Monday, July 26, 2010
السلام عليكم ..

اول بوست عن السفر بكلمكم فيه عن فندقنا ..

حجزته عن طريق سايت booking

اول مره اجربه وخفت مايكون مضمون بس اشوه كل شي اوكي حتى طالبين فيزا او ماستركارد انا كنت حاطه كي نت اخوي :)

هذا فندقنا ..

واهو موجود بدبي -البرشاء بشارع الشيخ زايد الله يرحمه ..
اسم السويت Ambassador Suite

وشقتنا كانت عباره عن 3 غرف  و3 حمامات وانتوا بكرامه و صاله ومطبخ وفي 3 بلكونات..

كا وصلنا حياكم ..


ندخل قشنا اي جنطه تبعي ؟؟

هذي الصاله ووطاولة الطعام ..

هني صوب القعده ..
هذا التلفاز موجود بكل الغرف..


طاولة الطعام..

المطبخ ..


غرفة النوم الرئيسية..


حمامها وانتوا بكرامه..

غرفة النوم ال2..

بلكونتها..

الفيوو..
غرفتنا انا واختي اتوقع للخدامه مافيها بلكونه خخ واصغر غرفة..
شعور حلو انه اختي معاي بالغرفه من زمان خبري فيه بالابتدائي واختي اغلب الوقت ماتنام بدارنا :\

ومن الشغلات اللي حبيتها بالفندق انه بكل سقف غرفه حاطين هالعلامه وسياده..

وهذا مفتاحنا خل نشيله وننحاش لعانه نطفي اليتات ع اللي بالشقه خخخ..

نصعد لي السطح R نشوف حوض السباحه ..

يبطل من 9 الصبح لي 8 بالليل..


بس ماصورته لانه ماشاءالله كل متروس ناس..

رايي بالفندق:

حبيته الستاف حليوين ومحترمين ..

اهو الشقه شرحه ونظيفه ..

واهو هادي والمنطقه هم هاديه مو زحمه..

وقريب من الامارات مول ..

وسعره مناسب ومعقول ..

سعره :

بالنسبه لي كنت حاجزته قبل السفره بشهر فطلع علي ب 1258.00درهم بالكويتي تقريبا  98 وخرده  هذا من غير ضريب مع الضرايب طلع علينا 1509 شي جذي ..

تفاصيل اضافيه :

هذا صفحة الفندق بالسايت ..

وهذا سايته (هنا)

42 comments:

Katkoota xD said...

وناسة

ممم ... انا اتوقع جنطتج الوردية

ناطرين البوست الياي

شاي الضحى said...

والله شكل الفندق حلو ونظيف

ناطرين البوست الياي

:)

koko said...

الورديه ;p
الفندق شكله حلوووو
have fun ;)

Hopeless Sight said...

يعطيج العافية
عجبتني الارضية ( أحب الباركيه) أشتقت لدبي

alB6h said...

وعليكم السلام
ماشاءالله الفندق حلو ونظيف
وراقي ومريح <<< كل هذا حسيته من الصور :)
اممم اتصور جنطتج الوردية !!
بالانتظار
يعطيج العافية

AM.SA.CHANNEL said...

ماشاء الله شكله حلو من الداخل .. بس العيب المنطقة هاي تحسيبها توها يديده خــاليه بس عقب كم من سنة ماشاء الله بتنترس و بتحلى
و يالله نتريا البوست اليديد ..

Crazy Girl in aGood Way said...

ماشالله حلو الفندق وحيل نظيف وشرح

بس الفيو ... مو حلو :(

ناطرة جاي الكرك ههههه

DoDoq8 said...

سعر الفندق مو حلو حق مكانه

يعني فيه اقرب للمجمعات بسعر ارخص

اهم شي عاجبكم

بالسلامه ان شاءالله
:)

BookMark said...

يه يه خوش صور
شكله شرح المكان ومرتب

جنطتج أتوقع الشطرنج
أو القوتشي الي تحت
:)

أبوفلان said...

الحمد لله ع السلامه

ماشاء الله شكل الفندق نظيف وسعره ممتاز

بس شكله بعيد عن دبي ومجمعاتها ولا قريب ؟

daloo3a said...

ييتي دبي و لا خبرتييني ؟؟!!

المهم استانستي و استمتعتي ^^

قلم ومسّاحة said...

الف الحمدلله ع السلامة
فعلاً شكل الفندق نظيف وحلو وانا ارتحت له من الصور واكيد جنتطج الوردية مايبيله كلام واذا مو الوردية أكيد الكاروهات

هديــل said...

شكله خوش فندق
راهي ويفتح النفس مو قمته

جنطتج الوردية او الكاروهات :)

مشكورة وقواج الله :>

~أم حرّوبي~ said...

اكيييد الوردية ..
اي مبين السويت شرح ^^
ناطرين مغامراتج ^^

~أم حرّوبي~ said...

اكيييد الوردية ..
اي مبين السويت شرح ^^
ناطرين مغامراتج ^^

ri7ana said...

الفندق يشرح النفس
الورديه بدون منازع
وعليج بالعافيه

mese said...

ماشاء الله..يعني كنتي هنيه :)
نورتي البلاد أختي..

شكله حلو الفندق ومريح..
بإنتظار باقي التقرير ..
ودي وإحترآمي..

ROro Mania said...

الحمدلله عالسلامه :)
يا حلو دبي اتونس حتى لو تروحين يوم واحد
المهم تغيير جو :)

و الشفه وايد حلوه ;)

q8-lawyer said...

ماشاءالله شرحه الشقه وشكله نظيف

عليكم يالعافيه

احنا دايما نحجز من بوكنق

وبإنتظار باجي الأجزاء:)

رورو الشخبوطه said...

هلا كتكوته..

صح :)

حياج الله..

رورو الشخبوطه said...

هلا جايونه..

اي حبيته :)

حياج الله ..

رورو الشخبوطه said...

هلا كوكو..

صوح :)

يس ..

مشكوره :)

رورو الشخبوطه said...

هلا هوبيلس..

الله يعافيج يارب..

وان شاءالله تروحين قريب..

ومشكوره..

رورو الشخبوطه said...

هلا بطوطه..

عن تجربه اقولج اي صح ..

صح :)

الله يعافيج يارب..

ومشكوره..

رورو الشخبوطه said...

هلا شانيل..

اي صح مثل حجي اخوي اهي يديده الظاهر بس انها هاديه هذي من مميزاتها :)

ان شاءالله..

وحياج الله..

رورو الشخبوطه said...

هلا كريزي..

اي حبيته ..

خخ لانه يديده اغلبها بنايات يدد..


ماجربته :(

وحياج الله..

رورو الشخبوطه said...

هلا دودو..

مثل شنو؟؟

وبالعكس سعره رخيص ل3 غرف ومكانه هادي مريح ..

وشفت فنادق ارخص بس ماعجبوني واغلبهم غرفتين احنا 6 اشخاص نبي 3 غرف ..

السعه السعه لابارك الله بالضيج:p

اي وايد الحمدالله..

والله يسلمج يارب..

حياج الله..

رورو الشخبوطه said...

هلا بوك..

وايد حبيته :)

لا غلط جنطتي الورديه :)

ومشكوره..

رورو الشخبوطه said...

هلا اخوي بوفلان..

الله يسلمك يارب..

اي حبيته ..

امم لا مو بعيد وايد الا عن المطار بس مايكلفك بالتاكسي الا 70 درهم يعني مناسب في تكاسي قالوا لنا 250 :\

وبالنسبه للمجمعات يمه الامارات مول تقريب 900 متر يعني بالتاكسي ب10 درهم ..

يم تايمز سكوير وهم سعره بهالحدود..

دبي مول التاكسي سعره 30 ..

القديم تقريبا شي و40..

فموايد بعاد ..

ميزته انه هاديه المنطقه عكس منطقه الديره رحنا زرنا اهلنا منطقتهم لويه بس قريبه من المطار ..

وحياك الله..

رورو الشخبوطه said...

هلا دلوعه..

امبلى اكثر من مره قلت بالقروب :)

وبعدين عشان استفرد بالشيبه :p

اي الحمدالله..

مشكوره ..

رورو الشخبوطه said...

هلا اخوي قلم..

الله يسلمك يارب..

اي الحمدالله كان وايد مريح ..

صح الورديه :)

وحياك الله..

رورو الشخبوطه said...

هلا هدوله..

اي ماشاءالله شرح :)

صح الورديه ..

العفو ولو الله يقويج يارب..

وحياج الله..

رورو الشخبوطه said...

هلا ام حروبي..


صح :)

اي ماشاءالله وايد شرح..

حياج الله..

رورو الشخبوطه said...

هلا ريحانه..

اي الحمدالله..

صح الورديه :)

الله يعافيج يارب..

مشكوره..

رورو الشخبوطه said...

هلا ميوسه..

هيه :)

منوره بوجودكم اخيتي..

مشكوره..
اي ماشاءالله وايد مريح..

حياج الله....

رورو الشخبوطه said...

هلا رورو..

الله يسلمج يارب مشكوره..

انا 3 ايام ومامداني اكتشف شي:(

اي صاجه..
مرسي:)

رورو الشخبوطه said...

هلا لوير..

اي الحمدالله ولا جان صكنا اكتئاب خخ..
الله يعافيج يارب..

صج انا اول مره اجازف وحبيته ان شاءالله بجرب مره 2 اذا الله يسر وكتب لي سفره 2..

حياج الله..

كوكتيل said...

صباح الخير :)

حلو الفندق ماشاء الله :)

أهما دبي ماتخافين من فنادقهم لأن نظيفة وحلوة ماشاء الله :)

الجنطة الوردي رورو :)

خاتون said...

خوش تغطية ماشاء الله عليج
و عليكم بستين ألف عافية
يمكن يا البنك يا البيجية اللي تحتها بس أغلب الظن البنك
و يسلمو الأنامل الذهبية على الصور الحلوة*_^

رورو الشخبوطه said...

هلا كوكوتيل..
صباح النور..

لا شفت فندق 2 بالصج مو حلو والنظفه اقل من عاديه والرسبشن مادري شلون قايلين :\

صح انا قايله لج خخخ..

حياج الله سويتي..

رورو الشخبوطه said...

هلا خاتون..
مشكوره :)

الله يعافيج يارب..

صح الورديه.

الله يسلمج يارب..

حياج الله..

Made n Q8 said...

الفوشيه:D

مشالله مبين من الصور واايد حلو وراقي ونظييف

علييكم بالعافية

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads