريت نفس نوع هالماسكرا بس ماركه ثانيه وعليها مدح
خاطري اجرب هنمط
بس خوش فكرةة الري سايكل هههه جربي; November 28, 2012 at 5:07 PM
رورو الشخبوطه said...: ميك اب ..

وايد ماركات نزلين منها ..

انا احبيتها ورفيجتي جربت ماركه 2 هم اعجبتها :(

ان شاءالله بجرب..

شكرا..; November 30, 2012 at 9:15 PM
Anonymous said...: هههه ضحكتيني وانتي تقولين تخلص الزحمة والدوام وانتي بعدج تمشطين فيهم :p

Kuwaiiitya; December 3, 2012 at 5:19 PM
رورو الشخبوطه said...: كويتيه..

اي بعد خخ شدعوه 10 مرات ..; December 3, 2012 at 9:45 PM
Dally said...: لوووول توني اعرف عن هالماسكرا شكلها مايشووق حتى; December 8, 2012 at 10:42 PM
رورو الشخبوطه said...: داللي..

انا شوقتني سالفة انه تخلي الرموش جنه تركيب لانه انه رموشي خفاف واستحرم اركب رموش..; December 9, 2012 at 5:32 PM

shizens (eye charm)

6 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads