Saturday, July 3, 2010
السلام عليكم ..

قبل فتره وانا احوس وافتر بربوع قوقل لفت انتباهي هالمنتج وكنت ناويه اليوم انزل بوست اسالكم عنه واذا تعرفونه شرايكم فيه وين اقدر احصله..



بس اللي صار اليوم الصبح طلعت مع خواتي ولد اختي وخدامتها وسايقنا خخ ..

عاد رحت وانا واختي صديقتي الصدوق شكلي بقولكم قصة حياتي خخخ المنصور ابي شغله منه راح اقولكم عنها عقب لما اجربها ان شاءالله ..

فشفت هالقوطي وطلع مثل فكرة اللي فوق اللي ادوره وابيه بس ماركة 2..

استانست :)

وفي نوعين منه ..

هذا الاول بدون اسيتون .. 



وهذا ال2 عادي في اسيتون واهو اللي خذيته لانه الحجيه تمدحه تقول احسن من الاولي ..

ومسوين منه حجم صغير في 4  حبات بدينار كنت باخذه اجربه بس شفت انا الكرتون ارخص 10 بدينار ونص قلت اجرب 1 اذا عجبني اخذ ال2 مو ناقصني تكود :)


وهذي حبه الاولى اللي جربتها اليوم ..


واهني من داخل توقعتها غير توقعت مثل الكلنكس الخفيف المبلل طلع لا عباره عن قطعة جوخ حمرا ورطبه ..

*رايي :

زينه ومن الاول انا حابه فكرة انه كل قطعه بروح احسن مايختربون او ينشفون اذا حاشهم الهوا كل مابطلنا العلبه بس ويع ريحة الاسيتون ماصدقت افتك منها شكلي المره اليايه ان شاءالله  بجرب اللي بدون اسيتون اتوقع مافيه ريحة تصك الراس ..

p.s : اهو مو اسمه مناديل الاسيتون انا سميته جذي اهو اسمه اللي مكتوب على العلبة polish off nail polish remover pads


32 comments:

Anonymous said...

أنا بعد من زمان أبيهم
بس ما تعبت عمري أدورهم^^ أو أسأل عنهم

زين لقيتيهم
وكتبتي بوست عنهم
*^

she is me

mazyona said...

هلا رورو
فكرتهم حلوه وبسيطه
واتوقع اللي بدون اسيتون أحسن
تسلمين

~أم حرّوبي~ said...

بدون الاسيتون احسن بس ان شالله يعطونن نفس النتيجة

يعطيج العافية عمو ^^

هديــل said...

حلوة فكرتهم وسعرهم معقول :)

يعطيج العااافية

menakon@live.com said...

اي جربهم وااايد حلوين

انا حاطتهم عندي بالدوام

ساعات يروح الصبغ من اضافرتي ويصير شكلهم مو حلوو

فالدوام اشيلهم

خاتون said...

يا عيني على الذرابة
نفسي بالضبط خخخخخ
انا اسيتون و خلص نفسك
ههههههههههه
مفروض تطالبين بعمولة حق الدعاية و الاعلان اللي تسوينهم بصراحة
لانه وايد اماكن رحتها من ورا بوستاتج و اشياء شريتها و السبب اعلانج عنها
عساج عالقوة ^_^

Made n Q8 said...

اي صح وايد حلوة فكرته وتقدرين بعد اتحطينه بالجنطه بدون مايدمرها

علييج بالعافية

Sweet Revenge said...

مشكورة شخبوطة انا حاطة عندي استون في الدوام وكله احاتي ينكت بس فكرتج ووايد حلوة واكيد باقرب فرصة امر واخذه
:)

رورو الشخبوطه said...

هلا شي..

انا مادورتهم صدفه لقيتهم جدامي :)

وحياج الله..

رورو الشخبوطه said...

اهلين مزيونه..

اهو احلى اذا مافي ريحة بس كمفعول مايندرا,,

والله يسلمج يارب..

حياج الله..

رورو الشخبوطه said...

هلا ام حروبي..

اي من ناحية الريحه بس المفعول مايندرا اذا ين او لا..

الله يعافيج يارب..

مرسو :)

رورو الشخبوطه said...

هلا هدوله.,

صاجه :)

الله يعافيج يارب..

مرسي ..

رورو الشخبوطه said...

هلا من اكون..

اي حلوو وايد مفيدين :)

ومرسي..

رورو الشخبوطه said...

هلا خاتون..
خخخخ..

مالنا غنى عن الاسيتون :)

خخ لا اسويها لله فالله نبي الاجر :p

الله يقويج يارب..

مشكوره..

رورو الشخبوطه said...

هلا مدمد..

اي صاجه ماقالت هالشغله عشان ميمه ماتستغرب خخ..

الله يعافيج يارب..

مشكوره..

رورو الشخبوطه said...

هلا سويت ..

العفو ولو..

ان شاءالله وهذا او الباد العاديين وايد اريح من الاسيتون ..

وحياج الله..

koko said...

انا وايد اعااني من سالفة الاسيتون
اموووت عالصبغ اظافر بس اكره ما عندي لي شلته اتأزم نفسيا :/

ReLaaaX said...

وناااااسه يبييييله تصدقين والحلو ان كل واحد مجيس .. بروح :))


لااااا ضروري آخذ لي 3 والا 4 احتياطاً خوفج ينقطع والا شي ;p

رورو الشخبوطه said...

هلا كوكو..

مثل حالتي من جذي ادورلي شغلات سهله عشان اوخره..

وحياج الله..

رورو الشخبوطه said...

هلا سويتا..

اي هذي ميزته :)

وبالعافيه مقدما..

حياج الله..

V I E W said...

رفيجتي يابتلي واحد نفسه
بس من ايران >مشهد ;)

بس ماجربته ليلحين كله انسى لول

daloo3a said...

حلوووه ريحة الاسيتون

احبها

رورو الشخبوطه said...

هلا سويتي..

بالعافيه يارب..

انا هم اليوم نسيت استخدمه :\

خخ..

وحياج الله..

رورو الشخبوطه said...

هلا دلوعه ..

خخخ انا تصدعني بسم الله علي رقيقه من جذي يحبني الشيبه :)

ومرسوو..

habbosh said...

me5alif dawart a7ad yes2al maligayt ana ma3aref ween hatha elmansoor mal makeup?? ma3ara me3leesh

رورو الشخبوطه said...

هلا اختي..

امم اذا تبين وين موجود اهو باكثر من مكان خل اكتبهم لج ..

بالجهرا فرعين (الخيمه مول -المنار)

-جليب الشيوخ

الفروانيه

الفحاحيل

السالميه

سوق الزل

سوق مورا

هذا اللي مكتوب ع الجيس..

واذا ماخب ظني موجود بالبيرق..

اي سوال امريني :)

وحياج الله..

Fashion said...

هلا وخيتي
احلى مناديل لإزاله صبغ الاظافر
مناديل تحصلينها في زلزلة إلي في العربيد بلازا
على 300 فلس
او 400 والله ناسيه بس حده رخيص
و روووووووووووعه حتى احلى من إلي موجود في بوتس
راح تنصدمين من فعاليته
و على كل روائخ الفواكه رووعه الصراحه
و اتمنى افدتج
جربيه و ادعيلي

رورو الشخبوطه said...

هلا اخيتي هبي..

انا مجربه انواع وايد لحظه احط لج الرابط ..

http://trendygirl87.blogspot.com/2010/06/nail-polish-remover.html

قصدج مثل الاخير ؟

ومشكووره :)

الجودي said...

رورو أي صوب بالسالميه ؟

أنا هالماركه شاريتها من أمريكا من فتره و الحين خلص مخزوني وايد حلوة و قويه تشيل الصبغ عدل وما اذكر انها اتنشف الظفر

رورو الشخبوطه said...

هلا الجودي..

بالسالميه خبري فيها من زمان سنين لما كنت بالثنوي :\

بس سويت لج سيرج وطلع موجود ..

جيكي ع هالروابط ..

http://www.q8yat.net/showthread.php?t=28195

http://www.q8yat.net/showthread.php?t=166520

وان شاءالله اكون فدتج..

الجودي said...

مشكووووورة يا قلبي لا خلى ولا عدم يا حلوة

الحين أشوف السايت

:**

رورو الشخبوطه said...

ولكم باك الجودي..

العفو ولو ماسوينا شي ..

ان شاءالله تجربينه ويعجبج :*

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads