Tuesday, May 4, 2010
السلام عليكم ..
امس شفت رفيجتي بالدوام هالاعلان بجريدة الرؤية وحبت تجرب المطعم ..
فرحناه له اليوم .

الصوره مو واضحه صورتها وانا امشي رفيجاتي قالولي صوريه انه ميزه في مواقف اضافيه خاصة للمطعم وهالحجي مكتوب بلافته البيضه ..


اهو جنه باخر دور فصعدنا اصرنصير مكشوف ..


بعدنا شوي..



بعدنا اكثر..


وصلنا :)



مكان الانتظار بحالة كان المطعم زحمه احنا لما رحنا تقريبا الساعه 10 الوضع كان زين في اقبال ماشاءالله بس مو زحمه..



فيو من المطعم للمطعم نفسه :)


قعداته متنوعه في عادي وفي كباين احنا اخترنا كبينه..


هني طاولتنا بشكل اقرب..





*الصور اليايه اجزاء من البوفيه *
السلطات..



جزء 2في لبنه وحمص عادي وحمص البلد اهو البرتقالي اللي فوق وطعمه في حروره شويه وفي متبل والخ..

جزء الاجبان ..


جزء الحلو ..



وفي وايد اماكن اغلبه جدور البوفيه المسكره فماصورته ..
صوب اللي يسون فيه الاومليت والكريب..
واللي وراه صوب المشروبات..



بهالركن يسون صاج و هم فته ..
الريال اللي ع طرف سال رفيجتي ليش تصور .؟؟ قصده عني..
قالت اهي صحفيتنا خخ..
لما مريت عنده قالي كتبي انه الصاج يعدل المزاج قلت عيل عطني اجربه :)
لما رديت اخذ طلبنا سالني اشتغل باي جريده؟
قلت مااشتغل بجريده بس انا خريجة صحافه وهالصور لبلوقي بالنت..
قالي مبروك التخرج << حسباله توه متخرجه وناسه خخخ..
* ملاحظه ماغطيت ويوهم مو لانه صوره مو واضحه او ظلمه لانه مستاذنه منهم ورضوا :)


وكاه الصج عجبني عينته نفسها حلوه مو مثل مال دوامنا جنه بسكوته :\

شوربة عدس مالت رفيجتي ماذقتها ..




فتتين وحده بحمص وال2 بديان جربت الاولى بس وكانت زينه ..





صحني 1 نصه ع عداله ماكليته ..




صحني ال2 شفتوا اللي جنه سبرنغ رول حبيتها اهي بالجبن وعينتها وايد خفيفه وترفه مو يابسه ..


وهذا عصيري..


وحليت بكريب الشوكلاه لذيذ حبيته .. هم عينته حلوه (عجينه)



ع فكره اللي صورته ربع البوفيه في وايد شغلات 2 مثل فطاير و جزء حلو 2 المشروبات متنوعه مثلا الجاي الاخضر في اكثر من نكهه وفي غيره انواع جاي 2 وغير القهوه والعصير..
رايي:
بالنسبه لي مقارنه بالمطاعم اللي جربته كبوفيه ريوق (لونرتغ الافنيوز- فرايديز المارينا -مركز سلطان - ابراج الكويت - دياي تكه السالميه والشاميه ) هذا التوب فيهم..
وسعره مناسب وتشكيله متنوعه..
سعره للشخص 3,900 ..
اضافه لنسبه بسيطه نسيت شيسمونها بس جنه رسوم الخدمه ..
والبوفيه بس للريوق الغدا والعشا طلبات عاديه ..
لما نزلت لقيت منيوهم صورته لكم ..



وفيه طلبات خارجيه رقمهم :22492111
*مكان المطعم :
بشرق -ش احمد الجابر-برج الشرق بين الوطنيه للاتصالت ومجمع دسمان ..
وهم موجود بلبنان (سوليدير -جونيه-فقرا ).
وبالسعوديه (الخبر - وقريبا بجده ان شاءالله).
وبطلعتنا شفنا هالعصفور المسكين مادري ليش احس رفيجتي اهي اللي دايسته :\ وعليه ..

وبس :)


27 comments:

Crazy Girl in aGood Way said...

عليييييييكم بالف عافيه

عاد سبقتج عليه وتريقت فيه وحيل عجبني

بس غميضه ماكان يدور

قبل اسمه مطعم الدوار

شكرا وبالعافيه

ShaymoOona said...

بالعافيه خلاص رسمت عليه هالويك اند باذن الله رايحتله :)

crazyyetwise said...

haha a7la shay bel post kella el3a9foor elmayet,,,RIP :P

shaklaa yshaweg lazem ajarba amoot 3ala el akel el lebnani :D o bel3afia 3alekom :*

شاي الضحى said...

رحت له مرتين شهر 2 الي طاف

بس ما كلينه فيه

ما عجبني

ويبط الجبد انه يسكر العصر له اوقات معينه مو على طول فاتح

ويدور جنه وقت الغدا والعشا على ما اعتقد

رفيجتي راحت غدا تقول حلو

والباجي قالولي كلش مو حلو


عليكم بالعافيه

واخر صوره وييييييييييييييع

mazyona said...

عاد تصدقين كان ودي أجربه
زين انج مدحتيه علشان اتشجع وأروح

حقوقي said...

صورة العصفور باخر البوست عفست مزاج الترويقة :/

تصميمه من داخل يذكرني بمطعم الابراج

شكله حلو
بس مادري انا ريوق اذا تريقت برا
ما اتريق الا بمطعم هندي
جباتي مع كيمة وجاي حليب
يا سلااام تجيب الراس P:

أبوفلان said...

احلى شي الموقع والصبح الواحد طالع حق الدوام بالغصب المنظر يشرح النفس لما تكون فووووق

بالعافيه عليكم

ودي أقترح اقتراح انج تكتبين جم طلع إجمالي السعر لكل مطعم رحتيله

لأنج الصراحه ملاحظ شغله مرات ماتحطين المكان ومرات ماتذكرين السعر

يمكن انتي تشوفين انه البلوق بس لنقل تجربه وخلاص انا اشوفه انه يصير مرجع حتى للي بيوزر الكويت فالتقرير اذا كان بسيط ومتكامل احلى

أرجوا مايكون إقتراحي ثقيل أو فيه نوع من اللقافه :-)

شكرا

Made n Q8 said...

عليكم بالعافيه

عاد هالمطعم صارلنا قرن انا وخواتي نبي نروحله وشكلنا ماراح نروح :P

وايد راحوله وامدحوا الاكل ومكانه بعد ناايس

يعطييج العافية

Chaotic pOsha said...

بالعافيه

وموتيني من الضحك على العصفوور حرام حدة داش عرض وعليه

بس ماقلتي شلون القعده هناك والجو والنظافة؟ أودي الوالدة يعني ؟ ولا مايسوى :)

رورو الشخبوطه said...

هلا كريزي..

هالمطعم مافكرت اروح له كلش تعرفين لما ماتخططين لشي ويضبط خخ..

اي البنات يقولون عقب سموه الامم ..

والعفو ولو ..

الله يعافيج يارب..

حياج الله..

رورو الشخبوطه said...

هلا شيمونه..

الله يعافيج يارب..

وان شاءالله..

حياج الله..

رورو الشخبوطه said...

هلا كريزي..

ان شاءالله..

الله يعافيج يارب..

ومشكوره..

رورو الشخبوطه said...

هلا جايونه..


لمازا؟؟

اها عاد بالاعلان مبين انه لي 12 بالليل مفتوح :\

اها..

انا الريوق عجبني..

الله يعافيج يارب..

وعليه حرام يكسر الخاطر العصفور المهروس..

حياج الله..

رورو الشخبوطه said...

هلا مزيونه..

اي جربيه ..

وحياج الله..

رورو الشخبوطه said...

هلا اخوي حقوقي ..

صج عاد وعليه يكسر الخاطر ..

قصدك ابراج الكويت؟؟ لا هذا اشرح..

اي حلوه هالسوالف بس احنا نطلبهم بالبيت :)

وحياك الله..

رورو الشخبوطه said...

هلا اخوي بوفلان..

الله يعافيك يارب..


هالمره حاطه سعر البوفيه ..

السعر ماحطه ع طول لانه العاده ماذكره اما المكان الاغلب احطه وساعات انسى مو قصدي..


وانا اشوف انه البلوق اهو تثبيت للتغطيات الاعلاميه اللي درستها وحبيتهاواحرص انها تكون متكامل وهذا بالذات حاطه كل الشغلات اللي تقولها فيه سواء سعر او مكان او رايي بالاكل ..

لا اخوي اقتراحك مو ثقيل بس اللي طلبته موجود :)

والعفو ولو ..

حياك الله..

رورو الشخبوطه said...

هلا مدمد..

الله يعافيج يارب..

خخ لا ان شاءالله تروحون له واهو يوصل جنه للبيت :p
اي ماشاءالله زين..

يعافيج يارب..

حياج الله..

رورو الشخبوطه said...

هلا بوشا..

الله يعافيج يارب..

خخ لا موداش عرض هذا تبع الزياره وعليه مفقوص عند بابهم..

امم قلت بس بشكل عام انا عموما اشوفه اوكي ..

اي اذا تحب هالسوالف اي وديها يسوى..

وحياج الله..

q8-lawyer said...

عوافي ياااارب

انا جربته مع صديقاتي ريوق

صج الأكل لذيذ والقعده حلوه:)

رورو الشخبوطه said...

هلا لوير..

الله يعافيج يارب..

مشكوره..

رنداالجنوبية said...

ماشاء الله عليك رورو تغطيه حلوه للمطعم انا اذا زرت الكويت ان شاء بيكون بلوقك مرجع لبعض المطاعم اللي بروح لها

ياحرام العصفور والله حزني عليه .. مادفنتيه انتي وصديقاتك ؟ كل من جاء بيدوسه ..

الله يوفقك ويهنيك

رورو الشخبوطه said...

هلا رندا..

مشكوره :)

وان شاءالله حياج الله :)


لا مادفنه بس رفيجتي وخرته ع صوب عساس ماينداس..

اجمعين يارب..

وجزاج الله خير..

كوكتيل said...

رورو عجبني

شكله منوع وحلو عجبتني الفته أحبها :)

وعجبني كريب الشوكلت وفعلا شكل الصاج حلو

شكرا على البوست لأن ناويه أروحه وشجعتيني أكثر

رورو الشخبوطه said...

هلا كوكتيل..

اي فقدتج مايتي معانا ان شاءالله نعوضها بالمرات اليايه ..

اي لذيذ جريبه في نكهات والصاج يونس احلى من مال الدوام الضيم ..

العفو ولو واخذي تنت لانه تحبه خل تعيد امجادها..

وان شاءالله يعجبكم..

وحياج الله..

Hopeless Sight said...

عليكم بالعافية ان شاءالله:)
كسر خاطري الطير :(

رورو الشخبوطه said...

هلا هوبيلس..

الله يعافيج يارب..

واي وعليه..

ومرسوو..

المدون بوجابر said...

الله يعطيكم العافية وشرح وافي

Bojaper.com

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads