شخبوطة كويتيه: Dermoviva Wet Wipes

Saturday, November 17, 2012

Dermoviva Wet Wipes

4:38 PM

احب الوايبس (المناديل - الكلينكس) للبشره خصوصا وهم عندي سن بلوك (حماية من الشمس كلينكس واكثر من نوع ديودرنت و اللي للبق قلت لكم عنه هني و اسيتون لصبغ الاظافر قلت لكم عنه هني و هني وهم المعقم بس مو لاقيه لينك البوست :\)

بس استخدامي لهم بسيط مو مثل الوايبس الخاص بتنظيف البشره استخدمت وايد انواع احبها لانه تفيدين اذا كنت مستعيل وماعندي وقت لروتين بشرتي اليومي الغسول و التونر وهم اذا بمسح مكياجي للصلاة بالدوام واذا بنام دايخه ومالي خلق استخدم غسول و مزيل مكياج ..

من الانواع اللي استخدمتها غارنيييه و n7 وفيتامين e من بوتس ( اضغط ع اسم الماركة لقراءه البوست الخاص فيهم )..

واخر تجاربي اللي بتكلم عنه بوست اليوم اهو

Dermoviva Wet Wipes

من فاتيكا ..

وهو خاص بالتنظيف العميق ..

وفي نوعين غيره:

- مضاد للبكتريا ..

-مزيل مكياج ..

بالنسبه للي جربته مكتوب عليه تنظيف عميق مناديل ازالة الدهون غنية بخلاصة الليمون والخيار ، تنظف مسام البشره بالكامل وتزيل الدهون الزائدة والاوساخ ..

وفيه حوالي ال20 قطعة ..

رايي:

كاستخدام حسيته عادي مو وواو اللي يميزه عن غيره ريحته الحلوه الفواحه اهي بس كافيه انها تعطيني احساس بالانتعاش ..

سعره:

حصلته بكارفور وسعره بحدود 540 فلس او 570 .. << هم يعتبر رخيص مقارنة بغيره واهو اصغر من الاغلب واقل كمية بس فرق بسيط بينهم بالكميه ي5 او 10 حبات بس بالسعر الفرق مضاعف يعني الاغلب جريب الدينارين (وحجمه انسب للجنطه)..

Labels: beauty

Dermoviva Wet Wipes

Dermoviva Wet Wipes

0 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads