Tuesday, July 6, 2010
السلام عليكم..

من زمان مو حاطه بوست عن الاكل من جذي ضعفت خخخخ ..

اليوم كتغير عن اكل الكافتيريا كنت بطلب من مطعم احبه ومن زمان مو طالبه منه واكثر شي احبه عندهم الكيك لما اتصلت انصدمت انه ماكو ولا كيكة :(

عاد نسيت اساله اذا خلاص قطعوهم ولا مخلصين لانه العاده يخلص كيكه مبجر :(

المهم قعدت اتصفح باجي الاعلانات جان القى اعلان لهالكافيه ورزميلتي مجربته وتمدحه ..

قلت اجربه شوراي ..

اول شي هذا البرشور اللي شفته  اذا لاحظتوا متخصص بالاكل الايطالي (غرامي)..

طلبت صاج بيتزا ..

طعمه زين ..



وجوكلت جيز كيك طلبتها بدون وعي لانه سالته عن الكيك اللي عندهم فقالي اساميه مو مكتوبين بالمنيو المهم ماطلبت كيكه قلت ابي كريب شوكلاه قالي مافي جان اطلب هالكيكه ..

ومن قبل انا مجربه هالكيكه باكثر من مكان وما عجبتني فتحسفت اني طلبتها بس لما جربتها ولا زينه الذ من اللي ذقتهم احس بطعم الككاو ..
رايي:

حبيت الاكل نظيف ..

والتوصيل ببلاش وبسرعه وصل..

اللي رد ع التلفون وايد مريح بالتعامل مو يتفلسف ويغث ..

واسعار اكلهم وايد حلوه رخيصه ..

عنوانهم :

شرق - ش احمد الجابر-مجمع دار العوضي -السرداب (1) -ب- 14

ت:22322733-22474918


28 comments:

Unique Girl said...

واااااااو اول وحده مره ثانيه

شهيتيني شكلهم يينوون كلش ولا الكيكه شكلها عجيييبه

تسلمييين بس ودي اسوي رجييم لووول

تقبلي مروري

Anonymous said...

حبيت شكل التشيز كيك شكله يشهي حيل وبالعافية عليج يارب

شاي الضحى said...

ما اعرفه

عليج بالعافيه

:)))

هديــل said...

بالعاااافية :)

شكل الجيز كيك لذيذ

مشكورة

Dear Romeo said...

صباح الخير

اول مره اسمع فيه بس والله شكله يشوق
لازم اجربه عن قريب

و عليج بالعافيه

swera said...

bel3afiaaaa 3aleeeeech :*

Sweet Revenge said...

اول شي بالعافية عليج
ثاني مشكورة الصراحة عطيتينا مطعم يديد"بالنسبة لي علي الاقل "
وشفت المنية مالهم منوع ماشاء الله
اكيد راح اجربة باقرب فرصة :)

Made n Q8 said...

مبرووك الضعف :) بس انتي مو متينة واايد! جسمج زين من طقت جسمي امبييه لا اتعقديني !

وعلييكم بالعافية

كوكتيل said...

صباح الخيرات :)

عليك بالعافيه سويت

أهم شيء التغير

لأن التكرار ملل حده

يسلمو

خاتون said...

منو ناداني احد تكلم عن ايطاليا *_^
شكلي بجربة عاد انا احب شي اسمه توصيل لي البيت و طفارتي روحي و يبي
و يسلمو يا أحلى مراسلة
و عليج بألف ستين عافية و مطرح ما يسري يمري و ان شاء الله يا ميت الف هنا
كتبت كل اللذي ذاكرتهم
*_^ شكرا

رورو الشخبوطه said...

هلا يونيك..

خخ ان شاءالله دوم الاولى:)

شهوة العافيه يارب..

الله يسلمج..

تعوذي من الشيطان الرجيم وسوي تخفيف احسن :)

حياج الله..

رورو الشخبوطه said...

هلا اخوي قلم..

حتى طعمها زين..

والله يعافيك يارب..

مشكور..

رورو الشخبوطه said...

هلا جايونه..

حتى انا توني عرفته..

والله يعافيج يارب..

مشكوره..

رورو الشخبوطه said...

هلا هدوله..

الله يعافيج يارب..

وطعمه زين بعد..

العفو ولو..

حياج الله..

رورو الشخبوطه said...

هلا دير..

صباح النور والسرور..

اي حتى انا توني عرفته مو وايد مشهور..

ان شاءالله..

والله يعافيج يارب..

مشكوره..

رورو الشخبوطه said...

هلا سويره ..

الله يعافيج يارب :*

مشكوره..

رورو الشخبوطه said...

هلا سويت..

الله يعافيج يارب..

والعفو ولو حتى انا اول مره اعرفه شكله يديد ع الاغلب..

صاجه ماشاءالله واسعارهم حلوه وطعمهم زين ..

ان شاءالله حتى انا بجربه مره 2 ان شاءالله..

ويارب يعجبج..

حياج الله..

رورو الشخبوطه said...

هلا مدمد..

اي مو متان احنا بس انا متن عن ايام الجامعه لما شفتيني اخر مره مافرقت عليج؟؟

الحين رديت للخمسينات بس اخرها ابي اوصل 55 ان شاءالله..

ولا تعقدين مو ناقصنا ..

والله يعافيج يارب..

مشكوره..

رورو الشخبوطه said...

صباح النور والسرور..

اهلين كوكتيل..

صاجه ملينا من هالكافيهات..

الله يعافيج يسلمج يارب..

مشكووره :)

رورو الشخبوطه said...

هلا خاتون..

انا ناديتج خخ,,

بالعماله حاطه ايطاليا لانج تحبينها :)

اي وايد اريح التوصيل ..
الله يعافيج ويسلمج ويهنيج يارب..

العفو ولو..

حياج الله..

Anonymous said...

بالعافية ان شاءالله
الكيكة تشوق :*

ri7ana said...

يمدحونه عاد خصوصا الريوق

رورو الشخبوطه said...

هلا هوبيلس

الله يعافيج يارب..

مشكوره..

رورو الشخبوطه said...

هلا ريحانه..

بجرب ريوقهم :)

حياج الله..

أبوفلان said...

بالعافيه ان شاء الله

بركز على نقطه وحده بالموضوع

قضية الي يرد ع التلفون ما يبط جبدي الا الي يعطيك العرض ويقولك مش عاوز كيك مش عاوز سندوتش مش عاوز كوكيز مش عاوز الله يخرب بيتك وبيت الي حطك

ولا لما تعطيه الرقم يقولك العنوان ويسكت عند رقم البيت يبيك تقوله اياه وانا ليش معطيك الرقم يالفوله

رورو الشخبوطه said...

هلا اخوي ابو فلان ..

الله يعافيك يارب..

خخخخ قلبك متروس

هذيل اغلبهم مطاعم الوجبات السريعه:)

هذا صكني عقر بقر بانجليزي فتكلمت بالعربي واهو يرد علي بالانجليزي يعني ماتعبته ولا تعبني..


وحياك الله اخوي..

أبوفلان said...

أممممم انا ضد تجربة مطاعم يديده اذا كنت يوعان خاصة الوجبات السريعه يمكن اذا قعدات ومطعم كشخة ايه بس سريع نو وااي << no way :-)

رورو الشخبوطه said...

هلا اخوي بو فلان..

ان اذا يوعانه اكل اي شي الجود بالموجود :)

وحياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads