Monday, May 31, 2010
السلام عليكم ..
امس وانا احوس بالبلوقات لقيت هالحلو :)
تحديدا حصلته ببلوق اخوي كميل ..
عاد مريته اليوم ..
هو كشك مخصص للبراوني :)

المنيو ..


اول ما وصلنا له كان بس في شغلات بسيطه هذيل اهما و طبعا المشروبات متوفره..






وهذا ركن الاضافات الحلو فيه انه كاتبين ع كل جار اسمه خدود بنات ومكسرات بس بالمعرب بحيث يسهل ع البياع وع الزبون :)

(ديجستف - مكسرات -اريو- خدود البنات- ام اند امز - سنيكرز)


طلب اختي ورفيجتها براوني الكور الصغار مع برد..
والبرد في 3 نكهات (فانيلا-ككاو-كراميل).
اما الصوص (ككاو-ككاو ابيض- ستربوري- كراميل )



كب كيكتي ..





وعقب فترينا وردينا له يابوا باجي الشغلات ..
دونت براوني..



باند براوني ماكو ع فيول :p



كلاسيك براوني..



لوللي براوني ..



حصيلتنا :) طبعا للي بالبيت كلهم مو بس انا واخيتي..







رايي:
جربت ع طاير كل انواع كل واحد لقمه , وتوني سخنت الباندا وكليتها مع اختي طعمها وايد الذ بعد التسخين واحس طعمهم كلهم مثل الشي ماعدا الكب كيك غير وهذا رايي اختي بعد :)
عنوانهم :
جمعية كيفان -الدور ال1 يم بافلوز و جبال النصر ..
رقمهم :
94080032
واللي يشتغل وايد حليو قلت بصور قال اوكي برحابة صدر :) جان زين الكل مثله :)

30 comments:

swera said...

3aaaaaaa abiiiii cakeeee 9arli cham yom meshtahya akel 7elooooo . . . bashoof ewa9loon wella la2! 7addi 3yzana :P

bel3aaafia ya rab :*

هديــل said...

شكله نــاايس

بالعافية عليكم :)

Hopeless Sight said...

Bel3afya inshallah :D
wanasa bajarba bacher 3ogob ma a5ali9 dawam.

عين بغزي said...

ماشاء الله غيرتي لووك مدونتج

أهمممممم


يالله عالبركة الفرش الجديد اقصد اللوك الجديد هههههه

خاتون said...

أنا ما أحب الككاو الحاف بس أحب البراوني يللا عندي مشروع بسلمه بكيفان و بالمرة بمر الجمعية
ميغسي بكو غراسيس مشكورة ثانكس سلامت بوو شي شي
بصراحة الصور عذبتني *_^

ميمة السبيت said...

** بالعافية

قلم ومسّاحة said...

عليج بالعافية.. انا مو ذاك الزود مع البرواني والكب كيك، ثقيل على الجبد، ف شلون لو عليه أضافات كريمة ومارشميلو!

شاي الضحى said...

شكله يميييي

يبيله مع ايس كريم فانيلا

عليكم بالعافيه :)

رنداالجنوبية said...

ياربي منك رورو جوعتيني وين اروح ادوره الحين ..

عليكم بالعافيه ((ماطرح مايسري يمري)) بالمصري خخخخخ

سلاااام

mo3ath said...

احس ارتفع السكر بس من الصور لووول

على كثر مافتحوا محلات السويت والكيك بس مااشوف نفسي اروح اجرب , احس بتأنيب الضمير وايد كالوريز (شدعوه انا مقصر لووول) D:

بالعافيه عليكم

Made n Q8 said...

ووواي لا عاد كلش ولا البراوني قمت ابلع بريجي خخخ

علييكم بالعافية

اقول في قعدات ولا تيك اوي؟

SweetHeart ~ said...

عليج بالعااافيه :)

mazyona said...

شكله حلو
عليج بالعافية

رورو الشخبوطه said...

هلا سويره ..

شهوة العافيه يارب..

ماعتقد يوصلون يقول عقب شهر يمكن ..

الله يعافيج يارب..

مشكوره..

رورو الشخبوطه said...

هلا هديل..

الله يعافيج يارب..

مشكوره..

رورو الشخبوطه said...

هلا هوبيلس..

الله يعافيج يارب..

ان شاءالله..

ومشكوره..

رورو الشخبوطه said...

هلا اخوي عين بغزي..

مشكور والله يبارك فيك يارب..

رورو الشخبوطه said...

هلا خاتون ..

ان شاءالله..

العفو ولو ودوغيا وحياج الرحمن ..

:)

رورو الشخبوطه said...

هلا ميمه..

الله يعافيج يارب..

مشكوره..

رورو الشخبوطه said...

هلا اخوي قلم ..

الله يعافيك يارب..

انت لانك ماتحب الحلو وهالاضافات اختياريه :)

وحياك الله..

رورو الشخبوطه said...

هلا جايونه..

يعني مو وايد يمي :)

الله يعافيج يارب..

مشكوره..

رورو الشخبوطه said...

هلا رندا..

انا ايبلج :)

الله يعافيج يارب..
ومشكوره..

وعليكم السلام..

رورو الشخبوطه said...

هلا اخوي معاذ..

خخ ..

اذا ماهتم بسوالف كالوري ماكو الا تاخذ السويت الدايت ..

بس هذيل مادري اذا عندهم او لا ..

والله يعافيك يارب..

مشكور..

رورو الشخبوطه said...

هلا مدمد..

الله يعافيج يارب..

خخ لا بس تيك اوي ..

ومرسي..

رورو الشخبوطه said...

هلا سويته..

الله يعافيج يارب..

مشكوره..

رورو الشخبوطه said...

هلا مزيونه..


الله يعافيج يارب..

مشكوره..

cheese 7cake said...

اللـــه لذيذ يمـــي يمـيي
احب البرواني

عليج بالعافيه

رورو الشخبوطه said...

هلا جيز كيك..

الله يعافيج يارب..

مشكوره..

خاتون said...

وين مكانة رحت الجمعية الرئيسة اليوم الصبح ما لقيته قصدج تحت و إلا قطعة 3 ؟؟؟
و شكرا

رورو الشخبوطه said...

هلا خاتون..

اي الرئيسه الدور الاول يم بافلوز وجبال النصر ..

والعفو ولو..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads