Monday, May 17, 2010
السلام عليكم ..
وناااااااااااااااااااااااااااااااااااااااااااااااسه واخيرا قدرت اشوف هالباباي مره 2 لانه عيزت وانا ادوره سواء بالنت بيوتيوب وقوقل والخ او بسايتات الديفيدي وماكو له اي اثر :( الا استغفرالله اغنيته موجوده باليوتيوب..
امس كنت اشوف فيلم بيوتيوب ودشيت بروفايل اللي منزله بطالع شمنزل غيره ولا القى حاط بالفيفورت هالباباي عاد كنت حدي دايخه بنام قلت اشوفه بالدوام وهذا اللي صار , بس حسافه موحاطين الا 3 حلقات ونص يعني تقريبا 6 مقاطع كل مقطع يمثل سالفة معينه (اهو الحلقه تنقسم لجزئين كل جزء قصة غير وطبعا لنفس الشخصيات) ,والشي ال2 انه مبلشين من الحلقه ال2 ع انها الاولى :(.
بس عادي العوض ولا القطيعه :)
بسولف لكم عنه عشان اللي ناسي يتذكره واللي يبيه ومايدري انه موجود يستانس و اللي مايعرفها يتعرف عليها :)
هذا صورتها بعرسها اللي تم بالحلقه الاولى ..
قصة المسلسل باختصار :
فتاة يابانيه بسيطة متزوجه وام وربة منزل يعرض المسلسل تفاصيل حياتها اليوميه مع زوجها وحماتها "خالتها"و ابنائها و ووالدها والدتها وماتمر به من مفارقات بمختلف الاصعدة سواء الاجتماعيه او الزوجيه او الامومة ,ويتميز هذا المسلسل بواقعيته وانه يناسب الكبار اكثر.

وحتى كلمات اغنية البداية مميزة :
في الحياة تسمو المعاني ** تحلو الاحلام والأماني
لكل انسان طريق ** لكل طريق معنى
إن كنت يوم أريد ** أريد أن أكون أمـــــــــاً
مرحبــــــــــــا انا آكـــــــــــو
بالحب ابني اسرتي **سعادتي أن أرى أطفالي يكبرون
حتى لو ضاع عمري حتى لو غاب قمري **سعادتي أن أرى أطفالي يكبـــــــرون

الجدير بالذكر انه المسلسل انعرض ع القناة الاولى الكويتيه بسنة 1999 امم مو ذاكرتي ذهبيه خخ هالشي انتبهت عليه لما مره شريط اعلاني (بمقطع الفيديو )يقولون انه في حلقات تقويه لرابعه ثانوي بتنعرض بشهر 5 -1999 م عاد كنت اسولف مع بنيه انه متى انعرض توقعت كنت بالثانويه او اخر المتوسط وطلع صح كنت ب3 متوسط قبل 11 سنه ..



وهذيل صورة ورعانها :)


واكتشفت لما سويت سيرج بقوقل انه المقاطع نفسها منزلينها باكثر من مكان فما ادري منو صاحبها الاصلي فبحط اول مكان شفته فيه لانه تابعته فيه فهو اضمن شي (مجربته يشتغل) هون ..



شكرا شكرا شكرا للي نزلهم وجان زين ينزلون الباجي او اللي يعرف مكان يبيعهم يقول لي :)

38 comments:

BookMark said...

تصدقين انا بعد من زمان كنت ادوره وماألقاه

وقبل جم اسبوع دشيت يوتيوب وقلت بجرب حظي حطيت اسمه وشفته موجووود

حدي استااانست :)))

بس مثل ماقلتي مو موجودة الحلقة الأولى عاد أحلى شي لوول ;(

Hopeless Sight said...

امبيييه !!
صج ذكريات. كنت وايد احبها زين ذكرتيني باسمها خل ادور اذا موجود بالعنجريزي :)

شاي الضحى said...

ما اعرفه!

اذا تبين اي باباي داثر او مسرحيه او مسلسله داثره روحي محل بالنقره الشمالي عنده كل شي تبييييييينه


كله اشتري منه

ذكرتيني ببوست كاتبته قبل اسبوعين عن الببايات نسيت انزله ههههههه

حقوقي said...

وييييه غبار لووول

مع انه كان بباي سخيف مافيه قصة
بس كنا نتابعه
الظاهر من قلت البدائل المتوفرة وقتها
لوووووول

اتوقع تحصلينه ينباع بالمحلات
او في موقع اسمه "اذكياء" او شي جذي يمكن تلاقين فيه

*Being One said...

امبييييييييييييه هذا انا ادووووووووره من زماااااان

صج صج يهبببببل هالبباي و الله ذكرياااااااات D:
صجج ونستيني لانه انا بعد كنت ادور عليه
مشكوووووره حبيبتي :**

AM.SA.CHANNEL said...

ما كنت أحب آكـــوووو كنت أشوفه ممل ههههههههه أحلى شي مارووكوووو ..

hoza3 said...

بالله زمـــــــــــــان
حتى انا كونت جالسة ادور على
مرة كانت ايام حلوة (**)
حاسة نفسى ابغا ابكى
افتكر كونت حافظة الاغنية صم (^,^)
كنت صغيرة ايامها واروح عند امى واغنيلها اريـــــد ان اكون امـــاً
هههههههه
ياليت ترجع دى الايام
شكرا ياعسل

خاتون said...

مرحبا أنا خاتون
وااااي ذكرتيني بأيام الطفولة كان ينعرض حزة الغدا حتى أمي و أبوي يتابعونه ويانا الكويت كلها كانت اتابعه كان له شعبية أمي بعد مثلج صار لها فترة تدور عليه بس ما لقته
حطي مكافئة مالية للي يلاقي لج الحلقات

Her said...

lol ayaaam... kanat omy etab3a ma3anna bs 3endy maroco a7la:p

Made n Q8 said...

عاد صج يونس هالباباي واحسه حق كبار اكثر بس فجاه قطعوه لما عرضوه بالكويت ماادري ليش

bent el deera said...

اللللللللللله عاد شكثر احب هالكارتون

مشكووووره :>

ميمة السبيت said...

** خل اشوف راجو اذا عندا اشتريهم و ادزهم لج

كوكتيل said...

رورو أنا عن نفسي ماشفته من قبل بس سمعت عنه

بس حيل شوقتيني أشوفه شكله يونس :)

يعطيك العافية :)

cheese 7cake said...

شخباااااري

قديم هالبباي شذكرج فيه؟؟؟

بس اذكر كان يطلع على القناة الاولى فتره وقطعوه لان ما يناسب الصغار بس احس استفدت منه شغلااات وايد

Hope said...

ونااااااااااااااااااسه
امبي هذا كنت احبه حدي
اذكر ان يعني اهيا مو وايد popular و ىخر شي خذت احلى صبي بالمدرسه و اللي البنات حاطين عينهم عليه
و ولدها يهبل لما يقول اريد تيخه يعني بطيخه ، و اهيا تحب البطاطا الحلوه لووووووول
ولا حلقه حديقة الحيوان اللي بعدين ما يرضون اليهال ياكلون السمج ع الغدا

اللــــــه... ذكريات حلوه
thanx 4 sharing =D

رورو الشخبوطه said...

هلا بوك مارك..

اي وناسه :)

اي حسافه احس اهي الاساس لانه ماذكر منه الا شغلات بسيطه ..

وحياج الله..

رورو الشخبوطه said...

هلا هوبيلس..

اهي حلاته بالعربي ماعتقد في منها انجليزي اللي شفته بالياباني..

وحياج الله..

رورو الشخبوطه said...

هلا جايونه..

يمكن لانه مانعرض وايد ..

ان شاءالله بروح له ..

خخ عيل بنطر هالبوست :)

حياج الله..

رورو الشخبوطه said...

هلا اخوي حقوقي..

خخ..

بالعكس حلو بس اتوقع مو النوع اللي تفضلونه كصبيان ..
وصح ماكان حزتها في قنوات الباباي ..

ان شاءالله بدوره و جيكت ع السايت حسافه مو موجود..

بس مشكور ..

رورو الشخبوطه said...

هلا بينغ ..

اي اينن ان شاءالله احصله كامل واقولكم :)

العفو ولو..

حياج الله..

رورو الشخبوطه said...

هلا شانيل..

كلهم حلوين بس كمقارنه مافي مجال كل وحده لها قصه وشخصيه غير..

وحده ام وال2 طفله :\

وحياج الله..

رورو الشخبوطه said...

هلا هوزا..

اي كانت تونس واغنيتها عجيبه ويحليلج خخ..

العفو ولو ..

حياج الله..

رورو الشخبوطه said...

اهلين خاتون ..

مرحبا انا رورو خخ..

مايصير ابي ببلاش خخ خل تنت تحط المكافئة بالنيابه عني :)

وحياج الله..

رورو الشخبوطه said...

هلا هير..

مثل ماقلت لشانيل ماكو مجال للمقارنه :)

وحياج الله..

رورو الشخبوطه said...

هلا مدمد..

اي صح يناسب الكبار اكثر..

الظاهر لانه خارته اكو خخخ..

وحياج الله..

رورو الشخبوطه said...

هلا بنت الديره..

اي حلو..

والعفو ولو ..

حياج الله..

رورو الشخبوطه said...

هلا ميميه..

نو مرسي عطيني الرقم انا اكلمه :)

ومشكوره :*

رورو الشخبوطه said...

هلا كوكتيل..

عاد كنت اغنيلج اغنيته ..

لي حصلته اعطيج تشوفينه ان شاءالله ..

الله يعافيج يارب..

وحياج الله..

رورو الشخبوطه said...

هلا جيز..

احبه وصارلي جم سنه ادوره ..

وحياج الله..

رورو الشخبوطه said...

هلا هوب ..

انا ماذكر الا بتيخه و توني ذكرت البطاطه الحلوه ..
لاتشوقيني خخ..

ولكم ..

Anonymous said...

واااااي انا عيززت ادوره مشكووووره يااارب ينزل كااامل

رورو الشخبوطه said...

هلا غير معروف..

انا بدوره بعد لي حصلته اقولكم ان شاءالله ..

ويارب بعد ينزلون اوفر خخ..

العفو ولو..

حياج الله..

نهــــــــــار said...

السلام عليكم ..
عيبتني كلمة ورعانهم
ههه
...
تعرفين الذكاء في الخارج إنهم
أي شي يحبون يغرسونه في ورعانهم يكون عن طريق المسلسلات الكرتونيه
مثل ما صار بكابتن ماجد كانت لعبة كرة القدم في اليابان غير مرغوبه
وهم محتاجيت لعيبه ما ساروا وايبوا محترفين من الخارج لا حطوا كابتن ماجد وكلها كم سنه وطلع إلهم جيل يعشق المستديره ...
...
وأذكر هالكرتون بس جديييييم
حمستيني أجدد الذكريات .
...
دمتِ بخير

يمامة tornado said...

وااااااااااو وناسه نزلووهم

تدرين من مته وانا متشوقه أشوفه مره ثانياااااااااا

كنت احبه حيل يشوق هذا المسلسل

^^

وخووووش بروفايل شخبووطه يشووووق

رورو الشخبوطه said...

هلا نهار ..

وعليكم السلام والرحمه..

خخخ..

احنا بس ناخذ الشي المو زين :(
ترا مو قديم وايد ب99,,

اي جدديها :)
...
شكرا :)

رورو الشخبوطه said...

هلا يمامه..

حتى انا بس حسافه مو منزلينه كله :(

مرسو :)

'3ShMrGiaH said...

وااااااااااااااي ببجيييييي:::::::::(

ماكنت ذاكرته بس يوم شفته باليوتيوب.. ذكرني باللي مضىىىىىىىىىىى

ويح قلبي

بليز اذا لقيتي وين ينباع قوليلي..

رورو الشخبوطه said...

هلا غشمرجيه..

ان شاءالله ولا يهمج..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads