Friday, May 28, 2010
السلام عليكم ..
قبل جم يوم رحت مع رفيجتي صالون رنيم فرع خيطان ..عاد من زمان عن الصالونات تعود ع الدلع بالسبا او بخدمة المنازل وصج ماارتحت هناك ..
هذا المدخل كل مكان رازين اسمهم خخخ...

وبعد ع طوف :\ خفت نطلع من الصالون خاتمين اسمهم ع ويهنا خخخخ..


من زمان خاطري اسوي نقشه وريتها صوره وسوتلي مقارب لها طبعا كنت فيلم متميعين علي اللي يشتغل بالصالون لو ماخذه من كل وحده ربع جان ربحت خخخخ..


اهني عقب مانشفت ..


وهني لما وخرت الحنه ..



ماحبيت النتيجه :( ارحم شي ال3 وردات ..

ووحده من متابعات فيلمي شوقتها وحطت نقشه ويت لي قالت لي ماتبين تصورينها خخ ماحطيت بخاطرها وصورتها :p


السعر ..



عن نفسي اشوفه مبالغ فيه خصوصا اني حاطه خفيف وبايد وحده واللي حاطته لي مو خبيره ..
وهم مو متقن عريض جنه مسوينه بقلم شيني ..
وع طاري السعر لما رديت قالت لي امي بجم سويتيه ؟؟ بنص !!
قلت لا بجيت عند المحاسب وحسبه لي ببلاش :\


يالله الحمدالله المهم سويت شي بخاطري :)

43 comments:

الجودي said...

عليج بالعافيه المهم سويتي شي بخاطرج ...

وحلوة النقشة اتونس ماشاء الله تبارك الرحمن

Om Hrooby said...

حلاتها انها بسيطة وخفيفة لكن صدقج مثقلين الخطوط ..نادر ماتحصلين حد يضبط الحنة السودا صح ..

صدقج جان خذتي منهم كان حصلتي سعر الحنة خخخ مايباله تجارة رابحة ^^

واذا على المحاسب كلما اصيح بيعطيني ببلاش جان قضيتها صياح عند كل صالون هع هع

المهم تجربة و شكلج مابتعيدينها ^^

مسا الخير ^^

BookMark said...

ههههه اعجبتني النص،


حلوة يالله تغيير :)

ميمة السبيت said...

** الظاهر اليوم يوم الحنه العالمي جان ييتيلي احطلج و اغديج بعد بلا رنييم بلا بطيخ

may said...

وايد اسمع عن هالصالون ، بس مادري ليش مالي خاطر أروح !
وفرتي علي التجربة !

شاي الضحى said...

عليج بالعافيه

اخيرا حطيتي النقشه

اول صوره عجبني شكلها بس لما انشفت صارت مليقه

بس هم مو شينه ناعمه

ومادري جم اسعارهم بالكويت بس بالنسبه للي سويتها هذي وايد ارخص

بنص عاد؟ ههههههه جان زين فيه جذي

عاد الله يعينج اذا بتروح ايدج يصير شكلها مو حلو

:)))

Made n Q8 said...

لووول طنت حدها كسرت فييج

بس صج السعر مبالغ

بس ترى حلو مافيه شي عاد انتي لا ادققين وايد

رورو الشخبوطه said...

هلا الجودي..

الله يعافيج يارب اي الحمدالله..

مشكوره من ذوقج :)

رورو الشخبوطه said...

هلا ام حروبي..

اي صح انا كنت ابيها ابسط بعد عند الصبع احسها اوفر..

عاد انا غرامي السودا ماحب الحمرا :\

خخخخخخخ اي والله لو قايله جان كلهم قبوا ..

خخخ مو بس الصالونات كل مكان واخش معاشي :)

اي ماكررها كلش انا ناويه بس بصالون متخصص بس ماقدرت اروح له فجربت هذا ..

مسا الانوار..

حياج الله..

رورو الشخبوطه said...

هلا بوك..

اي امي حسباله الحين في شي ارخيص ..

كل اشتري وتحبطني..

مرسي..

رورو الشخبوطه said...

هلا ميمه..

خخ مرسي بس مو اليوم حاطته بيصيرلي اسبوع :)

رورو الشخبوطه said...

هلا مي..

يمدحون الحف عنده رفيجتي تقول اغلب اللي ايون له للحف..

وكل اللي اعرفهم يروحون له لهالشغله..

يعني النقشه عندهم تحصيل حاصل اصلا اللي سوتلي اهي حفافه بعد :\

وحياج الله..

رورو الشخبوطه said...

هلا جايونه..

الله يعافيج يارب..

اي بس مو المكان اللي ابيه اقصد الصالون ..

اي قبل لا تنشف احلى كانت ..

مرسي ..

انا مره حطيت بسيطه ع جتفي طلعت بدينار خخخ انتي بجم؟؟

اي هذا تسعيرت امي :)

اي الحين راح 3\4 بس باجي الصبع وخفيف ..

نسيت اقول انها بسرعه خفت من اول يوم :\

ومرسي..

رورو الشخبوطه said...

هلا مدمد..

اي عادي امي مو اول مره تسويها فيني خخخخ..

وايد مبالغ من جذي انصدمت بالنتيجه توقعت شي محترم :)

ومرسي..

ebtsamh said...

صج كسرة براي الوالده ..

بس عليج حلو :)

هديــل said...

بالعكس حلووة > ايدج اللي محليتها ;q

وبعدين لونها اسود الحنة اللي مستخدمينها صح

يقوولون مو زين :/ عاد حلاتها النقضة اسود

يلا بالعااافية

رورو الشخبوطه said...

هلا ابتسامه ..

خخ لا مو قصدها تكسر فيني..

مشكوره..

رورو الشخبوطه said...

هلا هديل..

مرسو :)

بس اللون بسرعه خف وبهت من اول يوم :\

اي احلى شي النقشه السودا وانا سامعه انه مايصير للراس (الشعر) اما هذي اتوقع عادي..

وحياج الله..

مهرة سالم said...

السلام عليكم ...
تبين الصراحــه السعر وايد مبالغ فيه ....
ويد وحده بعد ..
خلاص أن شاء الله أول ما توصلين الإمارات خبريني وأنا بودييج وبسويلج أحلى حنا لأحلى رورو ...
....
بس حلوه التجربه
وأهم شي ما خليتي شي بخاطرج ..
....
في حفظ الله

AM.SA.CHANNEL said...

وايد غالي شويه إلا مسويه هي و حنا سوداني بعد ..

أنا يوم أتحنالازم أشوف الصورة ما أحب تسويلي جي من عندها ما أداني ..
و مره أذكر سويت نقشه كنت مختارتنها، و تخيلي ييتها يوم العيد لأنه قبل العيد كان زحمه و ماشي مكان ومب ناقصه أيلس لين ما إيي دور قلت أول يوم العصر بتحنا و إلا جي سألتها عن النقشه لأني إستغربت إنها موجووده و المشكلة تقوولي إنها يديده لووول جان أقولها كم تخيلي أضعاف السعر .. جان أقووول ها شوووووووو؟؟ قلتلها هاي العام أنا ييت تحنيت نفسها مب هالسعر و ظاربتهم قلتلهم اليوم العيد المفروض تنزلوون.. !! نزلتلي بعد لكن مب وايد,, مادري ليش إذكرت هالسالفة ..

بس هالصالوون إسمهم ماشاء الله في كل مكان لوول ..

Anonymous said...

ههههههههههه تصدقين يمكن اروح اليوم اوبكره انقش عندنا مناسبه عرس خالي ..

حلو الله يعطيك العافيه

سلام.

رورو الشخبوطه said...

هلا والله نهار..

وعليكم السلام والرحمه ..

اي حتى انا احس جذي..

ان شاءالله مرسي..

الحمدالله :)

وحياج الله..

رورو الشخبوطه said...

هلا شانيل..

اسمها سودانيه !!

اي انا ماخذه صورة نقشه عاجبتني وراويتها اياها..

احنا بالعيد يدبلون السعر :\

اي خخ في وايد مو مصورتهم بعد خخخ..

وحياج الله..

رورو الشخبوطه said...

هلا رندا..

اي وناسه التنقش :)

مرسي والله يعافيج يارب..

وعليكم السلام..

Her said...

way shawagteeny:) 7elwa mashalla bs chena wayed 3aleaha 5 kd! lol thakarteny marra saweat nagsha kbeera shway chan tooly el price 30kd! ba3'eat a6egha:p

'3ShMrGiaH said...

عليج بالعافيه..

حلوه النقشه..اعراءات:P
قدصي اغراءات مالل يخلق ارجع وامسح:]

'3ShMrGiaH said...

نسيت اقول بعد السعر مبالغ فيه

اقصى شيء قولي 3 دنانير ..زين

رورو الشخبوطه said...

هلا هير..

مرسي اي حتى اشوف السعر مبالغ فيه..

وي خخ حتى انتي صار فيج مثلي احس نقشه مهما كبرت ماتسوى ..

وحياج الله..

رورو الشخبوطه said...

هلا غشمرجيه..

الله يعافيج يارب..

خخ اشوه عيل راحت :)

اي حتى انا اشوف وايد مبالغه بالسعر :\

وحياج الله..

خاتون said...

خفت نطلع من الصالون خاتمين اسمهم ع ويهنا
مت من الضحك عليها و لا سالفة البجية
لوووووووووووووووووووووووووووووووول
انا ما أحب النقشة أحس شخابيط و فوق جذي مسويته عريض أنا لو مكانج أرتكب جريمة ههههههههههه شرشر
امي قبل فتره راحته و قالت ديكورهم مرتب ... ^_^ اقول يا حلات الشرقية تهقين ناوين يضربون سوقه ؟

رورو الشخبوطه said...

هلا خاتون..

خخخ اي بالصالون كانت احلى من عقب مانشفت :\ اهي اهي..

وانا احب النقشه والشخابيط احس تعطي شكل حلوو :) بس طبعا اذا مزبوطه..

اي اهو شرح باماكن معينه بس صوب المنظره اللي شعر وحف زحمه اغراض :\

انا جربت الشرقيه مكياج وشعر وهذا جربته نقشه احس الشرقيه مشهور اكثر..

بس احس يتنافسون لانه كل وحده فاتح له جم فرع ..

ومرسوو..

V I E W said...

دام بخااااطرج زين اتسوين ؛)
انا كل شي بخاطري وقاعده بمكاني لول

رورو الشخبوطه said...

هلا سويت..

خخ وي لا لا تحطين شي بخاطرج اسمتعي بحياتج :)

وحياج الله..

معالي الكويت said...

أنا أول مرة أدري ان في عندنا بالكويت بنات بهاالسخافة والفراغ ومو عارفين شنو يقرون ولا يكتبون !!! هالكثر انت وحدة فاضية وسخيفة رايحة صالون عشان تصورين ايدك وفاتورته واعلانه من بره وبالممرات ومن غير اي مناسبة !!! لا واللي يضحك انه حزة امتحانات يعني يا اما انك تدرسين او عندك عيال تدرسينهم ...ولا انا غلطانه ... لا والله اعتقد انت ما عندك شي .... انا دوم اروح هالصالون وما شاء الله عليه ما راح امدح ... بس اذا انت صاجه روحي صوري بالفرع الجديد بخيطان او بالخالدية ...لا وصوري موظفاتهم ....عشان يشوحونك بره بالسكه ....خليك على مستوى المنازل أبرك لك ....هذا حدك..... صج الفضاوة تسوي بلاوي !!!!! انت شوفي شنو اسمك (شخبوطة) !!! ما أقول الا الله يهديك من شخابيط الى ترتيب وسنع

رورو الشخبوطه said...

سفاله ياهلاقه..

معقوله اول مره !! شوفي نفسج بالمنظره وبتدرين انه محد سخيف وفاضي غيرج ..

مو عاجبج بلووقي لا تردين احسن مو هامني لا رايج ولا ردج اساس وصختي بلوقي ..

وانتي شكو !!

ادرس ولا مادرس شتبين ؟؟ واصور اللي ابي كاميرتي وبلوقي وانا حره ..

شكلج محتره لانه ذميناه ..

ومن زينه اللي يسمع اسكت مستوى فندقي اقصى صالون بوطقه ونص بس شكلج ماتعرفين غيره وكاشخه فيه وخدمة المنازل شكلها مو حاصله لج خو مايرحون لاي احد ..

ولا ابيج تعلمين وين اروح من اسلوبج الزفت مبين ذوقج و ليش يطردوني شكلهم طاردينج من قبل وماينلامون خخخ..

مو انتي ولا اشكالج اللي تعلميني السنع انا اعلمج واعلم 10 من امثالج و تعلمي الاسلوب عقب تحجي ..

الحمدالله والشكر ..

الله يشفيج ويبعدج عنا ..

ومن زين اسمج :\ يا سحالي..

ومره 2 مابي اشوفج ببلوقي ..

Anonymous said...

بالعكس النقشة وايد حلوة وعاجبتني وايد ناعمة وين مكانهم ودي اروح لهم انا سامعهة عن الصالون يقولون وايد راقي وشغلهم فظيع الله يعافيك قوللي وين مكانهم على فكرةسعر وايد زين ومناسب.

كوكية said...

عليك بالعافية وايد حلوة النقشة على ايدينك.

cheese 7cake said...

الله يهبببببببببببببببببببل

عليج بالعافيه بس صج يستاهل النقشة نظيفة وغريبه مو المعتاد عليها حلوه

رورو الشخبوطه said...

هلا اختي غير معروف..


مشكوره ..

عندهم فرعين بخيطان وفرع بالخالديه..

وبالنسبه لي اشوفه عادي جدا مو راقي..

وحياج الله..

رورو الشخبوطه said...

هلا كوكيه..

الله يعافيج يارب..

مشكوره..

رورو الشخبوطه said...

هلا جيز كيك..

مشكوره والله يعافيج يارب..

بس النقشه مو ابداع منهم انا موريتها صوره وايد احلى وارقى من اللي سوتها لي :(

وحياج الله..

Nn said...

رورو مساج الله بالأنوار
والله يعطيج العافيه علي تقاريرج الحلوه وأسلوبج المشوق
الصراحه النقش ما عمري توفقت فيه دايما مايعجبني وأتحسف ليش نقشت
وصاجه نقشتج مو ظابطينها لج بس ايدج اللي محليتها ("،)

رورو الشخبوطه said...

هلا نن ..

مساج الله بالليرات :)

الله يعافيج يارب ومشكوره ع الاطراء..

اي صح للحين جربته مرتين ومو مضبوط بس الاماكن غير بس اتوقع لانه مو مختصين بهالشغله فمايبدعون فيها ..

ومرسي :*

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads