Thursday, June 24, 2010


السلام عليكم ..

اكثر شي يعل قلبي بسالفة صبغ اظافر شلون بوخره مع انه شي سهل بس مادري ليش استثقله :\

من الانواع التقليديه اللي جربته الايستون ..

مثل مال الجمعيه ..

وهذا من رد ارث وكان زين..



من سالي هانسن اقل من عادي الى فاشل..

بس حاليا افضل هالنوعيه ..

اول تجربة لي كانت هذا واهو من بوتس ..


ولما خلص كنت باخذ مثله بس مالقيت الا هالنوع وخذيته حبيت الاول اكثر..

وهذا كنت احوس بجمعية كيفان وحصلته وفي ع انواع فواكهة 2 اذا ماخب ظني..

بالنسبه لي في وايد مميزات :

1- ريحته حلوه ماتبط الراس مثل الايستون..

2- استخدامه سهله وايد عملي مو عبالة القطن وحطي استون لا ورقه خفيفه تفي بالغرض..

3- حجمه صغير ينفع للجنطه والاهم موسائل فماتحاتين يتبطل بالجنطه او ينكت ويدمر اغراضج ويتلفهم :\

4- سعره مثل سعر الايستون وارخص بعد يعني الاول ب800 فلس جنه وال2 بدينار وال3 ب550 ..

5- والاهم يشيل عدل ويوخر اصعب البقع :)وعقب ماتمسحين الصبغ تحسين انه ع اصابعج نفس زيت يرطبهم بس مو دبغ عادي..

هذي الانواع اللي انا افضله انتن شنو تفضلون؟؟


24 comments:

swera said...

ana a7eb el pads 7adhm sahleen o sare3eeeen :)

~أم حرّوبي~ said...

ذكرتيني صج عباله لين يروح الصبغ من الاظافر ..انا جربت واحد من محل اسمه the face shop
وايد حلو ويروح الصبغ بسرعة
وآخر مرة لانه وايد مدحوا الاسيتون اللي فتايلاند فاختي لما راحت تايلاند شرت كم علبة منه وهم حلوين ويروحون بسرعة بس اللي بفيس شوب احلى

مسا الخير ^^

Anonymous said...

لووول رورو والله قبل جم يوم قايله بسألج عن هالاسيتون الي ماينكت

ونسيت

اشوه عرفت الاجابه

شكرا جزيلا


شاي الضحى

daloo3a said...

اللي يزييل اصعب البقع
تايد خخخخخخخخ

صدقها ام حروبي من ذا فيس شوب حلووو

خاتون said...

أكره شي بالصبغ الأظافر شيلته لأنه كل شوي تعالي شيلي و ريحة الأسيتون و يحرق الأصابع و شكله أختراع مفيد
مغسي بكووو *_^

ميمة السبيت said...

** ليش الاستون بالجنطة ؟

Princess Sara said...

انا استخدم مال بوتس
السائل بس شكلي بجرب اللي انتي شاريته من بوتس :)

ميرسي :)

Engineer A said...

ما اصبغ اظافري وايد بس مره جربت البادز من بوتس وحبيتهم :)

رورو الشخبوطه said...

هلا سويره..

عيل مثلي :)

ومرسي..

رورو الشخبوطه said...

هلا ام حروبي..

وين صاير ذا فيس موجود بدبي؟

مساء النور والسرور:)

مشكوره..

رورو الشخبوطه said...

هلا جايونه..

اي الحاسه السادسه اشتغلت كنت بنزل هالبوست من زمان بس لهيت :\

والعفو ولو..

حياج الله..

رورو الشخبوطه said...

هلا دلوعه..

بس ماينفع للصبغ الاظافر :\ خخخ..

جان زين احصله بدبي عيل دشيت سايتهم اغراضهم تشوق ماشاءالله :)

ومرسو..

رورو الشخبوطه said...

هلا خاتون..

اي وايد مريح وانظف وماكو ريحة ..

دوغيا :)

حياج الله..

رورو الشخبوطه said...

هلا ميمه..

وايد اسباب سفر -دوام الخ :)

حياج الله..

رورو الشخبوطه said...

هلا برنسس..

اي جربيه وايد اريح..

دوغيا :)

حياج الله..

رورو الشخبوطه said...

هلا انجو..

اي وايد مريحين..

وحياج الله..

~أم حرّوبي~ said...

مادري اذا فيه بدبي ..في اللي رحتله كان
في احد مولات العين ماذكر اي واحد
بس اكيد ششي بدبي ..عندهم اشيا ومنتات حلوه حق الويه والايد والريول ومساكات وهالشغلات
ومعظمها طبيعية ^^
http://www.thefaceshopen.com/

Hopeless Sight said...

أحلى شي و أسهل شي اللي ذكرتيهم هذول لأن صج قبل كنت أستعمل السائل مع القطنة و حده عباله ويع و تعب !
يعطيج العافية على مشاركتنا:)

Ms Botamba said...

انا استعمل مال الجمعيه
بطله طويل :p

Made n Q8 said...

انا الي كنت استخدمه ومرتاحه عليه انقطع من السوق كالعاده خو من اهب بشي ينقطع

اهوا شفاف والاسيتون داخله ياي على مخوضر شوي

رورو الشخبوطه said...

هلا ام حروبي ..

وناسه ..

سويت سيرج يمدحونه ويمدحون اسعاره ان شاءالله احصله بدبي يقولون موجود بالامارات مول ..

ومشكوره :*

رورو الشخبوطه said...

هلا هوبيلس..

وريحة بعد :\

الله يعافيج يارب..

مشكوره..

رورو الشخبوطه said...

هلا مس..

اي انا مره جربت واحد والظاهر كان قديم ومنتهيه صلاحيته لانه من قرن عند اختي خون فيني ومامسح الصبغ :\

ومرسي..

رورو الشخبوطه said...

هلا مدمد..

جربي البادز احلى واريح من اي اسيتون :)

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads