Friday, May 21, 2010
السلام عليكم ..
اليوم رحت فيلم تامر حسني اليديد اللي نزل امس بالكويت وقبل اسبوع تقريبا بمصر ..
قصته من موقع السينما ..
تدور أحداث الفيلم حول صديقين يسافر أحدهما إلى إحدى الدول الأوروبية فيتعرف على فتاة كفيفة فيقع فى غرامها وعندما يعودا سويا إلى مصر يكتشف أنها نفس الفتاة التى يحبها صديقه وأنها سافرت إلى هذه الدولة للبحث عن وسيلة طبية حديثة تساعدها على استعادة نظرها.
تعليقي اول ما قريت القصه قلت بيه للحين هالقصه يسونها استهلكت سواء بالفيديو كليب او المسلسلات وحتى اسم الفيلم مثل اسم مسلسل عبد العزيز المسلم الاخير ولما شفت الصوره طرى علي شلون كان يمكيجها ويسوي شعرها خخخ..
*رايي بالفيلم :
عيبه انه :- اول شي الاحداث متمغطه وعقب نص الفيلم قامت تتسرع وتيرة الاحداث بشكل كبير:\في جم شغله مافهمتها , وماكو قصه سبشل. ناقش قضايا بشكل هامشي مثل الشاطر ماياخذ فرصته كثر اللي عنده واسطه بس ماعالجها و هم تطرق لمشكلة ادمان المخدرات و بعد مابين حلول لها يعني مجرد تسليط ضوء عليها ..
اما الحلو فيه انه يضحك ووايد احلى من عمر وسلمى 2 ..

24 comments:

شاي الضحى said...

كنت ناطره رايج اذا اعجبج بروح له

بس الحين 100% ماراح اروح له

عاد تامر (ثامر على قولة امي)غثيث ودمه ثقيل

وافلامه ملوت مراهقين ومراهقات

عاد اليوم كنت بالمكان الي انتي فيه بس ما شفتج :q

شكرا :)

رورو الشخبوطه said...

هلا جايونه..

اهو زين مو وااو كتغير اشتقت للسينما ..

بس قصته مستهلكه وماكو نهايه :\

خخ اي اهو المؤلف فيرز نفسه ويخوره بقلة الادب..

اي لانه تاليفه اهو بعده مو متمكن وهالشغله مو شغلته ..

انا رحت الظهر :) وحسافه ماصادفتج ..

والعفو ولو ..

حياج الله..

حقوقي said...

الفيلم امس دخلته
القصة منسوخة نسخ من فيلم هندي حق بوبي دول ناسي اسمه
وهذي حركة بايخة طايحين فيها الافلام المصرية صارلهم فترة
ما يكتبون قصص يبوقون من هوليوود وبوليوود

بغض النظر عن البوق الفيلم حلو يضحك يستحق المشاهدة يقزر الويك اند :)

يعطيج العافية رورو

DoDoq8 said...

اصلا الفتره الي طافت السينما كلش ماكان فيها شي حلوو وهذا الفلم يستاهل الواحد يرووح له

الاحداث مرت بسرعه لان وايد مقطعي من الفلم

كوكتيل said...

أهو صج ما ناقش القضية مالت الواسطه والحل ما عجبني أن الولد إستسلم :(

بس الفيلم عجبني تغير بس في جم لقطة نكد مثل ماقلت من قبل ما لهم داعي :(

بس الفيلم حلو وتغير وفعلا أحلى من عمرو وسلمى 2 اللي كان تكرار :)

Engineer A said...

عاد انا حاجزتله من يوم الخميس حق يوم الأحد ان شاءالله

تشوقت اشوفه مدام يضحك واحلى من عمر وسلمى! :)

Sushi Q8 said...

Enshallah 2day bro7la :p
3omar w salma ma 3jbni :\

عين بغزي said...

اهمممم ماشجعتيني ان اتعنى و ادشه


قواج الله

رورو الشخبوطه said...

هلا اخوي حقوقي..

طلعت مبيوقه بعد!!
اي حلو كتغير ..
الله يعافيك يارب..

وحياك الله..

رورو الشخبوطه said...

هلا دودو..

اي من زمان مو منزلين شي سنع..

لا مو قصدي التقطيع المقاطع اللي شايلينها مبين انه في كت اتحجى عقب لما بلشوا بارت النكد..

وحياج الله..

رورو الشخبوطه said...

هلا كوكتيل..

اهو ماستسلم عشان هالشي عشان رفيجه وخطيبته ..

ولا هالقضيه مابين لها اي اثر بس كلماله يدش يصرخ ويطلع :\

اهو كتغير جو مو تغير عن المؤلف شغلات شايفينها وصامينها..

عمر وسلمى 2 ماله داعي وكله قلت ادب قطع..

حياج الله..

رورو الشخبوطه said...

هلا انجو..

ان شاءالله..

امم اكيد احلى عمر وسلمى بايخ :\

وحياج الله..

رورو الشخبوطه said...

هلا Sushi Q8

ان شاءالله..

اي عمر وسلمى 2 كان تحصيل حاصل غصب يسون ج2 :\

وحياج الله..

رورو الشخبوطه said...

هلا اخوي عين بغزي..

اهو مايسوى تتعنى له بس اذا كنت من عشاق السينما ومشتاق له فهو ينفع كتغير جو..

الله يقويك يارب..

وحياك الله..

daloo3a said...

يعني قصة مألوووفه

نفس الفلم الياباني قصة حب حزينه يعني شوي تقريبا

رورو الشخبوطه said...

هلا دلوعه..

اي قصه محفوظه :)

وحياج الله..

Nn said...

رورو انا الصراحه ماعجبني الفيلم وضاق خلقي وبجيت توقعته كوميدي والنهايه مو صج كان لازم يهدونها الاثنين مو عشان تامر البطل ياخذها ("،)

قلم ومسّاحة said...

السلام عليكم
شوقتيني أروحله شكله حلو
مع إني مو ذاك الزود مع الأفلام المصرية بس مرات أروحلها للتنفيس ودام انه احلى من عمر وسلمى 2 أكيد راح يضيعلي وقت ويعجبني.. ماقصرتي على التقرير

رورو الشخبوطه said...

هلا ن ن..

اهو بس جزئيه صغيره النكديه ومالها داعي لازم يقلبونه فيلم هندي ..

اهي اختارت ثامر :\ توني ادري خخخ..

ومرسي..

رورو الشخبوطه said...

هلا اخوي قلم..

وعليكم السلام والرحمه..

اهو حلو كتغير جو و يضحك شويه اما كفايده او مضمون لا مو حلو :\

وحياك الله..

Ms Botamba said...

Ma 3ajbni maleeq o 5raabe6 lool :p

tamer 7osney msken 7sbala ehwa malek jamal oo kel mn y7eba :@

Made n Q8 said...

انا عبالي من اسمه سوالف حبني واحبك

رورو الشخبوطه said...

هلا مس بتومبه ..

اهو خرابيط اي بس يزحك :p

البنات خلوا يحس بهالشي :\

وحياج الله..

رورو الشخبوطه said...

هلا مدمد..

اي فيه حب ..

نظام بنيه والكل يحبها :\

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads