Monday, July 5, 2010
السلام عليكم ..

قبل فتره يالي اكثر من ايميل عن شامبو الفلفل وما توقعت احصله بالكويت :)
وهم اليوم سمعت انه الفلفل مفيد للشعر بحيث يطوله لانه يسرع نموه وينبته ..




سعره :3.000KD

وهذي نبذه عنه :

شامبو الفلفل الحار





هذا الشامبو غني بالفلفل الحار الأحمر والأخضر مع برو فيتامين ب5 + وبروتين البيض + الصبار + إكليل الجبل و ذيل الحصان



يقوم بحل مشاكل الشعر الشائعة مثل إفرزات الشعر الدهنية وحكة فروة الرأس



كما يقوم بإحياء جذور الشعر الضعيفة ومتابعة النمو الطبيعي للشعر الضعيف والمتضرر



وأيضا يقوم بتحفيز الشعرو حثه على النمو



تبون الصراحه ودي اتهور واجربه خخ بس مو الحين عقب رمضان ان شاءالله اذا الله احيانا ..

س1: احد مجربه ؟

س 2:ليش التسوق والتخمط مايحلا الا لما نفلس ؟

34 comments:

BookMark said...

فلفل!
اسمه يخرع
أخاف يقتل الشعر ما ينبته ;p


س2:
اي والله مايحلى التسوق إلا والجيب يصفر
مادري ليش :/

le Koweit said...

شكله حااار :P

شاي الضحى said...

ويه لا يحرق قمة راسج

سامعه فيه من قبل بس مادري اذا زين او لا

وما اعرف احد مجربه

Unique Girl said...

وييي شنو هذا لوووول يا حافظ عاد فلفل مره وحده !!!!

اذا جربتيه قوليلي خخخخخ

ناويه اتهور وراج :P

قلم ومسّاحة said...

الله عجبني بستخدمه، أنا أحلى شي عندي الشامبو، عندي مليون شامبو وشامبو بحمامي شكله يونس وغريب بس وين يبيعونه رورو؟ لان جد مصمم اخذه واجربه وأقولج إذا زين ولا لأ خخخخ شكله راسي بيصير مثل توم لما ياكل فلفل ويصير ويهه كله أحمر
لووول

ChuBBy-Doll said...

Ween Ebe3onah Bajarbah Eb 5damti :P

Her said...

etha jarabtee golelena shno el nateeha:)

هديــل said...

غرييييب
والله مادرري ماحب اغامر هذا شعر مو اي شي :)

واذا جربتيه قوليلنا شصار :p

TaZmaNiA said...

لووووول والله ضحكت من قلب امن قريت شامبو الفلفل :)

بس ترى صح قريت في بعض منتديات الشعر بالانترنت انه الفلفل يزيد سرعة نمو الشعر بس طبعا ما تجرأت اجربه ليلحين :)

{~المباركية~} said...

ودي اجربه لأنه انا عندي مشروع قام اطول شعري بس مايصير دهني نفس ربعا لوول

انزين سؤااال // يصير احط هالشامبو مع المجبوس بديل الدقوس ؟

ميمة السبيت said...

* نبي شي يطلع مو يطول

daloo3a said...

الشعر من يعرف انه بنستخدم له الفلفل بيخاف و بيحترم عمره و بيطول ولا شعره بطيح منه
و الصراحه اول مره اعرف انه الفلفل زين حق الشعر

و إذا دخل في عيونا ؟؟ شو بنسوي ؟؟

فـ(المطيري)ـدكـ said...

عموما الفلفل صحي وزين لشعر .. يعني انا استخدم من ضمن الزيون الفلفل الحار .. واحس بحرارة براسي يما احطو خخخخ ..

بس اتوقع تلقينة بسوق الفلبن او الهنود ارخص ..

خاتون said...

أنا بجربة بس مو الحين لأنه أنا احب الفلفل و من أنصاره فعادي بحلجي بشعري مو مشكلة مدام فلفل
و أبلغج بالنتايج ان شاء الله *_^
مشكورة وايد
و تسلمين على النقل الحيوي
و مواكبتنا بأهم المنتجات و اغربها *_^

رورو الشخبوطه said...

هلا بوك مارك..

خخخ مو اسم بس اسم ونكهة :)

يجوز ليش لا:)

يمكن لانه مفلسين فنتشوق لتفسفس ..

وحياج الله..

رورو الشخبوطه said...

هلا لو كويت..

صج ترا يقولون حار ع الشعر بس مايندرا :\

وحياك الله..

Made n Q8 said...

من وين؟ عادي اجربه ماعندي مشكله خخخ

وعلى طاري التشري اول مانزل المعااش رحت السوق ابي شي حلو ماكوو قطع وقبل امس رحت لقيت شغلات حلوة بس ماكو فلوس :d

رورو الشخبوطه said...

هلا جايونه..

خخخ لا الله الحافظ ماطول فيه..

اها..

مرسي..

رورو الشخبوطه said...

هلا يونيك..

اي ان شاءالله اقولكم..

خخخ..

وحياج الله..

رورو الشخبوطه said...

هلا اخوي قلم..

خخ انا اخلي مسئوليتي عن اي ضرر ينجم منه او عنه ..

مالقيته الا بالنت بالرابط اللي موجود بالبوست واتوقع تحصل بالجمعيات او الحواي ارخص..

وحياك الله..

رورو الشخبوطه said...

ChuBBy-Doll هلا..

اخاف تشربه خخ..

ينباع بالسايت اللي حاطته بالرابط واتوقع تحصلينه بالجمعيات او الحواي ..

وحياج الله..

رورو الشخبوطه said...

هلا هير..

ان شاءالله..

حياج الله..

رورو الشخبوطه said...

هلا هديل..

الفلفل يستخدمونه ككورس علاجي بالصالونات..

ان شاءالله..

وحياج الله..

رورو الشخبوطه said...

هلا اخوي تزمانيا..

اي وفي صالونات تستخدمه بعد..

وحياك الله..

رورو الشخبوطه said...

هلا اخوي المباركيه..

لا ماتوقع يدهن خخ..

يصير بس مو صلصله يصير غسيل معده..

وحياك الله..

رورو الشخبوطه said...

هلا ميمه..

مي تو اذا حصلتي علميني..

:)

وحياج الله..

رورو الشخبوطه said...

هلا دلوعه..

حتى انا توني هالفتره دريت ..

عادي بتطول الرموش :p

وحياج الله..

رورو الشخبوطه said...

هلا فدك..

مشتركه يصالون ولا بالبيت؟

واي صح اتوقع..

مشكوره..

رورو الشخبوطه said...

هلا خاتون..

انا ماحبه وايد لانه يضرني خبرج رقيقه..

بس احس يشوق كتجربه للشعر خخخ..

ماودي تتهورين بس اذا تهورتي اخلي مسئوليتي :)

اخاف استاثم فيج..

بس يارب يفيدج..

والعفو ولو..

حياج الله..

رورو الشخبوطه said...

هلا مدمد..

انا حصلته بالنت بالرابط اللي حطيته بالبوست..

اي امبيه علينا حظ يهبل :)

وحياج الله..

SweetHeart ~ said...

ماحب السبايسي سوري لوول

مشكووورة :))

SweetHeart ~ said...

على طاري التسوق
ههههههه
اخييييه عورتي قلبي انا حاليا مقاطعه الطلعه بسبت السوق
فلسناااا :(

رورو الشخبوطه said...

هلا سويت..

اخذي بارد :p

وحياج الله..

رورو الشخبوطه said...

ولكم باك سويتي..

اي شعور خايس..

اخذيلج قرض :p

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads