Thursday, July 1, 2010
السلام عليكم ..

من زمان ماشريت شي مخصص لجسمي اقصد سوالف طبيعيه من محلات الصابون مؤخرا بس اخمط سنفرات وسوالف دلع ..

وهالصابونه كنت ادورها  بس كنت ابي الطبيعيه مو مغلفه حاولت اطلبها عن طريق مركز السلطان قالولي موقفين الخدمه مايبون كريمات لانه درجة الحراره عاليه قلت اي شي شدعوه يايبينها ع ظهر بعير :\

 
بس اليوم او بالاحرى امس شيشتني رفيجتي طلبت خلطات جان اطلب بس غير عنها وبنشوف منو تستفيد اكثر << تحدي :)

انا كنت طالبه بوكس فيه سنفره و خلطة صابون و كريم ..

مع صابونتين افريقيه لي ولام صابون حبيبة البي >> حزر فزر مين خخخ..

وتوه وصل طلبي توقعت ريحتها خايسه طلع لا زينه ليمون مع شغلات حلوه  << اشوه


سعرها ب4 ..

وهني فوايدها

واهي قالت لي بدال البوكس اخذي زبدة الشيا احسن ..

قلت اوكي ..

بس لازم اخلطها مع جنين القمح بروح ادوره ..



سعرها ب10

من فوائد الزبده :




* أقوى مرطب للجلد الجاف



* تزيل طفح الجلد



* محاربة لتقشير البشرة



* إزالة العيوب



* تأخير ظهور التجاعيد



* منع حكة الجلد



* واقي شمس ويساعد في تخفيف حروق الشمس



* معجون حلاقة لحلاقة ناعمة مثل حرير



* لمعالجة الجروح الجلدية الصغيرة



* إزالة التشققات الجلدية



* إزالة الخطوط الحمراء والبيضاء نهائيا



* الوقاية من علامات التمدد أثناء الحمل



* التخفيف من لدغ الحشرات



* تجعل الجلد صحي



* لتعب العضلات والأوجاع والتوتر



* قبل وبعد ممارسة التمارين الرياضية



* تعالج حساسية الجلد



* الأكزيما



* التهاب الجلد



* حماية الجلد من أضرار الحرارة ، والعلاج الإشعاعي أو مشاكل طبية معينة ، الخ



* بلسم للشفاه الجافة



* جفاف فروة الرأس



* الحد من حب الشباب (وخاصة في افريقيا السوداء مع مزيج الصابون)



* يستعيد رونقه الشعر



* يوحد لون البشرة



* يجعل البشرة جدا جدا جدا ناعمة



* تستخدم في أغلب مستحضرات التجميل



وفي معلومات وفيديو هني

واهي تنفع للشعر والجسم والويه ..


 وطلبتها من هالسايت


وان شاءالله تفيديني لانه ابوي انصدم لما شافها خخخخ..

30 comments:

يابختي said...

ننطر النتايج

swera said...

bel3afiaaa 3alech bs mo chenna se3rhm shway '3ali @@?! ;)

~أم حرّوبي~ said...

هذي الفوايد للصابون ولا زبدة الشي ؟

يعطيج العافية وبناتظار النتايج ^^

شاي الضحى said...

مبرووووك اخيرا شريتيها

عليج بالعافيه

وقولي لنا عن النتيجه :)

Anonymous said...

ما يطلع السايت
مدامج خبره نبي البست اووف بكل منتجات العنايه بليييز

ميمة السبيت said...

** الصابونه شكلها يونس شلون نطلب ولا وين نحصلها

daloo3a said...

خبرينا شو النتايج ؟؟
بس خطيره هالصابونه إذا تسوي جيه

خاتون said...

إذا ضبطتج معاج هالصابونةو الزبدة لا اشتري كل منتجاتهم حتى اللي ما تفيدني و اوزعها
شرايج فيني
قاعدين ننطر مو تبطين
و تسلم الأيادي و عساج على القوة حبيبة قلبي ^_^

ri7ana said...

تخلصينهم بالعافيه
اذا تميتي جذي كل شهر من مكان ماراح تشوفين نتيجه ;p
استمري على شي معين

Anonymous said...

أمبيه تدرين عبالي الصابونة الأولى -قبل لا أقرا - صمون أسمر ! هههههه
يلا عاد قوليلنا رايج:)
و بالعافية

رورو الشخبوطه said...

هلا يابختي..

وان شاءالله تمون زينه :)

حياج الله..

رورو الشخبوطه said...

هلا سويره..

الله يعافيج يارب..

صاجه مو رخاص لانه من النت فالشحن يكلف غير ربحهم ..

وفلوس المندوب بعد :)

مرسو..

رورو الشخبوطه said...

هلا ام حروبي..

محددتهم :(

كل صوره تحتها فوايدها الصابونه برابط و الزبده رابط ومباشر بالبوست..

الله يعافيج يارب..

وان شاءالله..

مشكوره..

رورو الشخبوطه said...

هلا جايونه..

الله يبارك فيج ويعافيج يارب..

ان شاءالله..

مرسوو..

رورو الشخبوطه said...

هلا غير معروف..

حاطه اغلب الشغلات اللي جربته بقسم البيوتي ببلوقي اذا حابه القي نظره عليه..

وبالنسبه للسايت جيكت عليه بطل ..

وحياج الله..

رورو الشخبوطه said...

هلا ميمه..

من السايت نفسه في رقم التاجره ..

وترا شميت ريحة الصابونه طلعت مش ولابد الريحه الحلوه ريحة الكرتونه :\

وحياج الله..

رورو الشخبوطه said...

هلا دلوعه..

اي ان شاءالله..

من جذي تهورت وطلبتها :)

ومرسي..

رورو الشخبوطه said...

هلا خاتون..

ان شاءالله تنفع ..

خخخ عيل ابوي وحده :)

اي من اتاكد من النتايج بوافيكم باخر الاخبار..

والله يسلمج ويقويج يارب:*

ومرسو..

رورو الشخبوطه said...

هلا ريحانه..

اي ادري انا مو كل شهر منتج بالعكس استمر عليهم ليما اشوف نتيجة سلبيه او ايجابيه اذا ايجابيه اكمل ليما اخلص القرشه اذا سلبيه لا اوقف..

والله يعافيج يارب..

مشكوره..

رورو الشخبوطه said...

هلا هوبيلس..

خخخ عاد ما اكله..

ان شاءالله..

والله يعافيج يارب..

مشكوره..

Unique Girl said...

ماتحسين ان مصخوها مابقى شي ماكتوها حقه !!!

مادري جربي وقوليلنا

رورو الشخبوطه said...

هلا يونيك..

خخخ اي وايد شغلات ..

انا راضيه بجزء بسيط منها..

وماخذيتها الا بعد تجارب بنات..

وان شاءالله تفيد..

حياج الله..

Fashionet said...

wannasa 7adich shawagtenne .. ba7e6 nail polish al7ein :P

Fashionet said...

ooo your blog 7ada nice mashallah ... Oo il nail polish remover shakla 3ajieb... ya36eich il 3afya

Made n Q8 said...

انا انا :d

وان شاء الله تفيدنا لان احنا من نحن على شي يطلع العكس :d

رورو الشخبوطه said...

هلا Fashionet
..

ماقلتي اي لون :)

وحياج الله..

رورو الشخبوطه said...

ولكم باك Fashionet


مشكوره من ذوقج :)

ااي حلوه فكرته ..

والله يعافيج يارب..

حياج الله..

رورو الشخبوطه said...

هلا مدمد..

وي نسيت لا ايبها اليوم سوري :\

اي الحنه احس توخر بركة الشي :\

بس يارب تفيدنا..

وحياج الله..

خاتون said...

ها شصار وياج بشري ترى بلغت الصباية عن الصابونة السحرية و قلت لهم نطرو أوافيكم بالاخبار من صديقتنا رورو
تفضلي المايك وياج بشري؟؟؟؟

رورو الشخبوطه said...

ولكم باك خاتون..

لا والله بعدي ماجربتها اليوم ان شاءالله ابلش فيها..

وبنزل بوست فيها بس طبعا مو الحين عقب فتره او لما تخلص اتاكد من مفعولها 100%

ودعواتكم خخخ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads