Thursday, June 10, 2010
السلام عليكم..



في كلمه تقرقع بقلبي لازم اقولها ولا ارتكب جريمه :p

كلنا نعرف ان حرية الراي مكفوله << هذا بالدستور.. والاختلاف بالراي لايفسد للود قضيه >> هذا بالعقل ..

وانه النقد الهدام لمجرد الحره والواهي يعلكم بهالحاله واردى خخخ مو حلو :p>>هذا بالمنطق

و كلش ماتوقعت في يوم من الايام انه احد يدش بلوقي ويتنرفز ويعصب ويوصل الامر انه يسبني و يتطنز لمجرد انه عرضت تجربتي معاهم بكل مصداقيه وصراحه..

اهما الظاهر حسبالهم كل البلوقات تعرض لمشاريع ويطيرونهم للسما ويدهنون سيرهم بس عشان الهدايا >> وسيط البلوقات..

ونظامكم ياتمدحوني يااسفل فيكم >> اوكي طوفنا او بمعنى اخر قدرنا نجعمكم بالبلوق بس ما يوصل الموضوع الى انه تمسكون رفيجتي وتسفلون فيها لانها بس رفيجتي :\

مصيبه عقب 3 اسابيع مانسيتوا السالفه !! اللي اساسا ماتسوى هالبلبله ..

رفيجتي قالت لاتكتبين شي اخاف يرفعون عليج قضيه قلت لها بل حشى بغطي ع الجاسم عاد ماوصيكم طلعوني او كتبوا عن ببلوقاتكم خخخ..

وبعدين انا خابره انه الممنوعات واهي بالاعلام ومايعتبر البلوق من ضمنها (عدم المساس بالذات الالهيه ولا بالرسول عليه الصلاة والسلام تنكسر ايدي وينقص اللساني اذا سويتها ولا بحاكم البلاد مع اني امون صح بابا صباح اتغشمر خخ)

والاهم عن نفسي وعن ضميري مرتاحه انا ماقلت شي غلط ولا غلطت عليهم بس استغربت منهم فلازم افزفز..



44 comments:

عين بغزي said...

تكلمي تكلمي :))

و اذا احد كلمج قولي لهم مثل ما قالت هند رستم بلاش لماظة :)))

هههاهاهاييي

Lotus said...

الصراحة راحه
..
وياجبل ما يهزك ريح

؛)

~أم حرّوبي~ said...

هيه ذكرت هذيج اللي دخلت بلوقج وتمت تقول كلام ماله داعي >>زين سويتي فيها

واللي يقولج كلام يغث غثيه ..خو هم اللي تهجموا عليج بالبداية والبادي أظلم ..

زين اذا ما عايبنهم البلوق لا تدخلونه ولا تردون عليه ولا بس فالحين للمشاكل ذولي ..يقهرون

خليهم يولون ..ماعليج منهم رورو..ودام انج تاخذين حقج محد لازم يعارض ..

ebtsamh said...

الكلام يريح الانسان .. حيلج فيهم :)

AM.SA.CHANNEL said...

لول و الله تافهيييين، أويه ماشفت الموضووع إنتي نزلتي شي يعني ..

حبيبتي ما عليج منهم..

و كل ما قالوولج شي قووليلهم " القافلة تسير و الكلاب تنبح " لوول بيمووتتووون غصه ..

أويه تحمست وينهم أباهم يردوون هني .. بستوي محاميتج الشخصية خخخخخ ..

شاي الضحى said...

صارلهم جم يوم غاثينج

يولووووووووووون

مو من زين شغلهم

يعني لازم تمدحينهم عشان يستانسون

وبعدين انتي كتبتي رايج ولا ذميتيهم عشان يشرشحون برفيجتج

بس والله لو انا من رفيجتج ويقولون لي الي قالوه والله اعفس عليهم الدنيا

مالت عليهم

لا ويايه الناطقه الرسميه باسمهم ولسانها شطوله

لو شنو ما افكر اروح لهم

اذا جذي اسلوبهم اكيد معامتهم زفت

قلم ومسّاحة said...

البلوق مو بلوقج؟
التجربة مو انتي جربتها؟
ماعجبتج؟ خلاص يطقون راسهم بالطوفة
كيفهم! تكلمي وماعليج من أحد..
العالم ألحين تموت ع النفاق

خاتون said...

شصاير ؟؟؟
بس اذا على نظام تمسح جوخ و اهانة النفس محد يرضاها و طول عمره كلام الصج يعور
و لا يهمج دامج تقولين الحق غردي
و اللي يبي يتهاوش يروح مجلس الأمة و الا يدخل الملعب و بنهاية المبارة يحصل المقسوم

و عسى الواهي بقلب الظالم و اسم الله على قلبج لا تحرقين اعصابج عشان احد
^_^keep going

blogger q8ia said...

يا حيااتي ما تعوريش دماغك p:
انا لو منج ارد انزل البلوق لعانة بس
يه غير سالفة والله خل يستريحوووون بس
وزين تسوين لان البلوق في ناس تقرى وممكن انا اخذ بكلامج واجرب اللي جربتيه على مدحج سو هذي مسؤولية مو اي كلام

ميمة السبيت said...

** هدي هدي بوعلي شفيج

" أحسن دوا للي يحاول يستفزك .. تحقره "

AM.SA.CHANNEL said...

إذا ممكن اعرف أي موضووع هو أبا أشووف الرد

كوكتيل said...

مساء الخيرات :)
أنا جم مرة قلت لج الحقران أحسن حل وإنت ما حقرتي

كفيتي ووفيتي

فلا تنرفزين نفسك على شيء ما يسوى


اللي يغلط أهو اللي يقلل من قيمة نفسه عادي

وكما قال الإما م الشافعي

يخاطبني السفسة بكل قبح فأكره أن أكون له مجيبا ...

يزيد سفاهتا وأزيد حلما كعود زاده الإحراق طيبا ...


عادي سويتي أهما اللي إحترو وإنبط جبدهم فلا تحرين عمرك :)

دمتي بصحة وعافية :)

رورو الشخبوطه said...

هلا اخوي عين ..

خخ مع اني مافهمت شنو لماظه ..

بس محد يقدر يسكتني لانه ماقلت شي غلط..

وحياك الله..

رورو الشخبوطه said...

هلا لوتس..

صاجه ..

مرسو :)

وحياج الله..

رورو الشخبوطه said...

هلا ام حرب رب..

شفتيها !!

صح اللي مايحشم نفسه ماحشمه ومن طق الباب سمع الجواب..

لا معطبين ليش ذميتهم غصب طيب نمدح..

اي الحمدالله :)

ومشكوووره :*

رورو الشخبوطه said...

هلا ابتسامه..

خخ السالفه مو ثار اهي بس توضيح وع قولتهم نحط نقط ع الحروف..

وحياج الرحمن..

رورو الشخبوطه said...

هلا شانيل..

اي من زمان مو توه بس السالفه للحين حارتهم خخخ..

وجنه انتي معلقه ع الموضوع اللي حرهم ..

خخ اهو مو هوشه اهما معصبين يقولون انا طاب فيهم :\ ومن حره مو عارفين شيسون خخخ..

اوكي زين صار عندي محاميه اخاف يصير الموضوع مشكله عالميه الا انتي موجوده مرسو :)

رورو الشخبوطه said...

هلا جايونه ..

خخخ اي طاف من امه ..

اي مايعرفون هالشي مادري شلون قايلين :\

اي اهي خيخه لو انا منها ماكمل اطلع بس اهي اللي عطتهم مجال يتمادون عليها ..

ولو فيهم خير مايستقون عندي يروحون يشفون خياسهم اللي يندز بالايميلات اول ماخلصت من البوست ياللي ايميل قوي عنهم مو يخليج ماتروحين لهم مايخلينا نمر يم محلهم بعد :\

وحياج الله..

رورو الشخبوطه said...

هلا اخوي قلم..

اي بتكلم مو اهما اللي يسكتوني ..

انا مو مسويته ببلاش ولا صدقه منهم ..

وحتى لو جذي بقول الصج :)

و بالضبط محد ودرنا ورادنا ورا غير النفاق..

وحياك الله..

رورو الشخبوطه said...

هلا خاتون..

ولا شي موضوع عادي اتوقع شفتيه مثل باجي مواضيعي رحت مكان جربت شغله عرضتها و قلت رايي بصراحه بدون لا امسهم لا اجرح فيهم ..

اتفجأ عقب جم يوم برد اسلوب حشاج زفت قلت يمكن وحده محتره بس انا ماسويت شي لها ولا ضريتها الحمدالله وكلش ماتوقعت انه اهما عقب اكدلي هالشي لما رفيجتي مرتهم ..

وخخ اذا مالقى احد يقط نفسه من الدريشه او يرقع راسه بالطوفه :)
امين ..

مشكوووره :*

رورو الشخبوطه said...

هلا بلوقر..

خخ لامو كفو لانه في بنات عجبتهم النتيجه :)

اي صاجه وبعدين انا ماقالت شي غلط ولا ذميتهم ..

بس في ناس تحب تنمدح غصب طيب..

ومشكوره..

رورو الشخبوطه said...

هلا ميمه..

خخ مو معصبه :)

وبوعلي حرام عليج جرحتي انوثتي..

هالشغله مع الناس السنعه في ناس لي حقرتيها تمادى فلازم تقوفينها عند حدها ..

ومرسو :)

رورو الشخبوطه said...

ولكم باك شانيل..

مابي اعطيهم اكبر من قدرهم بس بجيك ببلوقج اذا حاطه ايميلج ادز لج ..

وحياج الله..

رورو الشخبوطه said...

هلا كوكو سوسو :)

مساء الليرات ..

وانا جم مره قلت لج انه الحقران ماينفع مع كل الناس :) في ناس حسبالها الحقران سكوت وضعف فتتمادى والدليل دوامنا المبجل :) الا اقول الحقيقه خخخ..

لا مو متنرفزه بس لازم نحط النقاط ع الحروف ..

اي لانه ماحشم نفس فمحد بيحشمه ..

ولازم نترفع عن هالاشكال بس من طق الباب يسمع الجواب :)


مو محتره يولون اكبر همي وعساهم بهالحاله واردى فيهم خير يقضبون اللي يدزون عنهم ايميلات قويه مو يستقون علي انا ماقالت شي غلط ..

وياج يارب ..

شكرا سويتي :*

نمووول said...

شصاير ؟ @@

اذا صارت (طاخ وطيخ) دقي علي وانا اوريج فيهم (نفزع لج يعني) ..

اعتقد ما يستاهلون هالوضوع
بس عسى طاب خاطرج ؟

مساء الخير ,,

رورو الشخبوطه said...

هلا اخوي نمول..

ابد سلامتك موجة صدمات غريبه حاشتني وراحت الحمدالله..
(السالفه اذا مو واضحه بالبوست قلتها لخاتون)

خخ لا ماتوصل لهدرجة ان شاءالله ..

اهما مايستاهلون بس لازم اطلع مايختلج بنفسي ..

اي الحمدالله :)

مساء النور..

حياك الله..

نهــــــــــار said...

الله يعينج.....
المهم إنج مرتاحه مع نفسج..

AM.SA.CHANNEL said...

أوكي ..

hoza3 said...

احسن حاجة وعن تجربة ولله
الطنـــــــــــااااااااااش
يابنتى طنش تعش تنتعش (^^)

ri7ana said...

صج مادري شسالفه
بس لاتعطين ناس اكبر من حجمها ولاتخلين احد محور حياتج لو دقيقه
خصوصا ناس ماتستحق الحشيمه
:)

Nn said...

بالعكس أنا معاج انج لازم تردين مو تطنشين لأن عبالهم ضعف 
وأوجه رساله للأشخاص اللي يدشون يغلطون ويسبون ومافي أقوي من حديث الرسول صلي الله عليه وسلم "ليس المؤمن بالطعان، ولا اللعان، ولا الفاحش، ولا البذيء".

daloo3a said...

إذا نطق السفيه فلاا تجبه فخير من جوابه السكوت

يعني طااااااااف و الدنيا حلللللللللللوه

رورو الشخبوطه said...

هلا نهار..

اي الحمدالله ..

ومشكوره :)

رورو الشخبوطه said...

شانيل جيكت ببلوقج مو حاطه ايميلج :\

وحياج الله..

رورو الشخبوطه said...

هلا هوزا ..

جربتها مانفعت حسيالهم خايفه ..

ومرسي :)

رورو الشخبوطه said...

هلا ريحانه..

السالفه وضحتها بردي لخاتون ..

اي مو كفو حشيمه ولا كفو انه تحقرينها مال تعطينه اللي مايسرها ويقهرها بزود خخخ..

مشكوره..

رورو الشخبوطه said...

هلا ن ن ..

اي والله حقرنا وكبرنا راسنا وقصرنا الشر وانه احنا الاحسن طلع حسبالهم احنا رديين ونخاف واحنا الغلطانين بعد ..

مشكوره اخيتي..

رورو الشخبوطه said...

هلا دلوعه ..

الطاف والتنطيش والحقران حسبالهم جبن وضعف ..

واهما ماحشموا عمرهم محد بيحشمهم ..

ومرسوو..

يابختي said...

لحظة لحظة..

منو اللي مضايقج..خل اطب ببطنه

صج اني ماادري شنو الموضوع..من زمان مو فارة بعالم البلوق..بس صج صج تنرفزت..محد يسكت احد..طالما ما تجاوزتي الحدود لج الحرية برايج

go ahead roro

رورو الشخبوطه said...

هلا بخ بخ ..

مش مصدقه عينيه خخ..

لحظه خل افركهم ..

عقب اقولج عنه برساله بالمنتدى ان شاءالله ..

اي بتكلم طول ما انا معاي حقو ماغلطت بحد محد له حق يسكتني..

ولا لا توصخين ريولج :p

مرسو خيتو ..

swera said...

allaaaaaaaaaaah yalet a6eeee7 3alehm washarshe7hom eb my blog! a7eb el ethara wetashweeq weta7addi LOL :))

ma3alech wana swera om elfal! ketbay wana warach lech sanad :*

meenakon said...

ما عاش من يعصبج خيتوو

انتي اولا ما غلطتي ..

ثانيا قلتي رايج .. وهذي ديموقراطيتنا انج تقولين رايج ومحد يحاسبج

وانا ماا ادري حاطة موضوع في بالي بس ما ادري اذا اهو ولا لا ..

بس صج ما يستحون والله ..

واخذيها قاعدة الحقران يقطع المصران

فحقري ولا تعطين للموضوع اهمية ..


والله يعيينج على هالاشكار

رورو الشخبوطه said...

هلا سويره ..

خخخ انا بهالسوالف مااحبها خخ

بعد عمري مرسي ..

رورو الشخبوطه said...

هلا من اكون ..

نرسي بس مو معصبه :)

اي هذا اهو وحتى لو غلطت في شي اسمه اسلوب والله لو مكلميني باسلوب جان سويت اللي يبون مدام اهما شايفيني غلطانه ..

ساسريني بالمسن اهو اي واحد :)

اي والله ..
اهو المصيبه في ناس تعد الحقران ضعف ..

ولا يبلاج فيها يارب..

مشكوره اخيتي..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads