Thursday, June 17, 2010
السلام عليكم ..

اليوم بوريكم مكان قديم و احبه وايد لي في ذكريات حلوه مع احب الناس لي اهو فرع قطعه 4 بالفيحا من لما كنت صغيره لازم كل ويك اند انا موجوده وفيه صبح -عصر وجنه بليل بعد قبل لايسكر انا موجوده هناك خخخ ومؤخرا لما صرت تقريبا بالثانويه فتحوا فيه محل فطاير  ..


بعدسة عتريس خخخ
وياحليلهم من زمان عنهم خبري فيهم بعزا يدتي تقريبا قبل سنه ..

عاد امس راحت علي نومه فضطريت اخذ استذان صباحي فمريته وخذيت ريوق لي ولكوكتيل ..

اهي اختارت بيتزا بالنقانق..


وخذيت جبن غرامي هالفطيره منهم وحلاته واهي حاره الجبن يتمغط :)

وفطيرة بطاط مو وااو بس احب اطلبها كنت متعوده اطلبها مع يدتي الله يرحمها يارب :(


من زمان مشتهيته والحين لما نزلت البوست اشتهيته :\

34 comments:

كوكتيل said...

صباح الخيرات :)

أنا حبيت الجبن أكثر من البيتزا :)

والله يرحمها إن شاء الله بالجنة اللهم أمين :)

ويسلمو :)

Princess Sara said...

الله و الله عاد مشتهيه فطآير

الله يرحم يدتج و يغمد روحهآ الجنه

و يبيله نجرب الجبن :)
أنا من أحلى الفطاير عندي ملك الخليج مادري شسمه اللي يم مستشفى الاميري
عجييييب

بالعافيه
تحياتي

daloo3a said...

بالعافيه
وااايد تأكليين من المطاعم
بتستوين دبه
عقب لا تلوميين الشيبه خخخخخخخخخخخ

Amwaj said...

عليج بالعافية حبيبتي
عاد آنا مو من النوع اللي ياكل فطاير إلا بين فترة وفترة
وما آكل غير الجبن أو اللبنة

بس راح أجرب فطايرهم

تحياتي :)

Anonymous said...

الله يرحمها ويغمد روحها الجنه يارب

قبل كله نطلب منه وايام الجامعه بعد وصارلي اكثر من سنه ما طلبت منهم

قبل شهر طلبنه كان طعمه يلوع الجبد

متغير حتى طعم العيينه كلش مو حلو

مادري ليش غيروه :(

بالعافيه


شاي الضحى

Hopeless Sight said...

بالعافية ان شاءالله
لووول أنا أحب الجبن اللي يتمغط بعد و أحب البيتزا بس بدون لحم
مشكورة

قلم ومسّاحة said...

الله يرحمها يارب
وعليج بالعافية ان شالله
مع إني ما احب الفطاير وايد بس حيل تحمصت، لما قلتي إن الجبن يتمغط، عاد أنا كل شي ولا أشوف جبنة تتمغط وخاصة من الفطاير أضعف ولعابي يسيل خخ، ومرات في أشياء ودنا ناكلها لمجرد إنها تذكرنا بأشياء معينة حتى لو طعمها تغير شوي أو ما يكون واو بس لما ناكل هالشي نحس بالماضي ولو شوي. إن دخلت الفيحا مرة ثانية أكيد راح أجربه

حقوقي said...

يا حبكم حق الاكل
كل ما دخلت مدونة بنت لقيت بوستاتكم كلها اكل وحلويات
ماكو شغل صح :P

Crazy Girl in aGood Way said...

عليج بالف وستميه عافيه

تدرين شنو غرامي الفطاير والمعجنات

اذكر اذا قعدت على وقت الغدى وقالت امي باقي زعتر بالفرن

اقول ماابي غدى باكل الزعتر


:(

Just A Bunch said...

واااي عاد امس طاري على بالي هالمطعم! الله يوصلوون؟ كوووول!!! باجر ان شاء الله نييب منه اذا ما طلعنه! امووت على فطيرة اللحم مالتهم!

مشكورة حطيتي رقمهم! هيي هيي

و عليج بالعافية شكل بيتزا النقانق حلوة!

و الف رحمة على يدتج و يخليلج اللي تحبينهم انشاء الله

و مبروك على اللوك اليديد :) وايد نايس ^^

Ms Botamba said...

الله احلى فطاير
فطاير الفيحا كله نطلب منه

انا كله اطلب فطيره لحم او فطيره جبن كرافت او فطيره جبن و بقدونس
و البيتزا بعد مش بطاله :))

يبيله اروح اشتريلي منه حق الريوق خخخ بس ما يندرى يفتح اليمعه :p

Om MoD said...

بالعافية يا رب وربي يرحم جميع اموات المؤمنين والمؤمنات....... تدرين ذاك اليوم طالعه مع رفيجتي بيرل وحاستني عليه.... مثلج لها ذكريات مع المكان وبذاك اليوم الا بتخليني اجربه
ماكو احد ما سألناه لأنها ناسيه مكانه بالضبط.....بس كان حلو وعجبني البطاط المهروس حده لذيذ؛)

خاتون said...

حسبي الله على بليسج
شهيتيني لازم أروح
اليوم شكلي ما أقدر أطلع بس احتمال باجر
عاد صار لي يومين ما آكل غير برد و عصير لأنه شالعه ضرس العقل فصج
بخاطري آكل
عليدج بألف و ستين مليون عافية و تسلميلي أنت و مدونتج يوم دليتيني على مكان للأكل و التهبيص هههههههه
موفقة حبابة *_^

خاتون said...

استفسار..
يعني أحلى من فطاير شويخ
؟؟؟

خاتون said...

و عسى الله يرحم يدتج و يدتي و يجمعنا و ياهم في جنة الفردوس و قولي آميـــــن

رورو الشخبوطه said...

هلا كوكتيل..

صباح الليرات..

اي انا غرامي الجبن عندهم لذيذ ..

امين يارب..

جزاج الله خير..

والله يسلمج..

رورو الشخبوطه said...

هلا برنسس..

شهوة العافيه يارب..

امين..

جزاج الله خير..

وان شاءالله يعجبج ..

ماجربته بس ان شاءالله اجربه :)

الله يعافيج..

مشكوره..

رورو الشخبوطه said...

هلا دلوعه..

خخ مايصير اخذ ريوقي من البيت بستوي زلمه لا :p

لا تحاتين الشياب يحبون المتان خخخ..

ومشكوره..

رورو الشخبوطه said...

هلا امواج..

الله يعافيج يارب..

اي حلو الجبن الذ فطاير :)

وان شاءالله يعجبج..


حياج الله..

رورو الشخبوطه said...

هلا جايونه..

امين يارب..

جزاج الله خير..

صج عيل انا اشوه مافرق علي طعمه هذا اهو ماتغير اخاف الشيف كان مسافر حزتها خخ..

يعافيج..

مشكوره..

رورو الشخبوطه said...

هلا هوبيلس..

يعافيج يارب..

اي يشوق الجبن بهالحاله خخ..

انا ماكل الخضار من جذي افضلها بلحم :)

العفو ولو..

حياج الله..

رورو الشخبوطه said...

هلا اخوي قلم ..

امين يارب ..

جزاك الله خير..

الله يعافيك يارب..

خخ اي لذيذ ويشوق ..

اي صح مو شرط الاكل حتى اللبس او باجي الاغراض مجرد انها مرتبطه بشي او شخص او ذكرى نحبها بتكون مفضله عندنا..

ان شاءالله ..

ومشكور..

رورو الشخبوطه said...

هلا اخوي حقوقي..

خخخخخخخخخخ ع الاقل احلى من السياسه وكرة القدم تتلف اعصابكم ع الفاضي ..

وحياك الله..

رورو الشخبوطه said...

هلا كريزي..

الله يعافيج يارب..

اي حلوين ..

بعد عمري ماكو فطاير بالمانيا لو يصير ادز لج ماقصر
:(

ومشكوره..

رورو الشخبوطه said...

هلا جست..

اي من زمان يوصلون خبري فيه ايبون الطلب لبيت يدتي مشي خخ..

بس مادري اذا يوصلون لكل مكان او الفيحا بس..

العفو ولوو..

ماجربت اللحم بجربها ان شاءالله..

الله يعافيج يارب وطعمها زين ترا ..

امين يارب ويخليلج حبايبج :)

جزاج الله خير..

مشكوووره والله يبارك فيج يارب..

رورو الشخبوطه said...

هلا مس..

اي ماشاء الله لذيذ..

الله جين كرافت يبيله عيل :)

قبل لاتعنين اتصلي تاكدي ..

وبالعافيه مقدما :)

وحياج الله..

رورو الشخبوطه said...

هلا ام مودو..

الله يعافيج يارب..

امين..

جزاج الله خير..

مو بس انا لي ذكريات فيه :)

واشوه حصلتوه ..

بالعافيه عليكم ..

اي هذي بطاط اللي اطلبها :)

ومشكوره..

رورو الشخبوطه said...

هلا خاتون..

حسبشهوة العافيه يارب..

ان شاءالله خخخ..

وي الله يعينج حاسه فيج بعوار الضروس قبل فتره شلت 3 :\
الله يعافيج ويسلمج يارب..
والمهم يعجبج :)

اجمعين يارب..

مشكوره..

رورو الشخبوطه said...

خاتون اقين اهلين اهلين..

يعني قصيده خخخ..

الشويخ؟؟

والله مادري ماعمري جربته..

رورو الشخبوطه said...

امين يارب..

جزاج الله خير خاتون..

Crazy Girl in aGood Way said...

ياحياتي ماتقصرين

اي ماكو فطاير .. ذقت مرة من عند الاتراك الله لايوريج الله يديم النعمه

رجعت حطيت خبز لبناني وزيت وزعتر لوووووول

رورو الشخبوطه said...

ولكم باك كريزي..

وي ماكو الا تتعلمين تسوينها عيل طبعا اذا لج خلق ..

Made n Q8 said...

الله يرحمها ان شاء الله

وفطاير الفيحا جني مجربتهم امبييه الذاكره كل مالها وبانعدام

رورو الشخبوطه said...

هلا مدمد..

امين يارب..

جزاج الله خير..

لو وي عادي الحال من بعضه اذا مره شي طبيعي انج تنسين :)

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads