Friday, June 11, 2010
السلام عليكم ..
توني مخلصه هالكتاب فقلت اقولكم عنه :)
اسم الكتاب : اول مكرر
تأليف: هيثم دبور
نوعه :كتاب تعليمي ساخر
عدد الصفحات :141
اللغة المستخدمة:العربية مع بعض العبارات المستخدمه باللهجة العامية المصرية..
مكان الشراء: معرض الكتاب من دار الشروق..

السعر : ماذكره ؟؟ بس رخيص ..
*النبذة الموجودة في الغلاف الخلفي:

رايي + تعليقي :
امم كاخر الكتب الساخره المصرية التي قراتها موخرا سيكون الكتاب امتع ومسلي ومضحك اكثر لمصريين بمصر منا وكذلك اكثر من الجاليات المصريه الموجوده خارج مصر , ولعل اكثر مااعجبني بالكتاب هو طريقة عرض الفصول بهيئة يوم درسي مقسم كل فصل كحصة لمادة معينه (كالعربي -الفيزياء- لاحياء -الكمياء-الاقتصاد - التاريخ .. الخ ) والاهم انه لم ينسى الفرصة "الفسحة" كم يتضمن الكتاب فصل مخصص لامتحانات السنوات السابقه << مما يعني اضافة طابع التعليم بشكل حقيقي لكن كوميدي ليس تراجيدي كالواقع :)
قطوفه صغيره من الكتاب اعجبتي لواقعيتها :)
من الحصة التاسعه وتحديدا بالمقال المتعلق باوجه الشبه والاختلاف بين المدرسة وسوبر الماركت :
-الزبون يستطيع الدفع نقدا او بالكروت الرقمية ,بينما يدفع الطالب ثمن سلعته من صحته وعينه وعافيته << اي والله خخخ
وكذلك اعجبتني طريقة الاعلان والدعاية للكتاب باستخدام الوسائل المتاحة بالانترنت:

20 comments:

Anonymous said...

مساءالورد

آلكتآب شكله مشوق و الإسم غريب.
آممم تهقين ألقاه بجرير؟
و الله ودي أمر عليهآ اليوم..

أرق التحية

Anonymous said...

شكله حلو وممتع مره .. ان شاء الله ابحث عنه .. ومختلف عن حصص الدراسه الكئيبه الممله..

تمنياتي لكي بالتوفيق والسعاده رورو

ebtsamh said...

أعرف الكاتب .. اهو صغير بالسن وكان

كاتب زاوية وله مقالات اسبوعية يمكن

طول 3 سنوات .. فعلا مع اني ما قريت

كتابه الا انه قال انه ساخر ..

تلخيص جميل وقواج الله ..

كوكتيل said...

صباح الخيرات :)

رورو أنا معاك خاصا التعليم و الأمور الخاصة بس بببلد معين أنا أحب أقرأ العاميات والأمور اللي موجوده بكل مجتمع :)

ويعطيك العافية :)

خاتون said...

شكله الكتاب يستحق القراءة من الورقة اللي عرضتيها و الستايل يعيشي الوضع والعبارات خطيرة لا قبلها و لا بعدها
مشكورة مراسلتنا المبدعة
^_^

hoza said...

خلاص الكتاب سار فى لستة الكتب الجارى قراتها
حمستيتى ياعسل (^^)
thx

العلم نور said...

جميل جدا أن تقتني كتب ساخرة وتتمعني فيها وأيا كان مستوى الكتاب .. فالسخرية بحد ذاتها تعتبر فن يقيس مدى ألم المجتمع ونفوره من كبت الحريات والمشاكل التي يعاني منها ولكن بطريقة قد تفرح كثيرا من أن تبكي أكثر.

Anonymous said...

هلا والله
مادري ماشدني!
أحس إنج وايد تحبين هالأمور وخاصة الروايات الي تحكي عن الشارع العام المصري.. تسلمين ع التقرير

رورو الشخبوطه said...

مساء النور..

اهو مشوق بس احس للمصريين اكثر اي راح يوضح سبب اختياره للعنوان بالفصول الاولى..

والله مادري من زمان مو رايحه جرير..

حياج الله..

رورو الشخبوطه said...

هلا راند..

اي مختلف عن الدراسه ولا جان حذفته من اقرب دريشه خخخ..

اجمعين يارب..

مشكوره..

رورو الشخبوطه said...

هلا ابتسامه..

اي اتوقع من طقتنا او اكبر شويه ..

صح اهو صحفي وجنه معد بعد وعنده دواووين شعر..

مشكوره :)

والله يقويج..

رورو الشخبوطه said...

هلا كوكتيل..

صباح الليرات..

اي بتكون احلى واشمل بس لازم يكون الشخص مجربها عساس تكون واقعيه اكثر بس في شغلات مذكوره بالكتاب تنفع للاغلب..

يعافيج يارب..

مشكوره..

رورو الشخبوطه said...

هلا خاتون..

اي اهو ممتع وفي فكره بيوصلها..

العفو ولو :)

حياج الله..

رورو الشخبوطه said...

هلا هوزا..

وان شاءالله يعجبج ..

ولكم :)

حياج الله..

رورو الشخبوطه said...

هلا ام الخلود..

صاجه وفيها رساله تعرض بطريقه ممتعه وتبعدج عن روتين وضغط الحياة..

ومشكوره ..

رورو الشخبوطه said...

هلا اخوي مساحه..

اكييد لانه امم احسك تحب اكثر روايات الرعب والاكشن ..

لا هذي مو روايه هذا كتاب ساخر في مجموعة مقالات مواضيع مخصصه عن التعليم ..

امم وبالنسبه لمصر اي احب اقرا كتب لكتاب مصريين بس شرط مايكون عامي او يكون مخصص لهم بس اقصد مطروح لمجتمعهم بس..

وهالشي اكثر بالنسبه للروايات لانه عقب ماقريت جم كتاب ساخر حسيت انه الروايه اللي تعرض مشاكل همومه عادات مجتمع بتكون امتع لانه بتعرفك ع المجتمع الاخر بشكل اوضح ومو شرط المصري لا احب اقرا عن كل المجتمعات عساس اتعرف عليهم وع ثقافاتهم والخ ..

والكتب الساخره بالكويت قله للحين ماقريت الا لاخوي المدون والصحفي احمد الحيدر مو وايد احس يكتبون بهالمجال :\

الله يسلمك يارب..

مشكور..

Anonymous said...

هلا رورو: أنا فعليًا بديت أمسك روايات وأقرا سنة 2008 وفتحت عيوني على الرعب والجريمة والإثارة، وإذا بتشوفين درجي بيكون متروس من هالروايات.. يمكن أتخذ خطوة بعدين في إني آخذ كتب من هالنوعية الي تكون ساخرة أو نوع ثاني.. حلوة وجهة نظرج الي وضحتيها لي من شوي.. بس يمكن بالنسبة لي ما راح تشدني هالمواضيع، وان شالله ألقى إلى جانب الرعب والإثارة والغموض نوعية ثانية من الكتب >> لول أبي أوزان شوي..

@alhaidar said...

اخذته من دار الشروق أيضا في أحد معارض الكتب العربية ..


ضحكني جدا ونقلني إلى الواقع المصري مباشرة ..

وأهم شي سالفته مع الممثل هيثم دبور .. اللي انتحل اسم المؤلف :)


تحياتي .. وتقديري

رورو الشخبوطه said...

اهلين اخوي قلم ..
اها توك مبلش انا من كنت صغيربالابتدائي طبعا مجلات الاطفال والقصص اللي بمكتب هالمدرسه وبالثانوي بلش اقر نخنخ (المغامرين الخمس ) واهو الغاز بوليسيه و هم كن اقرا قصص اجماعيه وغيره بالجامعه اول سنين اقرا هم منوع وعقب من تخصصت وقفت ورديت مثلك ب2008 اقرا رعب خخ بس حاليا اقرا كل شي ..

وتوني هابه بالساخر :)

ماتحب القصص الاجتماعيه ؟؟ انا مو وايد تشدني بس قصص وليد الرجيب عجيبه ماشاءالله اذا غيرت اقراله تدري شنو ميزتهم يغيرون نفسيتك مادري شلون اقولك بس وااو ماشاءالله ولما اقراه اسكره بس عشان مابيه يخلص بسرعه ..

اي لازم تغير مو عشان شي تغير روتين و تعلم من تجارب الغير سواء الحياتيه او الادبيه :)

وحياك اخوي..

رورو الشخبوطه said...

هلا اخوي احمد..

اي خخ حلو طريقة عرضه للمواضيع بالاضافه الى اختياره قضيه جوهريه بحاجة لتسليط الضوء عليها..

حياك الله اخوي..

والطيب عند ذكره امس ذكرتك باحد الردود :)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads