Tuesday, June 1, 2010
اليوم مو طبيعي الحمدالله اللي رديت صاغ سليم لبيتنا ..
الصبح وانا بطريج الدوام ماباقي شي واوصل له ماوعيت الا سايقنا شخط لي الحاره ال2 ودعم اللي جدمنا :\
امبيه ماستوعبت شي الا انه لزقت بالكشن اللي جدامي وصعلوك لزق بالسكان..
جان اقوله ليش جذي؟؟
قال الشرطه شخطوا عليه ولف عشانهم :\
انزين انزل شوف شصار اشكره مبين سيارتنا انعدمت من جدام ,واهو بيبطل الباب مايتبطل :\
عقب استوعبت اللي صار وقعدت ارجف جان اتصل ع رفيجتي بالدوام عساس تبلغهم وبجيت بجي امبيه :\
وماعندي احد امون عليه اكلمه امي ماابي اخرعها ولا ابيها تدري الا لما ارد , اختي الوسطيه بالامتحان , الكبيره تعبانه مو مال اصروعها مابيها تعرف الا بالزواره , ابوي كلمني وسكتني لما بجيت :\
ورفيجتي اجازه يعني نايمه :( ماكو احد ..
المهم سكت والا اييلي الشرطي ويحاجيني جني ياهل وانا بس اهز راسي ..
فقال للسايق حرك السياره مو راضيه تشتغل ياه اهو شغلها يما الوضع يخرع السياره تهتز تهتز تميت ادعي ليما وصلنا مكان نصفط فيه
المهم تميت انطر لي ما يالي ابوي وانا لزوم الستر مابقى بلوزه بيضا بالكبت مالبستها :\ فطست من الحر ..
عقب يالي ابوي قالي يابوج اليوم اجازه قلت لا بروح الدوام جان يقولي ليش انتي مسويه حادث يعطونج اجازه << قرار يديد من ابوي مفعوله ساري علي انا بس ..
وبعدين قالي بتاخذين اجازه !!<< اجازه اجباريه
المهم وصلت البنات يسلمون علي وتميت اسولف بالحادث من الساعه 9 لي الحين كلماله احد متصل ,واللي ضحكني اخوي يقول علاوي بيكلمج بس نايم خخ (علاوي ولده الله يحفظه عمره 10 شهور..)
امي كلمتني تسالني ليش تبين السياره ال2 قلت السياره اختربت..
المهم طلعت لقيت السياره ال2 برا ركبتها ولا ماتشتغل لا امبيه مو وقته اشوه عقب جم محاوله اشتغلت الحمدالله..
وعقب بالاشاره واقفين صارت خضرا كلهم مشوا الا احنا وسايقنا متنح يطالع القاع قلت بيه ليكون مات بعد :\
رديت البيت اول مره الباب ينفتح قبل لا اطقه والخدم يسالوني انتي بالسياره اقولهم اي وحده منهم تقول الله حفظج طبعا بالاشاره..
دشيت ولا امي درت وتبجي عورت قلبي وطبعا بلشت طقوس وحببتني وسلمت علي واللي ضحكني حسبالها طار شي من ويهي قلت لا ماكو الا نظارتي الشمسيه اهي اللي طارت..
الحمدالله الحمدالله الحمدالله اللي ماصارلي شي..

78 comments:

swera said...

el7mdellah 3ala salamtech sweety o 5a6ach esow :*

panadool said...

سوي حلال مشاكل يوم الخميس

وحطي يامعه أو حرز مع أذان ديج عور (:

ماتشوفين شر

'3ShMrGiaH said...

يااااااقلبييييييييي


الف الحمدالله على سلامتج..

خطااااج السووو

بلحدييد ولا فيج...

قدر الله وماشاء فعل


بس ضحكتيني على سالفة البلايز البيضه لووووووووووووووووووووول

جنج وحده اعرفهااا

بس جد الف الحمدالله على سلامتج

Amwaj said...

حبيبتي ما تشوفين شر

والحمدلله على سلامتج

زين إنها بالحديد ولا فيج

خطاج السوء يالغالية

Anonymous said...

الحمدلله ع السلامه ماما

ما تجوفيين شر حبيبتي


بنتج سمو

q8-lawyer said...

خطاج السو حمدلله على سلامتج


الحمدلله بالحديد ولا فيج:)

daloo3a said...

الحمدلله على السلاامه

و ما تشوفين شر

رندا said...

الحمدلله على السلامه ماتشوفين شر حبيبتي .. الحمدلله انها جات بالحديد ولافيك..

الله يعطيك العافيه وطولة العمر.

الاوركيده said...

الحمد الله على سلامتج وخطاج السو

والله يحفظج من كل شر :*

BookMark said...

حبييبتي الحمدلله على سلامتج خطاج السوو

أقرا ومادري أضحك ولا أبجي :')

بس سايقكم مسكين ماترقع p;

مـي said...

الله يحفظج
خطاج السو يا بعد عمري
الحمد لله بالحديد ولا فيكم يالحبيبة..

الحادث صعب! أنا سويت حادث قبل سبع سنين ليما الحين صوت الحادث يرن بإذني..

لكن ، الله الحافظ ، سبحانه..

الحمد لله على سلامتج يارورو
وما تشوفين شر..

هديــل said...

الف الحمدللللللله ع السلامة ..

الحمدلله عدت وما صار فيج شي

يماي الحوادث تخرع والله وخصوصا اذا كنتي بروحج بالسيارة يبلش البجي :q

يلا خطاج السووو :)

حقوقي said...

الحمدلله عالسلامة
خطاج السو

في الحديد ولا فيج

يلا تجربة ما تنسي :)

خاتون said...

الحمد الله على السلامة يا معودة في الحديد ولا فيج
دعاوي الوالدة أكيد ... الله يعينج عاد اللحين على الوصايا العشر بس همن مو تنسين تستغلين الوضع لمن أحد يطرشج قولي ما اقدر نفسيتي من بعد الحادث متأثره و هلم جرة

إلا تعالي لحد اللحين ما علمتي علاوي على اللي صار ترى ملزوم يدري بعد عمته يصير وياها حادث يطير نظارتها البريئة و اهو آخر من يعلم


عسى الله يحفظج و يخليج لأمج و أبوج و أهلج و حبايبج و رواد مدونتج و لي بعد *_^
في أمان الله

جاكليته said...

الله يحفظج
خطااج السووو
والحمدلله على سلامتج ..
والله يكافيج شر السيارات

ebtsamh said...

حمدالله ع سلامتج وخطاج اللاش يبا

السيارة تتعوض المهم انتي ..

mese said...

الحمد الله على سلامتج أختي. ماتشوفين شر إن شآء الله.

زين أنها يت جيه بس, الله ستر الحمد الله.

ودي وإحترآمي..~

meenakon said...

خطااج الشر يا قلبي ..

في الحديد ولا فيج والله ..

اكيد ما ريقتو السياق عدل اليوم

وما تشوفين شر ياربي

وديري بالج .. صايرين هالايام السواق مطافيق لا حول الله

●• ۈحيدة بليآهُم•● said...

الحمدالله ع السلامة يدوو

^^

يحليلج ما تستاهلين ..
ماعليج الموهيم سلامتج


^^

mazyona said...

سلااااااااااااااااامات
ماتشوفين شر حبيبتي

قلم ومسّاحة said...

الحمدلله على السلامة، دفعي صدقة عن نفسج وتصدقي كل يوم وقبل لات طلعين من باب البيت اقري المعوذات والله الحافظ ان شالله..

SweetHeart ~ said...

خطاااج السو
والحمدلله على سلامتــج ..

Zabo0o6a said...

خطاج السو بالحديد ولا فيج :**

لمار said...

ألف الحمدالله على السلامة والله عورتي قلبي وماتشوفين شر حبيبتي..

نمووول said...

خاط السوو
بالحديد ولا فيج
ان شاء الله عدى على خير ؟

-----------
اسمحيلي اشيد بجمال
الهيدر روووعة ما شاء الله
----------
صباح الخير إلا دقيقة ..

أبوفلان said...

الحمد لله ع السلامه

كله من كومار الأثول هالهنود من يشوفون دورية يسوونها بصروالهم

ومعوضين خير

الله يآجرج في مصيبتج ويخلفلج خير منها

Her said...

salamaaaat :* matshoofeen shar enshalla lol tha7akteeny 3ala sayegkum:p
5a6ach esoo 7abeebty

cheese 7cake said...

الحمدالله على سلامتج

وهاذي اكيد دفعة بلا مسويتها ودفعت البلا عنج

صلي ركعتين واحمد ربج

Made n Q8 said...

خطااج السو والحمدالله على سلامتج اشوه ان في الحديد ولا فيكم

علامه عتريس الله يهداه شكان يفكر فيه ليكون شايف له فيلم هندي ومتنح عليه!

كل هذا من عيون الي ماتتسمى اعوذ بالله من شر عيونهم

اقري ادعيه الصباح وانتي بالسياره

والله يعدي هاليوم على خيير

Lotus said...

ما تشوفين شر حبيبتي
قضاء مكتوب ان يصير حادث بس ربج لطف بلطفه سبحانه ..

الدعاء و الصدقة ماوصيج عليهم

شاي الضحى said...

@@

خطااااااااااج السووووو


ليش ما دقيتي علي وقلتيلي

:((

الحمدلله على سلاااااااامتج حبيبتي


والحمدلله ما صار فيج شي

ميمة السبيت said...

** خطاج السو يامعودة الله حفظج الحادث يخرع والله

يوم انه اسم السايق صعلوك مير ما من وراه خير و غنيمة

بدون تعليق said...

الحمدلله على السلامة .. اشوه ماصار لج شي ..

fatto said...

حبيبتي والله ماتشوفين شر خطاج السو .. بس قرار ابوج الاجازه ضحكني :) والله يصلح يسير وزير :)

fatto said...

ماشاءالله كل البلوقات امسويت التاج السلطاني .. انا حاطه اسمج مادري انج امسويته :)

AM.SA.CHANNEL said...

هههههههههههههههههههههههههههههههههههههههههههههههههههههههههههههههههههههههههههههههههههههههه

و الله أبوووج موتني من الظحك هووو و دريولكم نقعت من الظحك، ما أعرف يمكن إسلووبج كان يظحك .. ياربيييه ظحكتيني ..

بس الحمد الله شر و طار و الحمد الله ما يت فييج و لا فيه، و المهم سلامتج .. و تصدقي عشان الله يبعد عنج هالأمور ..

بس الحمد الله يت سليمة في السيارة و لا فيج ..

Hopeless Sight said...

الحمدلله على السلامة .. في الحديد و لا في العبيد :)
الله يحفظج من كل شر ان شاءالله.

~أم حرّوبي~ said...

ياقلبييي عمووتي حمدلله على سلامتك ماتشوفين شر ..الحمدلله انها عدت على خير والله لايعوده من حادث ان شالله ..الله يحفظج لاهلج ان شالله يااااارب ..

رورو الشخبوطه said...

هلا سويره..

الله يسلمج يارب..

وخطاج لاش..

مشكوره..

رورو الشخبوطه said...

هلا اخوي بندول..

هذيل ماجنهم بدع :\

الشر ماييك يارب..

مشكور..

رورو الشخبوطه said...

هلا غشمرجيه..

الله يسلمج يارب..

وخطاج لاش..

مشكوره..

خخ هذا ستايل معتمد عند الاغلب ..

رورو الشخبوطه said...

هلا امواج..

الشر ماييج يارب..

والله يسلمج يارب..

وخطاج لاش..

مشكوره..

رورو الشخبوطه said...

اهلين بنوتي..


الله يسلمج يارب..

والشر ماييج يارب..

مشكوره..

رورو الشخبوطه said...

هلا لوير..

الله يسلمج يارب..

وخطاج لاش..

مشكوره..

رورو الشخبوطه said...

هلا دلوعه..


الله يسلمج يارب..

والشر ماييج يارب..

مشكوره..

رورو الشخبوطه said...

هلا رندا..

الله يسلمج والشر ماييج ويعافيج واجمعين يارب..



مشكوره..

رورو الشخبوطه said...

هلا اوركيده..

الله يسلمج يارب..

وخطاج لاش..

واجمعين يارب..

مشكوره..

رورو الشخبوطه said...

هلا بوك..

الله يسلمج يارب..

وخطاج لاش..

اهما 2 اللي سوا الحادث غير عن اللي خذاني الظهر:\

مشكوره..

رورو الشخبوطه said...

هلا مي ..

اجمعين يارب..

وخطاج لاش اي الحمدالله..

وانا فيني فوبيا :\

والله يسلمج والشر ماييج يارب..

مشكوره..

رورو الشخبوطه said...

هلا هديل ..

الله يسلمج يارب..

اي الحمدالله..

بروحج ارحم من معاج احد تمين تحاتينهم ..

وخطاج لاش..

مشكوره..

رورو الشخبوطه said...

هلا اخوي حقوقي..

الله يسلمك وخطاك لاش..

الحمدالله..

خخ اكيد بس يارب ماتكرر ..

مشكور..

رورو الشخبوطه said...

هلا خاتون..

الله يسلمج يارب اي الحمدالله ..

خخ لا انا مايطرشوني اهما مبتلشين فيني :)

اي مادري والله توني راده من الدوام لازم ابلغه بعد انا عمته حبيبته ..

امين يارب ويخليكم لي و يخلليلج اهلج وحبايبج يارب..

مشكوره...

رورو الشخبوطه said...

هلا جاكليته..

اجمعين يارب.

خطااج لاش..

الله يسلمج ..

واجمعين يارب..

مشكوره..

رورو الشخبوطه said...

هلا ابتسامه..

الله يسلمج يارب وخطاج لاش..

اي والله :)

مشكوره..

رورو الشخبوطه said...

هلا ميوسه..

الله يسلمج واشر ماييج يارب..

الحمدالله..

مشكوره..

رورو الشخبوطه said...

هلا من اكون..

خطاج لاش..

الحمدالله..

اي صاجه اهو اذا ما كله اين ..

الشر ماييج يارب..

اي قطع ..

مشكوره..

رورو الشخبوطه said...

هلا وحيده..

عاد عظامي يعورني صج يدوه خخ..

الله يسلمج يارب..

مشكوره..

رورو الشخبوطه said...

هلا مزيونه..

الله يسلمج يارب..

والشر ماايييج ..

مشكوره..

رورو الشخبوطه said...

هلا اخوي قلم ومساحة..

الله يسلمك يارب..

ان شاءالله بسوي هالشغلات انا بالي بس دفعة البلا بس المعوذات نسيتهم ..

مشكور ..

رورو الشخبوطه said...

هلا سويته..

خطاج لاش..

والله يسلمج يارب..

مشكوره..

رورو الشخبوطه said...

هلا زبوطة..

خطاج لاش..

الحمدالله..

مشكوره..

رورو الشخبوطه said...

هلا لمار..

الله يسلمج يارب..

والشر ماييج ..

مشكوره..

رورو الشخبوطه said...

هلا اخوي نمول..

خطاك لاش..

اي الحمدالله..

مشكور من ذوقك :)

صباح النور..

وتسلم اخوي..

رورو الشخبوطه said...

هلا اخوي ابو فلان..

الله يسلمك يارب..

لا هذا مو خواف :\

وامين يارب..

مشكور..

رورو الشخبوطه said...

هلا هير..

الله يسلمج والشر ماييج يارب ..

لا والله مايضحك سواقته ضيم هذا اذا قصدج عن اللي سوا الحادث اما ال2 لا زين ..

وخطاج لاش..

رورو الشخبوطه said...

هلا جيز كيك..

الله يسلمج يارب..

ان شاءالله تكون جذي بس ناويه ادفع..

والحمدالله ..

مشكوره..

رورو الشخبوطه said...

هلا مدمد..

خطااج لاش والله يسلمج يارب واي الحمدالله..

مادري عنه شوماخر عصره :\

اي قطع فقر :\

ان شاءالله..

الحمدالله عدى بس اثره بلش يطلع علي..

ومشكوره..

رورو الشخبوطه said...

هلا لوتس..

الشر ماييج يارب..

اي الحمدالله ..

قدر ولطف ..

ان شاءالله..

مشكوره..

رورو الشخبوطه said...

هلا جايونه..


خطاج لاش..


وي الصبح ماتسوى اخرعج ..


الله يسلمج يارب..

اي الحمدالله..

مشكوره :*

رورو الشخبوطه said...

هلا ميمه..

خطاج لاش..

الحمدالله ..

لا مو اسمه صعلوك اتطنز عليه :\

ومشكوره..

رورو الشخبوطه said...

هلا اخوي بدون...

الحمدالله..

والله يسلمك يارب..

مشكور..

رورو الشخبوطه said...

هلا فاتو..

الشر ماييج وخطاج لاش ..

حلاته يمسك الديوان :)

ومشكوره..

رورو الشخبوطه said...

وي توني اشوفه صج مشكوره خل اضيف اسمكم بلستت اللي عطوني خخخ..

رورو الشخبوطه said...

هلا شانيل ..

@@

الحمدالله والله يسلمج يارب..

ان شاءالله ..

مشكوره..

رورو الشخبوطه said...

هلا هوبيلس..

الله يسلمج يارب..

واجمعين يارب..

مشكوره..

رورو الشخبوطه said...

هلا ام حروبي..

الله يسلمج والشر ماييج يارب..

الحمدالله وان شاءالله..

امين ويحفظج يارب..

مشكوره..

lil.D said...

تستاهلين السلامه
صدق موقف مب حلو
والغريب انج بعد تبين تداومين

رورو الشخبوطه said...

هلا ليلي..

الله يسلمج يارب..

شسوي موقف وخلص اكيد بداوم ملتزمه بشغل ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads