Sunday, June 13, 2010
السلام عليكم ..
من زمان مانزلت لكم منتج عن العناية بقاعة الريل :)
امس خلصت هالكريم ..
اهو من sally hansen وخذيته من لولو هايبر..
بالنسبه للي ماحبيت وايد ريحته بس عادي مو واضحه بس حبيت نتيجته فرحت خذيت الكريم و السنفره من نفس المجموعه..
وهم عندي الماسك بس ماجربته وايد لانه مو عملي يبيله اقعد فتره تقريبا 10 دقايق وانا ما اعرف :\ وهم ماحسيت بنتيجة ملحوظه فماكملت فيه ..
بس يمكن اذا لي خلق ارد استخدمه مع انه من زمان عندي يمديه خاس خخخ..
تقريبا حاليا جربت كل مجموعات سالي هنسن ملوت الريل بس باجي الورديه ..

24 comments:

كوكتيل said...

صباح الخيرات

أنا أحب سالي هنسن :)

وأكيد تعرفين السبب :)

mazyona said...

هلا رورو
اي شكله المنتج يونس
مشكوره

خاتون said...

عاد أنا اهم شي عندي ريحة المنتج
في طريقة علمتني ياها أختي جنجر
اهي غطي ريولج بكريم فازلين يا الاصفر او الأزرق أو البنفسجي الغامج اليديد و لفي بعدها ريلج بنايلون عدل عشان ما يتحرك و لبسي دلاق وعيشي حياتج و بعد نص ساعة أو ذا مرتاحة قعدي أكثر فجي و فركي ريلج بالعصاية السنفرة و دهنيها و راح تصير
soo smooth
ممكن تحطين الفازلين التقليدي نتايجة أقوى
*_^

Engineer A said...

أنا مجربه واحد من قبل هم ماركة سالي هانسن بس لونه أسود وايي معاه لوشن اهو شكرب ومعاه لوشن كان وايد زين بس للأسف خلص وانا كنت شاريته من امريكا :(

عموما في ماركة ثانية اسمهل Bliss من سيفورا بس اللي بامريكا مادري اذا اهني موجود والا لا عجيبة منتجاتها كلها حلو للريل والايد جيكي اذا موجوده بسيفورا اهني والا لا وقوليلنا :)

Fishah said...

تدرين اني بالدوام ادهن رويلاتي والبس دلاغ هههههه
لاني ما ابين كله قاعده بالمكتب ماطلع :<

اذا زين ونتايحه حلوه .. بجربه مع دلاغي هههههههه

مشكوره :>

رنداالجنوبيه said...

مساء الورد للورد ..

ايه منتجاتها حلوه ومنها فايده..

الله يعطيك العافيه رورو.

~أم حرّوبي~ said...

من كثر ماتمدحين سالي هانسن فخاطري أجربه ..بس ماظن موجود عندنا :(

بالنسبة للريل أنا بس أحط كريم فازلين والبس دلاغات ..فالحمدلله ماعندي تشققات بس عندي مشكله انه بسبة الكعب اصابع ريولي تتجرح شوي ويصير مكان الجرح غامج ومو قادرة اخوزه وجربت التقشير مانفع :(
عندج فكرة شلون اتخلص منه؟؟
ويعطيج العافية عمووو^^

ri7ana said...

شنو مشكلتج مع اريولج لاحظتج وايد تهتمين بالاطراف ..
عندج حل لاثار الجروح من الكعب :(
عيزت منهم مايرووح
جربي الفازلين وجيس نايلون وايد زين للنعومه :)

Made n Q8 said...

في واحد بعد على لافندر هم زين

يعطييج العافية

رورو الشخبوطه said...

هلا كوكتيل ..

صباح الليرات..

اي اكيد خخخ ..

وحياج الله..

رورو الشخبوطه said...

اهلين مزيونه ..

اهو زين بس في احلى منه :)

العفو ولو..

حياج الله..

رورو الشخبوطه said...

هلا خاتونه ..

اي اكيد بس اهو ريحته مو يع في منتج كتبت عنه من قبل ريحته حلوه وكان من بوتس ..

مشكوره ع الطريقه بس انا ادور الاسهل خخ حدي كريمات وانام :)

وجربت الفازلين وايد حلو حتى يوحد لون الريل بس دبغ و جربت طريقة جنجر بس مع زيون ماستمريت :\

ومشكوره :)

رورو الشخبوطه said...

هلا نجو..

دوريه بالكويت او طلبيه من النت مدام حلو انا اسود ماجربت :\

اي اعرفها عندي ماسك للجسم منها واعتقد للحين مايت الكويت ومادحينها لي بس انا عندي فائض مو محتاجه الحين ..

وفي سبا يستخدم منتجاتها اذا ماخب ظني اهو اللي بالافنيوز اليديد او يبيعهم انا شفت بصوره:)

وحياج الله..

رورو الشخبوطه said...

هلا فيشه..

انا اطلع عادي بس ودي اجرب ايب قشي من الملل ع الاقل نستفيد من الدوام :\

في احل منه :)

وفي دلاغ بسيفورا توني شاريته منه وفيه الكريم :)

بس ماجربته لي جربته وضبط اقولكم عنه ان شاءالله..

العفو ولو ..

حياج الله..

رورو الشخبوطه said...

هلا رندا ..

مساء النور والسرور :)

يعافيج يارب..

مشكوره..

رورو الشخبوطه said...

هلا ام حرب رب..

لو بتدورينه اتوقع بتحصلينه احنا موجود بلولو هايبر وفي بمحلات تجهيز الصالونات وفي ناس تيبهم بضاعه و هم بمركز السلطان ..

وفي منتجات 2 حبيتهم مو منهم من بوتس ونتيجتها حلوه :)

انا هالجروح تروح بالفازلين :\

الله يعافيج يارب..

حياج الله..

رورو الشخبوطه said...

هلا ريحانه..
وايد مشاكل بسرعه تجف ومسمار لحم فلازم اضاعف الاهتما فيها :)

مو وايد البس كعب الحمدالله ماحتاجه :p بس ساعات يصير فيني هالشغله من شحاطة البت او الصندل فالحل الفازلين ماجربت غيره ومن زمان بعد :\

ما احب الدبغ ولا العباله :(

ومشكوره..

رورو الشخبوطه said...

هلا مدمد..

اي واحد شنو لونه؟؟

انا توقعته هذا لانه بنفسجي خخخ..

ويعافيج يارب..

مشكوره..

Hopeless Sight said...

يعطيج العافية
جم مرة اشوفه و اتردد اخذه .. على مدحج ان شاءالله بجربه لأن صج اقدامي تكرمين محتاجة عناية.

Crazy Girl in aGood Way said...

سالي هانسن عيزت ادوره بالمانيا

ياربي مايحبون منتجات اميريكيه ولا انجليزيه لووووول

مشكوورة ويبيله لولو هايبر اذا رجعت ان شالله

رورو الشخبوطه said...

هلا هوبيلس..

يعافيج يارب..

اذا تبين نصيحتي جربي غيره لانه في وايد احسن منه :)

وحياج الله..

Her said...

Sally Hansen has the best feet products:) 3aleach bel3afya 7abeebty

رورو الشخبوطه said...

هلا كريزي..

ولا بالنت ؟؟

وان شاءالله ..

مشكوره..

رورو الشخبوطه said...

هلا هير..

اي مجربه وايد شغلات منهم للريل وحلوين عندي احلى من شول :)

والله يعافيج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads