Thursday, July 15, 2010
السلام عليكم ..

توني راده من فيلم عسل اسود رحت له بسينما الشرقيه الداثره واختي يمي تتافف ريحه حره :\



بطولة

احمد حلمي, ايمي سمير غانم

المخرج

خالد المرعي

النوع

كوميدي

مدة الفيلم

137 min

تصنيف

PG

القصة

تدور أحداث الفيلم حول شاب الذي ترك مصر وهاجر لأمريكا مع والديه وهو في العاشرة من عمره، وبعد عشرين عاما يعود لمصر بعد وفاة والديه ويواجه العديد من لمواقف بسبب اختلاف الزمن والثقافات، حيث انه يحمل جواز سفر أمريكي مما يجعل الجميع يعامله معاملة حسنة الي ان يتعرض لحادث يفقد فيه جوازه فتتغير معاملة الجميع معه.

دعايته :
 
 
*رايي :
 
وايد حبيت الفيلم ممتع ويضحك ومافيه اسفاف او قلة ادب , والاهم فيه فكره اللي بالي الحين:
 
- شلون ديرتك تقدم الاجنبي عليك :(
-وشلون ورقه تغير معاملة ونظرة الناس لك :\
-استغلال الناس والنصب..
-الرشوه ..
-الروتين الحكومي ..
 
الخ ..
 
هذي الشغلات السلبيه اما الايجابيه فهي :
 
- لو خليت خربت..
-وان في ناس ممكن تكسبها من موقف بسيط..
-عايلة ام سعيد :)
 
بوست مادري شلون قايل لاني مانمت :\

35 comments:

swera said...

bacher bnrooo7la bs kelesh mo metshaj3a :S

~أم حرّوبي~ said...

من متى خواتي يحنون يبون يشوفونه مادري اذا نزلوه بالامارات ..يبالي اشوفه^^

ميمة السبيت said...

** ما افكر اروووح فلم مصري بس اذا مووودج هيك عليج بالعافية

Katkoota xD said...

انا ما رحتله للحين

بس عندي من اللي راحله بمصر لوول

صج الكل يقول حلو و عجيب و يضحك

متشوقه ارووحله

نـ(المطيري)ـازكـ said...

صج الناس اذواق عاد تقولي اليوم رفيجتي سخيف ..!!

هديــل said...

بالعافية

اهم شي ان ناقش قضايا مهمة :>

Anonymous said...

تسلمين على النبذة مع إني ما تشجعت من التريلر ولا من الإعلان ولا من اسم الفيلم بس بروحله ودام نفس الي قلتيه ف ان شالله يكون حلو

le Koweit said...

خوش فيلم
كتبت عنه بوست مختلف نوعا ما :)

ri7ana said...

اسمه مو ماشي مع الفلم
ماشاءالله هالممثل متى يلحق يمشط شعره
فلم بظهر فلم :p
عليج بالعافيه شخبوطه

daloo3a said...

يكفي انه بطولة الفلم احمد حلمي

^^

ebtsamh said...

وين صايرة سينما الشرقية ؟

اهم شيء عجبج الفيلم خل المكان ع صوب

والله شوقتيني اعزم خواتي عليه

لانهم ما يحبون الاجنبي وتعرفين نادر ما

تلاقين فيلم عربي يستاهل يندخل

ع القوة

ROro Mania said...

انا رحتله امس
وايد عجبني و يضحك
بس طويل شوي مليت لوول

رورو الشخبوطه said...

هلا سويره..

ان شاءالله..

احس ماتحبين العربي وايد بس بيعجبج ان شاءالله..

ومرسي..

رورو الشخبوطه said...

هلا ام حروبي ..

امس مجيكه بسيني ستار بس ماثبت اذا موجود او لا :\

ان شاءالله..

وحياج الله..

رورو الشخبوطه said...

هلا ميمه..

انا اشوف كل شي هندي اجنبي عربي المهم تكون قصته حلوه..

والله يعافيج يارب..

مشكوره..

رورو الشخبوطه said...

هلا كتكوته..

ان شاءاللهتروحين له ويعجبج..

حياج الله..

رورو الشخبوطه said...

هلا فدك ..

اي صاجه ..

بس للحين اللي راحوله يمدحونه :)

وحياج الله..

رورو الشخبوطه said...

هلا هدوله..

الله يعافيج ..

افكورس :)

حياج الله..

رورو الشخبوطه said...

هلا اخوي قلم..

ان شاءالله..

احلى من 3 يشتغلونها يضحك :)

والله يسلمك يارب..

مشكور..

رورو الشخبوطه said...

هلا لو كويت..

اي توني شفت بوستك ماشاءالله وايد حلو ..

الله يعطيك العافيه ..

رورو الشخبوطه said...

هلا ريحانه..

امبلى ماشي لما تشوفينه راح تحسينه لايق عليه..

اهو قصده انه مصر مثل العسل حلو بس لونها اسود من مواقف اللي تصير ..

خخخ من جذي شعره طال ماعنده وقت يحلق :p

لا ترا طبيعي كل صيف ينزل فيلم بس ينزل عندنا متاخر مو نفس مصر ..

الله يعافيج يارب..

مشكوره..

رورو الشخبوطه said...

هلا دلوعه..

بخبر الشيبه :)

اي تمثيله حلو ماشاءالله..

حياج الله..

رورو الشخبوطه said...

هلا ابتسامه..

مالت سوق شرق..

اي صاجه مو مهم بس مره 2 بروح مكان 2 اريح :)

هالمره الفيلم هون علينا اخاف المره اليايه لا فيلم ولا مكان :)

اي صاجه مو بس العربي الافلام عموما نادر يكونون حلوين ..

وان شاءالله تروحون له ويعجبكم :)

الله يقويج يارب..

مشكوره..

رورو الشخبوطه said...

هلا رورو..

اي طويل والدعايات هم طولوا فيهم :)

وحياج الله..

TaZmaNiA said...

ilyoom baroo7la ma3ana mo wayed ma3a il aflam il ma9reya :p

alB6h said...

وعليكم السلام

يضحكني تمثيل احمد حلمي , وجني خاطري اشوف الفلم <<< بس احس قصة الفلم مكرره!!؟

يعطيج العافية

Anonymous said...

يعطيج العافية على النبذه
شكلي بغير رايي عن الأفلام العربية و ببدا اشوفها :)

Maram said...

تسلمين على النبذة عن الفيلم شوقتيني أشوفه

مشكوره

رورو الشخبوطه said...

هلا اخوي تازمانيا..

ان شاءالله يعجبك..

وحياك الله..

رورو الشخبوطه said...

اهلين بطوطه..

انا اول مره اشوف هالقصه ومو خبره بالافلام..

بس يسوى تشوفينه :)

والله يعافيج يارب..

مشكوره..

رورو الشخبوطه said...

هلا هوبيلس..

الله يعافيج يارب..

ماعمرج شفتي فيلم عربي؟؟

وحياج الله..

رورو الشخبوطه said...

هلا مرام..

الله يسلمج يارب..

والعفو ولو..

حياج الله..

خاتون said...

احلى شي انه فلم محترم
و تشكرات على المعلومات
*_^

رورو الشخبوطه said...

هلا خاتون..

اي والله ع الاقل نفهم ونستفيد :)

والعفو ولو..

حياج الله..

koko said...

كلش مو صوب الافلام المصريه و العربيه عامة ,, بس قصته غريبه شوقتيني اروحله

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads