Tuesday, June 22, 2010




اسم الكتاب : ارزاق







نوعه: رواية اجتماعية طويلة






المؤلف : د.نبيل فاروق






عدد الصفحات: مكونه من 3 اجزاء : الجزء الاول يحتوي على صفحة تقريبا 300 و36


اما الثاني 320


والثالث 404


تقريبا 1056 ص..






مكان الشراء : الظمني للنشر والتوزيع






السعر: بوقت الخصومات حوالي 1.200 اما السعر الاصلي 3 كل جزء دينار ..






الاغلفة والنبذه الخلفيه :









 

















 
مكان الحدث: مصر وتحديد سراي البنهاوي في القريه بالاضافه الى القاهرة وطنطا وفرنسا واسرائيل .






زمن الحدث : قبل وبعد الثروه مرورا بالنكسة ومابعدها ..






الشخصيات الاساسيه :






الحاج محمد البنهاوي ولديه من الابناء 3 اولاد ذكور و5 بنات :






1- نعيمة:


2- توحيدة


3- زينب


4- حسين


5- شريفة


6- حافظ


7- ناهد


8- مفيد






بالاضافة لشخصيات اخرى :






كأزواج البنات : عبد الحكيم وامجد وعمر وفؤاد وماهر..


و فاطمة والاميره عايدة وجيهان وسوسن و مديحه .


والعسكر :ابراهيم مكي ومراد بيك وصلاح و ...الخ ..






تعليقي :


تبدأ الرواية بزواج الحاج البنهاوي و انجابه لابنائه وزيادة ماله مع كل طفل . ثم تنقلنا الاحداث الى الثورة ونتائجها وتحديد الملكية من الأراضي و ازالة القاب كباش وامير والخ أي انهاء العهد الملكي وبداية عهد جديد , فتاخذ الرواية منحنى يغالب عليه الطابع السياسي بالاضافه لعسكرية والعمل في منظمة كل شخص يرغب في الوصل للقمة واطاحة الاخر حتى لو كان من اقرب المقربين اليه ،و هي باختصار تعبير لما تمثله السلطة والنفوذ والنقود والاملاك عندما تتوفر بيد شخص واحد .






فتظهر بالرواية العدي من الشخصيات البارزه سواء بالاشاره او الاسترسال كالسادات وجمال عبدالناصر ..






رايي :






ما يعيب الرواية هي طوالها فالجدير بالذكر انها لم تنتهي بل هناك جزء رابع لها حسب علمي انه لم يتوفر بالاسواق بعد ، وهذاالشي كان صدمة بالنسبه لي :\ (ماحب احد يعلقني يعني اقرا 1000 صفحة ولا اعرف النهايه هزلت بصراحة)..


مصدر الصور منتدىات ليلاس

28 comments:

Engineer A said...

تصدقين وايد يمدحون كتب وروايات د. نبيل فاروق بس مع الأسف ماحصلت لي فرصة أقرأ له شي ومادري بصراحة شنو أحلى شي له ابتدي فيه؟

وأوافقج الرأي صعبه على القارئ يقرأ العديد من الصفحات التي تجاوزت الألف وأخر شي ما يعرف النهاية! قمة الاحباط!

عموماً يعطيج العافية وعلى طاري مكتبة الظمني ما سكروا؟ للحين مبطلين؟

قلم ومسّاحة said...

عندي بعض روايات نبيل فاروق. اما هالرواية ما قريتها وتوني أدري منج عنها. بس شدعوة 4 أجزاء! شي يملل الصراحة وخاصة هالنوعية من الروايات يقدر الكاتب يبتكر فيها ويطول فيها لأنه ممكن يدخل بتفاصيل دقيقة بس إنه يوصل لأربع أجزاء مو حلوة!

"قلب الليل " حق نجيب محفوظ قريتها ب 2005 ولما قريت الريفيو مال هالرواية تذكرت " قلب الليل " لأن تقريبًا نفس الشس..

وعادي وايد نقرا أشياء وننصدم فيها تالي، ف شتسوين لازم تختمين اللي قريتيه حتى لو انبطت جبدج منه

يعطيك العافية

مبدعه said...

طويله مررره صفحاتها بس شكله تستاهل القراءه
يعطيك العافيه

Zabo0o6a said...

وين صايرة مكتبة الظمني؟
انا قارية اول جزئين بس من زمان

أحمد الحيدر said...

قلة من يقرؤون للدكتور نبيل فاروق للكويت ..

أقولها اعتمادا على عدد الزبائن الذين يقتنون كتبه في معرض الكويت للكتاب .. مقارنة بعددهم في عمان وأبو ظبي مثلا ..

وهذا لا يقلل من شأنه ككاتب كبير ومهم ..

تحياتي .. وتقديري

ماميتا said...

مرحبا شخبوطه من زمان عن مدونتك مبروك اللوك الجديد حبيبتي...بالنسبه للروايات الاجزاء انا مااحبها مثلها مثل المسلسلات الاجزاء...احب الروايه تنتهي من اول جزء ...احسها تمصخ ؟؟؟

خاتون said...

واي عاد في وحدة تطفرني اسمها ارزاق و بما انج ما شجعتينا عليها و انا دايما ااجل الروايات و كل اللي عندي ما قريتهم فاذا ما نقراها و نهديها حق ناس نبي نطفرهم
ههههههههههههه
تسلمين
و على فكرة اليوم الصبح تريقت عند معجانات الفيحة و يعطيج ألف ستين عافية على النصيحة و كانت لذيذة قلت انا ذوق رورو ما يمسج الأرض
كانت فعلا يمي و إذا زاد وزني فأنتي السبب خخخخخخ و مشكورة غراسيس مغسي تشي تشي سلامت بكو
*_^

رنداالجنوبيه said...

ماحصل لي الشرف اقرئها انا احب الراويات الطويله الله يعطيك العافيه رورومشكوره ياعسولة

حقوقي said...

شخباري د.نبيل فاروق للحين يكتب؟!
خبري فيه برجل المستحيل لووول

Made n Q8 said...

دام ان فيها شريفه اكيد حلوة :P

قراءة ممتعه

Sami said...

مبروك الحله الجديده

AM.SA.CHANNEL said...

أويييه يالغصة توقعت إلها نهاية .. أنا ما أحب جي أقرا و آخر شي أتريا الجزء أنقهر الحين عندي قصتين جذي
وحده من كثر الأجزاء حتى مليت و ما الجزء ما ينزل بسرعة و الثانية لين الحين مانزل الجزء ..و سنة كملت و أنا أتريا

*Being One said...

بييه وايد وايد شدعوه 3 اجزاء و اكو رابعه و الله كنت افكر اقراها بس لما قلتي هالشي مستحيل اقرب صوبها :P
شكررا

رورو الشخبوطه said...

هلا انجو..

اهو له وايد كتب واغلبها سلاسل روايات جيب مثل الرجل المستحيل عن المخابرات وهالطقه ماحبيت اقراه و عنده سلسلة زهور كتب مجموعه فيها واهي رومانسيه راقيه قريت جم شغله منهم ونزلتهم هني ..

وهذي المره قريت له من سلسلة كوكتيل هالمجموعه ..

وهو تخصصه اكثر عن الجاسوسيه والمخابرات والخيال العلمي ..

http://ar.wikipedia.org/wiki/%D9%86%D8%A8%D9%8A%D9%84_%D9%81%D8%A7%D8%B1%D9%88%D9%82#.D9.82.D8.B5.D8.B5.D9.87

هالشغلات ماتستهويني :\

اي وايد احباط بهالوقت اقرا 3 كتب غيرها واستفيد :\

الله يعافيج يارب..

في ناس يقولون للحين موجوده بس ماقاموا يوصلون ..

وحياج الله..

رورو الشخبوطه said...

هلا اخوي قلم ..

انا لاحظت بكتاباته وايد ياخذ راحته :\

وهالروايه ماتحصلها باي مكان نفس اصدارات الدايموند..

اي حده مو حلو لا ولطعنا تقريبا 10 سنين من نزل اخر جزء اللي اهو ال3 ع ابو بينزل الرابع مع المسلسل بس صارت مشاكل :\ والحين مايندرا ..

اي اهي مو شي سبشل لا وايد احداث موجوده بمسلسلات او روايات 2..

اي هذا اهو عساس اعرف المجريات لانه ولا واحد عرفت نهايته حتى اللي فنقشوا فيها ردوا خخخ..

والله يعافيك يارب..

حياك الله..

رورو الشخبوطه said...

هلا مبدعه..

تستاهل بحالة انه انتهت مو في جزء معلق من سنين اهي اهي..

الله يعافيج يارب..

حياج الله..

رورو الشخبوطه said...

هلا زبوطة..

بالمنقف ..

بس مادري اذا للحين موجوده او سكرت اللي سمعته انه قفت توصيل للمنازل..

هذا رقمهم تاكدي منهم اذا حابه ..

23727899-23719072..

رورو الشخبوطه said...

هلا اخوي احمد..

قصدك لما صار مع الدايموند ولا عموما..

لانه اشهر شي له اصداراته القديمه اللي اهي السلسل وخصوصا رجل المستحيل..

وحياك الله..

رورو الشخبوطه said...

اهلين ماميتا..

عاش من شافج :)

الله يبارك فيج يارب..

اي بالضبط وخاصة اذا كانت تنزل عقب سنين ..

يمدينا نسينا الاحداث والشخصيات :\

وحياج الله..

رورو الشخبوطه said...

هلا خاتون..

لا خخخ حرام عليج ..


الله يسلمج ويعافيج يارب..

صج وناسه بالعافيه عليج يارب..

لا روحيله ماشي وماتمتنين خخخ..

دوغيا العفوات ولو حياج الله..

رورو الشخبوطه said...

هلا رندا..

انا ماحب اللي تتجاوز 300 صفحة ..

الله يعافيج يارب..

والعفو ولو..

حياج الله..

رورو الشخبوطه said...

هلا اخوي حقوقي..

اي لازال خخخ..

عاد توه قبل سنه او سنتين ختم هالسلسله ..

وحياك الله..

رورو الشخبوطه said...

هلا مدمد..

اي وعليه تكسر الخاطر..

مشكوره :)

رورو الشخبوطه said...

هلا اخوي سامي..

الله يبارك فيك يارب..

مشكور..

رورو الشخبوطه said...

هلا شانيل..

اي اوف ملاغه..

خصوصا هذي الجزء الرابع بيصيرله سنين مانزل :\

وحياج الله..

رورو الشخبوطه said...

هلا بينغ..

اي موسوعه مو قصه خخخ..

ماتنلامين :)

والعفو ولو ..

حياج الله..

مستر بولو said...

بييييييه والله ذكرتيني بأيام قبل

من احلى الروايات الي قريتها بصراحة

وكان يعيبها مثل ماذكرتي طول الرواية


يعطيج العافية

رورو الشخبوطه said...

هلا اخوي مستر بولو..

والجزء الرابع بعده مانزل :\


الله يعافيك يارب..

حياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads