Wednesday, March 6, 2013
قبل جم يوم رحت انا وصديقتي الصدوقه هالمطعم نتريق فيه ..
 
طبعا اهو من المطاعم اليديده بالافنيو واللي مسوي ضجه ..
(هالصوره من تصوير قبل لايبطل المحل بس نسيت احط اسمي عليها )
 
 المنيو ..
 طلبي كان هذا الصوره من المنيو ..
 
(الطبق عباره عن بيض عيون و هاش براون وسجق وتيركي و بيكون بس لقيته + بان كيك )
 اول ماوصل استغربت حاطين بيض عادي مو بيض عيون قلت لهم مو هذا اللي انا ابيه وغيروه لي ..
 
بس قبل لا ايبون يالقرسون المشرف ع صوبنا وقالي ترا بيض العيون مو ول دن قلت له اوكي << المفروض يقول من الاول مو بروحه يغير الطلب ..
 والبان كيك كنت مختاره العادي مع صلصة ككاو يت لي هذي ككاو بقطع ككاو :\ قلت يالله اجرب شي يديد وماغيرته مادري ليش ماخذ الطلب اذا بيب لي ع كيفه خخ بعد تعال اكل بدالي :p
 وزدتها ككاو وطلع ع حظي نوتيلا :\ ماحبه << طبعا مو فري كلشي بحسابه :)
 وهذا طبق مشترك شوربه بطاط بس ماحبيتها ثقيله وطعمها مو زود ..
 
وهذا طلب رفيجتي ..
 جاي بالحليب (وصل لنا جذي قوري ماي حار وحليب بروحه واللبتون برا وانتي سويه يدرون فينا سنعين :)
 
اومليت جنه اسمه اومليت بالسبانخ والمشروم ..
 
 ولبان جنه اسمه جيز كيك شي جذي..
 لاحظتوا شي الاطباق ناقصها شي مافي لاخبز ولا توست ولاحتى صمون عاد طلبنا ويابوا لنا وهم مو ببلاش خخ
 
 وهذي الاسعار ..
لاحظوا اغلب شغلات اضافيه ..
رايي :
 
*الخدمة زوينه بس ماحبيت حركة انه ياب لي طلب غير اللي انا مختارته ولا احب حركة انا اكل واهما يشيلون حتى لو ابي الشي اعوفه هالحركة مو بس عندهم باغلب المطاعم ..
*الاكل طعمه زين بس عيبه ناقصه خبز ولا كلشي اوكي ماعاد شوربة البطاط ..
*الاسعار وايد زينه ..
 
عنوانه :
 
الافنيو - فيز 3 -المول - الطابق الاول ..

3 comments:

almubarkia blog said...

بالعافية الصرااحة المطعم شي حلو ويديد
بس جنه بخرررب الدايت لوول

رورو الشخبوطه said...

المباركيه ..

الله يعافيك يارب ..

اي بس احس احلى شي لريوق ..

Anonymous said...

الصراحه المطعم مو زاك الزود وماخذ وايد اكب من حجمه كدعايه والخدمه تعبانه والاكل مستواه عادي واقل من عادي
والله يعطيج العافيه على تقريرج الحلو احسج تكتبين بصدق مو مثل غيرج اللي بس دعايات
استمري وللامام دوم

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads