Thursday, July 29, 2010
السلام عليكم ..
اليوم عيد ميلاد منو ؟؟

مدمد ..

وماشاءالله صار عمرها 25 يعني ربع :p

وعساه هدد مو عدد ويارب تكون سنة خير عليج..

وبهالمناسبه حبيت نحتفل معاها وع حظنا كان نازل فيلما عنجلينا واهي تحبها ..
فرحناله بس مافاد معاه صراع الجبابره سبقتنا وحجزت لنا فيه خوش احتفال خخ..


*النبذه من سايت السينما ::
بطولة


Angelina Jolie, Liev Schreiber



النوع

حركي, اثارة

مدة الفيلم

95 min


القصة

أقسمت إيفلين سولت كضابط في وكالة المخابرات المركزية على تقوم بعملها بكل شرف وتصون بلدها. إلا ان ولاء إيفلين سولت يوضع تحت الإختبار عندما يقوم لاجئ روسي باتهامها بانها جاسوسة روسية. تهرب إيفلين سولت وتحاول تبرئة نفسها من التهمة.



رايي:

بالبدايه ليما التحقيق مع المتهم حسيته اكشن عقب قلبت جنغر مراه تكفخ 6 او 7 رياييل مره وحده وتسدحهم و تناقز وتخطط بثواني وشطبت على اللي الفيلم كلهم  مابقى احد ماطقته بس باجي تكوفنه انا ومدمد واختي خخخخخخخخخخخخ.. لا كلش ولا النهايه انصدمنا منه لانه ماستوعبنا انه خلص :\

ورحنا تغدينا هون ..




خبز..

شوربة عدس اهي الوحيده اللي خلصناها حلوه..
تبوله ماذقتها لاني مااكل خضرا طلبتها لاختي..


سيزر شريتها ع مدح اخوي ماكيلت وايد منها بس اول شي حسيت بمروره عقب صارت اوكي..


حمص بيروتي اختيار مدمد وكان نايس..

فته باللحمه من قبل جربت بالحمص بصبح ومسا تقريبا نفس الطعم بس حبيت اللي بالحمص اكثر..

كبة باللبن زينه وهم طعمها مقارب للي بصبح ومسا..

ومعاه عيش متفخ يونس..

مشويات مشكله بس ذقت الريش وكان حلوو..

الفاتوره :)
*رايي:

الاكل طعم من زين الى حلو مافي شي مو ذاك الزود:)


تغدينا قبل الفيلم..

وغقبه رحنا نحلي بهاجن داز من زمان كان ودي اجرب فوندوهم ..


وبراوني..

رايي:

اقل من عادي وفوندو باسكن الذ وارخص :)

44 comments:

Unique Girl said...

وناااااسه كل عام واهي بخييير

عاد حلو الفلم ولا لأ ودنا بفلم يعني تفضلين عسل اسود عليه ؟؟

مم والأكل شكله يشوق والبرد والكيك لذيذ بس باسكن احلى مثل ماقلتي :)

طموحة مملوحة said...

كل عام وهي بالف خير يارب

Katkoota xD said...

كل عام و اهيا بألف خييير

انشالله دوم الأفراح

..

الفيلم شكله ما يشوق

..

ماكو شي يصك على chocolate bar

بالعافية

تحياتي

mazyona said...

كل عام وهي بخير
أنا اليوم رحت فيلم انجلينا
الظاهر خواطرنا وحده

أبوفلان said...

ماشاء الله عليكم بالعافيه

وان شاء الله دوم الأفراح

هقن دز عيبه انه رفع اسعاره بشكل خيالي الله يهيديه الناس تربح بس مو جذي

Made n Q8 said...

اي عدل عيد ميلادي ونااسه :D

وانتوا بخير وبصحه وسلامه


لوول وهالربع وراي وراي ماكو فايده :P



بس خووش احتفال حبيت وايد
وثانكس للعزيمة وثانكس للهدية وبعد هم ثانكس للوقت الممتع الي قضيتوه معاي وثانكس انج شلتي جيسي الي من بيكوكس ادري كان وايد ثقيل :P

جنه بديت اخوره خل اروح انام :P

قلم ومسّاحة said...

بالعافية عليج
أفلام انجلينا ما تعجبني وايد وخاصة الاخيرة، تميل حق الأكشن والطق وكأنها أبو العريف تعرف كل شي. صايرة حيل مليقة، لازم تغير شوي وزين قلتي رايج لأن كنت متردد أروحله بس ماراح أروحله من بعد رايج.


وديري بالج مرة ثانية تقولين عن السلطات شي شفيها التبولة ها؟ >>لووول يعني معصب

^
^

يحب الخضار والفاكهة

هديــل said...

كل عام وميد بخير :)
لوول ضحكتيني يوم قلتي بغت تكفخكم هههههههه تسويها انجلينا خخ

وبالعافية المطعم :)

swera said...

bel3aaafiaaaa 3alekom o kel 3am o madmad eb 5er o 9e77a o salama :)

shawagtini mn zeman mo makla fatta :S

ميمة السبيت said...

** الظاهر أمس يوم السينما ، انا كنت هناك بس دشينا فلم عسل اسود ، أول مرة ادش فلم عربي كنت حدي رافضة الفكرة بس والله الفلم كان حلو ماتحسفنا
روحي المياس وايد أحلى .. بالعافية

Anonymous said...

صبح ومسا = اهو نفسه فيلا فيروز = اهو نفسه ميجنا
صاحب المحل واحد والمطبخ واحد نفس الشي
:)

عين بغزي said...

بالعافية :) والفلم هذا انزلة بالتورنت ابرك من عناء الذهاب الي سينما :)

Amwaj said...

كل عام وإهيا بخير وصحة وسلامة :)

يعطيج العافية رورو

كوكتيل said...

كل عام ومدمد بخير والعمر كله يارب :)

رحتله رور يدوخ وفعلا النهاية مو شيء كليش :(

وعليكم بالعافية يارب :)

alB6h said...

وعليكم السلام
كل عام واهي بالف خير
وعقبال مليووون ان شاء الله
والله يخليكم لبعض :)

وعليكم بالف عافية

ChuBBy-Doll said...

3aleom Bl3afyah o happy birthday 2 her .. 3o2bal el 3/4 ethaneen :P

فـ(المطيري)ـدكـ said...

كـل عام واهيا بالف خير ..

بالنسبة لاجم داز احبــــة .. بس ماجربت الفوندوم عندة ..

عليكم بالعافية بس حسيت ان المطعم مو ذاك الزود ماعجبج من تعليقاتج ..

^_^

شاي الضحى said...

كل عام ومدمد بالف خير

وعليكم بالعافيه

وانا بعد مو وايد حبيت الفنودو احب الي بجوكليت بار وباسكن

:)

~أم حرّوبي~ said...

كل عاااااااااااااااام ومد مدووو بخيرات الله ^^

اويي هذي انجلينا وانا حسبالي هاللي تمثل في الياس شو اسمها هيه جنيفر جانر
والله مو مبين انها جولي

واخييييرا فتحوا هالمطعم اذكر يوم قلتي تبين تجربينه ..
واااااااي رورو بصيح اشتهيت سيزر سلاد ..احلى شي ذقته مال جامعتنا اهئ اهئ واايد بخاطري فيه

بالعافيه عليييييييييكم^^

رورو الشخبوطه said...

هلا يونيك..

وانتي بخير..

لا مو حلو عسل اسود احلى في قصه ويضحك ..

يس :)

وحياج الله..

رورو الشخبوطه said...

هلا طموحه..

وانتي بخير يارب..

مشكوره..

رورو الشخبوطه said...

هلا كتكوته..

وانتي بخير ..

وياج يارب..

عاد مادحينه توقعت زين :\

وهم باسكن زين :)

والله يعافيج يارب..

مشكوره..

رورو الشخبوطه said...

هلا مزيونه ..

وانتي بخير..

مشكوره ..

لا مو امس رحنا له اول امس :)

رورو الشخبوطه said...

هلا اخوي بوفلان..

الله يعافيك ..
واجمعين يارب..

اي صاج اسعاره ومبالغ فيهم هالشغلتين مع ماي طلع 11 شدعوه وياريت حلو :(

وحياك الله..

رورو الشخبوطه said...

اهلين مدمد..

خخ بالعماله قلت ربع :)

ولكم ولكم ولكم ولكم واحنا بعد استانسنا معاج :)

نوم العوافي يارب..

حياج الرحمن..

رورو الشخبوطه said...

هلا اخوي مساحه..

الله يعافيك يارب..

انا هذا 2 فيلم اشوف له الاول كان عادي اللي ضاع ولدها احسن من هذا ماحب الاكشن المليغ وصاج طالعه جنها جنغر..

خخخ ماحبهم لالاسف :\
زين ماشاءالله..

وحياك الله..

رورو الشخبوطه said...

هلا هدوله..

وانتي بخير يارب..

خخ ولو عندنا رياييل جان باقتهم :)

الله يعافيج يارب..

مشكوره..

رورو الشخبوطه said...

هلا سويره..

الله يعافيج يارب..

وانتي بخير ..

ان شاءالله بس تخلصين رجيم تاكلينها :)

وحياج الله..

رورو الشخبوطه said...

هلا ميمه..

احنا اول امس مو امس وعسل اسود قلت لج حلو :)

ان شاءالله اجربه..

والله يعافيج يارب..

مشكوره..

رورو الشخبوطه said...

هلا غير معروف..

اي ادري..

بس في شغلات موجوده بفيلا مو موجوده بصبح ومسا..

ومن جذي قارنتهم ببعض لانهم نفس الشخص ولا مجربه مطاعم لبنانيه وايد غيرهم كنت اقدر اقارنهم معاه :)

وحياج\ك الله..

رورو الشخبوطه said...

هلا اخوي عين..

بس السينما امتع :)

وحياك الله..

رورو الشخبوطه said...

هلا امواج ..

وانتي بخير..

والله يعافيج يارب..

مشكوره..

رورو الشخبوطه said...

هلا كوكتيل..

وانتي بخير..

اي حده ماوعينا الا مخلص خخخ..

والله يعافيج يارب..

مرسو..

رورو الشخبوطه said...

هلا بطوطه..

وانتي بخير..

ان شاءالله :)

والله يعافيج يارب..

مشكوره..

رورو الشخبوطه said...

هلا دول..

الله يعافيج يارب..

ان شاءالله خخخ..

مشكوره..

رورو الشخبوطه said...

هلا فدك..

وانتي بخير..

مي تو احبه بس من زمان عنه..

وكثر شي احبه عندهم الجيرمن كيك..

لا بالعكس عجبني ماقريتي رايي الاخر شي :\

وحياج الله..

رورو الشخبوطه said...

هلا جايونه..

وانتي بخير..

والله يعافيج يارب..

اي صح وايد احلى من هذا..

وحياج الله :)

رورو الشخبوطه said...

هلا ام حرب رب..

وانتي بخير ..

اي اهي السعلوه جولي خخخ..

اي والله واخيرا :)

شكله اكل جامعتكم حلو ماشاءالله لانه اكثر من مره تمدحين شغله عندهم ..

الله يعافيج يارب..

مشكوره..

خاتون said...

السلام عليكم و رحمة الله و بركاته
سلام مربع للجدعان في كل مكان كل زمان سلام مربع *_^
أخيرا افتتحو فيروز توني دريت منج مراسلتنا العسل
يبيله روحة
و تسلمين على تعبج و آرائج اللي نثق فيها و تنقذنا دومز
و عليكم بألف و ستين مليون عافية
و يارب الله يسعدج انت و اختج مدد كل سنة و إن شاء الله بعد دنيا و آخرة
موفقة عسل *_^

koko said...

كل عااام واهيا بخيييير

و عليكم بألف عاااافيه

ماحبها انجلينا من سالفتها مع جينيفر و ما قمت اتابع افلامها صج حقدت عليها لول

رورو الشخبوطه said...

هلا خاتون..

وعليكم السلام والرحمه..

اهلا اهلا:)
اي حتى انا توني دريت قبل لا اسافر بشوي فاجلت الروحه للعقب ردتي :)

ان شاءالله..

الله يسلمج يارب مرسي ع الاطراء..

الله يعافيج يارب..

وياج واجمعين يارب..

مشكوره :*

رورو الشخبوطه said...

هلا كوكو..

وانتي بخير..

والله يعافيج يارب..

مشكوره..

اي بواقة الرياييل مايندرا هالمره بتبوق منو الله لايبلينا يارب..

الوتيــــــــــن said...

شخبوطه @@ توني أشول النيولوك .. حده حلو اينن :)))

خوش رحلة فيها تفاصيل وايد :)) وكل عام واهيا بخير :)

مادري رديتوا ولا بعد من الامارات؟ نبي صور وايدين بعد ^_^

رورو الشخبوطه said...

هلا الوتين..

اي لانه من زمان مو زايرتني :)


وانت بخير يارب..

اي ردينا الاثنين :)

وتابعيني في وايد صور ان شاءالله..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads