Wednesday, May 5, 2010
السلام عليكم ..
هالاسبوع كتغير ركبت اظافر عقب ماشقتهم ع بنت بالدوام وعجبوني رحت خذيت مثلهم من سنتر بوينت ..
خذيتهم معاي بالدوام عساس رفيجتي تركبهم لي ماشاءالله اهي خبره بهالسوالف وانا مو مقصره مكدشتها بس امون :)
وهذي التعليمات ورا ع العلب شفتهم..

عقب فتحت العابه وفرزت الاظافر وخذيت اللي يناسبوني ..
نسيت اصور لكم ايدي قبل :(
وهذي النتيجة بس حلاته لو ع اظافر اقصر :\


حبيت النتيجه :)
جنها طبيعيه وغير عن اظافري الصجيه ..
والاهم توقعت بيأذوني بس طلع عادي ماجني مركبه بيصيرلي يومين والوضع اوكي الحمدالله :)
شرايكن ..؟؟

34 comments:

Crazy Girl in aGood Way said...

عليج بالعافيه ... شغل عدل

اهم شي مركبتهم بالدوام :)

شكرًا

Anonymous said...

7arrraaaakkkaaaaaaaaaaatt
naaaa3eeman o 3alech bel3afia :D

Anonymous said...

اشلون تصلين ؟
ترا مايجوز الوضوء بالصبغ فما بالج بالاظافر التركيب ؟؟
والا انتي من النوع الي اصلي وبالطقاق انقبلت صلاتي ووالا ما انقبلت المهم سويت الي علي !!!!!!!!!!!!!!!!

Anonymous said...

:)
شكلج زقرت وناسه :)


بس حبيبتي تدرين
هذا يسمونه توصيل
نفس extention الشعر


تدرين على كثر ما اهوه حلو ماشاء الله على ايدج بس هم تشيلين ذنب
بس مو ذنب عادي
لعنه :(
تدرين ان احنا ندش الجنه برحمة الله ؟
واللعنه = طرد من لعنة الله

المشكله انا حاسه فيج هالسوالف تونس التركيب وجذي

باجر انا عندي عرس وماراح اركب رموووووووووووووووووووووش
شرايج فيني قويه ها :))))))))))


وبعدين انتي اصلا اظافرج حلوه ماشاء الله تبارك الله ما تحتاج :*

اتمنى تتقبلين رايي بس انا مو اللي معلقه فوق
وموفقة

رورو الشخبوطه said...

هلا كريزي..

الله يعافيج يارب..

اي من زود الشغل خخخ فتحنا صالون :p

العفو ولو ..

حياج الله..

رورو الشخبوطه said...

هلا كريزي ..

مرسي والله يعافيج يارب..

حياج الله..

رورو الشخبوطه said...

غير معروف 1:

الحمدالله والشكر شفيج داشه من اقصاج شوي شوي لاينط لج عرج و ترا الدين قبل لا يكون عبادة اخلاق والنصيحه لها ادب ياريت تتعلمينها قبل لا تفتين..

رورو الشخبوطه said...

هلا غير معروف 2..

مرسي ..

صج عندج فتوه بهالخصوص من مشايخنا سواء بن باز والخ ؟؟

ياريت تضيفينها عساس نستفيد..


مشكوره..

ترا حتى انا مع انه شعري خفيف ماحط ستكشن ولا اركب ارموش مع انه نتف ولا احف حواجبي استحرم من هالشي ..

بس الاظافر رفيجتي قالت لي بس الصراحه ماقتنعت لانه شي غير بس اذا في قتوه وبادله صريحه نخليهم احسن ..


مشكوره من ذوقج ..

اي اكيد اتقبله ورايج ع عيني وراسي ومبين من الاسلوب انه شخصيات غير ..

اجمعين يارب..

حياج الله..

شاي الضحى said...

ما شاءالله شكلهم حلو عليج

اول ما شفتهم بالعلبه حسيت بصيرون مليقين

بس اطلعوا واااااايد حلوين

--------------

بالنسبه للاخت غير معرف 1

اعتقد ان رورو مو كافره عشان تعلمينها ان ما يصير تصلي بالاظافر التركيب او الصبغ

وبعدين عيب هالكلمه شنو بالطقاق!!! هذي صلاة ما نقول عنها بالطقاق!!!

الصلاة "فرض" مو "مهمه" عشان تقولين سويت الي علي!

وكلنا نعرف ان ما يصير الوحده تتوضى بالصبغ وما يصير تصلي فيه

وكل بنت تعرف متى تصبغ اظافرها واذا ما تعرفين اعلمج


عليج بالعافيه رورو :)

Anonymous said...

ماشاءالله حلوين وشكلهم جنهم طبيعين

حلو التغيير :)

بس سبحان الله ما أدري ليش!!
ماأحب أركب أظافر

hoza said...

من جد شكلها كأنها طبيعية
عليك بالعافية << سرت اعرف اتكلم باللهجة الكويتية (^^)
بس تصدقى هيا يدك اللى محليتها

Anonymous said...

روعه.. عليك بالعافيه

استفغر الله في ناس داخله عرض بالموضوع

النصيحه اخلاق وادب واحترام وليس بالقوة وقلة الادب واالتعامل مع الناس
بالحسنى ماهذا الاسلوب الهمجي ..الله يهديكم.. انا بشتريها وبلبسها بايام العذر الشرعي لاتقولون بعد حرام وماادريايش ههههههه

الله يعطيك العافيه غاليتي وبالتوفيق .

Anonymous said...

هلا فيج شخبوطه :)
صباح الورد

انا غير معرفة 2

اهوه مو فتوى اهوه حديث يعني اوضح من الفتوى بس تدرين امس كنت رايحه الصالون بحجز ولا اشوف وحده مركبه رموش ايننووووون لانهم خفيفين بس رازين عيونها ماشاء الله تبارك الله
جان ادق على الشيخ لووووول سألته جان ايقوللي لأأ هذا توصيل قتله بس انا بحط خفيف والناس تدري انه تركيب جان ايقول هم ابتعدي عن الشبهات
صكيته وانا ضايق خلقي :(

المهم الحديث هو :
قال ابن مسعود _رضي الله عنه_: "لعن رسول الله _صلى الله عليه وسلم_ الواصلة والمستوصلة والواشمة والمستوشمة" رواه أبو داود

والحديث اقوى من الفتوى لانها مشتقة منه
مثل شلون الدستور اقوى من القانون او لما يقولون الدستور ابو القانون ...


بس تأكدي الاظافر تدخل تحت هالحكم ولا لأ ؟

واذا ماتدخل وحلال كل اسبوع من الشهر ركبي واستانسي فيهم وبعدين قطيهم اصلا احلى وتغيير و صلاتج تنقبل وتغيير ستايل



تدرين انا قبل مثلج بس ركبت دائم جان تذكرين طاحو فيه فتراااااا ب 40 التركيب والصيانه ب 5
كنت متغاضيه عن حكم الصلاة فيهم بس بعدين هديتهم وقمت اطول اظافري وتأقلمت :)


بس ماشاء الله تبارك الله عليج انا ملاحظه من اول ان اظافرج حلوه

بس لما ركبتيهم ما احس ان في طبقة جنهم صج وشكلهم نظيف ومرتب
وبث :)

Made n Q8 said...

لا مشاء الله وايد حلوين ومبينين طبيعي

ولايهمج لايق علييج وايدج اهيا الي محليه الاظافر

وياشين الدفاشه بالنصيحه ياتنصحون مثل الاوادم ولا بلعوا العافيه احسن!!

ومايهزك رييح رورو :*

mo3ath said...

نقول نعيما ولا مبروك ؟ D;

بالعافيه عليج

خاتون said...

ستايلهم بناتي صيفي
و جنهم طبيعين حيل
كيوووت *_^

رورو الشخبوطه said...

هلا جايونه..

مرسي عاد اثق برايج لانج مثلي ماتجاملين :)

--------------

مشكوره جايونه مادري شفيها الاخت الله يهداها جنها داشه تنصح يهود والحين باي وقت اركب اوصبغ ووخرهم قبل الصلاة مايضر خو انا مو مصورة ايدي وانا اصلي خخخ ..

الظهر الاسيتون والتركيب المؤقت مامروا عليها :\

الله يعافيج يارب..

وحياج الله..

رورو الشخبوطه said...

هلا لوير ..

مرسي :)

صاجه حلو التغيير:)

لانه تحسين شي غريب ومو عملي بناء ع تجاربي قبل لما العب بالاظافر بس هذيل وايد عمليين ماجنه مركبه شي ..

ومشكوره..

رورو الشخبوطه said...

هلا هوزا..

خخ الله يعافيج يارب انا عاد احب الحجي الجداوي :)

اي ماشاءالله طبيعين كشكل واستعمل :)

بعد عمري مشكوره ومن ذوقج ..

رورو الشخبوطه said...

هلا راندا..

مشكوره والله يعافيج يارب..

اي الله يهداها ولا يبلينا يارب..

هذي مو نصيحه فضيحه :\

وحتى باي يوم عادي اذا عندج مناسبه عقب صلاة العشا او حتى قبل حطيهم كشخي فيهم وعقب شيليهم حتى شيلتهم مريحه بس ماي دافي وانحلت السالفه اريح من الصبغ بعد :)

يعافيج واجمعين يارب..

حياج الله..

رورو الشخبوطه said...

هلا غير معروف 2..

مساء النور..

اي اعرفه الحديث بس اللي اعرفه عن الشعر كتركيب وكقياس ع هالامر نشمل الرموش ..

تدرين في شيوخ محللين سالفة تركيب الرموش مع انه اشوفه حرام ومضره خصوصا انه ع مكان حساس :\

بس الفتوى اهي تفسير وشرح له ..

مو الحين كل واحد يفتي ع كيفه من جذي قلت ابي فتوى ابن باز او العثمين مو اي احد والدين يسر ..

انا اول مره اركب جد العاده العب فيه وزين اذا صبغت :\

لا الدائم استحرمه من سبت الصلاة بس الموقت ماحس انه حرام والله اعلم ..


مشكوره :)

اي ماشاءالله جنهم طبيعين :)

وحياج الله..

رورو الشخبوطه said...

هلا مدمد..

مرسي :)

اليوم رحت بجرب ملوت كليرز مالقيتهم :(

بعد عمري مشكوره..

اي قطع جنه بينا ثار :\

ايوه ورا خخ مرسي :*

حياج الله..

رورو الشخبوطه said...

هلا اخوي معاذ..

ع راحتك بجميع الاحوال مشكور ..

الله يعافيك يارب..

رورو الشخبوطه said...

هلا خاتون..

مرسي :)

كوكتيل said...

وايد حلوين رورو
وفعلا صج شكلهم طبيعي

وبعدين حبيت أعلق على الإخت اللي كفرت وقالت إنت ماتصلين

أولا عيب هل كلام لأن دينا نصيحة فعلا بس أكيد رسولنا الكريم ماقالنا ننصح بهالطريقة لأن هذا أبد مو نصح

ثانيا إشلون تحكمين على صلاة وحده إنقبلت ولا لا الواحد حتى لو حس إنه خشع بصلاته مايعرف تنقبل ولا لا المهم يسوي اللي عليه ويدعي ربه القبول

وبعدين أكيد البنت حاطته بوقت معين كلنا نعرفه

وما أقول إلا الله يهدي
للأسف إنت بجذي تنفرين مو ترغبين

ويعطيك العافية رورو

رورو الشخبوطه said...

هلا كوكتيل ..

مشكوره :)

هذي مو نصيحه فضيحه ..

وعموما هذيل تركيب مؤقت متى مابي اشيلهم ان شاءالله دقيقه واشيلهم :\

امين ..

الله يعافيج يارب..

حياج الله..

koko said...

3jeeeeeeeeeeb mn wain a5thtehm w 3la chum ?

Anonymous said...

عليج بالعافية ان شاءالله .. بس ما حصلتي french نفسهم؟ انا صارلي فترة ادور و مو لاقية

رورو الشخبوطه said...

هلا كوكو..

بسنتر بوينت الاوقاف..

امم جنه ب4 ..

وحياج الله..

رورو الشخبوطه said...

هلا هوبيلس..

انا شفت البنت اللي بالدوام لبست مثل ملوتي واللي قبلهم كانوا فرنش ساده..

بس انا كنت ابي في حركة..

فاتوقع تحصلين عندهم ان شاءالله لانه ستاندهم ماشاءالله متروس انا كنت مستعيله فماثبت ..

الله يعافيج يارب..

مشكوره..

Her said...

7adhum cute mashalla w shakelhum 6abee3y:) 3aleach bel3afya honey

رورو الشخبوطه said...

هلا هير..

الله يعافيج يارب..

ومرسي..

cheese 7cake said...

ما شاء الله تبارك الرحمن اللوك حلو على ايدينج

عليج بالعافيه

رورو الشخبوطه said...

هلا جيز..

مشكور ه من ذوقج ..


الله يعافيج يارب..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads