Friday, June 18, 2010
السلام عليكم ..

توني راده من السوق وناسه بلشت التنزيلات :)

ووما بقى شي ع المعاشات ..

سويت وشريت وايد شغلات منها اني دشيت السينما لهفيلم ..

اهو توه يديد امس نزل بالكويت ..


بحطلكم نبذه مالت السينما ..

بطولة



ياسمين عبدالعزيز, هالة فاخر



النوع


كوميدي

الدعاية :

هني :)


القصة


تدور قصة الفيلم حول فتاة غنية جدا ويحاول الكثير من الشباب استغلالها والوصول لثروتها، ويتصارع عليها ثلاثة من الشباب في اطار كوميدي للوصول الى الهدفهم.


تعليقي :

امبيه النبذه غلط القصه مو عن بنت غنيه بالعكس اهي فقيره , بس دريسه من النوع الحفيظ اللي تعودت ع الكتب والدراسه وما تعلمت شلون تتصرف او تفكر فسهل اي احد ياثر عليها ويخليها تتبعه , وحرام محد تصارع عليها هم العكس ..

رايي :

الفيلم اقل اقل اقل اقل لي باجر من العادي ماعجبني حسيته ممل :\ اما اختي عجبها ..

وبالنسبه للسينما اذا ماعندهم احد يكتب لهم نبذ جمع نبذه صح عن الافلام ترا انا مستعده خخخخخخخخخ..




30 comments:

Hopeless Sight said...

رورو أخنج كوكتيل صح؟
أنا ما ضحكتني الا النبذة شدعوه ما يعرفون يكتبون؟؟!
عاد أحب هالنوعية من الأفلام بس و لا مرة شفت فيلم مصري

swera said...

3ad ana '3arami yasmeen 3bdel3aziz bs hal film 7asseta mn eda3aya sa5eef 3ashan chethi mara7 ashoofa :)

daloo3a said...

ماحب الافلاام المصريه
و البوستر مال الفلم مب حلو
و شكله جيه مب حلو ^^

meenakon said...

عاد انا اموت على ياسمين تونس واضحك

ان شاءالله بالويك اند احجز له

BookMark said...

هههه اهم شي ان النبذة غلط

اي والله تصلحين يحطونج كاتبة (نـُبَذ) صح جذي

عيل مارحتي مع كوكتيل؟
توها مادحته
;p

Crazy Girl in aGood Way said...

عليج بالعافيه

وناسه شنو شريتي ؟؟؟؟؟

cheese 7cake said...

لوووول مبين من البوستر ما يحتاااي تعبرين

بس نقطه مهمة ياحلوه ترى بلووووقج حييييييييييييييييييييييل حييييييييييييييييييييييل بطيء ما ادري شنووو السبب الظاهر من النيو لوك اليديد
وياريت تشوفين الخلل لانه يرفع الضغط لوول :)

ميمة السبيت said...

** احد يدش فلم عربي ؟

رنداالجنوبيه said...

مااحب الافلام المصريه ..اذا عندك فيلم مرعب عطيني ههههه

الله يوفقك ويحميك

كوكتيل said...

صباح الخيرات :)

رورو أنا رحته وكتبت عنه بوست

حيل عجبني يضحك بصراحة

أنا ما حبيت دعايته ظالمته :)

رورو الشخبوطه said...

هلا هوبيلس..

لا ماحزرتي بنوب بس ليش خخخ..

اي استغفرالله المصيبه غير ومو مثل الفيلم كلش :\

عن نفسي ماانصحج فيه..

وحياج الله..

رورو الشخبوطه said...

هلا سويره..

ايلاتعنين مايسوى وبالنسبه لي الدعايه احلى منه :\

وياسمين تحسين عقويه ع دفيشه شويه..

ومشكوره..

رورو الشخبوطه said...

هلا دلوعه..

هالايام صايرين بايخين حدهم وقصص مبيوقه بعد :\

اي خربوطة البوستر تحسين مبين انه افيلم سخيف خخخ..

وحياج الله..

رورو الشخبوطه said...

هلا من اكون..

اهي تونس لانها عفويه ع دفيشه شوي خخ..

وان شاءالله..

عيل ناطره رايج فيه..

وحياج الله..

رورو الشخبوطه said...

هلا بوك مارك..

اي انصدمت منها لما قلت لاختي قايلين انها غنية بسايت السينما قالت لا يمكن غبيه وانتي مانتبهتي قلت صح يمكن بس اشوه طلعت انا الصح واهما الغلط جكيت بقدراتي خخخ..

مرسي اي اعتقد صح ..

نو رحت مع اختي :)

اي قريته خخ..;

وحياج الله..

رورو الشخبوطه said...

هلا كريزي..

الله يعافيج يارب..

الله يسلمج شريت اصباغ اظافر انا واختي وشريت هدوم عمليه للدوام قمصان وفسطان ..

وخذيت اكسسورات مضاعد و سورات ..

وحياج الله..

رورو الشخبوطه said...

هلا جيز..

البوستر يهون عند النبذه ..

غريبه انا عندي زين انتي تستخدمين اي برنامج لتصفح بالنت؟؟

ومرسي..

رورو الشخبوطه said...

هلا ميمه..

افكورس وايد :)

خخ..

وحياج الله..

رورو الشخبوطه said...

هلا رندا..

حاليا لا بس من يصير عندي اقولج ان شاءالله..

اجمعين يارب..

مشكوره..

رورو الشخبوطه said...

هلا كوكتيل..

صباح الليرات..

اي شفته ورديت عليج بعد..

عكسي ماشفت انه حلو او يضحك وطول الوقت احن ع اختي انه ممل وبايخ :\

بالعكس احلى منه خخخ ..

وحياج الله..

خاتون said...

ههههههههههههههه
جربي عرضي عليهم
تنفعين و بعدين وريهم مدونتج كسيرة ذاتية و مراسلة نشيطة

موفقة *_^

أم الخــلـود said...

الأفلام العربية أصبحت نكتة سخفية


اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

قلم ومسّاحة said...

انا بعد لما قريت النبذة وشفت الفيلم قلت جنه مو نفس الشي! بالاخير طلع موقع السينما كاتب نبذة أي شي وخرابيط، وهذا المتعود من سينسكيب. وأنا كتبت عنه بوست من شوي لول صاروا 3 مدونين كاتبين عنه كوكتيل وانتي وانا :)

رورو الشخبوطه said...

هلا خاتون..

خخخ بيقضبوني الباب :)

اجمعين يارب..

مشكوره..

رورو الشخبوطه said...

هلا ام الخلود..

اي بس بعضها مو كلها..

ومشكوره..

رورو الشخبوطه said...

هلا اخوي قلم..

اي توني شفته ..

ومبدعين هالايام السينما بزود :\

ومشكور..

ri7ana said...

ليش انتي للحين متمسكه بسنسكيب !
الله يخلي التورنت نزلي منه اي فلم يخطر ببالج ومسرح منزلي وعيشي الجو

وخلي السينما بس للضرورات :p
والي كاتب الظاهر كان فيه نوم :\

Made n Q8 said...

هيااااا بلشت التنزيلات

وياسمين عبدالعزيز استغفر الله مادري ليش اتغثني مع العلم انها ماسوتلي شي!!

رورو الشخبوطه said...

هلا ريحانه..

ماراح يكون مثل جو السينما مليت من البيت :\

الظاهر ع العنوان ماتعب عمره وشافه..

وحياج الله..

رورو الشخبوطه said...

هلا مدمد..

اي وناسه..

اهي دفيشه شوي :\

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads