Saturday, November 17, 2012
هللوو ..
 
هالبوست كنت متردده انزله او لا علبو انه الاغلب يدري انه بي بي كريم نزل تقريبا من الشهر اللي فات  بالجمعيات هالشي استشفيت من سوالفي مع رفيجاتي بس امس بالنت اكتشفت انه مو الكل يدري..
 
فقلت مدام عندي صور خل انزل حق اللي مايدرون ..
 
 انا خذيته من كارفور وهو متوفر باغلب الجمعيات وبمركز السلطان بعد ..
 
الحلو بكارفور وفي بعض الجمعيات اعتقد الخالديه وحده منهم ،انهم موفرين تستر من الكريم بحيث تجربينه قبل لا تشترينه ويطيح بجبدج ..
 
الكريم متوفر بدرجتين :
-الفاتح ,,
-المتوسط ..
 
خذيت الفاتح ..
وهذا مو اول بي بي كريم من غارنييه عندي اصدار شرق اسيا ، لانه غارنييه من الشركات اللي توفر لكل مجموعة دول اصدار معين من نفس المنتج وبنفس الاسم بس بمواصفات مختلفه..
 
اللي اعرفه لي الحين انه بي بي كريم متوفر ب3 اصدارات :
-صنع بامريكا ..
-صنع بشرق اسيا..
-صنع بالمانيا (وهذا اللي متوفر عندنا)
 
حسافه مالقيت من بي بي كريم القديم اللي عندي الا قوطيه خخ بس ان شاءالله اذا لقيته اسويلكم مقارنه كامله عنهم من حيث القوام والاستخدام والنتيجه .. الخ ..
 
بس هذي بعض الفروقات اللي لاحظته (قريتها على العلبه ):
 
-اللي متوفر بالكويت من حيث الحجم اكبر لانه 50 مل اما اللي من ماليزيا اصدار شرق اسيا 20 مل وماعندي فكره اذا متوفر باكثر من حجم عندهم او لا , بالنسبه للكويت متوفر بحجم 1 ..
-اللي بالكويت من ناحية الفوائد مكتوب انه 5 في 1 :
-يوحد لون البشره ..
-يقلل العيوب والشوائب ..
-يعزز الاشراقه الصحيه ..
-يرطب 24 ساعه ..
-يحمي من اشعة الشمس الضارة  بنسبة 15 SPF ..
 
اللي من ماليزيا مكتوب 10 في 1 :
-يخفف الاحمرار..
-يخفف المناطق الغامج ..
-يقلل من وضوح المسام
-يقلل من وضوح الخطوط ..
هالنقاط احس كل توحيد اللون  وتحسين مظهر البشره..
-يعزز الاشراقه الصحيه ..
-نعومه ..
-ترطيب ..
-تناغم ..
-اشعاع اتوقع قصدهم اشراق اهما فوايدهم مكرره جني قاعده بامتحان او بحث وغصب طيب اطلع معلومات عساس اكتب تعبير 10 اسطر او بحث 10 صفحات ..
-نسبة حمايته من الشمس 26 SPF ..
 
يعني مبدائيا 3 فروقات واضحه الحجم والفوائد ونسبة الحماية ونسبة الحماية من الشمس..
 
ماجربت كريم الكويت لي الحين اللي من ماليزيا جربته مره ومااحبيته وايد بس اذا لقيته باستخدمه مره 2 ان شاءالله ..
 
وبالنسبه لسعره:
 
مناسب جدا جدا كانوا التاجرات بالنت يوفرنه ب13 مادري 15 :\
 
بكارفور سعره2.525
 
بمركز السلطان ب2.750..
 

9 comments:

make up lover said...

ثانكس على البوست الحلو خذيته من جمعيه الخالديه خذيت الغامج والفاتح وبالخلط يطلع لونهم حلو
جربته مره بس حسته دهني شوي

دَرْدَرَه و دَرْدُور said...

انجرب :)

Anonymous said...

وي وي 15 مادري 13
الله يهديهم تاجرتنا
بس لامانه سألت اخصائيتي مالت البشرره ماتمدحة تقول تو مش ع البشره وراح اتعبها بعدين مش معقول مرطب وكريم اساس وتبيض كمان

رورو الشخبوطه said...

ميك ..

انا حسيته انه ترطيبه بيكون قوي استانست لانه احتاج هالشي ..

ولكم ولو ..

حياج الله..

رورو الشخبوطه said...

دردره..

ان شاءالله تجربينه ويعجبج..

رورو الشخبوطه said...

غير معرف..

اي الله يهداهم يبالغون بالاسعار ..

ليش احس في وايد منتجات مثل فكرته وترا تغطيته تعتبر بسيطه مو فل كفر مثل الفونديشن لا مثل اي مرطب ملون ..

وهم ماتوقع تبيض قوي اتوقع يفتح اهو مثل الحمايه ن الشمس ..

وشكرا ع ردج ..

Fatma Alzaid said...

قبل يومين شريتة وايد حلوووو عجبني وايد من مركز السلطان

Fatma Alzaid said...

قبل يومين شريتة وايد حلوووو عجبني وايد من مركز السلطان

Fatma Alzaid said...

وايد عجيب قبل يومين شريتة من مركز السلطان عجبني وايد وايد

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads